Header
Home>>Interview

 

 

 

 

 

Neha Marda

Neha Marda was born on 23 September 1985. She belongs to Kolkata. Neha Marda graduated in Commerce. She did diploma in Jewelry Designing from Indian Institute of Gems and Jeweler. Neha Marda worked in “Deviyon ka Dev Mahadiyon”. She is well known from the drama serial “Balika Vadhu” as a role of Gehna. Neha Marda participated in the reality shows “Meethi Churi No.1” and “Star Ya Rock Star”. In 2011, Neha Marda engaged with a Business Man Ayushman Agarwal, who live in Patna and she married with Ayushman Agarwal in 2012. Now after 2 years of her marriage she is performing in the drama serial “Doli Armano Ki” as a role of Urmi from Zee Tv. Neha Marda is interested in dance. Three times she won the dance show “ Boogie Woogie ” from the channel of Sony, when she was 17, 18 and 19 years old. In this page, you can see the information about Neha Mardha.

TV Actress Neha Marda

Neha Marda Photo

Kisi bhi actress ki zindagi mein sab se ziyada nazuk waqt wo hota hai. jab use career aur shadi mein se kisi aik ka intekhab karna parhe aur khusosan aise waqt mein jab us ka career graph tezi se oper ki janib ja raha ho aur us ki kamiyabi o maqboliyat mein din ba din izafa ho raha ho, lekin Neha Marda ne barhi jurrat aur himmat ka muzahira karte hue shadi ki khatir Tv se break lene ka faisla kar liya, jab ke wo Balika wadhu mein Gehna ke kirdar mein bohat ziyada pasand ki ja rahi thi. Shadi ke derh saal bad in ki wapsi hui aur inho ne deviyon ke diyo mahadiyo mein Ronda ka mukhtasir role play kiya aur ab Tv ke show Doli Armano Ki mein markazi role ada kar rahi hai. dekhna yeh hai ke wo shadi shuda zindagi aur professional life mein kis tarha tawazun barqarar rakh paengi.

Tv actress Neha Marda 23 September 1985 ko peyda hui. In ka talluq Kolkata se hai. Neha Marda ne commerce mein graduation kiya hai. is ke ilawa Indian institute of Gems and Jewelry se jewelry designing mein diploma bhi kar chuki hai. inho ne Tv shows Mamta, sath rahega always ghar aik sapna, Balika Vadhu aur deviyon ka deyo mahadiyo mein kaam kiya hai, lekin inhe sab se ziyada shohrat Balika Vadhu mein Gehna ke role se mili hai. March 2011 mein in ki mangni Patna mein muqeem business man Ayushman Agarwal se hui aur February 2012 mein shadi ho gai. Shadi se pehle he inho ne Balika Vadhu se alehdgi ikhteyar kar li aur bad aza wo apne shohar ke hamrah honeymoon manane Australia aur New Zealand chali gai. Ab taqriban derh saal ke waqfey ke bad in ki show business mein wapsi hui hai aur in dino wo Zee Tv ke show Doli Armano Ki mein Urmi ka role play kar rahi hain. Neha Marda ne fiction shows ke ilawa reality shows meethi churi No.1 aur star ya rock star mein bhi hissa liya hai. inhe acting ke ilawa dancing se bhi dilchaspi hai aur wo Sony channel ke show boogie woogie dance competition mein lagatar 3 martaba yeh muqabla jeet chuki hain. Us waqt in ki umer biltarteeb 17, 18 aur 19 saal thi. Inho ne 9 saal tak Bharat Natim aur 7 saal kathak seekha hai. is ke ilawa dosre dance bhi barhi khobi aur maharat se kar leti hain.

Neha Marda Interview

Question : Doli Armano Ki mein apne role ke barey mein kuch bataengi ?

