Welcome to Meriduniya11

 

Home>>Interview >  

 

 

 

 

Gaurav Chaudhary

Gaurav Chaudhary is an Indian T.V actor. He is playing a character of Permeet in the drama serial “Bani ishaq da kalma.” Here we are presenting you an interview with Gaurav Chaudhary. In this interview he is telling about his character in the drama and how coincidentally he gets the role in the drama. In this page, you will find Gaurav Chaudhary Interview. we hope you will enjoy this interview In Roman Hindi.

Gaurav Chaudhary Interview

Ghaurav Chaudhary Photo

Question: Acting ki taraf kayse ana howa?

Gaurav Chaudhary: Bunyadi tor par software engineer hun lekin walid sahib ki khuwahish thi ke kisi news channel par anchor ban jaon jab ke main us ke age ki soch raha tha aur mera irada shuru hi se acting ki taraf ane ka tha halanke tamam bare news channels ke head quarter new Delhi mein hain lekin main acter bane ke leye Mumbai chala aya. Phele modeling ki aur phir acting ki taraf agaya. Sachi baat to ye hai ke is silsile mein Praven Kumar ne meri bohat hosla afzai ki, un se meri mulaqat Delhi mein aik basket ball match ke doran hoi aur un ka kehna tha ke mujhe showbiz career apnana chaheye, agar wo mere zehan mein ye baat na dalte to shayad acter ke bajye news anchor ya software engineer hota.

Question: Is industry mein ab tak ka safar kesa raha?

Gaurav Chaudhary: Main ne ab tak sirf teen shows keye hain aur mujhe koi khas mushkil pesh nahi ai, is lehaz se kehta hun ke is industry mein ab tak ka safar acha raha. Main ne kafi uthar charhao dekhe hain lekin ye sab zindagi ka hissa hai, kisi ache muqe ki talash mein tha, aik saal phele mera akhri show khatam howa, aur ab mujhe bani ishq da kalma mein cast kiya gaya hai wo bhi logon ko pasand aya aur umeed karta hun ke ye character agye chal kar khasa aham sabit ho ga.

Question: Is show ka hissa bane par kesa mehsos kar rahe ho?

Gaurav Chaudhary : Mujhe ye show bohat pasand hai kyun ke shuru hi se ese dekhta chala araha hun, is ka concept bohat hi takhliqi hai aur is mein haqiqat ka rang jhalakta hai. Jab main ne is ki kahani suni to foran hi is mein kaam karne par amadah ho gaya kyun ke is ki story line ne mujhe bohat mutasir kiya tha, is show ka hissa banane par bohat khush hun aur umeed hai ke ye character mere leye khush qismat sabit ho ga.

Question: Tum ne kia soch kar is show mein kaam karna qabol kiya?

Gaurav Chaudhary: Jesa ke main bata chukka hun ke is show ka concept bohat hi mazbot hai chunacha main ne kahani parhte hi is show mein kaam karne ka fasla kar leya. Is ke elawa meri porani khuwahish thi ye colours T.V ke kisi show mein kaam karon naur main ese hi kisi ache show ka intezar kar raha tha, in sab baton ko dekh kar mere leye mumkin na tha ke is show mein kaam karne se inkar kar don.

Question: Kia tum aik shadi shudah mard ka role play kar ke apne ap ko comfortable mehsos kar rahe ho?

Gaurav Chaudhary: Main sirf show ki kahani aur character ko ahmiyat deta hun, mere khayal mein shadi shudah mard ke character play karne mein koi borai nahi hai. Aik acter ke tor par hamari ye zimedari hai ke har tarah ka character play Karein aur un ke zarye apni adakarana salahiyaton ko samne le kar ayein. Main samajhta hun ka tamam acters ko kisi bhi kism ka role play karne ke leye tayar rehna chaheye.

Question: Tum real life mein apne character “Parmeet” se kitne qareb ho?

