Header
Home >Horoscope  

 

 

 

 

Pisces (Burj e Hoot)

Pisces Horoscope

From 20th February to 20th March, this is time of Pisces. It is twelfth zodiac sign. Here we are giving some interesting facts about Planet Venus relation to Pisces, characteristics of Pisces and some important facts about Pisces women. Hope you will enjoy read this.

Pisces Horoscope

Nishan : Machliyan

Ansar : Pani

Hakim saiyarah : Neptune

Khush bakhti ke adad : 5 aur 8

Saeed pathar : wo qimati pathar jin mein lal rang ke dore hote hain

Mawafiq rang : arghawani

Mubarak din : Friday

Zohrah aur burj e hoot:

Agar aap us waqat paida howae the jab saiyarah Zohrah burj e hoot mein tha to aap apni zindagi ka bara hissa haqiqi aur sachi mohabat ki talash o tamana mein guzar den ge. Is maqsad mein aap kamyab bhi ho sakte hain aur nakaam bhi. Agar aap kamyab nahi howae to hamesha ye ahsas rahe ga ke aap ki zindagi kamyab nahi rahi lekin agar aap kamyab ho gaye to aap ko musarat ka ahsas ho ga aur aap mehsos Karen g eke aap ne aik kamyab zidagi guzari hai. shayad aap apni is mohabat ko dawam na de saken lekin ye ahsas hamesha aap ke leye wajah e itminan sabit ho ga ke aap ne kisi se is tarah mohabat ki ke beshtar log is tarah nahi kar sakte.

Zohrah aur burj e hoot ki yakjai mohabat aur jazbat ke misali uroj ki dastan hai.is yakjai mein paida hone wale husn o mohabat ki talash mein jis buland moqam tak pohanch jate hain, is moqam tak pohachna dosron ke leye mushkil hai. shayad Lila Majnon, heer ranjha, sohni mahiwal bhi zohrah aur burj e hoot ki is yakjai par paida howae hon ge.

Zohrah ke zer e asar aap aik shafiq, faiyaz, hasas aur raham dil insan hain. Mohabat mein har qism ki qurbani aur esar aap ke leye qatan fitri cheiz hai. aap apne mehbob se mohabat nahi balke us ki parastish karte hain, mehbob ki raza ke leye sab kuch kar sakte hain. Akhir mein aap ki ye mohabat aik fard se mohabat ke bajaye bani no insane ki mohabat mein tabdel ho sakti hai. Aap ko kisi se bughz aur hasad nahi ho ga aur aap dost aur dushman ke sath afu o darguzar se kaam len ge.

Tahum aap ka aik manfi phelo bhi hai. wo ye ke aap haqaiq ka samna karne se gurez karte hain aur zara sib hi mushkil pesh aaye to paspai ikhteyar kar lete hain.

Hoot Ausaf (Characteristics of Pisces):

Hoot afard ko do waze iqsam mein taqseem kiya ja sakta hai. aik qism un logon par mushtamil hoti hai jin ki shakhsiyat mein jazbiyat aur dilkashi pai jati hai aur log un se mil kar khush hote hain. Dosri qism un logon par mushtamil hoti hai jo in tamam khososiyat ke hamil to hote hain lekin wo taban bohat mohtat hote hain. Ye ahtiyat sharmilepan ki hodod se ja milti hai. is ki wajah se ye log apni shakhsiyat ko chupa lete hain aur is ka dosron par izhar nahi hone dete. In ka ye indaz aksar un ke bare mein ghalat fehmiyon ko janam deta hai. jin hoot afrad mein ye khososiyat pai jaye un ko apne is tarz e amal ki aslah karni chaheye aur na sirf ye ke wo apni shakhsiyat ka izhar kaen balke apne indar khud etemadi bhi paida karen.

Hoot afrad ko ye baat zehan mein rakhni chaheye ke duniya mein bari bari shakhsiyatein un ke burj se taluq rakhti hain. Un mein se ese logon ki kami nahi jin mein kam himati, tazabub aur apni zaat par adam etemad paya jata tha lekin unon ne apni in manfi khososiyat par qabo pa kar azmat hasil kar li. Hoot afrad ko mayos nahi hona chaheye myun ke un ke andar apni kamzoriyon aur manfi pehloon par qabo pane ki pori pori salahiyat mojud hai. Lehaza wo apni kamzoriyon par qabo pa kar apni aala salahiyaton ko parwan charha sakte hain.

