Header
Home> Interview  

 

 

 

 

Naseeruddin Shah

Naseeruddin Shah is an Indian actor. He acted more than 250 film, some of his film are Junoon, Sannyasin, Aakrosh, Beqasoor, Khawab, Hum paanch, Kanhaiya, Chakra, Umrao jan ada, Bazaar, sitam, jane bhi do, khata, masom, wo saat din, mohan joshi hazir ho, ghulami, khamosh, Wednesday, pipli life, zindagi na mile gi dobarah, ishqiya, rajniti, the dirty picture, challis chorasi, zindah bhag, derh ishqiya and many more. He is married to Ratna Pathak, she is also an actress. Naseeruddin Shah has three children, one daughter and two sons. Here we are persesnting an interview with Naseeruddin Shah for your interest.

Naseeruddin Shah Interview

Naseeruddin Shah Photo

Question: Aap ne peshawarana career mein ab tak itne kirdar ada kiye hain, in mein kahen asal Naseeruddin Shah gom to nahi ho gaya?

Naseeruddin Shah: Is sawal ka jawab main aik jumle mein nahi de sakta. Wosare kirdar jinhen main ne ada kiya, un ko kamyabi mili aur bohat sare nakaam bhi howe. In sab kirdaron mein kahen na kahen meri zaat ke wajod ka hissa bhi shamil hai. aap ko ye sun kar heart ho gi ke mujhe apni zindagi se qareebtareen jo kirdar lagta hai wo film “nishanat” ka kirdar hai. ye “Shiyam Bangal” ke sath meri pheli film thi. Is film mein mera kirdar aik zameendar gharane ke sab se chote bhai ka tha, jo thora bewaqof bhi hai, kyun ke kam umar hone ke bawajod wo aik shadi shuda aurat par fida ho jata hai. ye sorat e haal mere leye yaksar ajnabi nahi thi, kyun ke main apne khandan mein bhi teen bhaiyon mein sab se chota tha aur hamesha bewaqofiyan kiya karta tha. Is leye mein is kirdar ke sath apne aap ko jor sakta hun. Ye meri peshawarana zindagi ka phela fankarana muzahira tha, jis par mujhe hamesha fakhar raha. Ye fakhar is leye nahi ke ye meri pheli film thi aur main is se jazbati tor par wabasta tha, balke is film mein kaam karne se phele 5 saal tak main ne “National School of Drama” se jo kuch sekha tha is tajurbe ko is film mein dekhane ka moqa mila. Main ne is baat ko bhi samjha ke koi bhi kirdar bahar se mutasavir nahi kiya ja sakta, main is tarah bhi nahi sochta ke aap ke zehan mein kisi kirdar ki tasveer banne aur phir wo haqiqat mein dhali jaye. Koi bhi kirdar jo aap ko diya jaye, is ko apne andar khojna chaheye, wo yaqenan wahein mile ga, kyun ke har aik ke andar har tarah ka insan hone ki gunjaish hoti hai.

Question: Phele aap ne baat ki bahar se mutasawir karne ki aur ab adakar ko apne hi indar kirdar khojne ke masware, kiya ye donon baatein aik dosre se mutazad nahi?

Naseeruddin Shah: Nahi, ye donon aik jesi baatein hi hain, lekin main ye keh raha hun ke tasawor ke zor par kuch takhliq kiya jaye, ye zarori bhi nahi. Tasawor ki salahiyat ko qadam ba qadam istemal hona chaheye, aap ke andar ke kirdar ko nibhane ke leye, jis ka soragh aap ko apne hi andar hi se lagana hota hai. Tasawor aur mushahidah aik dosre ke hathon mein hath dale sath sath chalet hain.

Question: Aap ne kaha ke apne khandan mein aap sab se chote aur bewaqof bhai the, phir school mein hum jamaton se bhi peche reh jate the. Shayad aap ko lagta tha ke aur kuch nahi ho sakta, to aap ne adakari karne ke fasla kiya, aap ke khayal mein adakri itna aasan kaam hai?

