Header
<
Home> Horoscopes  

 

 

 

Cancer and Scorpio

(Burj Sartan aur Burj Aqrab)

Cancer woman and Scorpio man both are very emotional personality by nature. This relationship will be easily formed because a lot of habbits will match between them. The positive aspectsof this relationship are that, they are both loyal towards their partners. This relationship have more passion and full of romance. Cancer woman wants security in their relationship with scorpio man ( Burj Sartan Aur Burj Aqrab) in Urdu and Roman Urdu.

Burj Cartan Aur Burj Aqrab

Aurat aur Mard

Cancer Woman and Scorpio Man In Urdu

Cancer and Scorpio Image in Urdu

Cancer (Sartan) aurat ki zaat zahiri aur batini ikhtelafat ka dilchasp majmooa hai. Bazahir liye diye rehne ke bawajood batini taur par wo aik umdah has mazah ki malik hoti hai. Anaa ya khud pasandi is mein bohat kam hoti hai, is ke bawajood aksar is par khud parast hone ka ilzam lagaya jata hai. Pur israr cheezen ise achi lagti hain, lekin in ke israar kholne ki koshish mein wo ziyada gehrai mein utarne se ghabrati hai. Lekin jab scorpio ki pur israar shakhsiyat us ke samne aae to ise behtar taur par janne aur samajhne ki koshish mein wo har gehrai tak utar jati hai. Aese mein wo har tarha ke khauf, andeshey aur khadshat zehan se jhatak deti hai.

Agarcha wo moun se aiteraf nahi karti lekin is sab se barhi khuwahish yehi hoti hai ke use saraha jae, lekin musibat yeh hai ke ise samajhne ki koshish he bohat kam log karte hain. Tareef o tauseef kaun kare. Scorpio mard yeh dono kaam kar leta hai. Wo ise samajh bhi leta hai aur us ki khobiyon aur salahiyaton ko dad-o-tehseen se bhi nawazta hai. Shayad yehi wajah hai ke cancer aurat is ki janib maiyl hone lagti hai. Scorpio mard ke qarb mein use aehsaas hota hai, ke yeh wo shakhs hai, jis ne haqeeqi maeyno mein is ki zaat ka shaoor hasil kiya hai. Is ki khobiyon sur khamiyon ko samjha hai. Cancer aurat ki yeh soch bilkul durust hoti hai.

Scorpio (Aqrab) mard cancer ( Sartan ) aurat ki zindagi mein kuch aesi tezi se dakhil hota hai ke kuch dair tak to us ki samajh mein nahi ata ke hua kya hai ? agar koi aur aesi koshish karta to shayad cancer aurat ka radd-e-amal aesa khushgawar nahi hota. Cancer aurat apni zaat tak mehdood rehna ki aadi hoti hai aur jab koi aesa shakhs us ke khoal mein jhankne ki koshish karta hai, jise wo qabil-e-aitemad nahi samajhti, to amooman wo gusse mein aa jati hai.

Scorpio (Aqrab) mard challenge pasand karte hain aur cancer jaisi shy aurat ko behla chamkar ke us ke khoal se bahar nikalne par majboor karna bohat barha challenge hai. Scorpio mard yeh challange qabool karta hai aur us par pora utarta hai. Dosri taraf yeh hai ke agarcha scorpio khud bhi kisi par jaldi aitebaar nahi karta. Lekin cancer aurat ke andaaz mein aesi baat hoti hai ke wo khud bakhud us par aitebar karne ko tayyar ho jata hai. Chunache aap keh sakte hain ke dono mein aik mazboot rabt bohat jald qaiym ho jata hai.

