Header
Horoscope  

 

 

 

 

 

Capricorn (Jaddi)

The tenth sign of zodiac Capricorn. The people belong to this sign have good mental abilities. They will be successful in business and government jobs. They are very kindhearted persons. They know the importance of time. They can do any thing very easily because they have lots of courage and steadiness. The Capricorn women are faithful, trustworthy and good mothers. They believe in reality. They have special attachment towards their home; they decorate their home with nicety.

Capricorn In Urdu 2014 (Jadi In Urdu)

Capricorn 2014 In Urdu

Nishan : Pahari bakra

Ansar : Matti

Hakim saiyarah : Zehal

Mawafiq pthar : Sulemani

Lucky no. : 3 aur 7

Moafiq rang : Gehra sabz

Capricorn burj ke tehat paida hone wale achi dimaghi salahiyaton ke malik hote hain. Apni sujh bojh aur nukta rasi ki madad se ye log karobari idaron mein ya sarkari uhdon par bare kamyab rehte hain. Ye darmiyane aur chote qad ke hote hain. In ke baal sunhri ya siyah rang ke hote hain, jihein wo hameshah saaf rakhte hain. In ki aankhein umdah qism ki hoti hian. Ye mizaj ke lihaz se sust aur kam go hote hain lekin guftogo bari umdagi se karte hain. Tabiyat ke lehaz se meharban hote hain.

Jaddi afrad (Capricorn man) bare sanjidah hote hain. Aur jis kaam ya mamle mein masrof hon ise bari sanjidgi se lete hain. Ye log waqat ki ahmiyat ko jante hain. Jis kaam mein hath dalte hain, ho jata hai kyun ke ye bilkul sahi tariqe ikhteyar karte hain. Jaddi afrad (Capricorn man) intehai munazam, sakht, mehanti, pur azm aur ba himat hote hian aur apni in khasiyaton ke bais naamwar siyasat dan aur bussines man aur sarbarah e mumlikat hote hain.

Capricorn apne muqam ka bohat khayal hota hai. Maddi faidon se in ka dil nahi bharta. In ki zindagi mein mayar ka bohat dakhal hota hai. Kyun ke in ke khayal mein mayar barqarar rakhne ka bhi sila milta hai. Maddah parasti ke dil dadah jaddi afrad apne raste ki mushkilat se nahi ghabrate, balke in mushkilat ko khatam karne ke bad in ki qabiliyat aur salahiyatein mazid nikhar jate hain. Zehni tor par pukhta jaddi intehai haqiqat pasand aur aqal mand hote hain. In mein bari aajzi hoti hai.unein apni salahiyaton ka bakhubi elm hota haiaur yehi in ki taqat ki roshani hoti hai. Dolat, aala darje ki mulazmat, shurat, jismani tahafuz aur jazbati taskeen ko ye behad ahmiyat dete hain. Ye log khud ko duniiya ka dhutkara howa insan khayal karte hain. Is leye ye jan tor mehnat karte hain.

Jaddi afrad ko ese kaam ka intekhab karna chaheye jis ko un ka zehan aur jism bardasht kar sake aur ye apni salahiyaton ka khul kar izhar kar sakein. In logon mein maliyat aur intezami uhdon ke leye aik khas malka paya jata hai. Ye apne makan malik ke wafa dar rehte hain. Jaddi afrad har kaam ko bari aasani se kar lete hain.kyun ke in mein himat aur istaqlala bohat ziyadah paya jata hai is ki wajah se ye taraqi ki manazil te karte hain. Ye bare waqar se apni zime dari qabol karte hain aur samaji halqon mein bare sargarm hote hain. In ki jazbati hasaiyat aur zehni talon mizaji aur mamoli baaton par afsos karna in ki sab se bari rokawatein hain. Ye dil ke bare sakht hote hain aur doston ka bara khayal rakhte hain.