Gaurav Chaudhary: Ap ese itefaq samajh lein ke meri bohat si adatein “Parmeet” se milt jhulti hain, main bhi is ki tarah bikul genuine aur naram dil hun aur “Parmeet” ki tarah mujhe bhi kaam karne ka junon hai.

Question: Kia tum ye show baqaidgi se dekhte ho?

Gaurav Chaudhary: Ji han main pheli episode se hi ye show dekh raha hun aur agar kisi bhi wajah se koi episode chot jaye to bad mein u tube par dekh leta hun, jab se meri entry hui hai is ke bad bari baqaidgi se show dekh raha hunt a ke apni performance, jazbaat aur dialog wagherah ka jaiza le sakon. Is tarah mujhe apni khamiyon ka andaza ho jata hai.

Question: Co actors’ aur production house ke sath kaam karna kesa lag raha hai?

Gaurav Chaudhary: Donon hi lead girls industry mein nayi hain lekin bohat acha kaam kar rahi hain. Shefaliaur Neha bari mehanti larkiyan hai aur uun ka kaam khud bolta hai. Senior actors ke bare mein kuch nahi kahon ga kyun ke wo apni missal ap hain. Is show ka Panjabi background hai aur jesa ke ap jante hain ke Panjabi bare khush mizaj aur hasne khelne wale log hote hain lehaza un ki company khub enjoy kar raha hun. Production house naya hain lekin wahan kaam karne wale sab log professional hain, ye unka phela show hain aur wo apna kaam bari khubi se kar rahe hain. Pora amla hi bohat supportive aur madadgar hai.

Question: Ab tak jitney show kar chuke ho un mein sab se aacha kon sa laga?

Gaurav Chaudhary : Imandari ki baat to ye hai ke mazi meinjitne bhi show kiye hain un mein se koi bhi ziyadah arse tak na chal saka, shayad meri qismat ziyadah achi na thi lehaza is bare mein kuch kehna mushkil hai ke kon sa show behtareen tha kyun ke mujhe kisi bhi show mwin ziyadah arse kaam karne ka muqa nahi mila.

Question: Muataqbil mein kis tarah ke role karne ke khuwahishmand ho?

Gaurav Chaudhary : Ese role jo mujhe appeal kar sakein, aaj kal hamre hank aye youth oriented shows ho rahe hain jin mein dilchaspi ka ansar numaya hai lehaza meri khuwahish hai ke ese hi kisi show mein kaam karon. Mujhe fuqre, Rock on aur Dil chahata hai jesi films bohat pasand hain aur agar kabhi esa role mila to ise bakhushi qabol kar lon ga.

Question: Goya tum folmon mein bhi kaam karne ka sapna dekh rahe ho?

Gaurav Chaudhary : Ji han, kyun nahi. Agar koi acha chance mila to film mein zaroro kaam karon ga. Abhi tak mujhe apni marzi ka koi role offer nahi huwa lekin mehnat par yaqen rakhta hun aue umeed hai ke jald hi apne maqsad mein kamyab ho jaon ga.

Question: Agar acter na hote to kis field mein jana pasand karte?

Gaurav Chaudhary: Phele hi bata chukka hun ke bunyadi tor par software engineer hun aur agar acting mein na ata to yaqinan isi field mein kaam kar raha hota.

Question: Apni shakhsiyat ko aik jumla mein bayan karo?

Gaurav Chaudhary:Bohat pur etimad aur mehanti hun.

Question: Is show se tumhein kitni tawaqoat wabasta hain, kia tum mazi ke bar aks ziyadah arse tak is mein kaam kar sako ge?

