Header
Home>Interview  

 

 

 

 

Saif Ali Khan

Saif Ali Khan is born on 16 August 1970. He is son of famous Bollywood actress Sharmila Tagore and Former Captain of Indian Cricket team Mansoor Ali Khan Pataudi. He started his career in 1992 form Yash Chopra’s film “param para.” He got fame from the film “Main khiladi tu Anari” and “ye dil lagi.” After that his many films has not get that much success but in 2001 from Farhan Akhtar’s film “dil chahata hai” he again got success. This film is the turning point of his carer. Saif Ali Khan got married in 1991 to Amrita Singh, she is also an actress but this marriage has not work out and ended in 2004. He has tow children from his first marriage. In 2012, he married to famous actress Kareena Kapoor. Some of his films are “kal ho na ho, hum tum, salam Namaste, race 1 and 2, parineta and omkara.” Indian government has awarded him from Padmashiri award in 2010. In this page, you will read Saif Ali Khan Biography and Interview In Urdu and Roman Hindi.

Saif Ali Khan Interview

Saif Ali Khan Photo

Question: “Upcoming Happy Endings”ke bare mein kuch bataoge?

Saif Ali Khan: Ye ek romantic comedy film hai or is mein Karina ne bhi ek seen kia hai jo os ki type ke bilkul baraks hai’ ye aisa seen hai jis ki tawaqqo aap log kareena se nhi karsakte or osay dehk kar sab heran reh jainge!

Question: Is film mein tumhare sath Preity Zinta or Ileana D'cruz bhi hain’un dono ke hote hue Kareena Kapoor ko shamil karne ki zarorat kiyon pesh ayee?

Saif Ali Khan: ye tu apko film dekhne ke bad hee pata chale ga “agar mein ne abhi se sab bata diya to sara suspens khatam hojaye ga!

Question: Apne Roll ke bare kuch bataoge?

Saif Ali Khan: Is film mein buhat ziyadah halla gulla hai’mein ne hamesha mukhtalif rolls play karne ko tarjee di hai or Happy ending’ ka roll mujhe buhat pasand hai!

Question: Kiya tum ab bhi naee film ki release se pehle be chen or narwes hote ho?

Saif Ali Khan: Ji han’ mujhe film making ke har pehlu se lagao hai or mein is industry mein rehna chahta hun’mujhe ye sochna achcha lagta hai ke ek umda film keisay banayee jaye?ab bhi script sunne ke douran so jata hoon is liye script parhne ko tarjee deta hoon’wese to unit ka har fard apni janib se behter kam karta hai lekin release ke waqt sab log hi dabao mein hote hain! Dosron ke bare main to kuch nahee keh sakta lekin film ki release se pehle buhat ziyada be cheni or ghabrahat mehsoos karta hoon or is ki sab se bari waja ye hai ke logon ne mujh se tawaqquat wabasta kar rahki hoti hain chunache fikar hoti hai ke agar ye tawaqqoat poori na huin to kia hoga?

Question: kiya tum kisi aisee film ka hissa banne per dabao mehsoos karte ho jo 100 crore ya is se ziyada ka business kare?

Saif Ali Khan: Dabao to nhi albatta khushi hoti hai ke main aisa actor hoon jo hit filmon mein kam karta hai ‘ ye bohot aham hai go ke filmon ki amdani barh rahe hai lekin ab bhi bohot si filmain is target per nhi pohonch pateen’ab baat 100 crore se aage barh kar 200 crore tak pohonch gayee hai ‘sirf wohee film 100 crore ya us se ziyada ka business karsakti hai jis mein bharpur tafree mojood hai’ yahan mein barfi’ ki misal doon ga jis ne 100 crore ka buisnes kia kiyonke wo aik achchi film the ‘mein aisee achchi film mein bhi kaam karne ko tayyar hoon jo beshak box office per kamiyab na ho lekin log us ki tareef Karen!

Question: Tum ne haliya release ‘Bullet Raja ‘ mein gangster ka rol play kia hai is mein tumhen kia maza aya ?

Saif Ali Khan: Main bachpan mein chor sipahee khail kar enjoy karta tha or mujhe sipahee ke muqabale mein chor banne mein ziyada maza ata tha’mein ne ab tak jitni gangster type filmein dehken hain’in mein Alokino ki sea face behtreen thi’hamesha se hee is tarah ka roll paly karne ki khuahish thi’bilakhir 22 sal ke bad ‘bullet raja ke zariye e khuahish pori hogayee!wese to mein ne om kara” mein bhi gangster ka roll play kia tha lekin wo manfi character tha jab ke bullet raja mein ye hero ka roll hai!

Question: kia tumhain bandooq se piyar hai kiyon ke kaha jata hai ke nojawan ko hathiyar ka buhat shoq hota hai ?

