Header
Home> Interview >  

 

 

Nida Yasir

Pakistani Actress

Morning show on TV, some time ago there was a no trend, but today every channel requires Morning Show. Today's popular TV host and leading art shows more interest Morning show in every channel. The great Pakistani actess Nida Yasir, come as a host in morning show. After marriage, Nida Yasir stops doing work. She is the mother of a daughter. She did many dramas with her husband Yasir . She is leading a great in morning show.

Nida Yasir Morning Show In Urdu

Nida Yasir ko Good Morning Pakistan Show Ne Bolna Sikha Diya

Nida Yasir Photo

Khuch arsay pehlay tak TV per morning show per koye rujhhan na tha magar aaj morning show her chanel ki zarorat hai! yeh show dekhne waloon mein bohot maqbool hai aur khawateen inhain baqadgi se dekhti hain issi tarah ab yeh funkaron ka creaze bangaya hai aur aaj TV kay maqbool aur maroof funkar morning shows ki mezbani mein ziada dilchapy larahay hain, In mein aak naam Nida Yasir ka bhi hai. Nida ne shadi ke baad kam karna taqreban chor dia tha mager bachoon ki schooling shuro hone ka baad Nida Yasir ne show biz dobara join karne ka faisla kiya, who acting nahi karna chati thien khen kay bachoon aur ghar se ziada dair alag rehna issay ghawara na tha iss lia iss ne morning show host karne ka faisla kiye. Kal ki adakara Nida Pasha se aaj ki host Nida Yasir ziada mazbot nazar ati hain.

Nida Yasir Interview In Roman Urdu

Question: Tum ne adakari se apna career shuro kiya tha lakin dosri inning mien meazban ke tour per nazar arahi ho’kiya adakari se ji bhar gaya hai?

Nida Yasir : Iss mein koi shak nahein ke adakari mera pehla shoq hai lakin jab shadi huye to gharalu zimadaryan uthani parein phir bachchay jinhein meri tawaja ki har waqt zarurat thi, un maon mein se nahein hoon jo bachhon ko molazimo ke hawalay ker kay khud apna career bana ne mein lag jati hain meray liye sab se bara imtahan bachhon ko achi taleem o tarbiyat tha’ lehaza mein ne apni puri tawajja iss taraf laga di waisay bhi adakari aik full time job hai agar mein adakari karti rahti to na ghar ko sahee tarah dekh pati aur na bachon ko keon kay showq to bad mein bhi pura ker sakti hoon lakin bachon ka feauter kharab ho jata pher usay theek kerna meray ikhteyar mien na hota lahza mien nay socha woh kam jis sey shoq bhi pura ho jaey aur ghar bhi motasir na ho karna chaeay youn main nay morning shows ka agaz keya!

Question: Acting se hosting ki janib anay kay bad koi duswari hue?

Nida Yasir : Bala shuba acting ki nisbat yeh aik moktalif field hai magar main pehlay hi thori bohot acting ker chuki thi Geo se aik cooking show kiya jo kafi arsay chala phir uskay bad zoq e zindagi hai nay bhi meri kafi help ki iss se meri achchi khasi training ho gae aur ab to mujhay youn lagta hai jaisay hamesha se kam kerti aie hoon!

Question: Ibtada mein kis tara ki mushkilat mehsoos kein?

Nida Yasir: Kai batain aisi thien jo rotten se hat ker samnay aien jaisey kay roz subah saweray uth ker studio pahonchna aur rozana iss maksoos time table ka paband rehna’ iss kay alawa rozana teen ghantay tak aik hi jaga baith kar mosal sal boltay rehna' maien bohot ziada batain nahein ker ti thi lakin inn morning shows ne mujhay bolna sikha deya iss kay elawa har roz aik nay mozu ka intekhab bhi aik mushkil marhala tha lakin rafta rafta maien trained hoti rahi ab to yeh sab mamool ban geya hai aur mujhay koi mushkil nahien hoti balkay maza ata hai!

Question: Kiya waja hai kay inn morning shows mein shadion kay events dekhay jatay hain aur saray channel per is ki bhar mar hai?

Nida Yasir: Iss ki bunyadi waja apni saqafat ki parchar hai shadi aik aisa event hai jis mein hamaray mashraqi rawaj ki bohot achchi akasi hoti hai yeh aik aisi rewaiti taqreb hai jis kay zariye hum apnay kalchar ko bohot khubsurat andaz mein logo kay samne pesh ker saktey haen! duniya bhar mein humaray rewaj ki pehchan hoti hai! iss event kay zareay ham apni screen ko bohot achchi tara saja saktay hain' usay rango se bhar saktay hain yeh aik mokammal aur bhar pur program hota hai jis mein mukhtallif rasm o rawaj ke alawa rishton ka ahsas, mashriqi malbusat ki numaish' rasq o mosiqi, sabhi kuch hota hai yani aap aik program mein sab hi kuch samo detay hain' iss kay alawa yeh sirf screen ko hi khubsorat nahien banata balkay bohot se logon ki zindagi ko bhi khubsurat rangon se bhar deta hai jo pareshaniyon ya kisi majburi ki waja se iss farz ko ada nahein ker saktay aisay waldain jin ki kai betiyan hoti haien aur woh unki shadiyan karanay kay qabil nahein hotay unkay pas koi achcha rishta hota hai aur na jahez denay kay liye koi saman iss leay woh chatay huay bhi apni betiyon ko rokhsat nahien ker patay lahaza hum aisi bachiyon ki shadiyon ka ehtemam apne show mein ker tay hein aur mokammal jahez ke sath achchay larkay dhond ker un ki live shadiyan karatay hain yeh aik tara se social work hota hai jis ko mokhtalif channel naki ki niyat se ker tay hain!