Burj e jaddi ke logon ki zindagi ka dosra hissa phele hisse ke muqable mein behtar aur pur aasaish hota hai. Ye log haqiqat pasand hote hain. Ye log kafi qadamat pasand hote hain. In logon ko jald ghusa nahi aata lekin aik bar unhein yaqen ho jaye ke koi un ka dushman hai to ye aasani se maf nahi karte. Ye log mohabat mein kafi jazbati hoe hian. Ye account aur banking ke shubon mein kamyab rehte hain. Is burj ki uratein bachat ki aadi hoti hain. Jaddi log dosti mein wafadari aur mustakil mizaji ko bohat ahmiyat dete hain. Mard har shube mein kamyab rehte hain aur kahein bhi kaam karein apni salahiyaton ka muzahira karte hain. Dekhne mein ye log bare sard mehar aur be morawat nazar aate hain magar dil ke narm aur hassas hote hain.

Burj e jaddi ki larkiyan shadi khub soch samajh kar karti hain. Haqiqat pasand hone ke bawajod kafi romani mizaj rakhti hain. Ye log mohabat ko aik qurbani samajhte hain. Baz halat mein ye mohabat ka rishta tor dete hain. Kyun ke in ke nazdik mohabat se ziyadah ahamiyat farz ki hoti hai. In logon ke mode mein shadid utar charhao hota rehta hai. Ye log dosron ki harkaton ko tanqidi nazar se dekhte hain. In logon ki shakhsiyat mein aik khas nazm o zabt hota hai. Ye log mohabat mein duniya ko tark nahi karte. January mein paida hone wale samajh dar aur aqal mand ki bari izzat karte hain. Dosron ke mamle mein dakhal dena in ki aadat nahi, na apni mamlat mein ye dosron ki madakhlat bardasht karte hain.

Burj e jaddi ke log aflatoni mohabat nahi karte lekin in mein bohabat aur shafqat ka jazba paya jata hai. Burj e jaddi ke logon mein kafi kashish pai jati hai. In logon ke leye burj e saur aur sumbulah ke log behtar rehte hain. Jaddi auratein basalahiyat, wafa dar, qabil e etemad, gharelo qism ki aur aala darje ki maaein sabit hoti hain. Shadi se phele ye larkiyan sharmili hoti hain. Burj e jaddi se taluq rakhne wali aurat ko chahane wala khush qismat hota hai kyun ke mohabat ka rishta istawar karne ke bad ise ye malom hota hia ke is ki biwi ya mehboba ne apni shakhsiyat ka 90 fisad cupa rakha hai aur shakhsiyat ka ye chupa howa hissa be had dil kash hota hai. Jaddi auratein apne maqsad se kabhi inheraf nahi kartein. Ye niswani khososiyat ka mukamal namona hoti hain. Ye apni shakhsiyat aur chal dhal mein jan bojh kar kashish nahi paida kartein. Lekin is ke bawajod maqnatis ki tarah khinchti hain.

Burj e jaddi ki auratein khush zauq hoti hain. Talash mein bare sabar ka muzahira karti hain lekin agar aik bar kisi mard ko pasand kar lein aur wo mard in ke dam mein giraftar na ho to un ki mohabat mein in ka dil rezah rezah ho jata hai aur ye sadma un ke leye na qabil e bardasht hota hai. Arsa guzar jane ke bawajod bhi un ke leye kisi dosre mard ko zehni tor par qabol karna na mumkin hota hai. Jaddi auratein khush zauq hoti hain aur mashre ki riwayat aur rasm o riwaj par amal karti hian. In ke zehan mein ahssas e zimedari aur aala qadron ka ehteram bohat ziyadah hota hai. Yehi wajah hai ke mehboba ya biwi ke tor par in auraton ka sath intehai pur lutf aur khush gawar hota hai. Jaddi mard bohat kam kisi aurat ke husn ki tarif karte hain. Mohabat meinbhi ye sust rawi ka muzahira karte hain. Agar burj jaddi se taluq rakhne wala koi mard ghomne phirne ki dawat de to aap yaqen kar sakti hain ke wo mohabat mein sanjidah hai.

