Header
Home>>Interview  

 

 

 

 

 

 

Alia Bhatt

Alia Bhatt was born on 15 March 1993. She is a new kid star. Now she is only age 20 years old. She is the younger daughter of the famous film maker Mahesh Bhatt and the younger sister of the very talented actress Pooja Bhatt. Alia Bhatt started her career in Bollywood as a lead role in the film of “ Student Of The Year ”. The film is directed and produced by Karan Johar. This film was released October, 2012. In this page you will read bollywood famous actress Alia Bhatt Interview In Urdu and Roman Hindi.

Alia Bhatt Interview

Aliya Bhatt Photo

Aik aur star kid ne film Industry ke darwaze par dastak di hai. Jo jane pehchane film maker Mahesh bhatt ki choti beti Alia Bhatt hain. Is se pehle un ki barhi beti Pooja Bhatt film industry mein apne naam ka danka baja chuki hain aur ab ba hesiayat director masroof-e-amal hain. Filmi mahaul se mutasir ho kar Alia Bhatt ne bhi bohat choti umar mein actor banne ka faisla kar liya tha. Is liye taleem se ziyada tawajja un ki gher nisabi sar garmiyon par thi, lekin jab inho ne film industry mein aane ka faisla kiya to home production house Vishesh films ke bajae Karan Johar ki film “ Student Of The Year ” se debut karne ko tarjeeh di. Shayad wo apne walid ki film mein kaam kar ke logon ko bolne ka mauqa nahi dena chahti thi. “ Student of the Year ” mukammal ho chuki hai aur 19 October ko is film ki numaish mutawaqqa hui thi. Khas baat ye hai ke is film mein Alia Bhatt ke ilawa dono male actors bhi nae hain aur un mein se ek yani Varun Dhawan mashoor film hidayatkaar David Dhawan ke bete hain. Hum ap ki mulaqat karwane ja rahe hai Alia Bhatt se.

Question : Aap abhi sirf 19 saal ki hain aur aap ne filmi career apnane ki khatir parhai chor di, kya is ka afsoos nahi hai ?

Alia Bhatt : Main ne pehle he tey kar rakha tha ke 12th ke bad drama ki tarbiyat hasil karongi, magar usi dauran mujhe Student of the Year ki offer ho gai. Lihaza ab aesa he lag raha hai ke mazeed taleem hasil nahi kar sakongi. Albatta agar ache offers hoti rahi to filmon mein kaam karti rahongi aur agar kuch waqt mil gaya to koi acting ka course kar longi. College, University ki taleem se mujhe koi dilchaspi nahi hai. Har waqt kuch na kuch parhti aur seekhti rehti hoon. Lekin Physics aur Chemistry nahi parh sakti, ye mere matlab ke subjects nahi hain.

Question : Kya aap apne aap ko abhi se actor samajhne lagi hain ?

Alia Bhatt : Mera khayal hai ke aesa samajhna qabal az waqt hoga. Is ka inehsaar is baat par hai ke hum apne kaam mein kitne pur azam hain aur kis raaste par chal rahe hain. Agar hum audience ko entertain aur film makers ko mutaasir karne mein kamiyab ho jaen to apne aap ko actor keh sakte hain. Filhal ye kehna qabal az waqt hoga ke main koi tassur qaiym karne mein kamiyab ho jaongi. Is ke liye mujhe kam az kam 5 ya 6 filmon ka intezar karna hoga.

Question : Star kid hone ka ek nuqsan ye bhi hai ke log un se bohat ziyada tawaqquat wabista kar lete hain, is bare mein aap ka kya tajurba hai ?

Aliya Bhatt : Mujh par do tarha ka pressure tha, aik to ye ke main filmi gharane se talluq rakhti thi aur dosra ye ke ye meri pehli film hai.

Question : Pehli film mein kaam karne ka tajurba kaisa raha ?

Alia Bhatt : Pehle chand roz kaam karna to mere liye waqai ek tajurba tha. Is se pehle mein ne kabhi kisi set par shooting nahi karwai thi, lekin sab ne itna khayal rakha ke mein khud ko be hac comfortable mehsoos karne lagi. Wo mere sath itne ache tareeqe se pesh aa rahe the, jaise mein koi bohat barhi star hoon.

Question : Aap is film main apne character ke barey mein kuch batana chahengi ?

Alia Bhatt: Iss film mein mere character ka naam Sania Singhaniya hai, jo ek ameer kabeer gharane se talluq rakhti hai. Use apne kapron aur begs waghera se bohat mohabbat hai, jo sab se branded hote hain. Tamam tar aasaiyshon aur sahulton ke bawajood wo apne aap ko bilkul tanha mehsoos karti hai aur use ek aese bande ki talaash hai jo us se gher mashroot mohabbat kar sake.

Question : Kya aap real life mein bhi branded item ko tarjeeh deti hain ?

Alia Bhatt : Mere pas koi bhi branded item nahi hai aur main ne soch rakha hai ke apni kamai se koi branded item kharidongi.

Question : Suna hai aap is film ke promo se mutmiyn nahi hain ?

Alia Bhatt : Ye sach nahi hai, main promo aur film se pori tarha mutmaiyn hoon.

Question : Co actors Sidharth Malhotra aur Varun Dhawan ke sath aap ke talluqat kaise hain ?

Alia Bhatt: Un dono ke sath meri bohat ache dosti hai aur main ne un se bohat kuch seekha hai. Wo dono ek dosre se bilkul mukhtalif hain. Varun bohat zinda dil aur hansmukh hai, jab ke Sidharth nisbatan ziyada sober hai.

Question : Kya ye sach hai ke set par ap ka koi boy friend bhi ban gaya hai ?

Alia Bhatt: Aesa nahi hai ke main ne kisi larke ko nazar bhar ke nahi dekha ya mera koi boy friend nahi hai. Behraal aik khobsurat larki hoon jis ke bohat se dost ho sakte hain, lekin filhal apne kaam par tawajja dena chahti hoon. Agar kabhi kaam se fursat mili to kisi shareer larke ko apna boyfriend banana chahongi.

Question : Agar kabhi Mahesh Bhatt ki film mein kaam karne ka mauqa mila to aap ka kya radde amal ho ga ?

Alia Bhatt: Main ne kabhi nahi kaha ke un ki filmen nahi karongi. Albatta ye haqeeqat hai ke un jaise film maker ke sath kaam karna bohat mushkil hai.

More Links

 

 

 

 

Copy Right 2012-2015 www.Meriduniya11.com Contact Us