Header
Home>>Interview  

 

 

 

Mohib Mirza

Mohib Mirza is a Pakistani actor, model, host and theatre director. He is a TV Star and real actor. Mohib Mirza is very carefully with his work. Mohib Mirza is honest and kind-hearted Man, and it’s a secret of his success. He is very sincere and simple personality. Mohib Mirza was born on 18 August 1979 in Karachi. Carries Karachi in his heart and soul. A master of his language, Mohib’s Urdu diction and style enriches his characters. His facial expressions and his gaze adopt each character as almost a part of his own self. Mohib is well recognized with the Pakistani media industry and beyond. In 2009, Mohib Mirza’s talents were recognized in Kent, UK, at the “The International Filmmaker Festival”, where he won the award for ‘Best actor in a supporting role’ for the film ‘INSHAA-ALLAH’. The film also won the ‘Best Foreign film award’. Mohib Mirza is married to well-known TV actress and fashion model Aamina Sheikh.In this Page You will read Pakistani Actor Mohib Mirza Interview In Urdu and Roman Hindi.

Urdubiography Banner

Pakistani Actor Mohib Mirza

Actor Mohib Mirza Photo

Mohib Mirza ka shumar TV ke top stars mein hota hai. Yeh koi ittefaq adakar nahi aur na he inhe raton raat kamiyabi mili. Yeh aik haqeeqi fankar hain, jinho na apni zaat ko adakari ke liye khud muntakhib kiya. Yeh apne kaam ke sath bohat mukhlis hain aur pori lagan aur tawajjah ke sath is mein involve hain. Shayad yehi in ki kamiyabi ka raaz hai. Yeh sache fankar he nahi bal ke bohat khobsurat dil ke insaan bhi hain. Aur aaj bhi pehle ki tarha bohat khuloos aur sadgi se milte hain. In ke andar jo tehzeeb aur shaistegi hai. Wo bohat kam logon mein dekhne ko milti hai. In ke kamiyab projects ki tadad bohat ziyada hai. Is ke bawajood bhi wo samajhte hain ke inhe bohat aage jana hai. Mohib Mirza ne kaye bohat ache Dramas serial kiye hain, jin mein shamil hain. Agar Tum Na Hote, Libas, Totey Hue Par, Mera Saaein, Mere Angne Mein, Sabz Pari Laal Kabotar, Hikayat, Zard Mausam waghera. Is ke ilawa Mohib ne 2011 mein 3 films mein bhi kirdar nibhaya hai. Mohib Mirza ne 2009 mein film “ Inshaallah ” mein best supporting actor ka cant award England mein hasil kiya tha. Hum aaj aap ki mulaqat Mohib Mirza se karwane ja rahe hain.

Mohib Mirza Interview

Question : Aap ne actor banne ka faisla kyun kiya ?

Mohib Mirza : Har insaan ke andar kuch jazbat, aehsasaat, umeeden aur khuwahishat hoti hain. Jin ke izhaar ke liye wo mukhtalif raste ikhteyar karta hai. Jo use qudrat ki taraf se ata kiye jate hain, albatta andazz mukhtalif hota hai. Har insaan mein yeh salahiyat maujood hoti hai, ke wo apni zaat mein chupe israar ko zahir kar sakr. Main acting is liye karta hoon kyun ke qudrat ne mujhe apni zaat ke izhaar ke liye salahiyat ata ki aur main ne acting ka intekhab is liye kiya kyun ke is mein ziyada behtar taur par apni zaat ka izhaar kar sakta tha.

Question : Acting shuru karne se pehle aap ke zehan mein is hawale se koi andesha ya khauf to nahi tha ?

