Header
Home> Interview  

 

 

 

 

 

 

Mishkat Varma

Mishkat Varma is an Indian T.V actor. He is born in Mumbai. He is called Ranbir Kapoor of small screen. He is a trained dancer. He wants to be an actor from his childhood. Mishkat Varma started his career from modeling. Now he is doing a drama “Aur pyaar ho gaya”. Here is an interview of Mishkat Varma for you.

TV Actor Mishkat Varma

Mishkat Varma Photo
Mishkat Varma Photo

Industry mein nai actors ki amad aik khush aaend alamat hai laikin ye safar itna asan nahin aur chhote parde par nazar aane ke khowahishmand nojawanon ko jaddojehad ka kathin marhale se guzarna parta hai ‘ in mein se kuchh to ghabrakar hosla haar daite hain aur wapas ghar ka rukh karte hain laikin kuchh aise bhi hain jo manzil tak pohonchne ke liye musalsal jaddojehad karte rehte hain aur aik din inhain manzil mil hi jati haiaisa hi aik actor mishkat verma bhi hai jis ka dawa hai ke us ne actor banne ke liye duniya mein sab se ziyadah jaddo jehad ki hai aur is ka sila use rajan shahi ke show aur piyar hogaya’ mein lead roll ki surat mein mila! Kisi bhi nai actor ke liye rajan shahi ke show se debut karna aik aizaz hai jis par wo sari zindagi fakhar karta rahega! Miskat Varma ki bahen bhi adakarah hai laikin us ne kabhi is ka sahala nahin liye aur mahaz apni koshishon ki badolat is manzil tak pohonch saka! Dusre tv actors ki terha use filmon mein kaam karne ka shouq hai laikin ye fikar bhi hai ke aik industry mein do neighbour kis terha rahain ge? Is waqt wo puri tawajoh apne tv carrier par markuz kiye huwe hai aur use umid hai ke aik din log use chhote screen ka ranbir kapoor taslim karlain ge!

Mishkat Varma wo chhote parde ka Rabir kaha jata hai’ wo adakara Mahika Varma ka bhai hai! Television par ane se pehle wo kaee commercials par kaam kar chuka hai aur use mukhtalif brands ka aik kamiyab model samjha jata hai’ wo aik tarbiyat yafta dancer bhi hai aur sheyamik dawar dancing group ka hissa reh chuka hai’ in dinon ko zee tv se dikhane wale Rajan shahi ke show aur Piyar hogaya’ mein Raaj ka character kar raha hai! Mishkat Varma mumbai mein paida huwa’ aur wahin pala barha’ us ne Bombay scotsh school se taleem hasil ki jahan kaee super stars maslan Ranbir Kapoor aur Rithik Roshan waghairah parh chuke hain phir mithhi baee college mein dakhla le lia laikin use parhahee se dilchaspi nahin thi is liye taleemi silsila jari na reh saka use school ke zamane se hi adakari ka shoq tha aur wo school mein honewale dramon mein baqaidagi e hissa liya karta tha’ isi shoq ki takmeel ke khatir us ne baqaida acting profession apnane ka faisla karliya aur moddling se carrier ki ibteda ki’is ke saath hi mukhtalif production houses mein audition bhi daita raha phir use Rajan shahi ne aur Piyar hogaya’ mein Raaj ke roll mein select karliya!

Mishkat Varma Interview

Question: Apne bare mein kuchh batana chahoge?

Mishkat Varma: mujhe shurooh se hi acting ka shouq tha aur sachi baat to ye hai ke parhaee se koee khaas dilchaspi na thi’ mein ne jaise taise school ki taleem mukammal ki laikin jab college pohoncha to meri soch ka dhara badal gaya’ mujhe parhaee se kiya’ pure educational system se nafrat hogaee’ mein aksar socha karta ke parh likh kar aur degree le kar kiya karoon ga? Naon se paanch wali job mujhe pasand na thi’ sari zindagi kuwain ka maindak ban kar zindagi nahin guzar sakta tha mein chahta tha ke koee aisa kaam karoon ke pura shehar balke pura mulk pehachanne lagy chunanch mein ne actor banne ka faisla karliya aur waldain ko hi is se muttalah kardiya!

