Header
Home>Interview

 

 

 

 

Sanam Baloch

Sanam Baloch was born on 14 July 1986 in Karachi. She is 27 years old. Sanam Baloch is working in a Pakistani Dramas and she is also a Television presenter. She started her career in the Sindhi Channel KTN as an Anchor. Sanam started her career from the Telefilm “ Kalak ”, directed by Atif Hussain. Now Sanam Baloch is hosting the Morning Show “Subha Saverey Samaa ke Sath ” on Tv channel Samaa. Sanam Baloch is also working in the Hum TV drama serial “ Kankar ” with Fahad Mustafa. Sanam Baloch is the younger Sister of Sabreen Hisbani, she is also a famous actress in Television industry. Sanam won the Pakistan media award for best actress in the drama Dastaan in 2011. In this page, you will read Sanam Baloch Interview.

Sanam Baloch Interview

Sanam Baloch Photo

Morning shows hamare channels ki riwayat bante ja rahe hain aur koi aesa channel nahi, jahan se Morning showa na pesh kiye jate ho. Pehle in shows mein makhsoos host he nazar aate the, lekin ab yeh rujhaan change ho gaya hai aur in ki jagah famous artists bhi nazar aane lage hain. Waise to yeh barhi khush aaiynd baat hai ke artists ko acting ke ilawa bhi mawaqey milne chahiye ta ke wo in programs ke zariye apne paristaron se live mukhatib ho saken aur apni haqiqi shakhsiyat mein rehte hue guftugo kar saken. Masla yeh hai ke is ytarha artists ke pas acting ke liye waqt nikalna mumkin nahi hota aur Morning show karne wale artist acting se door ho jate hain. Aesa he kuch Sanam Baloch ke sath hua. Inho ne aik saal pehle apne urooj ke daur mein Morning show join kiya aur wo rafta rafta is program ka hissa ban gai. Aik taraf to in ke paristaron ko is show mein dekh kar khushi hui to dosri janib wo mayoos bhi hue ke Sanam Baloch acting ke profession se door ho gai. Lekin kya Sanam Baloch ko bhi is baat ka ehsaas hai ???

Question : Aap ne apne career ke urooj mein Morning show join kiya, kya aap ko andaza nahi tha ke is ke bad acting ke liye waqt nikaalna mushkil ho jaega ?

Sanam Baloch: Aesa nahi hai ke hosting karne ke bad acting ke liye waqt nahi milta. Agar acting karna chahon to us ki gunjaiysh nikali ja sakti hai. Jahan tak Morning show join karne ka talluq hai to main kuch change chah rahi thi ya yun keh len ke waqti taur par acting se door hone ki khuwahishmand thi.

Question : Is baat ki kya wajah thi ?

Sanam Baloch: Actually maine pichle 2, 3 years mein aik he jaise character kar liye aur mujhe yun lag raha tha jaise aik he script par kaam kar rahi hon. Mere kaam mein yaksaniyat aa gai hai aur mujh par tragedy queen ki chaap lagne wali hai. Shayad viewers bhi mujhe aik he jaise role mein dekh dekh kar uktahat mehsoos kar rahe honge. Yehi sab soch kar maine waqti taur par acting se break lene ka faisla kiya.

Question : Role qabool karte waqt aap ne is pehlo par gaur nahi kiya tha ?

Sanam Baloch: Script parhte waqt mujhe roles mein koi mumaslat nazar aai, siwae is ke k wo sab serious aur tragedy the. Sab ki story different thi aur roles mein bhi farq tha. Magar ittefaq se wo sab he serial sath sath chalet rahe aur main lagatar aik saal tak screen par sirf roti hui he nazar aai.

Question : Aap ko kya lagta hai ke Morning show ke zariye koi munfarid kaam kar rahi hain ?

Sanam Baloch: Main koi aesa dawaa nahi karti kyun ke competition ka daur hai. Har channel par Morning show chal rahe hai aur hamare masaiyl bhi aik jaise he hain, lehaza hum kuch new karna chahen to wo bhi pehle kahin ho chukka hota hai aur dekhne walon ko lagta hai ke har jagah se aik he chez dikhai ja rahi hai. Ab agar hamare yahan koi waqeya, hadsa ya koi barha issue samne aata hai to tamam channels ki zimmedari hoti hai ke use focus karen. Logon ko is barey mein bataey aur asal chehron ko be naqab karen. Har channel ki yeh koshish hoti hai ke use pehle catch kar len lekin is ke bawajood dosre channels bhi is issue par program karte rehte hain. Jis ki wajah se dekhne walon ko yaksaniyat mehsoos hoti hai. Magar hum majboor hai kyun ke kisi bhi waqeya ya hadsey ko nazar andaaz nahi kiya ja sakta.

Question : Morning Show ka experience new tha ya pehle bhi kar chuki hain ?

Sanam Baloch: Maine kuch saal pehle Hum TV se Morning Show kiya tha, magar wo ziyada arsey ke liye nahi tha. Yun samajh len ke Summer vacations thin wo meri.

Question : Kya aaiynda bhi Morning show karne ka iradah hai ya wapis acting ki taraf aaengi ?

Sanam Baloch: Pehli baat to yeh ke kal ke barey mein kuch bhi kehna bohat mushkil hai. Hum mansobey to banate hai magar un pea mal karna hamare ikhteyar mein nahi hota. Is liye filhal nahi keh sakti ke Morning Show he karti rahongi ya acting ki taraf bhi aaongi. Yeh bhi wazeh kar don ke maine acting se waqti taur par kinara kiya hua hai aur is waqt bhi mera aik project on ear hai. Is tarah waqfey waqfey se acting bhi karti rahongi. Yeh bhi mumkin hai ke jab Morning shows ka craze khatam ho jae to full time actinr ko apna lon, kyun ke yehi mera pehla shauq aur pehchan hai.

Question : Pehla drama ya Serial kab kiya tha ?

Sanam Baloch: Jahan tak yaad parhta hai maine 6, 7 saal pehle aik telefilm Kalak kit hi, jise Atif Hussain ne direct kiya tha. Yeh aik mushkil role tha aur main darr rahi thi ke ise kar paongi ya nahi. Magar Atif bhai ka israar tha key eh character main he kar sakti hon. Chunache darted arte kaam start kiya aur phir sab kuch thek ho gaya.

Question : Kya yeh mumkin nahi ke Hosting ke sath sath acting bhi jari rakh saken ?

Sanam Baloch: Iradah to yehi hai ke ab acting ko bhi masawi waqt don, magar sochti honk e mai to manage kar longi lekin dosre log bhi mere sath cooperate kar sakenge ya nahi. Kyun ke Morning show ki wajah se pora din shoot par nahi reh sakti aur sirf half day kaam kar sakti hon. Is ke ilawa sham ko bhi mujhe jaldi off chahiye, kyun ke dosre din subha ko show ke liye jaldi uthna hota hai. Lehaza in muaamlaat ko samne rakh kar agar koi mujhe serial mein cast karta hai to zaroor kaam karongi. Acting meri pehli tarjeeh hai aur koshish bhi yehi hai ke is se kisi na kisi andaaz mein jurhi rahon. Apne paristaron ko bhi yaqeen dilana chahti honk e bohat ziyada to nahi magar waqfey waqfey se screen par nazar aati rahongi aur wo bataur actress mujhe kaam karta dekhte rahenge.

More Links

 

 

 

 

 

Copy Right 2012-2014 www.Meriduniya11.com Contact Us