Meriduniya11 Header
Home> Interview  

 

 

 

 

Drashti Dhami


Drashti Dhami is born on 10th January 1985 in Mumbai. She belongs to a gujrati family. She has done graduation in sociology. She started her career from modeling. She has done some music videos. Her first T.V show was “Dil mil gaye”, but she got fame from “Geet, sab se hoi parai.” Now she is doing a drama called “Madhubala, aik ishq aik junon.” She has particitated in a dance reality show “Jhalak dekhla ja” and won it. Here is her interview.

Drashti Dhami TV Actress

Drashti Dhami TV actress ko Challenges qabool karne mein maza ata hai ‘ye he waja hai ke us ne madoh bala ek ishq ek junoon’mein lap ajane ke bad apne hee on screen beti ka non glamours roll qubool kar liya or sab se bari tabdeeli ye ayee ke pehle wo glamours roll mein nazar arahi thi lekin ab us ka look bilkul non glamours hogaya hai’is tarah ka challenge wo hee adakara qubool karsakti hai jise apna upper pura etemad ho’wo ek malti talented adakara hai or mukhtalaf shobo mein apni salhiyat ke johar dehka chuki hai!kabhi wo model ke roop mein nazar ati hai tu kabhi music videos mein maqbool gano per performance deti hai’televison pe aye tu us ne dil milgaye’or geet hui sab se piyari’jese shows ke zariye thelka macha diya or ab maduh bala’mein do mukhtalaf roll play kar ke apni adakari ke dhak bitah rahi hai!guzishta bars us ne dance reality show jhalak dihklaja season.06’mein hissa liya or fateh qarrar paye’ is ke elawa bhi kayee shows mein anchoring ke fraiz anjam de chuki hai! is tarah drashti dhami ne apni cheh sala career mein ye sabit kardiya ke wo haqiqat mein ek werstyke adakara hai!

Drashti Dhami Profile:

Drashti Dhami Photo

Drashti Dhami 10 January 1985 ko Mumbai mein peda hui!us ka talluq ek qadamat pasand gujrati family se hai us ne Sent M A Quelate Girls High School se taleem hasil ki!

Is ke baad mitthi byee college se socialogy se graduation kia! Osay shuru he se adakari ka shoq tha lehaza us ne modeling shuru kardi! Wo television pe ane se pehle he apne music videos ke waja se mashoor ho chuki thi jin mein sayyan dil mein ana re…. ‘nachle sohniye tu…’or hum ko ajkal hai intezar…’ buhat maqbool hue!wo kuch arse dance instructor ke tour per bhi kam kar chuki hai!television per us ka pehla show dil milgaye’ tha jis mein us ne Dr.Muskan ka roll play kia lekin usay geet hui sab se piyari’ se buhat ziyada shohrat mili in dino wo maduh bala ek ishq ek junoon’mein kam karhi hai!is ke elawa jhalak dhiklaja’ seasion.06’ki bhi fateh rehchuki hai!

Drashti Dhami Interview

Question: Madhobala:mein lap ajane ke baad tum ek mukhtalaf look mein nazar arahi ho’tum ne cotton ka suit pehen rahka hai or chehre per mote shesho ka chashma laga liya hai jo ke bilkul he non glamours look hai’ is bare kia kaho gi?

Drashti Dhami: Mujhe ye look achcha lag raha hai kiyon ke dilchashp hone ke sath sath ye buhat comfortable hai’jo kapre pehen rahi hoon wo aam tour per larkiyan rozmarra zindagi mein istemal karti hain!

Question: Jab is look per kam ho raha tha to tum ne bhi koi tajweez pesh ki thi?

Drashti Dhami: Je nahi’ye mukammal tour per channal or producer ka faisla tha’mein ne is silsile mein dakhal dena munasib na samjha!

Question: Is se pehle isi show mein tum bilkul mukhtalaf character kar chuki ho’ye batao ke dono mein se kis se ziyada relate karti ho?

