Welcome to Meriduniya11.Com

Home > Horoscope

 

 

 

 

 

Cancer and Libra

Cancer woman are very talkative and self-reliant. Libra man had good foresight and reason out things from their own view points. If cancer woman involved with a Libra man, you probably know that this is one of the most challenging relationships of them all. Libra man is not sensitive to what others say of them. In this page you will read Cancer and Libra Star woman and man relationship in urdu and Roman Urdu.

Burj Sartan aur Burj Meezan

Cancer and Libra Image

Aurat aur Mard

Cancer woman and

Libra Man In Urdu

Jab Sartan (Cancer) aurat kisi Meezan (Libra) mard ki mohabbat mein giriftar hoti hai, to forun us ke mutalliq tashwish ka shikar hona shuru ho jati hai. Wo thek se khata nahi, mausam ki munasbat se kaprhe nahi pehanta, pori tarha aram nahi karta, dosre us ki naram mizaji se faiyda utha jate hain, wo zindagi ko sanjeedgi se nahi leta aur apni laparwahi ke sabab khuwa makhuwa ke nuqsaan karwa ke beth jata hai waghera waghera.

Libra mard kuch din to cancer aurat ki yeh baten bardasht karega, lekin phir rast iqdaam karte hue use barhe wazeh aur sahi alfaz mein samjha de ga, ke use kin muamlaat mein dakhal deni chahiye aur kin mein nahi, aur yeh bhi ke bila wajah tang kiye jana aur kisi ka apne sir par sawar hona bilkul pasand nahi karta. Lekin is ke sath sath wo us ke har ghari oper niche hone wale moods ke sath hum aahangi bhi peyda karega. Us ki qurbat mein cancer aurat jazbati taur par khud ko ziyada mehfooz tasawwur karegi aur natijatan us ki tamam sonehri khusoosiyat az qisam wafadari, tahammul aur mohabbat ke naam par sab kuch tuj dene ka jazba numaya ho jaega. Phir kuch arsey tak muamlat thek thak chalte rehte hain.

Burj Sartan (Cancer) aurat ke roop mein libra ko aik naram dil, hassas, nazuk aur zaheen aurat nazar aati haincancer aurat ka qarb us ke dil ki gehraiyon mein aise jazbey jaga deta hai. Jin ke wujood se pehle wo aashna na tha. Agarcha libra aur cancer adaat-o-khasaiyl ke aitebar se aik dosre se kafi mukhtalif hote hain, lekin jab libra mard cancer aurat ki taraf maiyl hota hai, to us talluq ko aik mustaqil shakal dene mein ziyada dair nahi lagata. Baaz auqat is ka faisla bilkul durust sabit hota hai. Lekin baaz auqat itna durust sabit nahi hota. Yeh baat nahi ke cancer aurat se shadi karne ka faisla kar ke us ne koi ghalti ki hai, lekin kabhi kabhi yeh talluq us ke zehan, jism aur jazbat ke liye khasa khurdura sabit hota hai. Behraal yeh baat use hamesha zehan mein rakhni chahiye ke jab tak wo is aurat ki khobiyon ke sath sath us ki khamiyan bhi qabool nahi karega. To is ki zindagi itmenaan se na aashna rahegi.

Bahar ki duniya, ghar ki duniya aur dil ki duniya ke mutalliq in dono ke sochne ke andaaz aik dosre se bohat mukhtalif hota hai. Cancer se ziyada manfi aur qanotiyat par mabni soch rakhne wala burj, pore mantaqa al burooj mein aur koi nahi hai. ( Capricorn, Virgo aur Taurus bhi is daur mein shamil hain, lekin cancer hamesha pehle no.par ata hai ). Aur libra se ziyada khush umeed, rujaiyat pasand aur khuwab parast burj bhi aur koi nahi hai. ( Aries aur Sagitarius bhi aese he musbat soch rakhne wale burj hain lekin jahan baat khuwabon ki aati hai to libre sab se aage nazar aata hai ).

Is ikhtelaaf ka roshan pehlo ( Ji haan ikhtelafaat bhi roshan pehlo rakhte hain ), dekha jae to tawaqqa ki ja sakti hai ke cancer ki sangat mein kuch arsa guzaarne ke bad libra ki beqaboo masbat khayali aur khuwab parasti kenday mein aa jaegi aur wo duniya ko ziyada haqeeqat pasandana andaaz mein dekhne ke qabil ho jaega, jab ke libra ke asraat ke tehat cancer ki qunwiyat aur yasiyat pasandi ki shiddat mein khatir khuwa kami aa jaegi aur wo khush umeedi ki aehmiyat se waqif ho jaega. Tareek rukh dekha jae to yeh bhi mumkin hai ke cancer ki qurbat ke bawajood libra ki misaliyat pasandi kabhi maqooliyat pasandi ka roop na dhare, bal ke is mein kuch aur bhi izafa ho jae, aur yeh bhi mumkin hai ke cancer ki tareek khayali kabhi roshan dimaghi mein tabdeel na ho, bal ke is ki gehrai kuch mazeed barh jae.