Hoot afrad fitri tor par faiyaz, sabir, hadard aur sanjidah hote hain. Hoot afrad intehai jazbati bhi hote hain. Ye baat un ke leye aik khobi bhi ban sakti hai. wo agar art ya fanon ki kisi shakh aur shobe ko apna len to un ki yehi jazbatiyat tamiri raste talash kar len gi. Is tarah wo apni asli shakhsiyat ka izhar bhi kar saken ge aur un ki taskeen e qalb ka saman bhi ho jaye ga. Mahir e elm e najom ka kehna hai ke hoot ke barabar kisi dosre burj mein fakarana salahiyatein nahi pai jati. Saiyarah zohrah jo husn, mohabat aur art ka saiyarah kehlata hai, isi burj mein aakar apni qowat ka sab se ziyadah izhar karta hai. agarcha ye saiyarah burj e soor aur mezan par hukumrani karta hailekin is ka irteash burj e hoot ko sab se ziyadah mutasir karta hai. hoot ka kirdar bazat e khud husn o mohabat hai. hoot afrad jis se mohabat karte hain us ke leye jan ki bazi bhi laga sakte hain. Yehi wajah hai ke hoot mard aur hoot khawateen qurbani aur esar ka namona hote hain. Fakarana niqta e nazar se bhi zohrah ke asrat burj e hoot par un burjon se ziyadah parte hain jin ka wo khud hukumran hai. burj e hoot par chand ke asrat bhi bohat ziyadah hote hain, jis ki wajah se hoot afrad ke ahsasat ko jila milti hai. hoot afrad shairi, mosiqi aur tasnif o talif mein bohat numayan rehte hain lekin un mein chunk e nazam o zabt aur discipline ki salahiyat nahi hoti, is leye wo apni takhliqat ko aksar misali banaye mein nakaam reh jate hain, is ke bawajod wo tasnif o talif ke medan mein sab se ziyadah numayan rehte hain.

Hoot afard mein jismani takalif bardasht karne ki heart angez salahiyat hoti hai, wo apne jism par control bhi kar sakte hain, yehi wajah hai ke wo raqs aur yoga ki wazishen kamyabi ke sath kar sakte hain. Hoot afrad ka jsim naram o nazuk aur dil kash hota hai lekin un ke jism mein ghair zarori farbhi nahi hoti. Shayad ye zohrah aur chand ke asrat hi hain ke hoot khawateen ghair mamoli tor par haseen hoti hain.

Jahan tak hoot mard ka taluq hai to wo hoot aurat ki tarah art se dilshaspi to rakhta hai lekin jismani tor par wo aurat ke moqable mein ziyadah mazboot aur taqatwar hota hai. wo aurat ke moqable mein hoslamand bhi ziyadah hota hai aur zindagi ke taqazon ko pora karne ki salahiyat rakhta hai.

Mukhtasir ye ke hoot afrad ke mizaj ki tashkil mein is baat ka bohat dakhal hai ke un ki paidaish ke waqat zohrah, marikh aur chand kisi position mein the. Hoot afrad bilkhosos hoot aurat ka cherah bara hone ke bad bhi bachon ki tarah masom nazar aata hai, un ki aankhen bari aur nashili hoti hain. Hoot afrad ke mizaj mein sard mehri aur rokhapan paya jata hai aur wo ye andaz jan bojh ka ikhtiyar karte hain. Un mein apne razon ko chupa kar rakhne ki zabardast khuwahish hoti hai, is ke elawa chahe jane aur pasand kiye jane ki bhi zabardast khuwahish hoti hai. Aam tor par wo mizaj ke naram hote hain aur dosron ki tareef is tarah karte hain ke khushamad ka guman hone lagta hai. Is ki wajah unke indar paye jane wala ahsas e kamtari hai. Hoot afrad dosron ki hamdardi aur tawajah hasil karne ke leye apne aap ko adna darje tak gira sakte hain. Hoot afrad mein tanqeed bardasht karne ki himat nahi hoti, halka sa iteraz bhi chahe wo dost ki taraf se hi kyun na kiya gaya ho, un ko appe se bahar karne ke leye kafi hota hai.

