Meriduniya11 Header
Home>>Interview >  

 

 

 

 

Farah Khan

Farah Khan was born on 9 January 1965 in Bombay. Farah Khan is a Director and Choreographer of bollywood film industry. Farah Khan is the sister of Sajid Khan. Farah Khan has triplets children, two daughters and one son. Farah Khan is very talented woman. Farah Khan is very nice and kind hearted person. Farah Khan hosted the “ India’s got Talent ” program from Semi Final. Farah Khan judged of several reality programs on Television. In this page you will read Bollywood famous director Farah Khan Interview In Urdu and Roman Hindi.

Farah Khan Interview

Farah Khan Photo

“India’s got talent” ne Television ke croro nazreen ki tawajja hasil ki aur aik maqbool show sabit hua. Is program ko Semi final se maroof Choreographer Farah Khan ka sath naseeb hua, jis se us ki raunaq mein izafa hua woh semi final mien munsif ke tour per shareek hui aur shurka ki hausla afzai karte hue faisley kiye. Farah Khan ne show ke is season ko zabardast qarar dia, yeh waqai unka favourite program hai. Isi program ke pichle season ke dauran bhi apne interview mein unho ne is show ki behad tareef ki thi. Farah Khan ki yeh raaey show ke producer ke liye yaqeenan kisi aezaaz se kam nahi aur unki hausla afzai ka baiys bani hogi. Program ke semi final se is ke sath apna talluq jorhne wali Farah Khan se baat cheat ap ki khidmat mein pesh hai.

Question : App ne iss show ko ikhtatami marhaley mein join kiya is ki koi khas wajah ?

Farah Khan: Is program ki judge ke taur par mujhe shuru he se offer ki gai thi, lekin us waqt main film “ Shirin Farhad ” ke sath masroof thi. Yeh meri film ka naam hai is liye inkar ker diya tha. Lekin production house ne mujh se barabar rabta rakha aur un ka israar tha ke main kam az kam semi final per is mein zaroor shareek ho jaon, is per main ne kuch soch ker October ke last week mein inhein rabta karne ke liye kaha. Main apni film nimta chuki thi aur producer ki call aai to unhe “ OK ” kar diya.

Question : Shayad yeh pehla mauqa hai ke app kisi program ki aik episode ki judge bani hain, is par kya kahengi aap ?

Farah Khan: Ji han… Ab tak maine aisa program nahi kiya. Yeh pehla mauqa hai ke mujhe semi final mein bataur munsif bola gaya hai, is tarah yeh aik naya tajurba tha aur mujhe bohat maza aya, wahan Karan Johar ki maujodgi mere liye khush gawar sabit hui. Woh aik zabardast Artist hai aur is ke sath kaam kar ke masnooi pan ka ehsaas bilkul nahi hota, wahan main ne jitna bhi waqt guzara, aisa laga ke main apni family ke darmiyan hoon. Apne azizon ke sath hoon aur aik khush gawar apnaiyat ka ehsaas mera aahata kiye raha.

Question : Is program mein ki gai Dance performance per tabsara kijiye ?

Farah Khan: Zabardast is mein shareek Dancers nihayat ba salahiyat the aur bohat maharat se apne fan ka mozahira kiya. Main unke choreographer ko mubarak bad pesh karti hoon, ap yaqeen karen ke main unki koi kamzori nahi pakar saki, sab aik dam perfect tha. Main heyran reh gai. Ap jante hain ke main ne beshumar Dance performance dekhi hain aur aik se barh ker aik Dancer meri nazar se guzra hai, lekin wahan maujood tamam log nihayat mahir the aur unki performance ka jawab nahi.

Question : Ap ka pasandeeda reality show kon sa hai ?

Farah Khan: Yeh mera 14th program tha jis mein munsif ke taur par shareek hui aur ab tak apne tamam programs ko enjoy kiya hai. Indian Idol mera pehla reality show tha aur mere liye aik shandar tajurba tha. Main use ab tak faramosh nahi ker saki, us ka format bhi mujhe pasand hai. Is ke ilawa Dance India Dance bhi mujhe bohat pasand hai. Reality shows ki bheerh mein chand hi qabil-e-tawajja hain. Darasal yeh sab ek he qisam ke programs hain, lekin unhe pesh karne ka tareeqa aur jandaar script un ki kamyabi ka baiys banta hai.Ab agar main apne favourite show ki baat karon to entertainment ke liye “ Kuch bhi karega ” ka naam longi. Mujhe bohat maza aya, is show ne meri tawajja apni janib khench li thi.

