Meriduniya11 Header
Home> Interview  

 

 

 

 

Mika Singh

Mika Singh was born on 10th of June 1977 in Durgapur India. He is 36 years old. Mika Singh is a very famous singer, composer and a good performer. Mika Singh is a one of the most great playback singer in the Bollywood showbiz industry. Mika Singh is the younger brother of Daler Mehndi. Mika said that my elder Brother is like my Father. My Brother Daler Mehndi also a very talented singer and he supported me on every step of my career. Mika Singh is the first choice of live concert as a Punjabi munda. He came to Karachi, Pakistan for the live concert in Mohatta Palace. Mika Singh’s favorite musician is Pritam Singh. He has a big farmhouse and Mika Singh told that he likes animals very much. Mika Singh has 12 dogs, four cows, two horses and camels in his farmhouse. Mika Singh said that he will purchase an Elephant and he will go on the Elephant for his marriage. In this page, you can see the information and interview about the Indian Singer Mika Singh.

Mika Singh Information

Mika Singh Photo

Aaj ki showbiz ki duniya mein Mika Singh isi tarha dhoom macha rahe hain, jaise 10 baras qabal barhe Bhai Daler Mehndi ne apne munfarid style se music lovers ko apna dewana banaya tha. Kamiyabi ke is raaste par chalne ka gur Mikka ne barhe bhai se seekha hai aur dil se un ke mashwaron par amal kiya hai. Jo Baap jaise bhai ne inhe diye to phir kyun shohrat daulat ki devi in ke qadam na choomti. Playback singing ki baat Karen to aaj ki har dosri bollywood movie mein Mika ke raseele, chatkeele aur josh o jazbe se bharpor songs zaror shamil hote hain. Isi tarha live concert ki pehli choice bhi yeh Punjabi munda he hai. Duniya bhar mein apni awaaz ka jadoo jagane wale Mika Singh pichle dino Karachi aae to Mohatta Palace par khoob rang jamaya. Karachi ki audience ne bhi in par itni mohabbat nichawar ki, jise Mika Singh kabhi faramosh nahi kar paenge.

Mika Singh Interview

Question : Aap apne haliya tour Pakistan ke barey mein kuch bataeye ?

Mika Singh : Pakistan mein itni mohabbat aur pyar mila hai ke lafzon mein beyan nahi kar sakta. Itne ache logon ke samne perform kar ke mann khushiyon se bhar gaya. Mujhe laga he nahi ke kisi gher mulk mein perform kar raha hon. Pakistanis ne apno se barh kar aesi chahat di, jise kabhi nahi bholl sakta. Karachi ke Mohatta Palace par perform karte hue audience ki excitement dekh kar maan se bas yehi khuwahish nikal rahi thi ke yeh raat kabhi khatamna ho.

Question : Suna hai 20 years pehle bhi Pakistan ja chuke hain ?

Mika Singh : Han us waqt barhe bhai Daler Mehndi ke sath aik show ke silsile mein jana hua tha. Un dino bataur Guitarist gaya tha. Lekin is baar ka visit mere liye special tha. 20 years baad Karachi walon ke samne perform kar key un laga jaise bohat barha aezaaz mila ho. Audience se khacha khach bhare show mein har umer ke afraad shamil the. Jinho ne taliyan baja kar, bhangre daal kar aur haath hila kar apne josh o kharosh ka izhaar kiya. Yeh show aik Pakistani private channel Hum TV ke tehat arrange kiya gaya tha. Karachi mein itna acha response dekh kar is baat par yaqin karna parhta hai ke artists ko sarhadon mein qaid nahi kiya ja sakta. Main kehta honk e Pakistan aur India ke artists ko aik dosre ke mulk mein perform karna chahiye. Is se dono mumalik ki awaam qareeb aaengi aur aapas ki ghalat fehmiyan door hongi. Hamari jarhen aik hain to phir dilon mein nafratein kyun hain ??? Karachi mein jis garam joshi se mujhe welcome kiya gaya, is ke barey mein soch bhi nahi sakta tha. Jab Karachi jane ka program bana raha tha to doston ne bohat mana kiya tha ken a jao, wahan ke halaat ache nahi hain. Lekin in khadshat ke bawajod Karachi gaya aur phir jis qisam ka response mile use faramosh nahi kar sakta.

Question : Aik ke bad aik super hit song dete hain, aakhir is kamiyabi ka raaz kya hai ?

Mika Singh : Yeh sab mere fans ki mohabbat hai ke wo mere songs ko pasand karte hain aur yun mera geet hit ho jata hai. Agar fans ki support nahi hoti to aaj main kuch nahi hota. Lehaza is kamiyabi ka credit apne chahne walon ko donga.

Question : Aap ka favorite musician kaun hai ?

