Welcome to Meriduniya11.Com

Horoscopes  

 

 

 

 

Cancer and Leo

Cancer woman is very sympathetic. Leo man needs attention and appreciation from cancer woman. Things are best of all, When a cancer woman meets Leo man. They have got so much in common. Leo man are independent thinkers. In this page you will read Cancer and Leo Star woman and man relationship in Urdu and Roman Hindi.

Cancer and Leo Image

Burj Sartan aur Burj Asad

Aurat aur Mard

Cancer Woman and Leo Man

In Urdu

Burj Sartan Aurat ( Cancer woman ) aur Burj Asad mard (Leo Man) ke darmiyan qaiym hone wale bandhan ka nateeja 3 sorton mein baraamad ho sakta hai. Awwal yeh ke chand saal aik dosre ki rafaqat mein guzaarne ke bad leo ka tehkamana mizaj cancer aurat par ghalib aa jaega. Wo bechari is ke hukum ki bedaam ghulam ho gi aur us ke moody pan mein pehle se kahi ziyada izafa ho jaega. 2nd ye ke chand saalon ke bad cancer aurat apne makhsoos narm garm andaaz mein leo ka ghuroor torh degi aur wo bechara khamoshi ke aalam mein kurhte rehne ka aadi ho jaega. Aur 3rd yeh ke chand saalon ke bad wo dono khud ko aik dosre ke mizaj ke mutabiq dhal lenge. Mizaji ikhtelafat par samjhota kar lenge aur hamesha hansi khushi rehte rahenge. Is talluq mein muskurahaten bhi hongi, chand aansoon bhi honge aur dono aik dosre se bohat kuch seekhte bhi rahenge. Is teesri mumkina haal ko haqeeqat ka roop dena koi aasaan kaam nahi. Kamzoor dil aur khudgarz afraad is mein kabhi kamiyab nahi ho sakte.

Burj asad ka ansar aag hai aur cancer ka pani. Waqfan-e-haal khoob jante hain ke aag aur pani ka milaap kitna mushkil kaam hai. Aehtiyat, hoshiyari aur tahammul ki zaroorat qadam qadam par parhti hai. Burj asad ko sartan aurat ke mood bardasht karna parhte hain aur in ke mizaj mein paai jane wali tasallut pasandi ki haqeeqi wajohaat se aagahi hasil karna parhti hai. Sartan aurat ko leo ki ana pasandi par samjhota karna parhta hai aur aese auqaat mein be panah sabr-o-tahammul ka muzahira karna parhta hai, jab wo nehayat be dhab andaaz mein us ke mehsosaat ko thais pohncha bethta hai.

Cancer ki tasallut pasandi us waqt ghayab ho jati hai. Jab un ki azdawaji zindagi nanhe nanhe qalqariyan marte khilkhilate pholon se saj jati hai. Tab wo apne shohar ka picha chor kar bachon par nichawar hone lagti hai. Leo mard ko yeh maloom hona chahiye ke cancer ki ghari mein tola ghari mein masha mizaji kefiyaat se picha churane ke liye use cancer aurat ko un khaufon se nijaat dilana hogi jo hamesha use satate rehta hain. Barhe narm aur dheemey andaaz mein use apni mohabbat ka aehsaas dilana hoga, ta ke wo jazbati taur par khud ko ziyada mehfooz-o-mamoon tasawwur kar sake.

Leo ki anaa pasandi ki asal wajah yeh hai ke batni taur par wo khud apni salahiyaton aur amliyaton ke mutalliq shakook-o-shubhaat ka shikar hota hai. Wo jitni ziyada kamiyabi hasil karta hai, is kefiyat mein utna he ziyada izafa hota jata hai aur nateeje mein us ki anaa pasandi bhi barhti jati hai. Sartan aurat ko maloom hona chahiye ke leo mard par tanqeed kar ke use koi faiyda hasil nahi hoga. Lekin agar wo is ki khobiyon ko khuloos-e-dil se sarahe gi aur zindagi ki dagar par use aik qadam aage rehne ki ijazat degi to wo apni mohabbat ke sare sitare us ki mang mein saja dega. Albatta use itna khayal zaroor rakhna chahiye ke leo ke sath rehte hue. Us ke apne waqar aur infaradiyat par koi aanch na aae.

