Header
Home>>Interview  

 

 

 

 

Aamir Khan

Aamir Khan was born on 14th March 1965 in Mumbai,India. He is 48 years old. Aamir Khan started his career as a child star from his Uncle Nasir Hussain’s film “Yaadon ki Baraat”. His first film was Qayamat Se Qayamat Tak in 1988. He received the first National Award for this film. Then 8 times Aamir Khan nominated for the best actor film fare awards for the different movies in 1980 till 1990. He received the best actor film fare award for the film Raja Hindustani and then film Lagaan. This film was nominated for the Academy Award. After 4 years, he came back with the historical movie Mangal Pandey. Aamir Khan received the film fare critic’s award of best actor for the film Rand De Basanti. He started his directorial debut from the film Taare Zameen Par, and then he won the film fare award of best director for this film. Aamir Khan received the padmashri award in 2003 and padma bhoshan award in 2010 from the Hindu Government. He received more than 30 awards for his best acting role. Aamir Khan completed his 25 years of career in the Bollywood film industry. In this page, you can see the information and interview about Aamir Khan.

Aamir Khan Banner

Aamir Khan Information

Aamir Khan Photo

Bollywood ki 100 birthday ke sath he Aamir Khan ne bhi apne career ke 35 saal mukammal kar liye aur jate saal ke aakhri dino mein in ki Dhoom 3 ne Dhoom macha di. Industry mein Aamir Khan Mr. Perfect ke naam se famous hain. Lekin in ki nazar mein yeh title aik mazaq ban chuka hai. Tahum wo aiteraaf karte hai ke un ki nazar hamesha film ki choti choti baton par rehti hai aur aamir nahi chahte ke koi bhi khami un ki mehnat par pani pher de. 25 saal qabal jab Qayamat Se Qayamat tak ke zariye inho ne apne career ka aaghaz kiya to aage barhne ke liye aik khas usool bana liya ke miqdar nahi meyar ko dekhna hai. Is usool par Aamir Khan aaj tak qaiym hain. Aamir Khan ko awards functions attend karne se koi dilchaspi nahi, is ke bawajood awards aur aezazaat in ka peecha karte rehte hain. 25 saal career mein 30 se ziada qabil e zikar award hasil karne wale Kiddy Khan ko time magazine ne duniya ki 100 ba asar shakhsiyat mein bhi shamil kiya hai.

Aamir Khan 14 March 1965 ko Mumbai mein peyda hue. Inho ne apne chacha Nasir Hussain ki film Yadon Ki Baraat se bataur child star career shuru kiya. 1988 mein release hone wali film Qayamat se Qayamat tak in ki pehli film thi, is film par inhe pehla National film award mila, us ke bad 1980 se le kar 1990 tak inhe 8 martaba mukhtalif films mein umdah karkardegi karne par film fare awards ke liye namzad kiya gaya. Lekin pehli bar film fare ka award Raja Hindustani par mila. Jab ke dosri bar inho ne Academy Award ke liye namzad ki jane wali film lagan par best actor ka film fare award hasil kiya. 4 saal ke break ke bad inho ne apni wapsi par aik tareekhi movie Mangal Pandey ke zariye hui. 2008 mein inho ne Rang De Basanti mein umdah karkardegi par best actor ka film fare critics award hasil kiya. Agle saal inho ne Tarey Zameen par se apne directorial debut kiya. Jis par inhe best director ka film fare award mila. Us ke bad in ki Thriller film Ghajni release hui, jise saal ki sab se zaiyada aamdani hasil karne wali film ka aezaaz hasil hua. In ki next film 3 idiots thi. Jis ne 2010 mein sab se ziyada business kiya. Aamir Khan ko mutadid sarkari aur gher sarkari aezazaat mil chuke hain. Inhe 2003 mein hukomat e hind ki janib se Padmashri aur Padmabhoshan ka aezaaz diya gaya. April 2013 mein time magazine ne inhe duniya ki 100 ba asar shakhsiyat mein shamil kiya. Aamir Khan ko in ki umdah karkardegi par majmooi taur par 30 se zaiyd awards mil chuke hain.

Aamir Khan Interview

Question : Kaisa mehsoos hota hai jab log aap ko Mr. Perfect keh kar bulate hain ?

Aamir Khan : Yeh title media ke friends ne diya hai aur nahi janta ke kyun ??? main nahi samajhta ke takhleeqi meydan mein bilkhasoos cinema ki field mein koi chez perfect ho sakti hai. Is liye ke kaam karne ka koi aik tariqa mutaiyan nahi hai. Aap aik he kaam ko 10 mukhtalif tariqon se kar sakte hain. Lekin Mr. Perfect ka title ab aik bohat barha mazaq ban chukka hai. Pichli dino meri sister mere liye aik T-shirt le kar aai to us par bhi Mr. Perfect llikha hua tha. Apne aap ko perfect nahi samajhta. Han yeh zaroor hai ke apne kaam ke muamle mein be had pur josh hon aur pori tarha is mein involved ho jata hn. Mri koshish hoti hai ke film mein koi kami na reh jaey.

Question : Dhoom 3 mein aap ke character ke barey mein logon mein bohat tajassus paya gaya. Aap ne is film mein villain ka role play kiya hai, aap ke is barey mein kya tassuraat hain ?

