Meriduniya11 Header
Horoscope  

 

 

 

 

 

Aquarians Woman 2014

Aquarius (Dilo)

From 21 January to 19 February, this is time of Aquarians. Here we are giving some interesting facts about Planet Mars, Mars relation to Aquarians and some important facts about Aquarian women. Hope you will enjoy read this page In Urdu.

Aquarians Woman 2014


Nishan : Doll

Ansar : Hawa

Hakim Saiyarah : Urines Aur Zehal

Khush Bakhti Ke Adad : Four Aur 8

Saeed Pathar : Yaqot

Mawafiq rang : Nela aur Sabz

Mubarak Din : Wednesday

Saiyarah Marikh

Jis tarah atarad dosre saiyaron ke muqable suraj se ziyadah qareeb hai, isi tarah marikh humari zamean se ziyadah qareeb hai. zamean ke aik taraf suraj hota hai aur dosri taraf marikh. Suraj aur zamean ke darmiyan 9 karor 30 lakh mile ka fasla hai jab ke suraj aur marikh ke darmiyan 14 karor 10 lakh mile ka fasla hai.

Marikh mein 687 din ka aik saal hota hai, yani zamean ki banisbat marikh ka saal taqreban dugna hota hai. marikh zamean ke muqabile mein chota hai aur is ka Qatar sirf 4 hazar 200 mile hai yani chand ke qarat se dugna aur zamean ke Qatar ke nifs se kuch ziyadah. Marikh ka hajam zamean ke hajam ka daswan hissa hai aur is ke din raat 24 ghante 37 minute aur 22 second par mushtamil hote hain. Marikh ka rang surkhi mail hai. wo raat ko roshan surkh nishan ki tarah nazar aata hai. marikh har 15 saal ke bad zamean ke intehai qareeb aajata hai.

Ilm e najum ke ro se marikh ki khososiyat khushki, atish mizaji aur mardangi ke hain. Marikh jismani qowat ki numaindagi karta hai. Is mein tamiri aur takhribi donon tarah ki tawanaiyan bhar pur indaz mein mujod hain. Saiyarah marikh hosle aur khuwahishat ka mazhar samjha jata hai aur insan ki hewani jablat par hukumrani karta hai. himat, bardasht, taqat aur khud etemadi is ki numayan khososiyat hain.

Marikh Aur Burj-e-Dilo

Agar aap us waqat paida howae tha jab saiyarah marikh burj e Dilo mein tha to aap haqiqi mainon mein aik danishwar hain aur insani falah o behbod ke kaamon se aap ko dili lagao hai. Aap ke andar esi salahiyat hai ke aap is se kaam le kar mashre ke bigar ka aghaz hi mein andazah laga sakte hain aur qabal is ke, ke bigar aam ho jaye, is ka insedad kar sakte hain.

Aap un logon mein se hain jo apne nazaaryat ke mutabiq duniya mein tabdili lana chahate hain lekin mushkil ye hai ke esa karte waqat aap intehai ujlat se kaam lete hain aur jald bazi ki wajah se har cheiz ulat pulat dete hain, jis ki wajah se logon ko faidah pohanchne ke bajaye nuqsan pohanch jata hai.

Apne mizaj ke pesh e nazar aap ko chaheye ke apni raftar kam karen, sabar o zabt se kaam len aur apne mufeed kaamon ko sabit qadmon ke sath jari rakhen. Aap ki qowat e istadlal taqatwar hai aur aap ke dalail ka log assani se jawab nahi de sakte. Aap apne khayalat ke izhar mein bebak hain aur apni baat sab ke samne baghair kisi khof o hiras ke keh sakte hain lekin kabhi kabh aap zarorat se ziyadah josh mein aasakte hain aur ese moqe par aap etedal ki hodod phalang kar ghair zimedari, zid aur hatdharmi ka muzahirah kar sakte hain.

Aap ke andar amli taqat se ziyadah fikri qowat mujod hai. aap logon ko ese nare de sakte hain jo awam ko hijiyani kefiyat mein mubtala kar den. Aap tan assani ki zindagi ziyadah pasand karte hain. Khandani zimedariyon ki adaigi aur mulazimat ki wajah se jo zimedariyan aaid hoti hain, wo aap ke leye pareshan kun hain. Aap aik ya do afrad ke sath jazbati wabastagi rakhne ke bajaye majma aur ijtamaat mein ziyadah khush o khuram rehte hain. Pur taiyush aur beqeed zindagi mein aap ko ziyadah kashish mehsos hoti hai. aap adab ke mutalle aur tasnif o talif ki zindagi se bhi lagao rakhte hain aur apne khayalat ki tarweej o ashaat ke leye qalam ko kamyabi ke sath istemal kar sakte hain.