Darasal hoot afrad ke masail un ki nihayat hasasiyat ka natija hain, wo tasur ko is tarah jazb karte hain, jis tarah sponge pani ko jazb kar lete hai. Dosre log ki kisi baat ki parwa kiye baghair apne mamlat jari rakhte hain lekin hoot afrad esa nahi kar sakte. Un ko aik chubhta howa jumla bhi dinon nahi hafton tak pareshan arkh sakta hai. Hoot afard dosron ki pesh karadah tajawiz aur mashwaron ka khushadah dilli ke sath khair maqdam karte hain. Hoot afrad agarcha in masleheen mein shumar nahi keye ja sakte jo khud ko aslahi kaamon ke leye waqf kar dete hain lekin phir bhi agar koi rafahi muhim chal rahi ho to wo us mein madad zaror Karen ge.
Hoot afrad ki talon mizaji un ke mustaqbil ke leye khatrah sabit ho sakti hai. Wo kisi baat se mutasir ho kar apne jazbaat ka izhar kisi bhi bhonde taraiqe se kar sakte hain. Sehar bayan khatib apni taqrir ke zarye hoot afrad se wo sab kuch kara sakte hain, jo aam halat mein un ke leye mumkin nahi.

Hoot Khawateen (Pisces Woman):

Hoot aurat (Pisces Woman) khud ko bilomom kisi azmaish mein dalna pasand nahi karti. Burj e hoot elm e najom ke ro se chupe howae jazbaat, manfi ahsasat aur khud ko nuqsan pohanchane wali adaat ki numaindagi karta hai, chunacha hoot afrad mein farar ki zehaniyat mojud hoti hai. Wo halat ka muqabla karne ke bajaye panah ki talash mein rehte hain aur bohat se log apni is fitrat ki wajah se sharab aur manshiyat ke addi ho jate hain. Hoot auraten (Pisces Women) bhi is kulye se mustasna nahi.

Esi hoot aurat jis ka shaoor abhi pukhta na ho, khud ko bachane ki koshish karti hai aur esi sorat e haal se farar hasil karna chahati hai jis mein usse nakami ka andesha ho. Har azmaish mein nakami ke sath kamyabi ka imkan bhi rehta hai lekin hoot auarat azmaish se farar hasil kar ke kamyabi ke imakn ko bhi khatre mein dal deti hai. Zindagi se farar ke bas us ke pas sirf aik hi rasta reh jata hai aur wo ye ke mehaz khuwab dekhe, hawai qile banaye aur taiushat mein par kar haqaiq ko faramosh karne ki koshish kare. Wo apne masail aur mushkilat ka dosron se zikar nahi karti kyun ke wo samajhti hai ke us ne rah e farar ikhteyar kar ke khud ko mehfoz kar leya hai aur khatron se bacha liya hai lekin agar usse kuch hadard sathi mil jaein jo us ki madad kar saken to us ko farar ke is rujhan se roka ja sakta hai aur wo apni zindagi ki sargarmiyon mein tawazun qaim kar sakti hai.

Aik esi hoot aurat jo aage barhna chahe , is ki behissi aur murdah dilli ko kharji sargarmiyon ke zarye dor kiya ja sakta hai. is tarah wo apni zindagi ke leye mukhtasir aur tawil mayad hadaf muqarar kar ke apne halat ko bigarne se bacha sakti hai. Hoot aurat agar chahe to apni salahiyaton ko kaam mein la sakti hai aur agar na chahe to duniya se dastbardar ho sakti hai. behar haal wo donon sorton mein esi zindagi guzarti hai ji s mein qos o qaza ke rangon ki dhun pai jati hai, adakara Jodi Garland aik esi hi hoot auart thi. Hoot auart ke mizaj mein jo pechidgi aur uljhao hota hai, Jodi Garlabd is ka aik acha namona hai. us ki zaat mein humein uroj o zawal donon ki inteha nazar aati hai. Wo esar aur qurbani ked or se bhi guzarti hai aur taiyushat o aish parasti ki daldal mein bhi phansti hai.us ne jis se bhi taluq qaim kiya usse nakami hoi aur bila akhir wo manshiyat ki lat mein mubtala ho gai. Mahir e elm e najom kehte hai ke us ne apne bare mein past raye qaim kit hi, ye tamam masail esi wajah se paida hoye. Agar wo apni khudadad salahiyato ka sahi idrak kar leti ji mumkin tha to phir us ka ye hashar na hota.

Aries Image Taurus Image Jemini Leo Image Scorpio Image Sagittarius Image

 

 

 

 

 

Copy Right 2012-2015 www.Meriduniya11.com