Drashti Dehmi: Main porane or naye dono character mein se kisi se bhi relate nahi karti lekin mujhe yaqeen hai ke dekne wale mere naye roop ko pasand kar rahen hain!poorani or nayee madhubala mein koi mawazna nahi kia jasakta’ dono ek jesi nazar ati hain albatta moujooda madhu’ ziyada batoni hai!

Question: wewen Dasina ke jaga ab naya adakar Gunjun Atrija’tumhare bilmuqabil markazi kirdar ada karega’is bare kia kaho gi?

Drashti Dhami: Is se pehle kabhi nahi mili or abhi tak us ke sath koyi episode record nahi karwayi hai is liye is bare mein kuch nahi keh sakti taham mujhe umeed hai ke wo apna qirdaar achchi tarah ada karega or mein us ke sath comfortable rahon gi!

Question: Kia tum Wevon Dasina ko mis kar rahi ho ya us se rabte mein ho?

Drashti Dhami: Yaqinan usay mis karongi kiyon ke ham ne taqriban derh sal tak akahtte kam kia hai albatta hal he mein us se meri koyee bat nahi hui!

Question: Kia tumhain Wevon Dasina ke jane per herat hui thi?

Drashti Dhami: Ji han mujhe us ke jane ka buhat sadma hua hamari buhat achchi chemistry ban gayi thi lehaza ye jan kar herat hui ke lap ke baad wo is show ka hissa nahi hoga’ye ghaibun producer ka faisla tha taham mujhe is ke jane ka ranj hai!

Question: Lap ke baad ye show pori tarah tum per focus hojaye ga’kia isa tarah tumhare oper mazeed dabao asakta hai?

Drishti Dhemi: Ji han bilkul!sirf mein he nahi bal ke har koyee is dabao ko mehsoos kar raha hai is mein director,producer,creative team or actors sab he shamil hain hum sab akahtte kam kar rahen hai taham doosron ke muqabale mein mujh per ziyada dabao hoga kiyon ke mein lead roll play kar rahi hoon!

Question: Kia ye such hai is show mein tum bayaqwaqt man,beti ka roll play kar rahi ho?

Drashti Dhami: Mujhe thora buhat andaza hai lekin aage ki kahani ka pata nahi!kuch dino mein har bat waze hojaye gi!

Question: Ye bhi sunne mein aya hai Wevon ke sath tumhare kuch ziyada achche talluqan nahi the’kia ye such hai?

Drashti Dhami: Aisee baten akhbarat or magzine mein chat pati khaber ke tour per shaya hoti hain’ye thek hai ke hum dono best friends nahi hain lekin hamare darmiyan kisi qisam ki talkhi bhi nahi hui or hum ek had tak dost hain?

Question: Pehle suna gaya tha ke wevon Dasina ki jaga Gurmeet choudry ko cast kia jaraha hai lekin ab Gunjan ko leliya gaya’ye faisla kiyon hua ?

Drashti Dhami: Is bare mein kuch nahi janti’ye producers ka faisla hai!

Question: kia ye such hai jhalak dihklaja’ka muqabala jeetne ke baad tumhain bollywood se kayee filmon ki offers huin lekin tum ne sab ko inkaar kardiya?

Drashti Dhami: Is se pehle bhi keh chuki hoon ke mujhe kisi hindi film ki offer nahi hui lehaza inkaar ka sawal he peda nahi hota!

Question: Kia filmon mein kam karne ki khuhaish mand ho?

Drashti Dhami: Ji han filmon mein kam karna chahti hoon or omeed hai ke juld he muje ye moqa mil jayega!

Question: Agar bollywod mein moqa mila to kesi filmen or kis ke sath kam karna chahogi?

Drashti Dhami: Meri khuhash hai ke fashion’ya jab we mat’jesi film mein kam karon in movies mein Kareena Kapoor’Priyanka chopra or kangana ranawet ke rolls buhat achche the jahan tak male actress ka talluq hai to Ranbeer Kapoor or Salman Khan ke sath kam karna chahongi!

