Meriduniya11 Header
Home> Interview  

 

 

 

 

Ranveer Singh

Raveer Singh was born on 6th July 1985 in Mumbai. He is 27 years old. Ranveer Singh working in Bollywood film industry. He has done Advertising from Indiana University. Ranveer belongs to very rich family. He started his filmy career from the film "Band Baja Barat". His coming film is Raam Leela with Deepika Padukone. Ranveer Singh is very talented and hard work actor. In this page you will read bollywood actor Ranveer Singh interview In Urdu and Roman Hindi .

Bollywood actor Ranveer Singh

Interview With Ranvir Singh

In Roman Hindi

Films mein aane se pehle he Ranveer Singh Richie Rich rahe hain, in ke paas 1 crore 25 Lac ki Jaguar car bohat pehle se hai. Is ke ilawa mehngi Bikes bhi rahi hain. Pehli film Band Baja Barat ki munasbat se samjha jata hai ke Ranveer Singh Dehli boy hai, magar sach yeh hai ke wo Mumbai ke rehne wale hain aur yahan Khar Gym Khana se mutasil mehange tar apartment mein apne Parents ke sath rehaish pazeer hain. Ranveer Singh aala taleem yafta hain, unho ne Indiana University Bloomington se Advertising mein aala taleem hasil ki. Bunty aur Bubli Fame Director Shad Ali ke sath Ranveer Singh ne Paris mein kuch street plays bhi kiye hain.

Ranveer Singh ko mukhtalif lab-o-lehje apnane mein maharat hasil hai. Pehli film "Band Baja Barat" mein Dehli ke khas lehje ko apnaya aur Bhansali Ji ki coming Movie Raam leela mein pure Gujrati rang wang mein dikhai denge. Ranveer Singh tezi se rise karne wala new actor hai. Career ke 2 barso mein Band Baja Barat aur " Ladies VS Ricky Bahl"den eke bad teesre saal yani 2012 mein inho ne gap de diya, magar yeh gap ittefaqi aur kisi had tak hadsati hai, kyun ke maghrabi Bengal mein Motwani ki film Lutera ki shooting ke dauran aik scene mein maharat dikhate hue Ranveer Singh zakhmi ho gaey the. Jis ke bad unhe pore 6 months tak rest lena parha aur yun Lutera samet Ranveer ke deegar kaam mutasir huey. Magar ab wo pori tarha back ho gaya hai. Back problem se nijaat ke bad physically front aur back dono janib se fit aur active hain. Lutera mukammal karwane ke bad Bhansali Sir ki Raam Leela ke liye busy hain. Zabardast Moustaches unhe aik new look de rahi hain. Ao phir Ali Abba ski Ghundey ki khatir Ranveer ne kamal ki body banai hai. Jis ki exposing in dino khob ho rahi hai. 2013 ke liye Maha Excited Ranbir ke hum qafiya Ranveer ke iradon se ba khabar hone ke liye yeh Interview aap ke liye hum lae hain aur andaza lagaeye ke khud se bohat mohabbat karne wala yeh actor kya waqai 2013 mein One of the Top ban jaega.

Ranveer Singh Interview

Question : Itni jaldi aur is qadar umdah result kya is wajah se mila hai ke tum ne gher mulki yani International trainer hire kiya hai ?

Ranveer Singh : Yahan mujhe koi khas trainer nahi mil raha tha. Bohat talaash aur advises ke bad Lewid Stewen ko hire karna parha. Maine Krrish 3 ke liye Hrithik ki tayyariyan dekhi aur Lewid se bohat mutasir hua. Hrithik wese he super body rakhte hain lekin Lewid ne soney pe suhaga kar dikhaya. Sach kahun to Hrithik ne advise di thi ke Lewid ko hire kiya jae.

Question : Yeh kaha jae to ghalat nahi hoga ke kamiyabi ne kuch jaldi aap ke qadam chomey hain, kya ise sambhalna mushkil nahi ?

Ranveer Singh : Main bilkul nahi bighra. Kamiyabi ko enjoy kar raha hoon aur waise bhi main bachpan se logon ki tawajja hasil karne mein mahir raha hoon. Agar koi samajhta hai ke show baaz hoon to main kya kar sakta hoon ? jaisa hoon waise he nazar aa raha hoon. Agar kisi ko acha nahi lagta to aankhen band kar le. Main apne aap ko intehaai normal ladka samajhta hoon aur kamiyabi ke liye mehnat kar raha hoon. Aage bhi karta rahonga. Baat bas itni hai ke shuru din se aam logon ke liye centre of attraction raha hoon aur yeh qudrat ki meharbani ke siwa kuch nahi.

Question : Career ke aaghaz mein he Sanjay Leela Bhansali jaise Maha Guru ke sath kaam karna kaisa laga ?

Ranveer : Yaqeenan bohat acha. Itna excited zindagi mein kabhi nahi hua. Bhansali ji ke office se call aai thi. Ke aik script ke silsile mein mujh se milna chahte hain. Agle din unse ja kar mila aur abhi ghar laut bhi nahi paya tha ke cell phone par call aa gae, ke mujhe Raam Leela ke liye cast kar liya gaya hai. Bhansali Ji apni tarz ke wahid film maker hain. Isse ziyada khushi aur fakhar ki baat mere liye koi aur ho he nahi sakti, ke sirf aik he meeting ke bad unho ne mujhe OK ka signal de diya. Thek hain un ki pichli 2 films Guzarish aur Sanwariya nahi chali. Magar kaun hai jo in films ki khobsorti ko nazar andaaz kar sakta hai.

Question : Aap Kareena Kapoor ke Die Heart fan hain, to jab aap ko pata chala ke Kareena Raam Leela mein nahi rahi to kaisa mehsoos hua ?

Ranveer Singh : Bhansali sir Kareena ko lena chahte the aur jab mujhe pata chala to waqai bohat khushi hui thi. Look test ke liye hum ne kuch pictures sath mein bhi banwai. Phir jab main apne Birthday ke liye Spain gaya to wahan itni masrofiyat rahi ke bilkul pata nahi chal saka ke Mumbai mein kya kuch ho raha hai. Wapis aane par pata chala ke Kareena film mein nahi hain. Thora jhatka to zaroor laga kyun ke main ne apne zehan mein Leela ka tasawwur bana liya tha. Tahum nae soorat-e-haal mein Kareena shadi shuda thi. Sir Bhansali nahi chahte the ke unhe Leela banaey. Ho sakta hai humen aage kabhi sath kaam karne ka chance mile, kyun ke shadi ke bad bhi Kareena ne Industry chori nahi hai aur top par bhi hain to saochta hoon humen aik sath kaam karne ka chanse zaroor milega.

More Links

 

 

More Links

 

 

Copy Right 2012-2013 www.Meriduniya11.com Contact Us