Mika Singh : Pritam sahib ki composition dil ko lagti hai, wo bohat ba salahiyat hain. Un ki madad hamesha mere sath rahi hai. Aik chez un ke hawale se bohat heyran kun hai ke Bengali hone ke bawajood un mein Punjabi lok mauseeqi ki bohat samajh hai. Jab tak un se nahi mila tha, main unhe Punjabi samajhta tha. Kyun ke un ke naam ke aakhir mein Singh laga hua hai. Unho ne films mein bohat zabardast Punjabi songs compose kiye hain. Is ki wazeh misaal Jab We Met aur Singh is King jaisi films hain. In ke sath kaam kar ke khud ko bohat comfortable mehsoos karta hon. Kyun ke wo mere music taste ke barey mein bakhobi jante hain.

Question : Aaj aap shohrat ki bulandiyon par ho, is kamiyabi ko kis chez ka marhoon e mannat samajhte hain ?

Mika Singh : Main samajhta hon meri shaded mehnat aur mere fans ki be panah mohabbat ne mujhe is maqam tak pohnchaya hai aur apni is kamiyabi ko apne paristaron se mansoob karta hon.

Question : Aksar is tarha ki news sunne mein aati hain ke aap ke aur Daler Mehndi ke bech mein ikhtelafaat chal rahe hain ?

Mika Singh : Sab jhot hai, aesi bakwas parh kar hansi aati hai. Daler Bhai to mere liye Baap ki jagah rakhte hain. Un ka itna adab o aehteram karta hon ke un ke samne bethta bhi nahi hon. Hum dono bhaiyon ke ikhtelafaat ki khabren wo log phelate hain jin se hamari kamiyabi hazam nahi hoti. Un logon se yeh haqiqat bardasht nahi hoti ke do ba salahiyat singers aik he family se talluq rakhte hain, un jalne walon par afsoos he kiya ja sakta hai.

Question : Aap ke hawale se mutanaza news aae din shaey hoti rehti hain, jis se aap ka bad boy image ban gaya hai, ke falan ladki ke sath aap ne cherh charh ki ya falan model ne aap ko thappar maar diya, Kya is qisam ki batein khud phelate hain ke news mei in rahen ?

Mika Singh : News mein rehne ke liye mujhe is qisam ki baton ki zarorat nahi. Ise ittefaq he keh len ke mutanaza news mujh se jurh jati hain. Main khud ko aisa magnet kehta hon, jis se mutanaza khabrein chipak jati hain. Mumkin hai is qisam ki news se mera bad boy image ban gaya ho. Magar mere fan following mein kami nahi aai, jis se zahir hota hai ke mere chahne wale aesi news par yaqeen nahi rakhte. Agar log mujhe haqeeqatan bura samajhte to wo kabhi mujhe apni private taqribaat ya shadi waghera mein perform karne ke liye nahi bulate, jahan main un ladkiyon aur aurton ke sath raqs karta hon, is ka matlab yeh hua ke khuwa koi kuch kehta ya chapta rahe. Mere fans mujhe ache character ka insaan samajhte hain, bas mere liye yehi kafi hai.

Question : Itne barhe singer ho kar shadi waghera ke functions mein perform karte hain, ajeeb nahi lagta ?

Mika Singh : Mere khayal mein is mein koi buri baat nahi hai. Aaj Shahrukh Khan jaisa super star private parties mein perform karta hai. Mujhe to shadi ki taqribaat mein be had maza aata hai. Shadi ka mauqa bohat khas hota hai. Kisi ki shadi mein aap perform kar ke aap us ki yadon ka hissa ban jate hain. Aise functions mein achi performance dene ki koshish karta hon.s

Question : Apni shadi ke barey mein kya soch rakha hai ?

Mika Singh : Shadi bohat zarori hoti hai, main bhi karonga. Tahum aesi seedhi saadhi Punjabi kurhi ki talash mein hon jo mere jaise shakhs ke sath guzara kar sake, kyun ke aik fankaar ki zindagi tanazaat aur scandal se jurhi hoti hai. Lehaza mere khayal mein aesi ladki ko life partner hona chahiye, jis mein in cheezon ko bardasht karne ka hausla ho jo mujhe samajh sake aur jise meri shohrat o daulat se nahi bal ke mujh se mohabbat kare.

Question : Suna hai apne farm house par tum ne bohat se animals paal rakhe hain, jin se bohat dosti hai ?

Mika Singh : Ji han, 100 acre ke aik farm house ka malik hon, jo ke dama dama jheel par waqeya hai. Is mein bohat se janwar paal rakhe hain. Jin mein 12 dogs, 4 cows, 2 horses aur camel waghera shamil hain. Pichle sino aik mare ne bacha diya hai to main ne us ka naam Bebo rakha hai, kyun ke mujhe Bebo main Bebo song bohat pasand hai. Apne Doggy Jugni se bohat mohabbat hai aur mera favorite hai. Shankar aur shambo naami camels se bhi bohat lagao hai. Aik elephant rakhne ka bhi iradah hai aur soch rakha hai ke isi hathi par sawar ho kar apni baraat le kar jaonga.

 

 

 

 

Copy Right 2012-2014 www.Meriduniya11.com Contact Us