Welcome to Meriduniya11.Com

Horoscopes

 

 

 

 

Burj Sartan (Cancer)

Cancer starts ( Burj Sartan) from 21st June till end of 22nd July. Symbol of Cancer is Crab. They have very deeply relation with the Moon. The Moon is the key of Cancer’s feeling and emotions. Cancer’s is a feeling and emotionally based personality. They are fearless, honest and resourceful. Cancer’s native is loving and sympathetic. Cancer’s never forget a thing. Cancer is a water sign and by nature merges with other. Cancer (Burj Sartan) is the zodaic sign. Cancer person has many good things to do. In this page, we will displayed of astrolgy of cancer in Roman Urdu.

Burj Sartan In Urdu 2013

Cancer Horoscope Image

(Cancer) 22 June 23 july
Nishaan : Kekra
Ansar : Pani
Hakim Siyaara : Chand
khusk bhugti adad : 2
Mawfiq rung: Sabz aur zard
Saad phatar : Zamrad aur siya moti

Burj Sartan

Burj Sartan Aafrad ki yaddasht hairat angaiz hoti hai barson purani batain unhain aik lemhay main youn yaad ajati hai jaisay abhi kal hi ki baat ho unki yeh khubi us waqt parishan kun sabit ho sakti hay jab woh kisi sey akhtalafat ker rahey hon aisey moqa per who koi purana ahsan yad kara detay hain koi guzri hui bat mokhalif key munh per dey martey hain jis key bad taluqat munqata ker ney hi pertey hain Burj Cancer sey taluq rakhney waley purani baton ko jazbat ki surat main apney zehan key kisi goshey mein jama ker tey jatey hain woh waqat ko ya adad-o-shumar ko nahin balkey unsey wabista nafrat ya mohabbat ya beyzari ya unsiat key jazbat ko yad raketey hain woh jantey hain key waqat bhulaey ja saktey hain lakin jazbat ko faramosh nahin kia ja sakta sahyed isi leyeh un ki yad dasht iss qadar hairat angaiz hoti hay.

Cancer log shohrat aur maqbuliat key khahan hotey hain lakin iss moqam tek pahonchney key leyeh woh najaez zaraey ya gair akhlaqi waseley her giz akhteyar nahin kertey woh chatey hain key shohrat fitri tareqey sey miley maqbulyat qudrati andaz main un tek pahochey aisa na hosakey to woh khamoshi sey pecahey hat jatey hian aur susron ko nikalney ka moqa dey detay hain. Burj Cancer sey taluq rakhney waley afrad taref aur ahtaram key kahan hotey hain woh chahtey hain key log un ki khubion ko sarahain unki zahanet aur shakshiat ka ahtaram karain jo log un key qaribi halqey main hotey hain woh iss raz sey bakhubi waqif hotey hain aur halat ko digar per rakhney key leyeh waqtan foqtan tarif o tausef ya musarat amaze hayrani ka izhar kertey rahtey hain lakin jab Cancer logon ko tariff ya ahteram ka yeh moqarrah kota nahin milta to woh mahsoos ker tey hain jaisey dunya unhain nazar andaz ker rahi ho woh khud k obey chain aur gair mutmain mahsos ker ney lagtey hain aisey moqa per goshaea nashini akhtayar ker letay hain aur tanhai main baishter waqt guzar tey hain.

Sartan Mard (Cancer Man)

Cancer mard (man) mohabbat key mamlat main intehai jazbati aur narm khu hoteh hain woh shobah ishq main tajurbat key zareay bahot kuch sekhtey hain her partez main woh apna aideal dhundtey hain aur jab unhai aisa koi aideal mil jata hay to kisi qemat per us sey mahroom honey ko tiayar nahin hotey. Kuch na kuch jama ker tey rahna Cancer mardon (Cancer men) ki adapt hoti hay Tikat, Sikkey, Nawardat ya Tasawer wagairah woh kuch na kuch jama ker tey hain kabhi kabhi yeh bey zarar mashgalah aik bari khami main badal jata hay jab woh faltu aur beamaqsad chezon ko bhi baher phenkney key bajay jama kern a shuru ker detay hain. Uska natejah yeh nikalta hay kay un ka ghar raftah raftah kabar khaney mein badalney lagta hay taham zaheen qesim key Cancer log iss khami per bahot jald qabu pa letey hain.

Apney samaji taluqat ko wase ter ker nay key mamley main Cancer mard (cancer man) kuch ziadah pur josh nahin hotey apni khush mezaji bazlah sanji aur hazir jawabi key bawajud woh nai jaghan per nai logon key dermian jald bey takalluf honey ki koshish nahi ker tey apni chati hes key zaryeh woh bahot jald jan leatey hain key kis mein achcha dost banney ki salahiat hay aur kis ka mejaz monafiqanah ya hasidanah hay lahza woh dost bahot dekh bhal ker banatey hain sosti un key leyeh aik moqaddas hasiat rakhti hay woh dosti ko sisi mamuli wajah ya gair aham sey akhtalafat key baus khatam nahin ker tey aur agar aisa kern a parey to woh kafi arsey tak parishan aur bechain rahtey hain. Ghar sey Cancer loh bahot mohabat kertey hain ghar un key leyeh tahaffuz ki alamat hota hay aur ghar key log mohabbat ki nishani hotey hain. Baz Cancer log sairo tafreh key dildah hotey hain lakin woh sair o saihat key douran bhi apni manzil apney ghar ko hamesha nigha mein rekhtey hain un key har safar ki akhri manzil ghar hi hota hay.