Question : Agar apne liye salahiyat ka intekhab ap par chor diya jae to aap kya kahengi is bare mein ?

Farah Khan: Aesa mumkin to nahi lekin app ne pocha hai to main apne liye surili awaz chahongi, ta ke gana ga kar bhi main naam kama sakon, is ke ilawa aik athlete banne ki khuwaish karongi.

Question : Apne bachon ke barey mein kuch bataeye, maslan un ki dilchaspi se mutalliq app ne kya andaza lagaya ?

Farah Khan: Woh Dance ke rasya sabit hue hain, maloom nahi yeh unhe wirsey mein mila hai ya phir un mein khud hi is ka rujhan paida ho gaya hai. Meri beti Dance ki mashq karti nazar aati hai. Apne bhaiyon se muqabla bhi munaqid karti hai aur khud he judge ban kar faisla bhi karti hai. Mera beta choreographer ke roop mein motahrik nazar ata hai. Mere bache yeh baat jante hain ke main unhe samajhti hoon aur kabhi un ke shauq ki raah mein rukawat nahi banogi, is liye woh apni salahiyaton ka izhar karne se hichkichate nahi hain. Agarche abhi unhe parhna likhna hai aur amli zindagi ka aaghaz karne mein kafi waqt lagega, lekin unho ne mustaqbil ki tayyari ker li hai.

Question : Television aur Cinema mein kis tarah farq karti hain, ya yun keh lijiye ke kahan kaam karne mein aasani mehsoos hoti hai ?

Farah Khan: Bhai main to in dono mediums ke darmiyan pisne ki aadi ho chuki hoon, agarche ab mujhe muamlaat se nimatna aa gaya hai, lekin kabhi kabhi kaam ka be had dabao mujhe zindagi se bezaar kar deta hai. Television ko to main sambhal leti hoon, lekin film ke dauran social life buri tarah mutassir hoti hai. Ab main apni film nimta chuki hoon aur apne bachon ko ziyada waqt de sakti hoon, kyun ke Television per koi khaas masrofiyat nahi hai.

Question : Kon si host ki maujodgi mein program karne ka ziyada maza ata hai ?

Farah Khan: Mujhe Vishal Malhotra ke kaam ker ke ziyada maza ata hai. Wo zabardast Artist hai. Main ne us ke program “ Entertainment ke liye kuch bhi karega ” mein shirkat ki thi. Wo aik khobsurat tajurba sabit hua aur wahan mera waqt bhi bohat acha guzra. Is ke ilawa Manish Paul ka mujhe andaz-e-mezbani mujhe bohat pasand hai. Wo shandar tareeqe se program ko le kar chalta hai. Meri nazar mein us ka intekhab kisi bhi show ki kamiyabi ki zamanat hai.

Question : Aap ka Television se talluq khasa mazboot hai, barhe pardey ke muqabley mein ise kitni aehmiyat deti hain ?

Farah Khan: Dekhiye is waqt to super star tak choti screen pa kaam karne ke liye betaab nazar aa rahe hain Amitabh Bachan se le kar Shahrukh Khan aur deegar naamwar Artist ne TV ke zariye apne paristaron aur nazreen se talluq jorha hai. Is ke bad to meri raey ki zaroorat he nahi bachti, bila shuba Television ke nazreen ki tadad croron mein hai aur us ke asraat gehrey hain. Main aap ko aksar Television par nazar aati hoon aur yeh is baat ka saboot hai, ke meri nazar mein is ki aehmiyat bohat ziyada hai.

Question : Television par kon sa program shauq se dekhti hain ?

Farah Khan: Mera favourite program “ Big Boss ” hai aur mujhe jab bhi mauqa milta hai, screen ke samne jam kar beth jati hoon. Main us ghar ke andar hone wali ‘ Khana Jangi ’ ka lutf uthati hoon aur Salman Khan ki maujodgi ne to us show ko char chand laga diye hain. Is ke ilawa dance par mabni muqabley mein tawajja hasil kar lete hain, lekin “ Big Boss ” wo wahid program hai, jis ke liye khas taur par waqt nikalti hoo.

More Links

 

Akshay Kumar
Sonakashi Sinha
Ali Zafar
Nida Yasir
Ahsan Khan
Naseem Hameed
Amina Sheikh

 

Copy Right 2012-2015 www.Meriduniya11.com Contact Us