Welcome to Meriduniya11.Com

Home> Horoscope  

 

 

 

 

Cancer and Gemini

Cancer woman ( Sartan Aurat ) and Gemini man ( Joza Mard ) can understand easily of everyone. They both have very sharp eyes. But cancer woman and Gemini man can not understand each other. They both are different from each other. They speaks very well manner. Cancer woman and Gemini man believes in dreams. In this page you will find Cancer and Gemini ( Cancer and Gemini compatibility) in Urdu and Roman Hindi.

Cancer And Gemini Compatibility

(Burj Sartan aur Burj Joza)

Cancer Woman and Gemini Man In Urdu

Cancer and Jemini Image

Joza Mard (Gemini mard ) amooman logon ko barhi tezi se samajh leta hai. In ki tez nigah un ke dil mein utar jati hain aur gemini un ke daro baro se waqif ho jata hai. Isi tarha Sartan aurat (Cancer Woman ) bhi insani fitrat ko samajhne ke muamley mein kisi se kam nahi hoti ( bal ke kuch ziyada he hoti hain ). In ki gehri nigahon ki zad mein aane wala koi shakhs apni batani kefiyat in se posheeda nahi rakh sakte. Lekin aise tez tarrar zehan ka malik hone ke bawajood aur logon ke dilon mein chupe hue razon ko bahar nikalne ki salahaiyat ki malika hone ke bawajood, gemini aur cancer aik dosre ko samajh nahi patey.

In ki zaat aik dosre ke liye aesa muamma bana rehti hai, jise hal karne mein wo kabhi kamiyab nahi hote. Kisi gemini mard se pochiye ke apni cancer shareek-e-hayat se mutalliq inhe kon si baat sab se ziyada tang karti hai, to wo bataega. “ Pata nahi chalta ke wo kis waqt kya soch bethen ”. Aur kisi cancer aurat se pochiye ke apne gemini rafeeq-e-zindagi se mutalliq kon si cheez in ke liye sab se ziyada masaiyl peyda karti hai to wo bataengi. “ Pata nahi chalta ke aakhir wo kya chahte hain ”. Yeh muamla hamesha chalta rehta hai. Cancer ( Burj Sartan ) ki khud ko posheeda rakhne aur udaas hone ki surat mein apni zaat ke khoal mein band ho jane aur mehar bulb ho jane ki adat gemini mard ko pagal kar ke rakh deti hai. ( Aur yeh zehan mein rakhiye ke gemini ko pagal karna koi aasaan kaam nahi hai ). Kabhi kabhi wo use khud bata deti hai ke wo kya soch rahi hai, lekin jab gemini ko us ke dil ki baat janne ki khuwahish hoti hai to wo apne khoal mein band ho jati hai aur gemini ke har sawal ka jawab khamoshi mein deti hai.

Gemini (joza) ki na to yeh samajh ata hai ke us par yeh mood kyun tari hua aur na he yeh ata hai ke use is mood se bahar kaise nikala jae. Aesi halat mein us par tanz karne ya ghussa dikhane se bhi koi faiyda nahi hota. Koi dosra use us khoal se us waqt tak bahar nahi nikal sakta, jab tak ke wo khud aesa na chahe. Jab us ka mood khushgawar ho aur ap usse poche ke aesi kon si baat thi jis ne use is qadar afsurdah bana diya to us ka jawab hoga. “ Na jane kon si baat thi, mujhe to ab yaad bhi nahi rahi ”. baat use ab bhi yaad hai lekin wo ap ko bataengi nahi. Apne raaz khud tak mehdood rakhna cancer ki fitrat hoti hai. Kisi Dana ne kaha hai ke ap ka raaz jab tak ap ke paas rahe, wo ap ka ghulam hota hai aur jab ap kisi dosre ko us se aagah kar den to phir ap raaz ke ghulam ban jate hain. Cancer ( Burj Sartan) usi waqt khud ko mehfooz tasawwur karti hai, jab us ke raaz us ke seeney mein posheeda rahen. Kabhi kabhi cancer aurat aansoo bahati aur shikwoon ke tomaar bandhti nazar aati hain. Aese mein dekhne wala sochta hai ke ab pata chala ke aakhir yeh aurat kabhi kabhi itni udaas kyun ho jati hai. Lekin wo ghalatfehmi ka shikar hain.

Dosri taraf gemini ki yeh fitrat hai ke jab tak har raaz se waqif na ho jaen, har gutthi suljha na len, unhe tasalli nahi hoti. Is liye cancer aurat ki maaiyat mein wo kisi qadar bechaini ka shikar rehta hai aur har waqt isi udherhban mein laga rehta hai ke cancer aurat ki mizaji kefiyaat ka muamma kaise hal kiya jae. Jahan tak cancer aurat ka sawal hai, wo chahti hain ke apne mehboob ke qadmon mein chand aur sooraj dher kar den. Wo apni mohabbat ka aik aik zarra us ke naam waqf kar dena chahti hain. Us ke sare dukh apne seeney mein samet lena chahti hain. Use khushiyon ke rang se hum kinaar karwana chahti hain. Lekin gemini mard ke muamley mein hamesha wo garhbarhahat ka shikar rehti hain. Kyun ke use yeh he nahi pata chalta ke yeh banda kab, kis waqt, kis baat se khush hota hai.

Ek waqt mein jo cheez use pasand hai, kal wo na pasand ho jaegi. Jis khane ko aaj wo thoos thoos kar apna pait bhar raha hai, aen mumkin hai kal use dekhna tak gawara na kare. Jin rangon se aj us ne apne ghar ki har deewar ko saja rakha hai, kal wo in rangon ke socks bhi lena pasand nahi karega. Jin cheezon par wo qehqaha maar kar hans deta tha, ho sakta hai ke aaj un baton ko sun kar mou bana le. Sartan aurat gemini mard ki pasand na pasand ki bhool bhaliyon mein takkaren marti marti pagal ho jati hain aur phir bhi use pata nahi chalta ke yeh banda aakhir chahta kya hai. Pata kaise chale, use khud nahi pata ke wo kya chahta hai, aur agar pata ho bhi to wo use khud tak mehdood rakhna ziyada behtar khayal karega. Ab yeh jhagra khatam ho to kaise ??? aik he soorat ho sakti hai aur wo hai bahmi aitemad. Dono aik dosre par aitemad karen aur kabhi kabhi apne dil ki batein khol diya karen. Waise yeh dono aik dosre ke sath bohat khush reh sakte hain. In mein bohat si khusoosiyat aik dosre se hum aahang hain. Dono achi cheezen pasand karte hain. Insaani hamdardi ke jazbaat se malamaal hota hain. Guftugo ke hunar se waqif hote hain. Khuwab dekhna aur un mein haqeeqat ke rang bharna jante hain. Agar yeh apni zaat ko aik dosre ke liye uljhi hui doar na banaen to apne masaiyl hal kar sakte hain.

Aries image Tauras image Gemini image Leo Image Libra Image Scorpio Image

 

 

 

Copy Right 2012-2015 www.Meriduniya11.com