Naseeruddin Shah: shuruwat to bohat ghair yaqini kefiyat se dochar thi. Mere do bhai the aik parhai mein tez tha aur dosra kheelon mein mahir tha. Donon daraz qad aur wajiha shakhsiyat ke malik the. Jab ke main kisi bhi cheiz mein theek na tha, is leye kahen na kahen mujhe ye lagta tha ke meri zaat mein ghair mutmain hone ka ahsas hawi tha. Ye wo dard tha jis ki dawa mujhe adakari ke shube mein mili, kyun ke ye wo dor tha jab main filmein bohat dekhta tha. Humare school mein drame waghairah hote the jin mein tulba hissa lete the, albata us waqat mujhe kisidrame mein koi kirdar nahi diya gaya. Main us waqat jo filmen dekhta tha unhon ne mujhe behad mutasir kiya, khas tor par American aur Bartanvi filmen. Mere leye ye bohat aasan tha ke main apni bewaqof si shakhsiyat ko chupa kar main kirdaron mein panah le lon. Ye hi wo niqta tha jahan se mein adakari ki taraf raghib howa.

Question: Adakari ki taraf aane ke peche kon sa jazba mutahrik tha, apni shanakht ya etemad ka husol?

Naseeruddin Shah: Is khuwahish ke peche bunyadi jazba shanakht pane ka hi tha. Etemad to mujhe mein rati bhar bhi nahi tha. Main manta hunk e adakari ki shuaat kahen na kahen isi nuqte se hoti hai. koi bhi adakar is shube mein adakari ki khidmat karne nahi aata wo is leye adakri shuru nahi karta ke fan e adakari ki khidmat karna chahata hai. wo adakar is leye banta hai ke log usse pasand Karen, us ki taraf dekhen, us se mohabat Karen, us ko dua den, is safar mein kuch aur manwiyat se bharpur mil jaye, jesa ke mujhe mila, to wo aik izafi inaam hai.

Question: Agar adakar ki shuruaat “pehchan ko pane ki khuwahish” se hai, to is ke bad wo bara adakar hone tak ka safar kese te karta hai?

Naseeruddin Shah: Adakar ko apne khayalat pesh karne ka moqa nahi diya jata. Adakar ka bhi kaam apne khayalat ko pesh karna nahi hai. aik dosre insan ke khayalat, us ke tasaworaat aur alfaz ko hazreen aur nazreen tak pohanchana hota hai. mayari kaam, khalis niyat aur mukamal indaz mein apne fan ko pesh karna ye adakar ka kaam hai. Jo bhi adakar apne kaam mein jan lagata hai main usse bara adakar manta hun. Chahe usse shuraat mile ya na mile bashart ke us ki lagan banawati na ho. Ye sab se aham baat hai.

Question: Aap kisi actor ko is tanazur mein bara mante hain?

Naseeruddin Shah: Ji han. Aik actor jin ka naam “Geoffrey Kendall.” Wo angrez the. Un ki aik theater company thi. Wo theater company India, Pakistan, Singapore aur pori Asia mein Shakespeare ke drame pesh kiya karti thi. Main us waqat kamsin tha aur is school mein zer e taleem tha. Wo har saal humare han bhi aate the. Main un ke natak dekha karta tha. Mujhe un ki ye baat mutasir karti thi ke itna bara adakar hai, humare pas aata hai, humare leye drama karta hai aur hum se pese bhi nahi leta. 5 saal ki umar se har baras main ne un ke drame dekhe. Unhon ne kabhi zindagi mein koi commercial drama nahi kiya. Sirf tulaba ke leye drama pesh karte the. Ye azeem drama nigaron ke likhe howae drame howa karte the. Mujh kai aur bhi adakar pasand aaye, magar meri zindagi mein “role model” ka lafz sirf un ke leye hai.

Question: Kiya aap ne apni peshawarana zindagi mein koi is tarah ka hadaf muqarar kia?

Naseeruddin Shah: Mere zehan mein yehi hadaf hai, mujh mein jitna aur jesa adakari ka fan hai, main is ke zarye behtar aur mayari kaam kar sakon, jo mujhe ab bhi lagta hai ke pora nahi howa, lekin kisi makhsos kirdar ko karne ki koi esi khuwahish bhi nahi hai jis ki chah mujhe beqarar kiye howae hai, kyun ke kai baras kaam karne ke bad mujhe ye ahsas ho gaya hai ke aap ka infaradi kirdar kabhi mikamal kaam nahi howa karta, is leye mujhe kisi khas kirdar ko karne ka lalach bhi nahi. Wese bhi bare bare kirdar karne ke mere sare shoq pore ho gaye hain.