Jaddi mard meharban hote hain. Pese ke mamle mein ye intehai kanjosi aur bukhili ka sabot dete hain. Kabhi kabhi ye kafi tang nazri aur kina parwari ka sabot dete hian. Jaddi aurat aur saur mard ka milap bohat khush gawar hota hia. Jaddi aurat aur sumbulah mard ka milap bhi acha sabit hota hai. Agarcha in mein behas o mubahisa aur ghagra ho sakta hai.

Burj e Jaddi Ki Bemariyan

Joron ka dard,jildi amraz, allergy, sar dard, asabi tanao, nizam e hazam ki kharabiyan, zehani pareshaniyan, amraz e gurdah, danton ki bemariyan, bazo aur tang ki hadi totna.

Burj e Jaddi Ke Muzon Pehse

Civil service, hisab dan, siyasat dan, hadiyon ke amraz ke mahir, science dan, engineer, ustad,mosikar, builder, architect, mahir e tibiyat, accountant, surgeon, madanyat ka mahir, tarikh dan.

Bruj e Jaddi Ki Mashor Shakhsiyat:

Imam Bin Janbil, Mirza Ghalib, Kapil Dev, Mao ze Tang, Anwar Sadat, Stalin, Richard,Naksan, Sir Ishaq, Mohammad Ali, Banjamin Franklin, Eva guardner, Cary Grant, Jhon of Ark, Martin Luther King, Elos Parsley, Woodyard kipling.

Jaddi Mard (Capricorn Women)

Jaddi mard (capricorn man) sanjidah, kam go, zehan ke pakke aur mazbot qowat e iradi ke malik hote hain. Wo zindagi ki dor mein dosron se aage nikalne ke khuwahish mand hote hain. Aur musalsal mehnat se un ki ye kuwahish pori ho jati hai. Mizaj ke etebar se ye hakmiyat pasand hote hain. Aksar jaddi mard esi aurat ko pasand karte hain jo mulazmat pesha na ho. Albata baz jaddi mard zaroriyat ke pesh e nazar is waqat tak biwi ki mulazmat ko gawarah kar lete hian jab tak in ke gharelo mali halat behtar na ho jaein. Jaddi mard (capricorn man) mein esi khubiyan bhi hoti hain jin ki jitni tarif ki jaye kam hai. Is ki qurbat se tahafuz ka ahesas hota hai. Is ka biwi ke sath mohabat aamez suluk aur phir ye ke jise Jaddi mard (capricorn man) chahata hai is se lagao aur wafa dari qabil e qadar hoti hai. Jaddi mard (capricorn man) ke altafat se aurat ki bechain roh ko qarar aajata hai.

Jaddi Aurat (Capricorn Women)

Ye husn o jamal ka pekar aur khuda dad salahiyaton ki malik hoti hai ke zindagi ke mushkil marahil se ba aasani guzar jati hain. Jaddi aurat taban hakmiyat pasand hoti hai. Mohabat ke bad jaddi aurat yaksar badal jati hai. Ya haqiqat pasand hoti hai aur “amal se zindagi banti hai” ke formule par yaqeen karti hai. Ye hangami halat se nibatna khub janti hai. Jaddi aurat ko apne ghar se khas lagao hota hai. Ye ghar ko saliqe aur nafasat se sajati hai. Dolat ke istemal mein ye bohat muhtat hoti hai. Aap is ko fazol kharch nahi keh sakte. Is ki musbat khusosiyat ye hain, “himat o hosla, zabt o tahamul, qowat e iradi, apni zat par etimad, aazad khayali, mufahimat pasandi aur maqasid se lagan” manfi pelo ye hote hain, “zidi, chirchiri, wehmi aur kisi had tak khud gharz.”

More Link

  Tauras image Gemini image Leo Image Libra Image Scorpio Image

 

 

 

 

 

 

Copy Right 2012-2015 www.Meriduniya11.com