Hum yeh nahi kehte ke dono apni apni khusoosiyat aik dosre se badal len, kyun ke libra mard manfi khayali ke aalam mein kabhi khush nahi reh sakega aur cancer aurat masbat khayali ka shikar ho kar aehtiyat ka tareeqa tark kar bethegi aur is tarha apni zaat ko jhutlane ka gunah karegi. Lekin itna to dono kar sakte hain ke aik dosre ki kamiyabiyan dekh kar thora sabaq aur nakamiya dekh kar thori si ibrat hasil kar len. Libra thora ziyada haqeeqat pasand ho jae aur cancer aurat umeeden wabista karne ka fun seekh len. Faiyda yeh hoga ke libra ki nakamiyon ka tanasub kam ho jaega aur cancer ki khushiyan sametne ka tareeqa aa jaega. Aik kharabi aur bhi hai. Jazbati aitebar se cancer tasallut pasand hai aur libra azadi pasand. Wo use hamesha apne pallo se bandh kar rakhna chahegi aur wo khuli fizaaon mein urhne aur chehchahaney ka khuwahishmand ho ga. Bazahir yeh tanaza barha ghambeer nazar aata hai, lekin dar haqeeqat itna hai nahi. Agar libra mard yeh samajh le ke cancer aurat tasallut pasand nahi hai, bal ke wo khofzada hai. Is baat se ke jis pyar ke liye us ne dar dar ki khak chani hai, wo kahin nazron ka dhoka sabit na ho.

Burj Libra ko pane ke bad bhi use apni khush naseebi par yaqeen nahi ata aur khud ko yaqeen dilane ke liye he wo har waqt is ka hath thamey rakhna chahti hai. Agar wo is ke qareeb nahi rahega to wo hamesha tarha tarha ke waswason aur andeshon ka shikar hoti rahegi, jo na sirf us ke aesaab ke liye bal ke in ki mushtarka zindagi ke liye bhi nihayat muzie sabit honge. Cancer aurat ko hum yeh batana chahte hain ke libra mard ki azaadi ka matlab yeh nahi hai ke wo is ki mohabbat ki jugal bandi se chutkara chahta hai ya kisi aur se dil laga betha hai. Us ki zehni aur jazbati sehat ke liye zaroori hai ke kabhi kabhi use tamam pabandiyon se azaad kar ke us ki marzi ke mutabiw ghomney phirney aur kaam karne ki ijazat di jae, kyun ke pabandiyon ke shikar libra mard ki zaat basi phool ki tarha hoti hai, jis mein na rang hota hai aur na khushboo aur wo kisi ke to kya, khud apne kisi kaam ka nahi hota.

In ki azdawaji zindagi mein paise ki wajah se bhi bohat si garh barh peyda hoti hai, lekin yahan hum koi raey dene se gurez karenge. Dono ko sirf aik aik mashwara dete hain. Burj Libra mard se kahenge ke koshish kare is ki cancer shareek-e-hayat ka zaati account ho aur us mein itni raqam maujood raha kare ke wo kharche pani ke liye ap ki shakal na dekhe, aur cancer aurat ko yeh ke khuwa makhuwa libra ke sir par khari ho kar shor na machae ke tumhari maali hamaqaton ne hamara dewaliya nikal diya hai. Ab sham ki tea ke paise kahan se aaenge ? use yaqeen rakhna chahiye ke libra mard ke hote hue us ka dewaliya kabhi nahi niklega.

In dono ke ikhtelafat dekhne mein bohat gehre aur na qabil-e-taskhir nazar aate hain, lekin haqeeqat mukhtalif hai. Thore se pyar aur afham-o-tafheem ka majoon murakkab in ki azdawaji zindagi ki tamam bimariyan yun door kar dega, ke phir in ki khushiyon ko kisi bad khuwa ki nazar cho bhi na paegi.

Aries image Tauras image Gemini image Leo Image Libra Image Scorpio Image


 

 

Copy Right 2012-2014 www.Meriduniya11.com