Question: Aap ne aik mukamal kaam yani “Ghalib” ka kirdar nibhaya. Is drame mein kis ko kamyabi ki zamanat samajte hain, apne aap ko?

Naseeruddin Shah: Kabhi bhi nahi, magar main ye janta tha ke main kia kaam kar raha hun. Main ne is mein apna zehan istemal karte howaejazbe ki sachai ko bayan kiya. Bas isi baat mein sari baat hai. is shahkar kaam mein sab se kalidi hesiyat Gulzar bhai ki hai, jihon ne is drame ko sab ke leye kikha. Ghalib ke bare mein wasi mutala kiya, is ke pase manzar se agahi hasil ki. Mujhe to Ghalib ka aik sheer bhi sahi se yad nahi tha. Mere school mein hum jamat tulaba wo sheer aksar parhte the, “aik dhondo hazar milte hain.” Gulzar bhai ne mujh se kaha ke “tum Ghalib ka kirdar karo ge.” Main ne unhen jawab diya ke “mujhe to Ghalib ke bare mein kuch bhi nahi pata, aap mujhe kuch batayen. Unhon ne kaha ke tumhen Ghalib ke bare mein jitni bhi malomat chaheye wo sab is dram eke script mein mil jaye gi, bas tum ye kirdar karo ge.

Question: Aap ne parallel aur commercial donon tarz ke cinema mein kaam kiya, ye bataye ke Hindustani cinema ne film ke shiqeen ko kiya diya?

Naseeruddin Shah: Hollywood ki naqal, Shakespeare se chori, bas full stop. Is ke bad kuch kehne ko baqi nahi rehta.

Question: Aap commercial cinema mein kaam kar ke lutf hasil karte hain?

Naseeruddin Shah: Nahi, albata main filmon ke intekhab mein kafi ahtiyat karta hun. Missal ke tor par main ne film “dirty picture” mein is leye kaam kiya tha ke mujhe adakron ki naqal karne mein bohat maza aata hai. aksaryat esi hai bhi, jin ki naqal aik mazedar sargarmi hai. main ne ye film is leye ki ke ye filmi cinema ke mazi ke adakaron ki akasi karti thi. Ye aik shandar film thi, isi leye is ne kamyabi bhi hasil ki. Humare filmsazon ka kam mare howae dimagh ki sargarmi se ziyadah kuch nahi. Ye dawa hai ke Hindustani filmen sari duniya mein dekhi ja rahi hain aur in ko ye ghalat fehmi bhi ho gai hai ke sari duniya ko pata chal gaya hai ke hum kitni achi filmen banate hain. Sachi baat ye hai ke America, Canada, China aur degar mumalik mein Hindustani khanon ke rasturant banne howae hain, in ki wajah se wo filmen bhi dekhte hain. Hindustani khane laziz, chatpate hain. Magar ye khane roz to nahi kha sakte na? yehi noiyat hindi filmon ki bhi hai. almi satah par in ki shorat ka arsa bhi bohat mukhtasir hai. ye baat alag hai ke koi esa kaam kare jo bohat hi aal aur munfarid ho.

Question: Apni nai film “Derh ishqiya” mein Madhori ke sath kaam kar ke kesa laga?

Naseeruddin Shah: Bohat acha.

Question: Kia filmi duniya sirf banawat hi ka dosra naam hai?

