Header
Home> Interview
Dilip Kumar

 

 

 

 

Dilip Kumar

Dilip Kumar is the legendry actor of bollwood film industry. He was famous as the tragedy king. Dilip Kumar was born on 11 December 1922 in Peshawar. He was married to the beautiful Indian actress Saira Banu. Dilip Kumar is ill from a long time so he cannot talk much. Some time ago, Dilip Kumar has given an interview in which he talked about his film career and about his heroines. Here we are presenting you that interview. In this page, you will read bollywood actor Dilip Kumar Latest Interview, Dilip Kumar Interview In Urdu and Roman Hindi.

Dilip Kumar Latest Interview

Bollywood Actor Dilip Kumar Photo

Dilip Kumar bollywood film industry ka aik bohat bara naam hain, un ka asal naam Muhammad Yousuf Khan hai. 11 December 1922 ko Peshawar mein peda hone wale Yousuf Khan, bator Dilip Kumar apni bemasal aur lazawal adakari ki wajah se tragedy king ya shahanshah e jazbat khelate hain. Is waqat apni umar aziz ke 91st saal mein dakhil ho chuke hain. Chun ke wo kafi arse se bemar hain, is leye wo bohat kam guftogo kar pa rahe hain, magar kuch arse pehle apne aik interview mein unhon ne guzre waqton ke bare mein bhi baatein ki thein aur apni heroinon ke hawale se bhi apne khayalat ka izhar kiya tha, jin mein un ki ahliya Saira Banu bhi shamil hain. Unhon ne bharti film industry mein apne mushkil faslon par bhi roshni dali thi. Un se baat chet ka ehwal pesh hai.

Question: bollywood mein aik tawil arsa guzar gaya, kia khoya kia paya?

Deelip Kumar: Ye sab mere paristaron, mujh se mohabat aur piyar karne walon ki wajah se hai ke main ne itna tawel arsa bollywood mein guzar leya. Agar mere chahane wale mere kaam ki qadar na karte ya mujhe apni mohabat se na nawazte to mein shayad kuch bhi na hota. Behar haal bollywood mein mera safar heraton se bhara howa hai aur main is apr behad mutmain bhi hun. Is mein kuch kirdar mere sabar aur mere husan e intekhab ka bhi raha jis ke bais mera career kamyabi se humkanar howa. Jab main palat kar apni zindagi par nazar dalta hun to khud ko khasa mutmain mehsos karta hun. Halan ke baz uqat mera wasta herat ingez waqeyat se bhi para aur mutadid halat ne mere leye mushkilat bhi peda kiein, magar majmoi tor par sab kuch normal raha. Main apni zindagi se bohat khush hun.

Question: Ap ki zindagi ke 90 saal pore ho chuke hain, ab tak zindagi mein jo nasheb o faraz dekhe, un ke bare mein kuch khena chahein ge? Koi khas waqeya?

Deelip Kumar: adakari mein meri entry intehai ghair mutawaqa tor par hoi. Ye phela khas waqeya tha. Dosra waqeya aik intehai khubsorat larki se meri shadi jo mujh se lag bhag 20 saal choti thi. Ap ko aik herat angez baat bataon. Main ne Saira Banu ke sath film mein kaam karne se ye keh kar inkar kar deya tha ke ye mujh se umar mein bohat choti hai. Yesra waqeya main tragedy king kehlata tha aur jab mujhe comedy role karne ko kaha gaya to main ne ese challenge samajhte howe qabol kiya. Mere is fasle par mere paristar aur chahane wale bhi heran reh gaye the.

Question: Har adakar ap jesa banna chahata hai, ap jesa kaam karna chahata hai. Ap ne 6 se zaid ashron tak adakari ka nafes, bharpur aur jama andaz pesh kiya. Ap ke paristar kai naslon par muhet hain. Amitab Bachchan se le kar Shahrukh Khan tak sab ap ke fan hain. Lekin ap aik adakar ki hesiyat seapne ap ko kis tarah jancheein ge?

Dilip Kumar: ye esa sawal hai ke jo bar bar mujh se kiya gaya hai aur main ne is par nihayat sanjidgi aur tawajah se ghor kia, is ka jawab talash karne ki koshish ki hai. Mere khayal mein jab koi insan dosre insan se mutasir hota hai to us jesa banne ki koshish karta hai aur esa hona aik fitri amal hai. Adakar mein ye cheiz dosre logon ki nisbat ziyadah hoti hai aur agar is ke samne ziyadah hi mutasirkun shakhsiyat ho to ye khashissh bhi ziyadah hoti hai. Ese insan ko chaheye ke wo apne pasandidah insan ki musbt khososiyat ko apna le aur manfi khososiyat ko nazar andaz kare take us ke zehan mein apni pasandidah shakhsiyat ka sirf musbat tasur hi baqi rahe. Jab ap ka zehan ap ki pasandidah shakhsiyat ko pasand ya napasand karne ka fasla kare to ap ke zehan mein us ka adab aur ehteram zaror hona chaheye.