Mundarja bala sharaiyt par utarna khasa dushwar sabit hota hai aur hai bhi. Leo aur cancer ke khuwab aik dosre se bohat mukhtalif hote hain. In khuwabon ka sharminda tabeer hona sabr-o-tahammul, mohabbat, aitemaad aur zabt ka matqazi hai aur yeh wo khusoosiyat hain jo har bandhan ko kamiyab banane mein kulyad ki hesiyat rakhti hai. Cancer aur leo ki khusoosiyat yaksar mukhtalif hone ke bawajood ek dosre se hum aahang bhi nazar aati hain. Leo ka ansar aag hai aur cancer ka pani, leo ka hukmaran sayyara suraj hai aur cancer ka hukmaran sayyara chand. In dono ka aik dosre ki taraf kashish karna kuch aesa taajjub khez nahi. Chand hamesha se suraj ki kirnen jazb karta aya hai. Cancer aurat mein niswani kashish hoti hai. Chand ki tarha us ka mizaj rang badalta rehta hai aur chand ki tarha is ki shakhsiyat pur israar hoti hai. Yeh sach hai ke insaan chand par qadam rakh chuka hai. Lekin yeh bhi sach hai ke wahan pohanchne ke bawajood abhi chand ke israar se kamahqa aagahi hasil nahi kar saka.

Us nanhe se goley ke beshumar goshey abhi tak insaani nigahin se posheeda hain aur na jane kab tak posheeda rahenge. Cancer aurat ki zaat ke bohat se goshey, bohat si aarzooeyn, bohat se sapne dosron ki nigahon se oajhal rehte hain. Leo mard mardana wajahat aur ausaf ka marqaa hota hai. Is ki zaat quwwat aur danish se bharpoor hoti hai aur apne ap par fakhar kuch aesa be jaa nahi hota. Burj cancer ke mahiyat munqalib hai aur is ke hamleen ka mizaj khasa tehmakana hota hai. Burj leo ki mahiyat sabit hai aur is ke hamleen khase hat dharam aur ziddi hote hain. Agar cancer aurat leo mard ke sath muqabley bazi karne ki koshish na kare to jazbati taur par dono ziyada mutmaiyn rehta hain aur leo ki mazboot shakhsiyat cancer ke andar chupi hui narmi mein be haal ho rahi hai, us ke qarb ko taras rahi hai, use phir se paa lene ki khuwahish kar rahi hai.

Tanhai ka aehsaas nukta-e-urooj par pohanch jata hai. Tanao itna barh jata hai ke yakh lakht toot jata hai aur dono phir ek baar ek dosre ki taraf barhne lagte hain. Jitni aahistigi aur khamoshi ke sath dono juda hue the, waise he chup chap, dheere dheere aik ho jate hain. Aik sath hansne aur rone ke liye...... shayad dobara juda hone ke liye. In dono ko duniya ki koi parwah nahi hoti. Ghar wale kya kahenge, bachen kya sochenge, aehbaab ka radd-e-amal kya hoga??? Yeh sab se be niyaz hota hain. Aesa maloom hota hai ke jaise in ki zaat ka hissa kahi kho gaya hai. Yeh us ki talaash mein bhatakte bhatakte ek dosre se door nikal jate hain aur phir unhe khayal ata hai ke jis ki talab mein wo dar badar ho rahe hain. Wo to un ke apne ghar mein maujood hain. Un ki bahmi rafaqat mein posheeda hain. Un ki mushtarka khushiyon aur ghamon mein naha’n hain. Tab wo dobara aik dosre ki taraf laut aate hain.

Zaroori nahi ke hamari biyan kar di misaal hamesha sach he sabit ho. Leo aur cancer ke aese couple bhi dekhne ko milte hain. Jin ke liye aik dosre se judaai ka tasawwur bhi mohaal hota hai. Lekin agar leo mard ko yeh khdsha lahaq ho ke kisi se gehra qalbi-o-jazbati rabt us ki zaati shanakht aur infaradiyat ko masakh kar dega aur agar cancer aurat mehboob ki kaj adaiyan sir jhuka kar tasleem kar lene ki khogar ho to phir kam-o-besh yehi sorat-e-haal nazar aati hai. Cancer khatoon hamesha apni chahat ke bharose yeh aas lagae bethi rehti hain ke kabhi na kabhi is ki mohabbat leo mard ko wapis khench laegi aur leo mein itni quwwat nahi hoti ke ziyada dair tak is maqnateesi kashish ke samne mazahmat kar sake jo use bar bar cancer aurat ki taraf palat jane par majboor kar deti hai. Chunache milne aur bicharne ka yeh khel jari rehta hai.
Jaisa ke hum ne pehle kaha ke is talluq ko kamiyab banana koi aasaan kam nahi, lekin yeh kaam itna mushkil bhi nahi, agar cancer aur leo apni zaat ke khoal se bahar jhank kar aik dosre ko dekhen, apni shakhsi khusoosiyat ke hathon maghloob na hon aur apne ilawa kisi aur ke wajood ka bhi aehsaas karen to sari mushkilen aasaan ho sakti hain.

Aries image Tauras image Gemini image Leo Image Libra Image Scorpio Image


 

 

 

 

Copy Right 2012-2015 www.Meriduniya11.com