Naseeruddin Shah: Banawat bhi nahi keh sakte, kyun ke jo kayab commercial filmen hoti hain wo apne yaqeen ko mad e nazar rakhte howae hi banai jati hain. “Manmohan Desai” aik sahib the, jinhon ne “amar, akbar, anthoni” jesi film banai, is film mein kuch ese manazir hain ke jin ko dekh kar insan haka baka reh jaye ke ye kesa ho sakta hai. magar nazreen ese manazir par bhi taliyan bajate hain. Is leye ke Manmohan Desai sahib aik yaqeen ke sath kuch esa takhiq karte the ke ese kamyabi mil jaye gi. Wo nazreen ko bewaqof banane ke leye filmen nahi banate the. Ab aam tor par ye ho gaya hai, acha ye chal jaye gi, is ko film mein dal do, is film mein jazbatiyat nahi hai is kahani mein aik andhi maa ka kirdar dal do. Is mein desh baghti nahi, thori wo dal do. Filmsaz ye sab is leye karte hain ke filmben ko is mein har tarah ke masale mil jayein aur nazreen is guman mein rahein ke unhon ne aik achi film dekhi hai. isi dhoke mein 3 ghante yun kat gaye. Commercial cinema aur khabron ke channels aik jesa kaam kar rahe hain.

Question: Aap ke khayal mein khabron ke channel jis tarah buri cheizon ki taqseem mein sharik kar banne howae hain,unhon ne nazreen ko kiya diya?

Naseeruddin Shah: Ye bhi film walon ki tarah pese kamane mein lage howae hain. Adakar ko chenk bhi aaye to ye usse bhi khabar bana kar pesh karte hain. Aham mozoaat aur khabron se nazreen bekhabar hi rehte hain, peson se mohabat ki ye marizana satah hai. Mujhe nahi pata ke is silsile ka ikhtetam kahan ho ga.

Question: Aap ne Pakistan mein akhiri film jis mein kaam kiya tha is ka naam “Zinda Bhaag”tha, is film mein kaam karne ki kia wajah thi?

Naseeruddin Shah: Mujhe nojawanon ke sath kaam kar ke hamesha bohat maza aata hai, main anye logon ki madad karne mein koi aar nahi samajhta. Is film ke mozon aur nojawanon ki lagan se mujhe behad dilchaspi thi, unhon ne beshumar rokawaton ke bawajod is film ko banaya. Is film ke producer “Mazhar Zaidi” aur hidayatkar “Meno Gohar aur Farjad Nabi” ye teenon behad apne kaam se lagan rakhne wale aur junon ke hamil log hain. Mujhe is film mein kaam karte howae bas aik mushkil ka samna tha ke main Punjabi theek se nahi bol pata. Is phelo par main ne mehnat ki aur is film ki kahani se main jazbati tor par wabasta bhi ho gaya, mujhe is leye bhi is film mein kaam kar ke lutf hasil howa. Ye Pakistan ki aik bohat aham film hai.

Question: Mazid Pakistani films Karen ge aur kia shart ho gi?

Naseeruddin Shah: Shart ye ho gi ke mehsos karon ke main, wo kirdar jo mujhe diya jar aha hai ese bakhobi kar sakta hun.

Question: Aap ne Hollywood mein bhi kamm kiya, wahan esa kia tha, jis ki wajah se aap ka ji chaha ke aap in films mein kaam Karen?

Naseeruddin Shah: Hollywood jane ka sapna kis ke pas nahi hai. Mere pas bhi ye sapna tha. Main Mumbai mein bhi hero banna chahata tha aur Hollywood mein bhi hero banna mera khuwab tha. Phir mujhe aik tajasus bhi tha ke ye log jo itne bhari sarmaye ki film banate hain, ye pesa jata kahan hai? in tamam mamlat ka intezam kese sanbhalte hian? Hollywood jane ki tesri wajah “Sean Conroy” se mulaqat ki khuwahish thi. Choti wajah ye thi ke mujhe bohat pese mil rahe the.

Question: Hollywood aur Bollywood mein kia farq mehsos kiya?

Naseeruddin Shah: Koi farq nahi. Sean Conroy bohat munkasir ul mizaj insan the, lekin un mein aik rakh rakhao tha jis ki wajah se betakaluf hona mumkin nahi tha. Albata donon filmi duniyaon ke darmiyan jo aik farq hai wo ye hai ke Hollywood wale aksar apne stunts khud karte hain, jab ke Bollywood mein stunt man adakar ko star banata hai. Lhasa stunt ke kaam ka mayar hi aik wahid farq hai jo in donon film duniyaon ke darmiyan hai.

Question: Aap ki nazar mein theater ki kia tareef hai aur is fan ko kin jehaton mein dekhte hain?

