Meriduniya11 Header
Home>Interview  

 

 

 

 

Katrina Kaif

Katrina Kaif was born on 16 July 1983 in Hong Kong, China. She is 30 years old. Katrina Kaif is a Bollywood film actress and model also. She started her career from the film Boom, but unfortunately, it was unsuccessful on the box office. Then Katrina worked in the successful Telugu movie Maleswari. Katrina Kaif nominated for the best actress film fare award for the film Newyork. Katrina Kaif worked in the super hit movies, Main ne Pyar Kyun Kiya, Namaste London, Partner; Singh is King, Mere Brother ki Dulhan, Zindagi Milegi Na Dobara, Rajneeti, Ek Tha Tiger and Jab Tak Hain Jaan. Now Katrina played a very well role in the new film Dhoom 3 with Amir Khan, Abishek Bachan and Uday Chopra. It released on 20 December 2013 at Friday. In this page, you can see the information and interview about Katrina Kaif.

Katrina Kaif Information

Katrina Kaif Photo

Katrina Kaif 16 July 1983 ko Hong Kong , China mein peyda hui. Katrina hindi films ki actress aur kamiyab model hain. Inho ne modeling ke bad Boom se apna acting career shuru kiya. Lekin yeh film box office par kamiyab na ho saki aur is ke sath he Katrina ko bhi khatir khuwa pazeerai na mili. Is ke bad wo aik kamiyab telugu film Maleswari mein nazar aai. Bad aza in ki 2 films Main ne pyar kyun kiya aur Namaste London tijarti imtiaz se kamiyab rahi. Bil khusoos Namaste London mein inki acting ko naqadon ne bhi saraha. Is ke bad inho ne kamiyab films Partner, Welcome aur Singh is King mein glamorous role play kiye.

Yeh mail oriented films hain jin mein Katrina ke pas karne ke liye koi khas kaam na tha, tahum in films se Katrina ke career ko sahara mila. 2009 mein release hone wali film Newyork in ke career mein aik aeham samg meyl sabit hui. Sirf naqadon ne he is ke kaam ki tareef nahi ki, bal ke is film mein behtreen acting karne par inhe best actress ke film fare award ke liye nominated kiya gaya. Is ke bad aane wali films mein Rajneeti, Zindagi na Milegi dobara, Mere Brother ki Dulhan, Ek tha Tiger aur Jab Tak Hain Jaan mein inhe ziyada maussir aur jandar role mile hain, go ke naqadon ne in ki acting par mile jule tabsarey kiye. Lekin tijarti aitebar se is ka shumar Bollywood ki kamiyab tareen actresses mein kiya jata hai. In ki new film Dhoom # 20 December 2013 ko release hui hai. Jis mein Katrina Amir Khan ki heroin hain. Is tarha Katrina Kaif bhi Bollywood ki un actresses mein shamil ho gai hain, jinhe teeno Khan heroes ke sath kaam karne ka aezaaz hasil ho chuk hai.

Katrina Kaif Interview

Question : Dhoom 3 mein Amir Khan ke sath nazar aa rahi hain, is tarha aap bhi un actresses ki saff mein shamil ho gai hain, jinhe teeno Khan’s heroes ke sath kaam karne ka mauqa mila hai, is barey mein aap ke kya tassurat hain ?

Katrina Kaif : Yeh sab oper wale ka karam hai. Main to kabhi soch bhi nahi sakti thi ke yeh industry mujh par itni meharban ho gi. Meri hamesha se khuwahish rahi hai ke industry ke har barhe heroes ke sath kaam karon. Yeh teeno industry ke super star hain aur Bollywood ki har actress in ke sath pair banana chahti hain. Lekin is ka matlab hargiz nahi hai ke dosre actors ko degrade kar rahi hon. Har us actor ke sath kaam karne ke liye tayyar hon, jise producer, director apni film ke liye mauzoo samajhte hain.

Question : Apne role ke barey mein kuch bataengi mehaz glamour girl ke taur par hain ya kahani mein aap ka bhi koi role hai ?

Katrina Kaif : Tafseel to nahi bata sakti, albatta itna zaroor kahongi ke is film mein mera role bohat aeham hai aur sirf glamour girl ke taur par kaam nahi kar rahi.

Question : Aap 17 years ki umer mein Mumbai aa gai thin, yeh shehar aur mulk aap ke liye ajnabi tha, koi khauf to mehsoos nahi hua ?

Katrina Kaif : Jab aap 2 mukhtalif mulkon mein parwan charhe hon aur aap ka aana jana laga rehta ho to kuch bhi ajnabi nahi lagta. 17 saal ki umer mein aap bache nahi bal ke nau jawani ki hudood mein qadam rakh chuke hote hain. Main hamesha safar mein rahi aur new jagah ya new soortehal mein apne aap ko dhalna mujhe kabhi mushkil nahi laga. Lehaza main yahan aa kar bohat khush thi. Waise bhi bunyadi taur par Indian he hon,is liye mujhe kabhi ajnabiyat ka aehsaas nahi hua.

Question : Bombay Talkies mein aap ne aik jumla bola tha “ follow your dreams ” yeh batao ke is safar mein apne khuwabon ki tabeer hasil karne mein kitni kamiyab rahi ho ?