Question: Tumhain neraj kehm ka’ ke sath mudadid bar dehka gaya hai’aam khayal ye he ke wo tumhara boy friend hai or buhat juld us se shadi karne wali ho’kia ye such hai?

Drashti Dhami: Samaj mein nahi ata ke is tarah ki afwahain kahan se janam leti hain?Is bare mein sirf itna he keh sakti hoon ke jab shadi ka faisla kia to is ka elaan bhi khud he karongi!

Question: Valentine Day kis tarah banati ho?

Drashti Dhami: Mujhe sirf ek valentine day yad hai jo mein ne char saheliyon ke sath milkar banaya tha’wo charon meri school friends thin’us roz hum ne gahr per khoob halla gulla kia’apni marzi ke kahne banye or din bhar dance karte rahe’wo meri zindagi ka sab se yadgar valentine day hai!

Question: Tum ne madhubala’ ki shooting karne ke sath sath dance reality show jhalak dikhlaja 06’ mein bhi hissa liya or ye muqabala jeet gayen’ye tajurba kesa raha?

Drashti Dhami: kam ka prassure itna ziyada tha ke mein jhalak diklaja’ chorne ke bare mien sochne lagi’ek waqt aisa bhi aya ke performance ke douran mujhe kum number milne lage’derh mah baad yun laga ke jese meri jismani taqat kum hoti ja rahi hai or mein sirf zehni taqat se kam le rahi hoon pihr mein ne sathi coriyographir salman yousaf khan se kaha ke muqabala chorna chati hoon jis per wo gahbragaya or us ne meri himmat bun-dahyee!us ke baad maine faisla kar liya ke maduhbala’khatam hone tak kesi dance reality show mein hissa nahi longi’ab meri puri tawajjo is show per hai!achchi tarah jan gayi hoon ke fiction show ke sath koye dosra kam karna buhat mushkil hai or yehi mashwera dosre actros ko bhi doongi ke wo ek waqt mein ek he kam Karen!

Question: Kia tum apne career se mutmaeein ho?

Drashti Dhami: Jahan tak kam ka taluuq hai tu upper wale ki meherbani se ek din ke liye bhi farigh nahi rahi!do hazar sath se abtak musalsal shows kar rahen hoon’in mein fiction ke elawa non fiction shows bhi shamil hain main ne dance reality show mein shirkat karne ke elawa anchoring bhi ki hai or ye tajurba buhat achcha raha lekin T.v industry ke halat se mutmaeen nahi hoon’mujhe sab se bari shikayat kam ke oqat ke bare mein hai’yahan per koye waqt muqarar nahi ‘subha 09 baje bula liya jata hai or jab tak kam mukammal na hojaye tu chutti nahi hoti! kabhi kabhi to rat ke barah baj jate hain’ye bari takleef deh surat-e-hal hai or producers ko is bare mein sochna chaye lekin wo sirf apni bachhat dekte hain’unhen is se koyi gharz nahi ke actors ki koyi personal life hoti hai ya unhen apne gahr ke masael bhi dekna hote hain!

Question: kia tum ne is bare mein kabhi awaz nahi utahye?

Drashti Dhami: Sirf mein he nahee balke doosre actors bhi shor machate rehte hain lekin koyi hamari bat nahi sunta main ne faisla karliya hai ke aaenda kesi show ka contract karte waqt ye zamanat loongi ke sham 6 baje ke baad mujhe rohka nahi jayega!

Question: T.V. ke kis adakar ke sath kam karte hue comfortable mehsoos karti ho?

Drashti Dhami: Mera khayal hai jab do actors set per camera ke samne hote hain to unhen puri tarah ye ehsas hota hai ke wo apne kam se committed hain or unhen koyi aisee harkat nahi kar ni chaye jisse show ko nuqsan pohonche isliye sab he actors ek dosre ke sath pra taawun karte hain or abhi tak mujhe kisi co actor se koyi shikayat nahi hui is liye mein har ek ke sath karm karte hue apne ap ko comfortable samajti hoon!

 

 

 

 

Copy Right 2012-2015 www.Meriduniya11.com Contact Us