Header
Home> Interview  

 

 

 

 

Arjun Bijlani

Arjun Bijlani was born on 31 October 1982 in Mumbai India. He is 31 years old. Arjun Bijlani is an Indian television actor. He is well known from his show Left Right Left from the channel of Sab Tv as a role of Aalekh. The Arjun Bijlani worked in the drama Mile Jab Hum Tum from the channel of Star one as a Mayank Sharma in 2008 and it was a turning point of his career. He started his career from modeling. His first show was karthika from Hungama Tv in 2004. Arjun Bijlani nominated for different awards. He performed as a VJ in the reality travelling show Road Diaries from the channel of UTV, and then he worked in the music video. Arjun Bijlani married with his girl friend Neha Swami in 21 May 2013, she is a model. Now he is performing in the show Jo Biwi Se Kare Pyar with Shweta Gulati. In this page, you can see the information and interview about Arjun Bijlani.

Tv Actor Arjun Bijlani

Arjun Bijlani Photo

Arjun Bijlani ke career ka aaghaz shauqiya modeling se hua tha. Inho ne pocket money ke liye kae print add mein kaam kiya, magar wo nahi jante the ke mehaz jaib kharch ke liye kiya jane wala kaam in ke profession ban jaega. Left right left mein Aalekh Sharma ke character se Arjun Bijlani ko pehchan mili to tele world mein inhe khob offers milne lagin. Inho ne sirf dramas mein acting ke johar dikhaey, bal ke road diaries jaise travelling show mein VJ ke rrop mein bhi yeh super cool mazar aaey. In dino in ka show Jo Biwi se Kare Pyar Sab Tv par dikhaya ja raha hai. is cooking based fiction show mein yeh aise husband ka role play kar rahe hain, jo apni wife ke liye nat nae khane pakata hai. waise real life mein bhi yeh biwi wale ban chuke hain aur long time girl friend Neha Swami ke sath happy married life guzaar rahe hain. Zindagi ki choti choti cheezon aur baton mein romance khojne wale arjun se hui iis baat cheet mein aur bohat si baton ke ilawa hum ne yeh khoj lagane ki koshish ki hai ke apne show Jo Biwi Se kare Pyar ki tarha kya yeh real life mein bhi apni pyari wife se bhi itna he pyar karte hain.

Arjun Bijlani 31 October 1982 ko Mumbai mein peyda hua. Inhe sab tv ke show left right left mein kaam kar ke shanakht mili. Phir yeh star one ke drama Mile Jab Hum Tum mein Mayank Sharma ke roop mein nazar aaey. Arjun ke career ka aaghaz shoqiya modeling se hua tha. Inhe ne apni jaib kharch ke liye mobile, sugar free, LG aur Samsung jaise brand ke print adds ke liye modeling ki. Tv par in ka pehla show Karthika tha, jo 2004 mein Hungama tv par on ear hua tha. Is ke bad wo star one ke Remix mein aik mukhtyasir role mein nazar aaey. Tahum left right left se shohrat hasil hui. Aalekh Sharma ke role mein behtareen kirdar nigari par inhe kae awards ke liye namzad kiya gaya. Mohe rang De bhi arjun ke shows mein se aik aeham show hai. Phir 2008 mein in ke hisse mein Mile Jab Hum Tum aaya. Yeh play in ke career ka turning point sabit hua aur Tv ke aeham actors mein in ka shumar hone laga. Arjun Bijlani ka agla play pardes mein mila koi apna tha. Is show ke khatam hone ke bad arjun ko 9 months ka break mila aur phir screen par wapsi in ki host ki hesiyat se hui. UTV ke road diaries naami reality show mein yeh VJ the. Phir inho ne music video mein kaam kiya. Star plus ki tele series teri meri love stories ki aik episode mein bhi inhe apni salahiyaton ke izhaar ka mauqa mila. 21 May 2013 ko in ki shadi in ki girl friend Neha Swami se ho gai.

Arjun Bijlani Interview

Question : Itni lambe gape ke bad Tv par nazar aa rahe hain, is gher hazri ki koi khas wajah thi ?

Arjun Bijlani : Wajah to kuch nahi thi, bas kisi achi offer ke intezar mein tha. Shukar hai Jo Biwi Se Kare Pyar ke zariye aik achi serial hisse mein aai aur main ne haan keh diya. Is show ka concept bohat interesting hain. Jin ne mujhe appeal kiya. Yeh aik new married couple ki kahani hai. mere sath Shweta Guklati wife ka role adaa kar rahi hain. Mera role romantic husband ka hai. Jo apni biwi ke liye kuch bhi karne ko tayyar hai. kahani ke mutabiq dono miyan biwi working people hain, isi liye aik dosre ke liye time nahi nikaal pate. Albatta kitchen mein khana banate waqt romance ke liye thora time mil jata hai. is show ki khas baat yeh hai ke viewers ko show dekhne ke sath sath khana pakane ki achi achi dishes bhi seekhne ko mil jati hain. Main samajhta hon ke Indian Tv par pehli bar koi aisa fiction show pesh kiya ja raha hai. jis mein khana pakane ki recipes bhi sikhai ja rahi hain.