Mohib Mirza : Hargiz nahi, acting hamesha se takhleeqi hunar ka jazba rakhti hai aur kamiyab actor ko star ka maqam diya jata hai. Jis ki chamak-o-damak logon ko heyran kar deti hai. Albatta aik makhsoos tabqa hamesha se is ka mukhalif raha hai, lekin main mukhalfat barae mukhalfat ko nahi manta. Yeh wo log hai jo muaashrey mein bikhri barhi buraiyon ki taraf se aankhen band kar ke choti choti buraiyon par nazar rakhte hain. Unhe rishwat khor, bewaon, yateemon ka maal khane wale, sood khor aur najaiyz munafa kamane wale nazar nahi aate. Wo is ke khilaf kyun nahi bolte, unhe sirf fankar he nazar aate hain. Jinhe wo dekhte to shauq se hain, magar brabri ka darja nahi dete.

Question : Kya aap ko yaqeen hai ke acting ke zariye ap ne apne ap ko bilkul sahi andaaz mein logon ke samne pesh kiya hai ?

Mohib Mirza : Aaj mujhe jo izzat, mohabbat aur maqam hasil hai, wo actibg ki he badaulat hai. Is ka matlab yeh hua ke main ne apne andar ki awazon ko bilkul sahi andaaz mein pehchana aur logon ke samne laya. Main acting apne ap ko masroof rakhne ya paisa kamane ke liye nahi ki thhi. Bal ke mujhe apni zaat ko tasleem karwana tha. Agar log meri salahiyaton ki qadar na karte, mujhe izzat aur mohabbat na dete, to is ka matlab yeh hota ke main apni awaz logn tak sahi andaaz mein na pohncha saka.

Question : Aap ki baton mein falsafa bohat ziyada hai, kya dauran-e-taleem falsafa parhte rahe hain ?

Mohib Mirza : Is ke liye falsafey ki zaroorat nahi, zindagi sab kuch sikha deti hai. Bachpan se le kar aaj tak barhe utar charao dekhen aur zindagi se bohat kuch seekha. Is ke ilawa walid sahab ka talluq Shair-o-adab se hai. Lehaza bachpan se he mukhtalif mauzoaat ki kitaben parhne ka mauqa mila. Us mahaul aur tarbiyat ki wajah se main guftugo ke fun se aashna hoon.

Question : Aap ne theatre bhi kiya ?

Mohib Mirza: Yeh bhi mehaz aik ittefaq he tha. College ke dinon mein mujhe aur mere kuch doston ko semester ki fees pay karne mein thori dushwari ho rahi thi aur hum paise jama karne ke liye mukhtalif tarqeeben socha karte the. Phir hum ne aik theatre group banaya, jis ka naam drama bazi rakha gaya. Us ke tehat pehla play “ One Way Ticket ” Pacc mein pesh kiya gaya. Use hum ne khud he likha tha. Khushqismati se hamari pehli kawish he itni kamiyab rahi ke musalsal 8 din tak log use dekhne aate rahe aur hum ne itne paise kamae ke 3 semester ki fees jama ho gai. Is tarha theatre ka silsila shuru hua. Hamare group ne is ke bad bhi kae drama tayyar kiye. Jin mein se 2 ko main ne direct kiya tha.

Question : Aamna Sheikh se mulaqat kaise hui ?

Mohib Mirza : 7, 8 saal pehle Geo ka aik show host kar raha tha. Aamna us ki director thin. Us program ke dauran he main ne mehsoos kiya ke hum dono mein bohat kuch mushtarik hai aur hum aik dosre mein kashish mehsoos karne lage. Us ke bad mazeed mulaqaten hui aur bohat jald hum ne shadi ka faisla kar liya.

Question : Shadi mein koi rukawat to pesh nahi aai ?

Mohib Mirza: Yun to sab he razi the, magar Aamna ke walid ko manane mein mujhe kafi waqt laga. Darasal mera career itna wazeh nahi tha. Aur zahir hai beti ka baap hone ke natey unhe tashwish thi, magar bohat jald sab thek ho gaya.

More Links

 

More Links

 

 

Copy Right 2012-2015 www.Meriduniya11.com Contact Us