Saif Ali Khan: Mujhe aisa koyee shoq nhi or mein bandooq pasand nhi karta’is se mujhe khof ata hai kiyon ke ye mot ka hathiyar hai ‘mein janta hoon ke ye kitni khatarnak hoti hai isliye kabhi kisee ko mazaq se bhi nishana naheen banaya!

Question: Tum ne abhee film makers maslan homi ada janiya’per bahwiyo,abbas mastan or wishaal bahrdwaj waghera ke sath kam kiya’is bare mein kia kaho ge ?

Saif Ali Khan: ye meri khush qismati hai ke itne achche zaheen or qabil logon ke sath kam karne ka moqa mila ‘mein koyee film sign karte waqt sirf director ka nam dekhta hoon ‘mein ne bahwiya ki movie do sal pehle is waqt sign ki thi jab wo hamare liye neya tha!ye ek currapt police wale ke bare mein comedy film hai or isay riwayeti tpr per bhodio film kaha jasakta hai!

Question: Katreena Kaif ke sath fentum ki progress kesee chal rahee hai?

Saif Ali Khan: Bachpan mein ‘fentum’ ki kahaniyan bare shoq se parha karta tha ‘hum ne is film ki shooting beirut mein ki hai jo har waqt medan-e-jung bana rehta hai!Race’ke bad ekmartaba phir Katreena ke sath kam karna achcha lag raha hai albatta ye khabar ghalat hai ke mein ne is film ke liye kurd zaban sehki hai!ghair mulki zaban ke ek do lafz bolne ka matlub ye naheen ke mein ne wo zaban seekh li.!

Question: Pehle ek waqt mein ek hee film kia karte the lekin ab tum ne apni policy tabdeel kardi hai’is ki kiya waja hai?

Saif Ali Khan: Mamooli sa farq aya hai’ab mein sal mein teen filmein kar raha hoon’ab mein samjhata hoon ke aadmi ko koyee kam karte rehne chahiye or masroof reh kar ziyada mutmaeen hota hoon’ab meri zindagi mein tehrao agaya hai or mazeed dosre kam karne ko tayyar hoon!

Question: Is ki waja ye tu naheen ke Kareena Kapoor sal mein teen se char filmein kar rahee thi jab ke tum ne apne aap ko ek film mein mehdood kia hua tha?

Saif Ali Khan: Goya aap ye kehna charahen hain ke mein ne Kareen ko mutasir karne ke liye ziyada filmein karna shuru kardi lekin aisa naheen balke us ne mujhe mutasir kia or mein ziyada kam karne per amada hogay!

Question: Chawwalis sal ki umer mein apne aap ko jismani tour per fit rakhna kitna mushkil lagta hai ?

Saif Ali khan: Jee han’ab is ki ehmiyat din ba din barhti jarahe hai ‘mujhe khud bhi fit rehna achhca lagta hai !aap barhti huee umer ko rok naheen sakte apne jism ka khayal zarror rahk sakte hain is mamle mein bohat mohtat hoon or ghiza ka khas khayal rakhta hoon!

Question: Is ka matlab tum chips ki endrosment naheen karoge?

Saif Ali Kahan: Ye meri rozee hai or is se main inkaar naheen karsakta !mein ne apne upper papandy lagayee hai ‘dusron ko mana naheen kia taham behter hoga ke is ke kahne mein etedal se kam liya jaye’aap ko apni colestrol per bhi nazar rahkni hai ‘is lehaz se samajhta hoon ke acting bohat achcha profession hai ‘ye apko fit rehna ka moqa farham karti hai warna mere school ke dost mote or bhadde hogaye hain lekin extra hone ki waja se mein un ke muqable mein khasa smart or kam umer nazar ata hoon!

Question: Tum apne aapko star kehlana pasand karte ho ya actor?

Saif Ali Khan: Mujhe stardum pasand naheen hain or mere nazdeek is ki koyee ehmiyat naheen hai chahta hoon ke log achcha insane samajh kar meri izzat Karen! Bilkul achcha nahee lagta mujhe dehk kar naray lagaen’ meri tasweerein lijayen or mere sath teen security guards chal raheen hoon’acting se piyar hai is ka muhafza lena achcha lagta hai’mein mashoor hona nahee chata na hee mujhe logon ki tawajjo ki zarrorat hai’khush or mutmaeen hona chata hoon isliye mein ne kafi arsa berooni mulk guzara’ wahan mujhe koyee nahee pehchan ta tha !

Question: Kia tum waqee apne apko bara actor ya super star nahee samjhte ?

Saif Ali Khan: Super star nahee’sirf star samjhta hoon ‘Rajesh kahnna or Amitab bachchan jese actors super stars hain jinhoon ne azeem kamiyabiyan hasil ki’abhi is manzil se dour hoon ap mujhe ek kamiyab adakar keh satke hain lekin super sar nahee!

