Meriduniya Header
Home>>Interview  

 

 

 

 

 

Chhavi Pandey

Chhavi Pandey was born on 18th July Patna, Bihar. She is an Indian actress and a professional singer also. Chhavi Pandey also worked in the movie Bidesiya opposite Danesh Laal yadav. She participated in the reality show of singing India is Got Talent season 1 in 2008 and reached at semi final. Chhavi Pandey is well known from the drama serial “ Teri Meri Love Stories ” as a role of Sameeta, she started her debut from this drama on the channel of Star plus. She received the training of Kathak Dance. Chhavi Pandey got the scholarship from the Ministry Culture of Delhi in classical singing. Now she is performing in her new drama serial “Ek Boond Ishq Hai”. Chhavi Pandey said that, I am very fond of singing and it is my first profession. In this page, you can see the information and interview about Chhavi Pandey.

Chhavi Pandey Singer

Chhavi Pandey Photo

Patna se talluq rakhne wali Chhavi Pandey ka Tv career go ke bohat he mukhtasir hai. mehaz 2 shows Teri meri Love Stories aur aik boond ishq is ki shanakht hain. Magar itne thore kaam ke bawajood Chhavi Pandey ne apni aik alag pehchan bana li hai. On screen Babli aur Tom Boy type nazar aane wali chhavi apne on screen character Tara se yaksar mukhtalif hai, wo aam Bharti nari ki tarha sharmeeli hai, magar screen par apne mizaaj ke bar khilaf character bohat khobi se nibha rahi hain. Chhavi ka pehla shauq singing hai aur apni is salahiyat ka izhaar inho ne India got Talent season 1 mein kiya. Is muqabley mein wo semi final tak pohanchne mein kamiyab rahi. Apni Maa se inspiration lene wali Chhavi Pandey ko deegar Tv actors ki tarha silver screen par aane ka bhi shauq hai, magar filhal wo jaldi mein nahi hai aur bohat sambhal kar aage barhna chahti hain. Chhavi ki sab se barhi khobi yeh hai ke wo zindagi mein har chez ko masbat andaaz mein leti hai aur is ke mutabiq yehi kamiyabi ka raaz hai.

18 July ko janam lene wali Chhavi Pandey ne teri meri love stories ki Sameeta ke role ke zariye shohrat hasil ki. Acting ke ilawa wo professional singer bhi hai aur is ne kathak raqs ki tarbiyat hasil ki hai. inho ne classical mauseeqi bhi baqaiyda seekhi hai. Classical singing mein New Delhi ki wazarat e saqafat ki janib se inhe scholarship bhi mili hai. Tv par Chhavi Pandey sab se pehle 2008 mein India’s got talent ke season 1 mein nazar aai. Phir inho ne bhoj pori movie Badesiya mein Danesh Laal Yadav ke maqabil kaam kiya. Star plus ke show Sajda tere Pyar mein ke liye pehle chhavi ko lene ka socha gaya tha. Magar bad mein yeh character Debina Chaterji ko de diya gaya. 2012 mein Chhavi Pandey ne Sang Mere Dol tu ke pilot show mein kaam liya, magar chand wajohaat ki bina par yeh show record na ho saka. Inho ne Daagh mein bhi kaam kiya, magar kuch masaiyl ke baiys inhe yeh show chorna parha. Chhavi Pandey ka new drama Aik Boond Ishq hai, jo ke on ear ho chukka hai.

Chhavi Pandey Interview

Question : Ek Boond Ishq mein aap tom boy type ladki ka role play kar rahi hain, kya haqiqi zindagi mein bhi aesi he babli girl hain ?

Chhavi Pandey : Bilkul nahi, main apne character Tara se bhi bohat mukhtalif hon. Real life mein bohat sharmeeli hon, jab ke Tara chulculi ladki hai, use nichla bethna aata he nahi. Haqiqi zindagi mein us jaisa banne ka soch sakti bhi nahi. Apne mizaaj ke khilaf character kar rahi hon. Is liye ise karna mere liye challenge hai. waise log Tara ke roop mein mujhe pasand kar rahe hain. Jis se andaza hota hai ke main is character ko bohat ache tariqe se nibha rahi hon. Yehi acting ki khobi hai, ke aap ko mukhtalif qisam ke character karne ka mauqa milta hai aur aap on screen wo kuch ban jate hain. Jis ka haqiqi zindagi mein tassawur bhi nahi kar sakte.

Question : Suna hai aap ko aik play Daagh ki bhi offer hui thi, lekin aap ne inkar kar diya is ki kya wajah thi ?

Chhavi Pandey : Yeh durust hai ke mujhe Daagh ki offer aai thi. Main ne audition bhi diya tha aur select ho gait hi, magar phir kisi wajah se is show par kaam ruk gaya aur mazeed progress nahi ho saki. Isi asnaa mein Aik Boond Ishq ki offer hui to main ne ise qabool kar liya.

Question : Yeh bhi khabar sunne mein aai ke aap ne Sang mere Dol Tu naami dance show mein bhi kaam kiya hai, lekin mazkora show on ear nahi ho saka ?

Chhavi Pandey : Han yeh khabar durust hai. Daagh se pehle yeh dance show offer hua tha. Is ka pilot bhi shoot ho gaya tha, magar phir kuch problems ke baiys yeh show on ear nahi kiya ja saka, jis ka mujhe bohat dukh bhi hai. mai samajhti hon ke is show ke zariye logon ko yeh pata chalta ke main kitni achi dancer hon.

Question : Kya silver screen par bhi nazar aane ki khuwahish hai ?

Chhavi Pandey : Tv ka kaun sa actor hai jis ke dil mein films mein kaam karne ki khuwahish nahi machalti hai. main bhi films mein kaam karne ke liye utni he crazy hon, jitna dosre kyun ke jis tarha film stars ko treat kiya jata hai. us ki bathe alag hai. Tara ke character mein mukhtalif shades hain. Is tarah ke role se meri acting mein maturity aaegi. Jo films mein kaam ke liye madagar sabit ho gi. Khuwahish hai Bollywood ki kisi film mein kuch kar dikhane ka chance mil jae. Filhal films mein jane ki jaldi nahi hai.

Question : Acting ke ilawa aur kya dilchaspiyan hain ?

Chhavi Pandey : Singing mera pehla shauq hai. main ne classical singing ki baqaiyda tarbiyat hasil ki hai aur is ki mashq karti hon. Apne is shauq ki bina par India’s got Talent ke semi final tak pohanchne mein kamiyab rahi thi. Jahan apni sister Reshmi Pandey ke sath duets gaey the. Teri Meri Love Stories ke tamam songs main ne he gaey hain.

Question : Zindagi se kya kuch seekha hai ?

Chhavi Pandey : Yehi ke kaise bhi halaat hon, zindagi kitni he mushkil ho jaey. Har sooratmein masbat soch rakhen. Agar aap ki approach masbat ho gi to aap se mutalliq har chez masbat ho jaegi. Manfi logon aur manfi sochon ko nazar andaaz karna ho ga.

Question : Family mein sab se ziyada kis se qareeb ho ?

Chhavi Pandey : Maa se bohat ziyada mohabbat hai. zindagi mein sab se ziyada inspiration unhi se mili hai. un se bohat attach hon, wo mere liye sutoon ki hesiyat rakhti hain. Mushkil halaat mein hamesha mujhe un ka sath muyassar aaya hai. wo meri salahiyaton ko bohat achi tarha samajhti hain aur hausla afzaai karti hain.

More Links

 

 

More Links

 

Copy Right 2012-2014 www.Meriduniya11.com Contact Us