Question: Aik adakar mein kon si khososiyat honi chaheye aur wok is tarah ki khososiyat ko aage barhaye?

Dilip Kumar: Har adakar mein us ki apni inferadi khososiyat hoti hai. Main ne noumari ke ehad se hi logon ki khososiyat mein farq karna aur un ki inferadiyat ko samajh lena sekh leya tha.jab main 20 saal ka tha to main ne ye sekh leya tha ke mujhe bare sabr ka muzahira karna chaheye aur sirf achi aur muntakhib filmon mein kaam karne ki hami bharni chaheye. Meri zidagi mein wo din bhi aye jab meri filmein hit hona shuru hoein to mujhe beshumar filmon ki offers milne lagein. Main chahata to us moqe se faidah utha kar khob pese kama sakta tha magar main ne esa nahi kiya, balke soch samajh kar filmein qabol kein aur unhen qabol karne se phele un ki kahani aur script par achi tarah ghor kiya, agar mujhe un mein zara bhi koi kami mehsoso hoi to main ne unhen mustarad kar deya.

Question: Is tarah to ap ke bohat se producer pareshan ho gaye hon ge. Hai na?

Dilip Kumar: Us zamane mein mere pas job hi producer offers le kar aye, unhon ne mujhe samjhaya ke mujh jese nowarid ke leye ye behtareen muqa hai,mujhe chaheye ke har offer qabol kar lon, mujhe ye muqa zaya nahi karna chaheye, is se meri zindagi ban sakti hai. Ghaz un logon ne apne apne hisab se mujhe samjhaya aur rasta dekhane ki koshish ki, mujhe mutawaqa nafa o nuqsan se bhi agah kiya gaya, magar main apni rai par mazboti se qaim raha, kyun ke mujhe sahi aur ghalat ka achi tarah se elm tha. Is leye main ne apne dimagh ka kaha mana. Chunacha main to kahon ga ke agar ap mere career ka muhasba karte hain to ap ko mere sabar aur meri logon ko janchne ki salahiyat ko samajhna ho ga. Bohat se fankaron ne aikhi waqat mein 6 mukhtalif filmon mein kaam kiya, un ki kai filmein maqbol bhi hoein aur wo apni kamyabi par nazan bhi the, ye un ka mamla tha aur mera apna mamla tha.

Question: Madhubala se le kar Saira Banu taka p ne apne waqat ki bemisal aur haseen o jamil adakaraon ke sath kaam kiya. Un mein se ap ki pasandidah adakaraein kon thein aur kyun?

Dilip Kumar: Apni sathi adakaraon ko muntakhib karne ka ikhteyar mujhe nahi tha. Ye haq to director aur producer ko tha. Jan Mena Kumari ko mere sath “azad” mein cast kiya gaya, us waqat wo bhi sanjidah adakari se mazahiya ki taraf aarahein thein. Hum donon ne us mein halka pholka aur mazahiya kaam kiya. Film hit ho gai jis ke bad jab “koh noor” ki casting ka marhala aya to is ke filmsazon ne bhi humari hi jori ko usi andaz ke kirdar ke leye mutakhib kiya. Mena Kumari aik azeem famkara thein hum donon ne parde par to acha kaam kiya, magar parde se hat kar bhi humari dosti achi rahi. Is ki wajah ye thi ke hum donon ko hi shairi aur adab se bohat lagao tha balke Mena KUmari to khud bhi shairi karti thein.

Question: Aur Madhubala?

Dilip Kumar: Bahesiyat aik artist aur bahesiyat aik insan Madhubala lajawab thein. Film “tarana” mein humari jori ko bohat pasand kiya gaya. Madhubala ki telasmati shakhsiyat aur un ki seharangez adkari ko bad mein aane wali film “mughal e azam” mein film benon ne dekha aur pasand kiya.

Wahidah Rehman ke sath main ne film “ram aur sham” aur “ dil deya dard leya” mein kaam kiya. Wo waqeyai bari pur josh aur bharpur shakhsiyat ki malik hain. Main ne un ke sath mazkorah do filmon mein kaam kar ke khub enjoy kiya.

Jahan tak Saira Banu ka taluq hai to main ne film “sangina” mein kaam karne ke doran un ki salahiyato ko samjha, warna is se phele main ne unhen kabhi na to achi adakara samjha aur na mehsos kiya tha. Is film mein unhon ne har qism ke dramai scenes ko bala ke etemad ke sath kiya, wo bhi meri madad ke baghair. Is se bilashuba Saira ke haqiqi aur pedaishi telent ka izhar hota hai.

Question: Ap ki sab se pasandidah costar ya sathi adakara kon si thein?

Dilip Kumar: Nalni Jewant meri sab se pasandidah costar thein, unhen kabhi faramosh nahi kar sakta. Un mein khaqi wasf tha ke agar main phele se taiyar na hota to final take mein wo herankun had tak perform kar jati thein aur mujhe sanbhalne ka muqa bhi nahi deti thein.

More Links

 

 

 

Copy Right 2012-2015 www.Meriduniya11.com Contact Us