Question: Sunne mein aya hai ke tumhari beti Sara bhi acting ki field mien ana chati hai?

Saif Ali Khan: Filhal wo America ki colombiya Unversity mein parh rahe hai! Degree hasil karne ke bad wo apni marzi ka profession ikhteyar kar sakti hai’wo duniyamein jahan chahe’rahe or kam kar ‘yahan akar film industry join kare ya wakalat ke peshe se wabasta hojaye’ye us ki marzi per muhassar hai!

Question: Agar us ne actress banne ka faisal karliya to kia tum osay support karoge?

Saif Ali Khan: Is ke liye usko apna wazan kum karna hoga’ mein samajhta hoon ke filhal osay apni taleem per tawajjo deni chahiye kiyonke agar film mein kamiyab na hosaki to kia karege! Actor bankar aap bohot kuch hasil kar sakte hain lekin us ka pressure bhi bohot hota hai’ye koyee normal life naheen hai or aap ko baaz oqaat chote chote kammon ke liye bhi waqt naheen milta’mujhe us ke adakara banne per koyee etraz naheen lekin pehle wo degree hasil karle!

Question: Kareena ke sath kesee guzar rahee hai?

Saif Ali Khan: Wo mere liye ajnabee nahin hai’hum dono ne relationship ke douran panch sal akahtte guzare hain isliye ek dosre ko achchi tarah jante or samajhte hain’shadi ke bad ye itmenan hogaya hai ke hum dono ka sath pakka hai ab wo hamesha ke liye meri hogayee hai!

Question: Kuch logon ka kehna hai ke umer ka farq relationship per asar andaz hota hai ’is bare mein tumhara tajarba kia hai?

Saif Ali Khan: Mein to logon ko ye hee mashwera doonga ke wo apne se kam umer or khubdoorat orton se shadi Karen’ meri misal sab ke samne hai!

Question: Kareena ke sath tumhari relationship ki kamiyabi ka raz kia hai?

Saif Ali Khan: Haqiqat ye hai ke hum dono apne apne andaz mein zindagi guzarne or ek doosre ki qurbat se lutf andoz hote hain! Kaam se wapas aane ke bad akhatte relax karte hain’hamein garh per waqt guzarna achcha lagta hai’mujhe rat mein bahar goohmna pasand naheen sab se ahem bat ye hai ke hamare darmiyan etemad ka rishta hai or koyee bat ek doosre se poshida naheen’mein kareena se kuch naheen poochta na hee mujhe wo kuraidti hai’hum jo kuch kar rahe hote hai’us ka dosre fareeq ko ilm hota hai!

Question: Kia tum naheen samjahte ke Kareena apni umer ki nizbat ziyada maichord hai?

Saif Ali Khan: Mera khayal hai ke mardon ke muqable mein ortain ziyada maichord hoti hain’aap sola saal ke larke or sola saal ki larki ko sath betah kar bat Karen to das minute mein hi un ke zehni sata ka andaza hojaye ga! Kareena ko industry mein aye kafi arsa ho gaya hai or career ke douran us ka wasta mukhtalif logon se parhta raha hai is liye mujhe us ke extra maichord hone per koee hairani nahin hai’ wo bohot samajdar hai or us ne meri be tarteeb zindagi ko yaksar badal diya hai

Question: Film ki nakami ka kitna asar lete ho?

Saif Ali Khan: Achchi film agar box office per flop hojaye to is ka afsos hota hai kiyunke ek team work hai is liye kisi ek fard ko zimmedar nahin thheraya ja sakta lekin hamare haan almiya ye hai ke film ki nakami ko hero ya heroin ke khate mein daldiya jata hai maslan bullet raja ‘ nakam hoyee to kaha gaya ke Saif ki film flop hogayee halanke dekhne wali bat ye hai ke film ka konsa shoba kamzoor raha? Ye bhi mumkin hai us ki promotion theek tarah se na hoyee ho or sab se eham bat ye hai ke wohee flim flop hoti hai jo audience ko pasand na aye isliye hamein un wajuhaat ko talash karna chahiye jo flim ki nakami ka sabab banin ’munh pharh kar ye kehdena ziyadti hai ke Saif ki film flop ho gayee!

Question: Kareena Kapoor ke saath kisi flim mein lead roll karne ka imkan hai?

Saif Ali Khan: Biwi hone ka ye matlub nahin hai ke har flim mere sath lead rol play’
Kare ‘mein ne as a producer bhi usay apni film love aaj kal’ mein cast naheen kia halan ke mere liye aisa karna kuch mushkil na tha lekin mein naheen samajhta ke Kareena us rol ke liye munasib the taham agar kisi producer ne hum dono ko ek sath cast karna chaha to us ki offer ba khushi qubool karlenge’filhal dono he apne apne kaam mein masroof hain!

 

 

More Links

 

Copy Right 2012-2014 www.Meriduniya11.com