Naseeruddin Shah: Jab main nujawan tha to main National Drama School gaya, jahan Abraheem Laghari the, jo bohat hi shandar qism ki theater production kiya karte the, jis mein 40, 50 golokar hote the aur har cheiz ki bariki ka khayal rakha jata tha. Wo qilon aur mehlon ke bare bare set banate the. Aik drama unhon ne delhi ke qadeem khandraat mein bhi kiya, mujhe ye andaz bohat purkashish lagta tha lekin bad mein ye ahsas howa ke ye khayalat kafi porane the. Ye is wajah se howa ke jab main Bharat se bahar gaya, bilkhosos England, to mujhe wahan mukjtalif qism ke theater dekhne ko mile aur main unhen dekh kar dang reh gaya. Wo sab is qadar jaded andaz ka tha, motor cycle, cars, hawai jahaz khench kar stage par laye jate hain aur pal bhar mein samandar ki jagah jungle le leta hai. isi tarah main ne aik kitab “towards a poor theater”parhi, jise Poland ke theater ke aik maroof ustad “Jerzy Grotowski” ne likha hai. Wo humein batata hai ke jab aam admi ke pas zaraye na hon aur wo thearter karna chahe to phie ese apni gharibi ko apni kamzori nahi balke taqat bana lena chaheye. Us ne ye nazarya bhi pesh kiya ke theater ka film se koi muqabla hi nahi hai. ye donon mukhlalif jehaten rakhte hain.

Question: Cinema aur theater jis tarah karne mein farq hai, kia dekhne mein bhi koi farq hota hai?

Naseeruddin Shah: Ji han. Cinema to aap ese dekh rahe hain jese khuwab dekh rahe hun. Aik tibi tehqiq ne ye daryaft bhi kiya hai ke T.V dekhte waqat aap ka dimagh itna hi mutahrik hota hai, jitna jab aap so rahe hon. Theater is hawale se thora mukhtalif hai. ye aap se tawajah mangta hai. aap kursi par bethe howae pop corn khate howae theater nahi dekh sakte.

Question: Theater nazreen mein films ki tarah kyun maqbool nahi ho sakta?

Naseeruddin Shah: Is leye ke aik jagah par aik raat mein sirf aik hi theater dekhaya ja sakta hai. Filmen aik hi waqat mein sekron muqamat par dekhai ja sakti hain.

Question: Aap ne aik film “iqbal” mein kaam kiya. Ye cricket ke mozo par bani gait hi. Aap ko cricket pasand hai?

Naseeruddin Shah: Bohat ziyadah pasand hai. sarak par bache cricket kheel rahe hon to main unhein bhi dekhna shuru kar deta hun. Main kisi zamane main cricketer banna chahata tha, lekin phir yr khuwab main ne jald tark kar diya. Is ki wajah aik khayal tha, wo ye ke caroron logon ke mulk mein sirf 11 log chune jate hain, is mein mera number to aane wala nahi tha. Ye alag baat hai ke main pur josh aur bohat achi cricket kheelne wala khilari tha. Ab bhi main isi ishteaq ke sath cricket dekhta hun, jese kisi zamane mein kheelta tha. Is kheel mein koi jado hai.

Question: Aap ki kia khuwahish hai ke duniya aap ko kese yad rakhe?

Naseeruddin Shah: Duniya agar mujhe yad rakhe gi to mere kaam ke zarye hi yad rakhe gi. Main ye te nahi kar sakta ke kese yad rakhe gi. Adakar ko us ke kaam ke zarye hi yad rakha jata hai. agar koi mujh se phoche ke wo mujhe kese yad rakhe to main kahon ga ke aik esa insan jis ne hamesha pori koshish ki ke wo apne kaam ko achi tarah se kar sake.

Question: Filmi duniya mein azazaat ki jo riwayat hai, Bollywood mein bhi kai azazaat hain aur Oscar jese filmi azaz bhi, in ke bare mein kia kehte hain ke kia ye ghair janibdari se deye jate hain?

Naseeruddin Shah: Jo admi

Question: Aap ko Bharti hukumat ne jo awards deye hain un ke bare mein kia kahen ge?