Aamir Khan : Ji film release hone se pehle logon mein bohat tajassus barqarar tha aur main yehi chahta tha ke yeh tajassus barqarar rahe, ta ke log khud he cinemas ki janib yeh sochte hue barhte rahe, Aamir Khan kis andaaz mein nazar aata hai. Main yeh kehna chahonga ke jab main ne yeh script parhato mujhe yeh role pasand aaya aur mera dil cho liya. Jaisa ke aap jante hain Dhoom series ke villain aam films ke villain se mukhtalif hote hain. Main ne aise villain ka role play kiya hai jo bure kaam nahi karta, bal ke aik gymnastic bana hon. Jis ke liye makhsoos jismani saakht ki zarorat thi. Is ke liye mujhe bohat ziyada mehnat karna parhi aur 2 saal tak apne jism ko gymnastic player ki tarha khobsoorat aur mazboot banane ke liye kaam karta raha. Yeh mere 25 saal mein sab se mushkil role hai aur is ko perform karte hue mujhe kae challenges ka saamna karna parha. Maine kae stunt bhi kiye, jise karne mein mujhe bohat maza aya aur KHUDA ka shukar hai ke haddiyan toot phot se mehfoz rahin.

Question : Aap apna look ke silsile mein tajurbaatkarte rehte ho, ab tak ka aap ka sab se pasandeeda look kaun sa raha hai ?

Aamir Khan : Mera koi favorite look nahi hai, ab tak jitney bhi look ikhteyar kiye wo sab character ki munasbat se the.

Question : Aap jis film mein kaam karte hain wo super hit ho jati hai, is kamiyabi ka raaz kya hai ?

Aamir Khan : Waqai main khud is ki wajah nahi janta hon. Sach baat toyeh hai ke is barey mein bohat ziyada nahi sochta. Sirf apne kaam se enjoy karna chahta hon aur apne aap ko har tarha ke challenges ka saamna karne ke liye tayyar rehta hon. Lehaza sirf wohi kaam pakarhta hon jo mujhe excite kar sake. Go ke kuch films aesi bhi thin, jin mein blockbuster banne ka potential nahi tha aur na he in ki stories gher mamoli thin. Is ke bawajood yeh films kamiyab rahin.

Question : Aap ne filmy duniya mein apne 25 saal mukammal kar liye hain, is aeham sand meyl tak pohanchne ke bad aap kaisa mehsoos kar rahe hain ?

Aamir Khan : Waqt barhi tezi se guzar gaya. Main nahi samajh sakta ke kis tarha itni tezi se 25 saal ka safar tey kar liya. Qayamat se Qayamat tak ki shooting ke dauran mujhe bilkul bhi andaza nahi tha ke kitna arsa is industry mein guzaar sakonga. Us waqt bilkul naya tha aur logon se yehi sunn rakha tha ke industry mein aik actor ki shelf life ziyada se ziyada 5 baras hoti hai, us ke bad log aap se bore hone lagte hain. Jab mainne kaam kiya to mere zeham mein bhi yehi khauf tha. Aaj jab piche murh kar dekhta hon to khushi ke sath sath fakhar ka bhi aehsaas hota hai, ke itne taweel arsey se film industry ka hissa hon. Yehi saal hai ke isi saal Indian film industry mein bhi apne 100 salgirah mana rahi hai.

Question : Aap kohamesha se he aik powerful star samjha jata hai, is barey mein kya kahenge ?

Aamir Khan : jab bilkul naya tha to mujhe qatai andaza nahi tha kea age chal kar mera career kya shakal ikhteyar karega. Film qayamat se qayamat tak aik blockbuster sabit hui aur main raaton raat star ban gaya. Is ke bad meri kuch films kamiyab na ho saken. Main ne ghaltiyan ki aur un se bohat kuch seekha. Jab us daur ke barey mein sochta hon to fakhar ka aehsaas hone lagta hai ke in ki ghaltiyon ki wajah se main aik behtar actor ban gaya. Us waqt main ne aik faisla kiya tha ke kabhi paison ki khatir koi film sign nahi karonga aur na he barhe banner ya barhe director ka naam dekh kar film karonga. Bal ke sirf us film ka hissa banoga, jis ka script mujhe pasand aa jaega. Guzishta 24 saal se isi faisley par qaiym hon, jab baat meyar ki ho to koi samjhota nahi karta.

Question : Koi aesi film jis mein kaam kar ke aap ko pachtawa hua ho ?

Aamir Khan : Ab tak jitni films mein kaam kiya hai, us par koi pachtawa nahi. Janta honk e main ne kuch aesi films bhi ki hain, jo matloba meyar ke mutabiq nahi thin ya box office par acha business na kar sakin, lekin jaisa ke pehle keh chukka hon ke main ne films se bohat kuch seekha hai. Isi liye apni nakami ko bhi kamiyabi jaisi aehmiyat deta hon.

Question : Film ki marketing se le kar shares ki purchasing tak aap hamesha aik trend center nazar aate hain, is barey mein kya kahenge ?

Aamir Khan : Aesi baat nahi hai, sirf wo faisle karta hon jo mere khayal mein faiydemand ho sakte hain. Mujhe kisi nae raaste par chalne ya risk lene se darr nahi lagta, kyun ke mera nazariya yeh hai ke jo log sache aur jurratmand hon, wo hamesha kamiyab rehte hain.

More Links

 

 

More Links

 

Copy Right 2012-2014 www.Meriduniya11.com Contact Us