Jo log burj e Dilo aur marikh ki yakjai ke moqe par paida hote hain, un ki zindagi ka aik manfi pehlo bhi hota hai. wo apne khushk aur sakht rawaiye ki wajah se hamdardon ko bhi apna dushman bana sakte hain. Ye log beamal bhi parle darje ke ho sakte hain.

Aquarius Women (Dilo) Khawateen

Aquarius (Dilo) khawateen ko aik aam aurat ki banisbat mashre ke masail se ziyadah dilchaspi hoti hai aur wo in ko hal karne ke leye aamli jid o jehad bhi karna chahti hai. Wo aik esi aamli aurat hai jo sahib e baserat bhi hai. Wo har kaam ko apna farz samajh kar josh o kharosh ke sath anjam deti hai. us mein logon ko apni taraf khenchne ki zabardast khuwahish aur jazba paya jata hai. Wo apne aqaid aur nazariyat ke sahi hone ka amli muzahirah karna chahati hai. Wo aik nai aur mukhtalif andaz e zindagi ki takhlilq karna chahti hai

Aquarius woman (Dilo) khawateen mukhtalif mamlat ke bare mein makhsos nazaryat rakhti hain. Ye mamlat bachon ki tarbiyat se mutaliq bhi ho sakte hain, jailon ki aslah ke bare mein bhi ho sakte hian aur shakhsi azadi se mutaliq bhi.

Aquarius woman (Dilo) khawateen mazi se dilchaspi ke bawajod riwyat ke khilaf baghawat bhi kar sakti hai. Wo khamosh aur pur sakon zindagi guzar sakti hia aur tofanon se bhi kheel sakti hai. Aaj agar wo aik sedhi sadi khaton e khana nazar aarahi hai, jise ghar ki nigehdasht aur dekh bhal ke elawa kisi cheiz se dilchaspi nahi to kal aap us ko aik naye roop mein dekh sakte hain. Aap dekhein g eke wo jhanda leye howae kisi jolos ki rahnumai kar rahi hai aur khawateen ke hoqoq ke leye medan mein uthar aai hai.

Mahir e ilm e nojom ne Aquarius woman (Dilo) khawateen ke mizaj ke bare mein ajeeb o gharib aur mutazad baatein likhi hain. Wo likhte hain ke agar peer (Monday) ki subah Aquarius (Dilo) aurat aap ka pur josh kher maqdam kare gi to mangal ki subah wo aap ke sath taghaful se pesh asakti hai. budh ko wo ghair hazir dimagh nazar aaye gi to jumeraat ko wo donon hath bharha kar aap ka pur josh kher maqdam kare gi. Is ke bad jume ko wo aap se mulki mamlat par is tarah guftugo kar sakti hai ke jese wo aik tajurbekar siyasatdan ho.

Aquarius woman (Dilo) khawateen achi parosan hain. Sirf ye hi nahi ye parosiyon ko us se koi shikayat nahi hoti balke wo pariosiyon ke leye madadgar bhi sabit hoti hai. Wo apne mashware aura mal se har waqat logon ki madad karne ke leye taiyar mile gi. Agar aap ki car raste mein panchar ho jaye ya koi hadsa pesh ajaye aur us waqat koi Aquarius (Dilo) aurat apni gari mein wahan se guzre to ye namumkin hai ke usse aap ki halat par reham na aaye. Us ki koshish ho gi ke wo kisi na kisi tarah aap ki madad kar de.

Aquarius woman (Dilo) khawateen ko mashre ke masail se dosri khawateen ki banisbat ziyadah dilchaspi hoti hai. Aquarius (Dilo) aurat apni waze qata aur zauq o dilchaspi ke lehaz se dosron se mukhtalif hoti hai. Wo aam rawish aur rasam o riwaj se hat kar chalna chahati hai ta ke us ki infaradiyat numayan ho sake. Missal mashhor hai ke khao apni marzi ka lekin pehno dosron ki marzi ka lekin Aquarius (Dilo) aurat is missal par amal nahi kar sakti. Agar cha wo dil mein yehi chahati hai ke wo jo libas pehne, us ko dosre pasand Karen lekin wo dosron ki pasand ko apni pasand par tarjih nahi de sakti. Wo wohi libas pehane gi jo us ki pasand ho ga. Agar dosre bhi us ke libas ko pasand karte hain to bari khushi ki baat hai warna koi harj nahi. Wo kabhi shawal kamiz mein nazar aaye gi to kabhi sari mein aue kabhi tang mori ke pajama mein aur gharare mein malbos nazar aye gi. Libas ke mamle mein Aquarius (Dilo) aurat ka shoq itna wasi hai ke wo lambi ubba wale libas mein bhi dekhi ja sakti hai aur kabhi mem sahib bani nazar aasakti hai lekin apni riwayati aqdar ki pasdari is ke har libas mein nazar aaye gi. Us ka bas chale to apne leye shahi libas bhi taiyar karwa sakti hai jo kabhi mughal shezadiyan pehana karti thein.