Naseeruddin Shah: Wo bhi jab tak koi aap ke leye lobing na kare, nahi milta. Kisi ne mere leye bhi ye fariza anjam diya tha, lekin main usse nahi janta. Itne hazaron log hain jinhein hosla afzai ki zarorat hai, magar unhein koi nahi pochata, jin ke kaam ko aik taruf chaheye, inhein ye award nahi deye jate.

Question: Aap apni khud nosht likh rahe hain, jo jamat mein phichli nashiston par bethe talib e ilmon ke naam ho gi?

Naseeruddin Shah: Ji han, aur main apni zindagi ki kahani likh chukka hun. Mujhe bohat sare logon ne kaha ke tumhare sath likhen ge, main ne kaha nahi main khud likhna chahata hun. Mujhe is ko likhne mein 10 saal lage hain aur ab wo mukamal ho gai hai, rawan baras shaya ho gi. Khud nosht main ne English mein likhi hai aur is ka urdu tarjuma karne ke leye kisi ko dhondh raha hun. Nashir ka khayal hai ke Pakistan mein ye khud nosht kafi maqbol ho gi, lehazah urdu mein bhi is ka tarjima hona chaheye aur main bhi is baat se itefaq karta hun. Ye kitab Urdu, Hindi, Marathi, Bangali aur English mein aik sath shaya ho gi.

Question: Aap ko theater company ka khayal kese aaya aur Asmat Chughtai ki hi kahaniyon ka intekhab kyun kiya?

Naseeruddin Shah: Main ne apna theater aik dost Banjuman Gilani ke sath mil kar banaya tha. Wo Urdu aur main English mein graduate hain. Hum donon ke pas khuwahishat ki aik bohat taweel fehrist thi ke hum falan falan drame Karen ge. In mein ziyadah tar English drame the khas tor par jinhein hun ne nisab mein parha tha, to wo sare hum ne kar leye aur fehrist khatam ho gai. Phir humein samajh nahi aaya ke kis tara ke drame Karen. Humara theater group dhere dhere English theater group ke naam se mashhor hone laga, jis se mujhe bari taklif hoi, phir hum ne socha ke humein apni zaban mein kuch kaam karna chaheye. Urdu zaban mein to drame hain hi nahi. Ab Agha Hashar ke drame kitni bar Karen aur mera jib hi nahi chaha. Itefaq se Asmat Apa ki kuch kahaniyan main ne English tarjume mein parhein aur main ne usi waqat ye te kar leya ke mujhe in ko dramai indaz mein pesh karna hai. in kahaniyon ka naam “choi moi, ghar wali aur mughal bacha” hain.

Question: “Ada” ko nibhana hi “adakari” hai ya is ke elawa bhi “adakar” kuch aur hota hai?

Naseeruddin Shah: Stage par kaam kate howae ye ahsas howa, adakar is is leye adakari nahi karta ke sab is ki adakari se mutasir hon balke us ko adakari is leye karni chaheye ke koi baat pohchani hoti hai. Adakar sirf aik pegham rasan hota hai. Mere theater group ke nujawan ye samajhte hain ke adakar hi sab kuch nahi hota, aap se ziyadah likhne wala aham hai. mujhe lagta hai ke main zindagi bhar isi tarah ka theater karta rahun ga. Pakistan mein mujhe Lahore aura b Karachi mein kaam karne ka moqa mila. Khas tor par Karachi mein theater kar ke bohat maza aaya, yahan ke shaiqeen ki sab se khas baat zaban ki samajh hai. humein yahan un jumlon par bhi dad mili jin par Mumbai, Dheli, New York, London aur Lahore mein bhi nahi mili. Karachi wale ghazab ke jumla shanas hain, humein bohat khushi hoi ke akhir kar in satron ko kahen to dad mili aur ye satren bohat khubsorat hain jese aik jagah kirdar sher ka aik misra parhta hai ke “qismat ki khubi dekhiye toti kahan kamand” is par hazreen ki taliyon ki gonj pheli martaba suni. Jab main Pakistan aata hun to mujhe behad maza aata hai aur umeed hai main aindah bhi aata rahun ga.

More Links

 

 

 

 

Copy Right 2012-2015 www.Meriduniya11.com Contact Us