Question: Un ka kiya radde amal tha? Kiye unhon ne tumhain baa asani actor benne ki ijazat dedi?

Mishkat Varma: ji nahin’ pehle to bohot naraz huwe ghar se nikalne ki bhi dhamki de di laikin jab daikha ke mein apne irade par qaim hoon to maan gae aur mujhe actor banne ki ijazat dedi!

Acting ki taraf kaisa aana huwa?

Mishkat Verma: J aisa ke bata chuka hoon ka bachpan se hi acting ka craze tha chunanche mein ne school ke dramon mein hissa laina shurooh kardiya! Bachpan mein bohot dubla patla aur kamzor huwa karta tha phir mein ne marshall arts aur karate ki tarbiyat li aur is ke baad zindagi badal gaee’ mujh mein bohot ziyadah aitemad agaya aur mein ne anewale chalanges ke liye apne aap ko pura tayyar karliye’ is terha mere acting carrier ka aghaz huwa!

Question: Model se actor banne ka sasfar kis terha tai kiya? is mein koee muhkil to paish nahin aaee?

Mishkat Varma: Ye mere liye itna asaan nahin tha’ apne aap ko duniya mein sab se ziyadah jaddo jehad karne wala insaan samajhta hoon’ mein ne actor banne ke liye bohot ziyada struggle ki aur beshumar auditions diye taham jaddo jehad ki har lamhe se enjoy kiya aur apni nakamiyon se bohot kuchh sekha! Pehle to waldain nahin chahte the ke mein actor banoon laikin baad mein unhon ne meri bohot hosla afzae ki aur mujh par ghair zaruri dabao nahin dala’ isi terha behan ne bhi himmat bandhaee aur mujhe guide karti rahi’ unhi logon ki support ki badolat mein mehnat karta raha aur aik din apne maqsad mein kamiyab hogaya!

Question: Tum is show mein Raaj’ ka character kar rahe ho’ ab tak ka tajarba kaisa raha?

Mishkat Varma: Bohot achha’ Raaj kafi mujh se milta julta hai’ ham donon apni families se bohot qarib hain aur un se piyar karte hain! Raaj bohot hi iyara insaan hai main bhi thora bohot us jaisa hoon’ mujhe is character ko karne mein bohot maza araha hai aur is ki sab se bari wajah ye hai ke ye character mujh se ziyada bohot relate karna hai!

Question: I s character ke bare mein tumhara point of view kiya hai?

Mishkat Varma: Raaj aik bohot hi sweet aur masum sa banda hai’ mein ne aise hi character karne ka sapna daikha tha’ hamaisha se ye khowahish thi ke depute show mein koee rumani character karoon’ khush qismati se mujhe aisa roll mil gaya aur is character ko karke bohot khush hoon! Wo happy golki type banda hai aur zindagi mein paish anewale masail ko apne andaz mein hal karna chahta hai!

Question: Us waqt kaisa mehsus karte ho jab tumhara mawazna Ranbir Kapoor se kiya jata hai?

Mishkat Varma: Mujhe bohot achha lagta hai ‘ wo intehaee khush shakal aur talented actor hai aur jab koee ye kehta hai ke mein us jaisa hoon to use apne liye aik compliment samajhta hoon! Is silsile mein baaz oqat bare dilchasp waqiyat paish ate hain! Haal hi mein apni shooting ke liye rajistan gae to wahan logon ne mujhe Ranbir samajh liya! Ham aik mandir mein shooting karne gaey to wahan par mojud logon ne mujhe daikh kar kehna shurooh kardiya’ “are ye to bad tamiz dil wala larka hai!” wo ranbir samajh kar mujhse autograph laina chah rahe the’ mein ne is surate haal ko khub enjoy kiya’ umid hai ke bohot jald pura mulk mujhe chhote screen ka Ranbir kapoor samajhne lage ga!