Aik munjim khatoon ne likha hai ke aaj kal fanci dresses show ka jo riwaj hai shayad wo kisi Aquarius (Dilo) khatoon ke zehan hi ki ikhtarah hai. behar hal Aquarius (Dilo) khatoon apni infiradiyat har haal mein qaim rakhna chahati hai aur wo is tarah apni ana ki taskeen bhi karti hai jo tabqa shurfa ki khososiyat hai.

Aquarius woman (Dilo) aurat ki aik numayan khososiyat ye hai ke wo malkiya aur qabza jama ke kisi cheiz ko apne pas nahi rakhna chahati. Is ka italaq ashiya aur afrad donon par hota hai, chunacha wo apne shohar ko banda e be dam na bana sakti hai aur na bannana chahati hai. han wo esi zindagi zaror guzarna chahati hai jo us ke tasaworaat aur nazaryaat ke mutabiq ho. Agar is ka shohar ya saheliyan is ka aur is ke khayalaat ka ahteram karen to ye sab Aquarius (Dilo) aurat ke sath aik achi zindagi guzar sakte hain. Jis tarah wo apni saheliyon aur shohar par qaza jama kar nahi rehti isi tarah us ko apne leye jaidad aur mal jama karne ka shoq bhi nahi. Wo sirf husan e amal aur husan e tawon ki qail hai. han! Aquarius (Dilo) aurat ese tariqon ko bohat pasand karti hai jin ke zarye wo kaamyabi ki manzilen aasani se te kar sake.

Aquarius woman (Dilo) aurat dolat aur rupe pese ko is leye ahmiyat deti hai ke dolat us ke maqsad ke husol ka zarya ban sakti hai. wo dolat ki pujari nahi, is leye dolat bara e dolat ki khuwahish mand bhi nahi. Wo dolat ke zarye apni azadi ko barqarar rakhna chahati hai aur us ke zarye apni khuwahishat ki takmil karna chahati hai.

Aquarius woman (Dilo) aurat jab kisi cheiz ki tamana puri karti hai to phir wo intezar nahi kar sakti. Us cheiz ko bilatakhir foran hasil karna chahati hai. Aquarius (Dilo) aurat sadah zindagi guzarna chahati hai. Wo gharelo jhamelon, saz o saman ki kasrat aur in cheizon ka intezam o ahtemam karne se ghabrati hai. us ko aik esa sharik e hayat darkar hai jo us ki azadi aur khudmukhtari par qadghan na lagaye aur us ko aik londi ki tarah isharon par na nachaye. Jo log us par jabar karne ke bajaye us se razakarana andaz mein tawon karte hain, un ko wo bohat pasand karti hai aur shohar bhi wo esa hi chahati hai jo us par hukum chalane ke bajaye razakarana tawon kare.

Aquarius woman (Dilo) aurat ke mutaliq kaha jata hai ke wo jis qism ki azadai talab karti hai, wo aaj ki duniya mein mujod nahi balke mustaqbil se taluq rakhti hai. behar hal is ka matlab ye na liya jaye ke wo “madar pidar azad” qism ki azadi chahati hai ya ye ke wo koi aiyash aurat hai, esa bilkul nahi. Wo to azadi e niswan ke mamle mein bhi inteha pasand nahi, wo socialist bhi nahi, na hi wo azad muhabat ki qail hai. han! Wo esi aurat zaror hai jis mein in tamam qism ki auraton ki thori thori khososiyat mujod hain.

Aquarius woman (Dilo) aurat zehan e insane ko baja tor par insane jism ka sab se aham uzo tasawor karti hai. us ke khayal mein har takhil aur raye par dimagh ki hukumrani hoti hai. is leye wo zehan aur fikar par control ke khayal se hi kanp uthti hai.

More Link

  Tauras image Gemini image Leo Image Libra Image Scorpio Image

 

 

 

 

 

 

Copy Right 2012-2015 www.Meriduniya11.com