Cancer (sartan) aur Scorpio (Aqrab) dono par jazbati lihaz se sard-e-mohar hone ka ilzaam lagaya jata hai. Yeh ilzaam kuch aesa ghalat bhi nahi. Dono aabi buroj se talluq rakhte hain, is liye inhe apne jazbaat aur aehsasaat ka khul kar izhaar karne mein dushwari mehsoos hoti hai. Lekin jahan tak in ke darmiyan qaiym hone wale romance ka sawal hai to ho sakta hai ke dekhne wale ke liye in ke darmiyan qaiym tallluq barf ki tarha thanda ho, lekin cancer aur scorpio ke liye yeh khushgawar hiddat se le kar jhulasti tapish tak, kisi bhi kefiyat ka hamil ho sakta hai. Batini taur par dono bohat jazbati hote hain. Aksar halaat mein yeh apne jazbat barhi khobi se chupae rakhte hain. Lekin kabhi kabhi kisi kamzoor lamhe mein jab yeh ubhar kar samne aate hain, to in ki shiddat duniya ko heyran kar deti hai.

Bunyadi taur par dono barhi hassaas fitrat ke malik hote hain aur unhe khauf hota hai ke agar in ki taraf se zara si bhi be-aehtiyati ka muzahira hua to, duniya ki be-rehmiyan in ke dil par aese gehre ghaao lagaengi, jin ka andmaal kabhi mumkin na hoga. Is liye inho ne apni zaat ke gird aik aahni hisaar khara kar rakha hota hai aur kisi bhi jazbey ke liye use torh kar bahar nikalna aik mushkil amar hai. Dono aik dosre ki androoni kefiyat se bakhobi waqif hote hain. Yehi wajah hai ke qalbi taur par khud ko aik dosre se bohat mazdeek mehsoos karte hain. Is ke bawajood in ke talluq mein baaz auqat aese marahil aa jate hain. Jab scorpio ki khamoshi aur sard mohri aur cancer aurat ki jhunjhulane lagti hai. Ise yaad rakhna chahiye ke scorpio bunyadi taur par shy hota hai aur apne zehan mein umandne wale khayalat ka aiteraaf karne se aiteraaz karta hai. Is chakkar mein wo aksar khamosh nazar ata hai. Is ki khamoshi itni gehri hoti hai, ke aksar log ise nak chara aur maghroor samajh bethte hain. Isi tarha cancer aurat kabhi kabhi apne khoal ke andar simat jati hai aur kisi ke bulane par bahar nahi aati. Aese mein gussa karne aur mou banane ke bajae scorpio ko yeh yaad rakhna chahiye ke cancer aurat ka yeh tarz-e-amal duniya ki talkhiyon se bachne ka aik harba hai. Jab tak ise scorpio ki mohabbat par pori tarha aitemaad nahi ho jaega, wo bahar nahi niklegi.

Scorpio aur cancer dono pyar ke bhokey hote hain. Aesa pyar jo un ke har dukh dard ko apni aaghosh mein samet len, in ki har tishnagi khatam kar den. Kaiynaat ki sari wasaaton par muheet ho jae aur jis ka aik aik zarra sirf un ke liye waqf ho.Cancer aurat ko maloom hona chahiye ke scorpio mard ki manfi khusoosiyat mein is ka jazba, hasad aur har baat ko shak-o-shuba ki nigah se dekhna aur apne life partner par hukoomat karne ki khuwahish rakhna shamil hain. Isi tarha scorpio mard ko maloom hona chahiye, ke cancer aurat ki khamiyon mein apne dil ki baaten chupae rakhna, tasallut pasandi, be-jaa andeshon aur waswason ka shikar rehna aur nazuk mizaji shamil hain. Hum ziyada raey zani nahi karna chahte, lekin itna zaroor kahenge ke in ki khamiyon par qaboo pana koi aesa dushwar kaam nahi hai. Unhe apni mohabbat aur khushiyon ki raah mein haiyl hone ijazat kabhi na den. Aap dono ko aik dosre ki zaroorat hai, kyun ke aap dono ko mahabbat ki zaroorat hai.

Aries image Tauras image Gemini image Leo Image Libra Image Scorpio Image


 

 

Copy Right 2012-2015 www.Meriduniya11.com