Katrina Kaif : Wo to script mein likha hua dialogue tha, lekin haqiqat yehi hai ke amli zindagi mein wohi log kamiyab hote hain jo khuwabon ka picha karte rehte hain. Jab modeling kar rahi thi to maine barhi campaign ke hawale se apne liye kuch target mutaiyn kiye the. Jin mein kaam kar ke mujhe khushi hoti hai aur jab is tarha ki campaign milne lagi to mehsoos hua ke main ne apna maqsad hasil kar liya hai. Bohat be chain fitrat ki malik hon. Jab koi goal mutaiyn kar lon to mera zehan new challenges karne ke liye mutaiyn ho jata hai. Agar industry mein aap ke kuch dost hon to offers milna shuru ho jati hain. Aam taur par models ke liye industry mein jagah banana mushkil nahi hota.

Question : Shuru shuru mein aap ko hindi nahi aati thi, ise seekhne ke liye tum ne kiya koshishen ki ?

Katrina Kaif : Hindi seekhne ke liye baqaiyda aik tutor ki khidmat hasil ki aur us ne sab se pehle mujhe devne gari rasm ul khat parhna sikhaya. Main nahi chahti thi ke set par script parhne ke liye kisi dosre ki madad hasil karon. Is ke ilawa shooting ke dauran hindi bolne ke silsile mein jo tajurbat hue. Un se bhi meri hindi behtar hoti gai.

Question : Aap apni kamiyabi mein qismat ka kitna hissa samajhti hain ?

Katrina Kaif : Mera khayal hai ke insaan ki kamiyabi mein qismat ka bohat barha dakhal hota hai. Mazhabi khayalat ki hon aur mera manna hai ke insaan ki zindagi mein jo kuch likh diya gaya hai wohi use milega. Is ke sath he mera yeh bhi yaqeen hai ke tadbeer se taqdeer badal jati hai. Is ki bohat si misalen di ja sakti hain. Salman Khan ke sath meri aik film Ek Tha Tiger box office par bohat ziyada kamiyab rahi, jab ke har koi yehi keh raha tha key eh film nahi chalegi. Yash Raj ki film bhi mere liye aik khuwab ki manind thi aur mujhe is film ka hissa banna bohat acha laga, lekin main samajhti hon ke abhi bohat kuch karna hai. Mehnat par yaqeen rakhti hon aur mera manna hai ke oper wala kisi ki mehnat ko raiyga nahi jane deta.

Question : Apni kamiyabi mein Salman Khan ki rehnumai ko kitna credit deti hain aap ?

Katrina Kaif : Zaati taur par samajhti hon ke Salman Khan ke mashware hamesha mere liye aeham rahe hain. Ise achi tarha andaza hai ke yeh industry kis tarha kaam karti hai, lehaza un ki rehnumai se mujhe hamesha madad mili.

Question : Aap ne industry ke bohat ache actors, directors aur hunarmandon ke sath kaam kiya hai, koi aisa trade secret jo aap an un logon se seekha ?

Katrina Kaif : Main ne har aik ka baghaur mushahida kiya aur un se kuch na kuch seekhne ki koshish ki. Maslan Akshay Kumar ne mujhe industry ke ikhlaqiyat ke barey mein bataya, waqt ki pabandi, set par pori tayyari ke sath aana aur waqfon ke dauran agle shot ki tayyari karna. In ke sath kaam kar ke main hamesha comfortable rehti hon. Isi tarha Anil Kapoor aur Salman Khan se bhi main ne bohat si choti choti batein seekhi.

Question : Aap ko industry ki bohat hassas actress samjha jata hai. Yeh bataey ke kis tarha ke mahaul mein aap se behtareen kaam liya ja sakta hai ?

Katrina Kaif : Jab yeh mehsoos karon ke directors mujh se mohabbat karte aur mujh par bharosa karte hain, to is baat se mujhe bohat madad milti hai. Acting aik bohat he peycheeda kaam hai. Jab aap camera ke samne khare hote hain to apne aap ko mehfooz aur pur aitemad samjhe, agar aisa nahi hai to sab kuch tabah ho jaega.

Question : Ab tak aap ne commercials films mein kaam kiya hai. Kamiyabi ki is manzil par pohanchne ke bad kya aap koi tajurba karna chahengi ?

Katrina Kaif : Mehsoos karti hon ke main ne ab tak mehfooz rasta ikhteyar kiya hai aur aes films mein kaam karne ko tarjeeh di jo tijarti aitebar se kamiyab ho sakti thin. Lekin mujhe in par koi pachtawa nahi kyun us waqt mere liye yehi zarori tha, lekin ab professionally taskeen ke liye mukhtalif films mein kaam kar sakti hon. Umeed hai ke jald he aisa mauqa aaega.

Question : Aakhir mein wohi aik sawal ke kya aap single hain ?

Katrina Kaif : Main pehle bhi keh chuki hon aur dobara keh rahi hon ke single he hon jab tak meri shadi nahi ho jati.

 

 

 

 

More Links

 

Copy Right 2012-2014 www.Meriduniya11.com