Neha Marda : Is show mein Urmi ka role play kar rahi hain, jis ne apni shadi shuda zindagi ke barey mein bohat si umeeden wabasta karrakhi hain. Har ladki shadi se pehle apne hone wale shohar auir susraal ke barey mein kae tawaqquat baandh leti hai. yahan yeh sawal peyda hota hai ke kya shadi ke bad us ki sari umeeden pori ho jati hain ya us ke khuwab bikhar reh jate hain. Shadi ke bad ladki ko aik nae ghar aur nae mahaul mein rehna hota hai. is show mein yehi dikhaya gaya hai ke is mein Urmi kya karti hai aur yeh ke is ne jo umeeden wabasta ki thin wo pori hoti hain ya nahi.

Question : Susraal walon ko aap ke kaam karne par koi aiteraz to nahi ?

Neha Marda : Agar unhe koi aiteraz hota to main kabhi yeh show sign nahi karti. Shadi ke bad yeh mera pehla show nahi, bal ke is se pehle Deviyon ke Dev Mahadiyon mein bhi kaam kar chuki hon. Meri hamesha yehi khuwahish rahi hai ke susraal mein mujhe bahu nahi bal ke beti samjha jaey. Is ke sath he main yeh bhi sochti hon ke har ladki yeh kyun chahti hai ke is ke sath beti jaisa sulook kiya jaey. Jab ke bahu ki bhi apni position hoti hai. mere khayal mein hatr rishte ki apni aehmiyat aur maqam hai. saasu maa mere liye sagi maa jaisi hain aur mujhe bohat ziyada support karti hain. Agar wo chahti to mujhe Mumbai aane se rok sakti thin, bal ke unho ne is ke bar aks meri hausla afzaai ki.

Question : Aap ne shadi se pehle jo tawaqquat wabasta ki thin, kya wo pori ho gai ?

Neha Marda : Zindagi pehle se ziyada aram dey aur pur sakoon ho gai hai. in do saalon ke dauran main ne ziyada tar beyron mulk safar kiya ya soti rahi. Main ne aesi he zindagi ka sapna dekha tha aur khush hon, ke shadi ke bad sari umeeden pori ho gai. shadi ke bad acting se derh saal tak door rahi, kyun ke main nahi chahti thi ke shadi shuda zindagi ka ibtedai zamana shootings ki nazar kar don. Apni zindagi ke is nae daur se pori tarha enjoy karna chah rahi thi. Ab dobara kaam karne ke liye tayyar hon.

Question : Shadi ke bad ki zindagi kaise guzar rahi hai ?

Neha Marda : Sach to yeh hai ke zindagi bohat khobsurat ho gai hai. hum honeymoon ke liye Australia aur New Zealand gaey the. Apne mulk mein bhi main ne Goa, Rajasthan, Bhopal aur Kolkata ka safar kiya.

Question : Aap ne Love marriage ke bajae Arranged marriage ko kyun tarjeeh di ?

Neha Marda : Love marriage mein fariqen life partner se pehle dost ban jate hain aur unhe aik dosre ke barey mein sab kuch maloom hota hai. mera nazariya is se mukhtalif hai. main Ayushman ki dost nahi bal ke biwi ban kar rehna chahti hon, kyun ke shadi ka asal maza he is mein hai.

Question : Aap ke career ka wo kaun sa yadgaar lamha tha jise aap kabhi nahi bhol sakti ?

Neha Marda : Jab mujhe Balika Vadhu mein kaam karne ki offer hui. Main yeh show baqaiydgi se dekha karti thi aur jab is mein kaam karne ka mauqa mila to meri khushi ka koi thikana nahi tha. Yeh meri zindagi aur career ka yadgaar lamha hai jise main kabhi nahi bhool sakti.

Question : Kya aap samajhti hain ke shadi shuda zindagi aur professional life mein tawazun barqarar rakh sakengi ?

Neha Marda : Main samajhti honk e koi mushkil pesh nahi aaegi, kyun ke shohar aur susraal wale mere sath bohat tawwun kar rahe hain aur unho ne mujhe bohat si zimmedariyon se azaad kar diya hai. isi liye main ne dobara kaam par aane ka faisla kiya, warna agar zara sib hi rukawat hoti to araam se ghar bethi rehti.

More Links

 

 

 

More Links

 

Copy Right 2012-2014 www.Meriduniya11.com Contact Us