Question : Tv se ghayab rehen ke dauran aap ne shadi bhi kar li, shadi ke bad ki zindagi kaisi lag rahi hai ?

Arjun Bijlani : Bohat acha lag raha hai, go ke shadi shuda zindagi mein zimmedariyan pehle se kahi ziyada barh jati hain. Magar yeh sab khobsurat lagta hai. Biwi Neha bohat mohabbat karne wali hain. Din bhar ki thaka dene wali mehnat ke bad jab ghar mein qadam rakhta hon to un ki welcome muskurahat se sari thakan urhan cho ho jati hai. us waqt zindagi ki khobsurti ka aehsaas hota hai.

Question : Sunne mein aaya hai ke show Jo Biwi Se Kare Pyar ki offer aap ne apni wife Neha ke kehne par qabool kit hi ?

Arjun Bijlani : Ji han yeh baat kisi had tak durust hai. meri tarah Neha ko bhi script acha laga tha. Lehaza us ne kaha ke is offer ko reject mat karna. Aap keh sakte hain ke yeh show apni wife ki khatir kar raha hon. Is show ke dauran kae dish pakana seekh chukka hon. Jinhe ghar mein larhai kar ke biwi ko impress karne ki koshish karta hon. Biwi bhi be had khush hai ke kitchen mein us ka hath bata leta hon. Ab yeh haal ho gaya hai ke jaise he ghar mein dakhil hota hon to biwi ka yehi kehna hota hai ke chalo khana banao.

Question : Girl friend ko biwi ke roop mein dekhna acha lag raha hai ya……. ?

Arjun Bijlani : Wo girl friend ki soorat mein bhi pasand thi aura b biwi ke roop mein us se bhi ziyada achi lagti hai. waise boy friend aur husband ke role mein bohat farq hota hai. sach pocho to dono mein alag he maza hai. farq sirf itna hai ke shohar banne ke bad zimmedariyon mein pehle se kahi9 ziyada izafa ho jata hai.

Question : Apni fitness barqara rakhne ke liye gym jane ke ilawa aur kya jatan karte hain ?

Arjun Bijlani : Yeh sab regular exercises ka natija hai. jin dino mein faraghat thi to gym mein bharpor time deta tha. Magar ab shooting ke baiys daily aik ghanta he exercise kar pata hon. Is ke ilawa apni ghiza par bhi tawajja deta hon. Khane peene ka chart banaya hua hai aur is par sakhti se amal karta hon. Oily khane sur ziyada meetha khane se parhez karta hon. Yehi meri fitness ka raaz hai.

Question : Sunne mein aaya tha ke aap ko nach baliye ki bhi offer hui thi, kya wajah hai ke aap ne us mein shirkat nahi ki ?

Arjun Bijlani : Ji haan mujhe nach baliye mein shirkat ki offer hui thi, lekin kuch wajohaat ki bina par is mein hissa nahi le saka tha.

Question : Aap ki wife housewife hai lekin kya un se apne professional muaamlat discuss karte hain ?

Arjun Bijlani : Ji han main use din bhar ki tamam batein batata hon. Mera khayal hai ke life partner se sab kuch discuss karna chahiye. Agar aap apne jeevan saathi se kuch bhi chupane ki koshish karnege to yeh married life ke liye achi baat nahi hogi. Is tarha miyan biwi mein shubhaat peyda ho sakte hain. Jis se azdawaji zindagi mutassir hone ka andesha hai.

Question : Jo Biwi se Kare Pyar mein aik romantic husband ka role kar rahe hain, kya real life mein bhi itne romantic hain ?

Arjun Bijlani : Romance to meri fitrat mein shamil hai. har shey mein romance ka pehlo dhond nikalta hon. Biwi ke sath cher char karna mere nazdik romance hai, Is se mohabbat mein izafa hota hai. main samajhta hon jo kuch bhi aap dil se karte hain wo romance hai. agar kabhi biwi ka mood acha na ho aur shohar us ke sath beth kar batein kare, us ka dil behlaey, use jokes suna kar us ke labon par muskurahat laey to yeh bhi romance he hua. Biwi ke mobile phone par ache ache mazahiya SMS bhi bhejna romance hai.

Question : Is show mein Shweta Gulati ke sath aap ke romance ke scenes par aap ki wife ko koi aiteraaz to nahi hota ?

Arjun Bijlani : Wo mere profession ko bohat achi tarha samajhti hai. use maloom hai ke jo kuch screen par dikhaya ja raha hai wo sab jhot hai. wo mere romantic scenes ko dekh kar khob enjoy karti hai aur khush hoti hai. thori si nook jhok to married life ka hissa hai, lekin is hawale se koi issue nahi bana.

 

 

 

 

Copy Right 2012-2015 www.Meriduniya11.com Contact Us