Question: Kanchi ke saath off screen tumhare taluqat kaise hain?

Mishkat Varma: ham aik dusre ki taang khainchte rehte hain’ set apr bhi hamare darmiyan khub hansi mazaq hota rehta hai aur shooting ke doran aik dusre ko puri terha support karte hain aur off the screen bhi hamare darmiyan bohot achha taluq hai!

Question: Kiya ye roll tumhare liye challenging hai?

Mishkat Varma: J i haan’ Raaj ka roll play karna mere liye challenging tha laikin ab mera character behter tor par samne araha hai aur family member ke saath us ka rawaya gustakhana nahin hai’ wo ghuse mein ata hai’ us ke bhi jazbat hain’in sab baton ko daikhte huwe ye mere liye challenging roll hai !

Question: Rajan shahi maroof producer ke saath depute karna kaisa mehsus kar rahe ho ?

Mishkat Varma: Dairh do saal pehle mein akhbarat mein interviews parhha karta tha’ jab mujhe maloom huwa Rajan sir ne apne kisi show par bohot sare awards jite hain’ mein us waqt tak television ke bare mein kuchh nahin janta tha’ mein ne apni behan se poochha ke Rajan shahi kon hai jise itne saare awards mile hain? Meri behan ne bataya Rajan sir tv industry ke jane pehchane producer hain! Television par anewala har adakar apne liye aik award taqrir tayar karta hai’ mein ne bhi aisa hi aik sapna daikha aur us taqrir mein apne waldain’ behan aur Rajan sir ka shukariya ada kiya aur aaj wo sapna haqiqat ban gaya hai ke Rajan sir ke show mein kaam kar raha hoon’ jab mein ne ye baat Rajan sir ko bataee to wo bhi ye jaan kar bohot hairan huwe’ mujhe un ke show ka hissa ban kar bohot khushi horahi hai’un jaise mashhoor aur pur josh shakhs ke saath kaam karna mere liye aik aizaz hai! Wo set par bohot ziyadah mehnat karte hain aur is ka sara credit unhain jata hai! Mein nahin balke Rajan sir set par hero hote hain!

Question: Audience se kis terha ka feed back mil raha hai?

Mishkat Varma: taqriban sab hi logon ki taraf se feed back mila hai jis ki wajah se mujh mein aage barhne aur mehnat se kaam karne ki lagan barh gaee hai!

Question: Tumhari zindagi ka maqsad kiya hai?

Mishkat Varma: mein sirf acting carrier ko aage barhana chahta hoon aur apne waldain ki zindagi ko behtar banane ka khowahish mand hoon’ unhain duniya bhar ki khushiyaan daina chahta hoon!

Question: Filmon mein kaam karne ke iradah hai?

Mishkat Varma: television meri pehli manzil hai’ yahan qadam jamaloon phir aage ke bare mein sochun ga’ filmon mein kaam zarur karunga laikin sochta hoon ke aik industry mein do Ranbir kaise reh sakain ge? Hosakta hai ke filmon mein aane ke baad mujhe apna look tabdil karna pare!

Question: Television industry ki konsi baat tumhain sab se buri lagti hai?

Mishkat Varma: yahan nai actors ke saath bohot bura suluk kiya jata hai jaise wo koee bhikari hon’ har shakhs ko ye sochna chahiye ke pehle wo bhi naya tha’ iske baad agar kisi nai actor ko kaam mil jai to use bohot kam moawza diya jata hai kiyunke producer ko malum hota hai ke screen par aane ke liye ye actor muft mein bhi kaam karne ke liye tayar hojaiga’ is ke bar aks agar koee actor aik ya do serial kar chuka hai to use das guna moawze par cast karliya jata hai’ aisa nahin hona chahiye!

 

 

 

 

Copy Right 2012-2014 www.Meriduniya11.com Contact Us