Question : Morning shows aik thaka denay wala kam hai pher ghar aur bachchon ki zimma daryan kis tara puri kerti ho?

Nida Yasir : Ab to sab khch rotien kay motabiq ho geya hai aur sab kam apnay shedoul key motabiq ho jata hai mujhay kio khas jatan nahien kerna parta aur pher show ka time aisa hai kay sab kuch manch ho jata hai subah jab ghar sey nikalti hoon to sab bachchay school key leay ja rahay hotay haien aur dopher ko wapsi tak bachchay bhi achukay hotay haien abb bachchon ki aur meri timing aik hai lahza koi tention nahien hoti!

Question: Tumahri iss masrufyat per Yasir ko to koi ateraz nahien?

Nida Yasir: Woh khud atna masroof rahtay hien aur apher meri aur unki field bhi aik hai to unhien khud ahsas rahta hai woh inn tamam bato ko samajhtay hien waisay bhi unkay tamam kam ker deti hoon iss leay shikayat ka moqa nahien milta!

Question: Tum nay dramay ki production bhi kit hi abb keon nahien ker rahien ?

Nida Yasir: Bari zimmadari ka kam hai maien nay kuch project keay thay aur bhi karna chati hoon magar abhi filhal gap deya hai mery leay morning shows kay sath koi dusra kam kerna khasa moshkil hai keonkay ghar ko bhi waqt dena parta hai!

Question: Acting ki taraf dobara anay ka arada hai ya nahien?

Nida Yasir : Acting mera pahla shoq hai chati hoon kay acting karoon lakin morning shows kay sath yeh manaj nahien ho sakta dusra yeh kay koi bahot achcha kirdar milay to maien koshish ker kay usay adjest ker loon agar muddat bad screen per acting kerti nazar aun to koi aisa kidar to ho jo logo ko motawajjah karay unhein dekhnay per majboor karay aur arsay tak yad rahay filhal to nahien magar mustaqbil mein koi aisa kidar zaroor karna chahoon gien jo munfarid aur mokhtalif ho takay mera shoq bhi pura ho aur logon kay mayar per pura utray!

Question: Kaya Yasir kay sath kisi dramay mien anay ka imkan hai?

Nida Yasir: Filhal to mushkil hai ham dono ki masruyat ki noyat mokhtalif hai aur dono hi beinteha masroof haien hamaray pas adakari kay leay bilkul waqt nahien hai pichlay sal ham dono aik hi serial ki thi jo hamari apni production thi!

Question: Tum nay Yasir ki direction mien kam keya hai tum haray khayal mien woh kaisay director haien?

Nida Yasir : Yasir kay sath kafi kam keya hai aik to apni home production Nadanyan’hi tha’ iss key alawa bhi kai daramon mien unki zair hadayat kam ker chuki hoon Yasir aik behtareen director haien aur waqt key sath un kay kam mien nikhar aya hai unki salahya ton ka sabot un kay kamyab project haien jis mien khas tor per thori si wafa’ jannat sey nikali hui aurat aur Nadanyan shamil haien!

Question: Tumhein cooking se kafi lagao hai ghar kay liye bhi cooking ka moqa milta hai?

Nida Yasir : Chutti walay dino mein zaror cooking kerti hoon, mujhay apne shohar aur bachon ko apne hat se paka kar khalane mein behad khushi hoti hai, iss ke alawa aksar apne maikay aur susral walon ko ghar per invite kerti hoon aur khud hi saray khanay pakati hoon!

Question: Tumhein nahien lagta kay ab morning shows ki maqboliyat mein rafta rafta kami arahi hai?

Nida Yasir : Asal mein yeh insan ki nafsiyat hai woh bahot jald kisi aik cheez se bezar ho jata hai aur abb chunkay saray hi channels se morning shows arahay hai hatta kay News Geo channel ne bhi morning show dekhane shuro ker diya hai pehlay sirf ARY Geo aur aik do baray channel yeh shows dekhatay thay! sab ka style bhi mokhtalif tha iss liye log bhi unhein dilchaspi se dekhtay thay ab to jaisay khichri si pak gae hai main khud bohot koshish kerti hoon ke kuch munfarid karoon magar dhair saray show kay darmyan infradyat lana bohot moshkil hai tahum behtri ki koshish jari hai aur jab tak log pasand ker rahay hain yeh silsila chalta rahay ga!

More Links

Abida Perveen Alhaj Muhammad Siddiqui Ismail Exersice Tips

 

More Links

 

Copy Right 2012-2013 www.Meriduniya11.com Contact Us