Sartan Aurat (Cancer Woman)

Burj Sartan (Cancer) aurat ( woman) ki shakhsiat dilchap aur dilkush ajubon ka majmua hoti hay woh bazahir kamzor jazar ati hay magar ruhani aur batni ataibat sey nahaiat taqatwar hoti hay woh sharmili hoti hay lakin jins key mamley mein uskey jazbon ki shiddat ko nazar andaz bhi nahin kia ja sakta uski shakhsiat ka yeh dilchasp imtezaj sanf e mokhalif key kisi bhi shash key leyeh intehai pur kashish aur rooh prewar sabit ho sakta hay. Darasal jins (Cancer) Burj Sartan aurat ( woman) ke liyeh zindagi ka aik lazmi ansar hay woh apney narm o nazuk jazbon ka izhar baray anoukhey andaz mein ker ti hay uska chalna phirna hansna muskuran aur roa marrah key kamon ka andaz hi aisa hota hay key woh uski andaruni kaifiat ko zahir kea bina nahin rahta uski jismani herkat o saknat aur mood uskey fitri jazbon key akas hotey hain.

Burj Sartan (Cancer) aurat ( woman) ka apney mazi sey gahra rishta hota hay shaid yehi wajah hay ke Burj Sartan (Cancer) khawateen ko apni nanion aur dadion sey khas tour per bara lagao hota hay woh un key zareay mazi mein jana chahti hain. Mazi mein uski gair mamuli dilchaspi hal key chailenjon sey nibro azma honey mein mokhil hoti hay Cancer Aurat akser o baister iss kahish ka izhar ker ti hay key kash woh puraney zamaney mein paida hoti woh iss daur mein zindagi guzarti jab dunya ziadah pur sakon thi jab ashai nahaiat sasti thin. Burj Sartan (Cancer) aurat( woman) mein woh tamam khubian moujood hoti hain jo logon ko motawajah ker ney mein aham kirdar ada ker ti hain apni amli zindagi mein woh bari motahrik aur fal nazar ati hay woh iss adakara ki manind hoti hay jo makalmonsey ziadah apni jismani her kat o saknat sey kam leati hay woh apna mutmah nazar nahaiat khamoshi sey dusron per wazah ker deaney mein kamal rakhti hay.

Burj Sartan Aurat Ki Khususiyat

Apne moqif mein Burj Sartan (Cancer) aurat ( woman) nahaiat sabit qadam aur intehai mustahkum aradon ki malik hoti hai lakin hat dharmi mein uska koi sani nahin hota. Burj Sartan aurat Zid mein aajaye to kabhi kisi ke samne nahin jukhti. (Cancer) Sartan aurat ( woman) mein bila ki quwat aradi hoti ha. bari ba iteamad hoti hai. Burj Sartan (cancer ) se taluk rakhnay wali auratain jo chati hai hasil ker ke dam leati hai unhain dar asal iss bat ka bharosa hota hai ke unka khab dar asal taber paie ga aaj nahi to kal woh kabhi himat nahin harti shikaht taslem kerna unki serisht mein shamil nahein.

“Ana” (Cancer) Sartan aurat ko baz auqat pareshan ker deati hai zara zara si baat uski ana ko thase pahoncha deati hai uski sab se bari mushkil yahi hai ke woh her chez mein ana ko malauas ker ti hai aur agar iteafaq se usey nakameon se do char hona parey to phir is ko ana ka maslah bana ker sari duniya ko apna dushman samajh ne lagti hai. Woh apni nakameon apne khealaf duniya bhar ki shazish qarar deati hai.

Kabhi kabhi (Cancer) Sartan Aurat ajeeb-o-gharib rawayon ka mozhrah bhi ker ti hai. Aisey mein moqa parasti makro faraib aur khud gharzi ki alamatain iss mein nazar aney lagti hain. taham chunke woh pashe beni ki salahiyat rakhti hai iss liye aam taur per kamyab zindagi guzarti hai usey logon ke chare perhna ata hai. Iss ke liye koi baat gair motwaqa nahin hoti. dar asal iss mein kamyab siasat dan jaisi salahiat hoti hai who logon ki khamiyon aur kamzoriyon se faiada uthana chati hai.

Burj Sartan (Cancer) se taluq rakhne wali khawateen ke halqa e ahbab aur doston ke liye ye mashwarah nahayat mozun hai ke kabhi apne dost ko mushtail na kerain usey apni ana ko musbat (positive) banane ki zarurat hai. usey kabhi koi tanah na dein. Burj sartan aurat se kuch tawqqa na rakhein us ke bajai us se mumkinah khatrat se keoun ker nimta ja sakta hai. us ke samne amal ka namunah baneay her waqt gile shikwe ker ne ki adapt na apnayain.

Aries image Tauras image Gemini image Leo Image Libra Image Scorpio Image


 

 

 

 

 

Copy Right 2012-2013 www.Meriduniya11.com