Header
Home>>Interview

 

 

 

 

 

Saba Qamar

Saba Qamar was born on 5 April 1984. She started her career in the PTV dramaMain Aurat Hoon ”. She is a very talented actress, host and model. She is a very famous and successful celebrity. She is the host of comedy show “ Hum Sab Umeed Se Hain ” on Geo TV. She is doing act in different dramas, tele films, commercials and on the fashion ramp also. In this page you will read Pakistani model and tv star Saba Qamar Interview in Urdu.

Saba Qamar Interview

Saba Qamar Photo

Kisi zamaney mein adakara ka khoobsurat hona lazmi samjha jata tha. Aaj bhi actress ke sath charm aur glamour lazmi hai. Magar ab ye tabdeeli aai hai ke agar koi fankar khoobsurat aur smart nahi, lekin us ki salahiyaton mein wo husun hai ke screen ke aage beth kar use dekhne wale sehar zada ho jae to woh apni salahiyaton ki bina par kae aur mashoor adakaron se aage nikal jata hai. Hamare han bohat se fankar aur fankaraen aesi hai jo bazahir husun ki tareef par pori nahi utarti, lekin apni salahiyaton se lakhon logon ka dil jeet leti hain.

Agar koi fankaar ya fankara haseen hone ke sath sath ba salahiyat bhi ho to phir kamiyabi ki manzilen is tezi se tey karti hai ke dekhne wali aankhen dekhti reh jati hain. Aur is tareef par pori utarne wali ek shakhsiyat se hum apko milwane ja rahe hain. Woh aeham shakhsiyat hai Saba Qamar. Saba Qamar ne do teen saalon mein maqboliyat ka lamba safar barhi tezi se tey kiya hai. In ka acting ke ilawa modling mein bhi ek kamiyab aur maqbool naam hai. Saba ne kae dramon main behtreen adakari ka muzahera kiya hai aur us ke liye apne kisi bhi kirdar ko pasandeede qarar dena bohat mushkil hai.

Question : Aap ne kae dramon main bohat aala performance di hai, aap in ke bare mein kya kahengi ?

Saba Qamar : Main ise apni khush qismati samajhti hoon ke bohat kam arsey mein mujhe itne ache ache aur nae roles karne ka mauqa mila. Sab ne mujhe is qabil samjha aur mujh par bharosa kiya. Aur meri hamesha se yehi koshish hoti hai ke main viewers ki umeedon par pora utron. Main ne har kirdar ko us ke mizaaj ke mutabiq karne ki koshish ki, ta ke dekhne walon ko pasand aae.

Question : Career ki ibteda kaise hui ?

Saba Qamar: Sab se pehle PTV par ek Tele film “ Main Aurat Hoon ” ke naam se ki thi. Is mein Sonia ka role play kiya tha jo khasa pasand kiya gaya.

Question : Kis drame se shohrat mili ?

Saba Qamar : Yun to main ne PTV ke bohut se project kiye, un sab mein mere role bohat ache the, jinhe kafi pasand kiya gaya, lekin jab private channels par kaam shuru kiya to meri maqboliyat ka daeyra kafi phel gaya aur HUM TV ki serial MAAT se mujhe shohrat mili. Halan ke wo ek negative kirdar tha. Magar use itni pazeeraai mili ke khud heran reh gai. Main ise apne career ka yadgaar aur maqbool serial kahongi. Dar haqiqat meri asal kamyabi yahin se shuru hoti hai.

Question : Hum Sab Umeed Se Hai, mein apki be sakhta performance dekh kar lagta hai ke aap aam zindagi main bhi aesi he shokh shareer hongi, kya aap aesi he hain ?

Saba Qamar: Main muatadil mizaj hoon, lekin shokhi ka ansar kuch ziada hai. Doston aur family members mein sharartein bhi karti hoon. Lekin mehfil ke rang aur logon ke mizaj ko dekhte hue sanjeeda bhi ho jati hoon. Mera khayal hai ke zindagi mukhtalif rangon ka majmooa hai aur qudrat ne insaan ko aehsasaat aur jazbaat ke sath peyda kiya hai. Us ne gham-o-khushi ko zindagi ke sath jorhe rakha hai. Lihaza insaan ke andar ye tamam rang maujood hote hain. Qudrat ki ataa karda ye tamam safaat us ki shakhsiyat ka juzoo hoti hain. Is liye use har rang ko numaya karna chahiye.

Question : Aam zindagi mein hansna muskurana aur baat hai, magar screen par comedy karna khasa mushkil hota hai. Kehte hain ke rulana aasaan hai magar hansana mushkil. Aap comedy karte hue kya mehsoos karti ho ?

Saba Qamar : Main is se agree karti hoon ke hansana bohat mushkil hai aur comedy karna har kisi ke bas ki baat nahi, magar jab bhi comedy ki to mujhe aesi koi khas mushkil nahi hui. Bal ke mujh se comedy khud ba khud ho gai. Aur logon ne us ki tareef bhi ki.

Question : Bohut si fankaraeyn kuch makhsoos kirdar karna chahti hain aur dosre kirdaron ke liye mana kar deti hain. Aap ke sath aesa kuch to nahi ?

Saba Qamar: Main har wo kirdar karna chahti hoon jis mein kuch karne k gunjaiysh ho. Chehra nahi bal ke salahiyaton ka izhaar chahti hoon. Aese kirdar jo mujhe bahesiyat aik performer ke diye jaen. Mushkil, uljhe hue aur muaashrey ke jeete jagte kirdaron se mumaslat rakhte hon. Ab paryon ki kahani ka zamana nahi. Main apne muaashrey ke talkh aur haqeeqi kirdaron ko portray karna chahti hoon.

Question : Aap ka kya khayal hai ke Media ki azadi ne hamare mahaul par ache asraat murattab kiye hain ya bure ?

Saba Qamar: Kisi bhi cheez ki inteha hamesha buraai ki janib le jati hai. Main samajhti hoon ke azaadi ki kuch hudood honi chahiyen, azaadi ka ye matlab nahi ke. Aap apni tehzeeb, riwayat aur iqdaar ke khilaf chale jaeyn. Media ko azaadi mili achi baat hai, magar us mein kuch hudood-o-qaiwad ka hona zaroori hai. Had se ziyada azaadi kahin nahi honi chahiye warna mashriq aur maghrib mein farq kya reh jaega.

Question : Ab aap aik public figure ho gae hain, kya lagta hai jab public place mein jati hain aur log ap ko pehchan lete hain ?

Saba Qamar: Mujhe bohut khushi hoti hai. Kabhi kabhi ye sab kuch aik khuwab sa lagta hai. Main ne kabhi nahi socha tha ke ALLAH PAK itni jaldi mujhe ye maqam ataa karega aur ye sab kuch us ki meharbani hai warna main to kuch bhi nahi.

More Links

 

 

 

Copy Right 2012-2013 www.Meriduniya11.com Contact Us