Gaurav Chaudhary: Is lehaz se kuch ziyadah khush qismat nahi hun kyun ke mazi mein jitney bhi shows kiye un mein se koi bhi 6 mah se ziyadah na chal saka taham is show ki uthan dekhte howe umedd ki ja sakti hai ke mujhe ziyadah zrse tak is mein kaam karne ka moqa mil sake ga. Ab tak is ki 85 episode on air hochuki hain aur kahani bilkul ibtedai marhale mein hai mera phela target hai ke kam azkam ai saal tak is show mein mujod rahun aur agar upar wale ki marzi hui to ye show do ya teen saal tak bhi jari reh sakta hai.

Question: Kia ye sach hai ke producer ne tumhein rah chalet is show mein kaam karne ki offer de thi?

Gaurav Chaudhary: Rah chalet to nahi albata hamari mulaqat itefaqiya tor par airport apr hoi. Main aik benul aqwami filyit se wapas aya tha aur Damni Sethi bhi Canada ka dora kar ke wapis arahi thein, un ki nazar mujh par pari to unhen mujh mein berone mulik muqim Indian ki jhalak nazar ai, unhon ne mujh se mera background malom kia aur foran hi is role ki offer kar di. Yese to ye kahaniyon jesi baat lagti hai lekin haqiqat bhi yehi hai, un ki is peshkash ke jawab mein mujh se kuch na bola gaya lekin jab main ne script parha to inkar karna mumkin nahi raha, a bap ese itegaq samjhein ya khush qismati ke aik acha role meri jhuli mein aan gira.

Question: Is show mein senior actor Punet Isara tumhare dada ka role play kar rahe hain suna hai tum un ke bohat bare fan ho?

Gaurav Chaudhary: Punet Isara ke sath screen shear krana mere leye bohat bara ezaz hai, main unki bohat izat karta hun, wo intehai professional aur senior actor hain, qudrat ne unhein bapanah salahiyaton se nawaza hai, main un ka sirf fan hi nahi balke shagird bhi hun aur un se bohat kuch sekh raha hun.

Question: Suna hai ke wo tumhare leye ghar se banaya howa khana le kar ate hain aur tum donon shot ke doran waqfe mein musalsal baatein karte rehte ho?

Gaurav Chaudhary:Ji han, Punet ji mujhe apna chota bahi samjhte hain aur main bhi bachpan se hi un ka fan hun, khush qismati se is show mein un ke sath kaam karne ka muqa mil gaya hai aur main un ki suhbat se khub enjoy kar raha hun.

Question: Professional front par to tumhein kamyabi mil gayi, personal life mein kia sorat e haal hai?

Gaurav Chaudhary: Europe mein kai Hindustani aur ghair mulki larkiyon se dosti hai lekin abhi tak ye fasla nahi kar paya ke un mein se kis ko apna hum safar banon, ghar wale shadi par zor de rahe hain jab ke main kisi esi Indian larki ki talash mein hun jon upar se neche tak khalis mashriki ho kyun ke Europe mein reh kar ye anfaza ho gaya hai ke wahan ki larkiyan hamari society mein adjust nahi kar saktein jis ka natija elehadgi ya talaq ki sorat mein nikalta hai.

Question: Aaj kal hamare masher mein beron e mulk mukem Indian larkon ki bari mang hai aur bohat se log aankh band kar ke apni larkiyon ki shadiyan un se kar dete hain, is ke bare mein kia kaho ge?

Gaurav Chaudhary:Is show mein isi masle ko high light kiya gaya hai, meri zati ray mein NRI larke barah ke mahol mein parwarish pane ke bad usi rang dhang mein dhal jate hain aur desi larkiyon ko hakir samajhne lagte hain is leye main to walden ko yehi mashwarah don ga ke apni larkiyon ki shadiyan barabar ke logon mein karein ta ke kisi kism ki tafriq samne na aye.

More Links

 

 

 

Rucha Hasabnis
Sonakashi Sinha
Ali Zafar
Nida Yasir
Ahsan Khan
Naseem Hameed
Amina Sheikh

 

Copy Right 2012-2014 www.Meriduniya11.com Contact Us