Header
Fruits Vegetables  

 

 

 

 

Turmeric ( Haldi )

Turmeric powder is use for all cuisines in all over the Whole World. It is very useful for Health. Turmeric (Haldi) is use for Cancer cure, especially for Chemotherapy. It is use in different types of Medicines. Turmeric uses for glowing and charming skin. It scientific name is Coscinium Fenestratom. Turmeric is antioxidant. It is using for remove the infections on the outside and inside of the body. It can use with Milk for Septic problem. Kindly request to all of you, please first take advice to your Doctor then use any type of tips. In this page you will find the information and benefits about Turmeric Powder (Haldi ke Fawaid) In Urdu and Roman Hindi.

Turmeric Banner

Turmeric Benefits In Urdu

Haldi Ke Fawaid

Turmeric Image In Urdu

Barresagher ka shayad he koi gharana aisa ho jahan haldi (turmeric) use na ki jati ho.  Yeh wo masala hai jo hamare kitchens mein lazmi maujod hota hai. Aur is ke bina beshtar khane namukammal rehte hain. Maghrib ki jaded tehqeeq bhi ab haldi (turmeric) ki afadiyat tasleem karti nazar aati hai. America mein yeh masala ziyada tar barresagher ke gharanon ya junubi asian restaurants mein istemal kiya jata hai. Is liye Doctors apne patients ko advice dete hain, ke wo ise health food stores mein tablets ya capsules ki sorat mein talash karen. Is supplement ki kharidari ka aik faiyda yeh bhi hai ke aik aur murakkaba Piperine bhi is mein shamil hota hai. Jo jism mein haldi (turmeric) ke injazab mein muawnat karta hai.

Haldi (Turmeric) mein shamil faa’al juzo Curcumin aur dard door karne wali aik maroof medicine Ibuprofen ki khusosiyat ka taqabli jaiza lene ke liye inhe 107 aise patients ke jorhon ke marz ( Osteoarthritis ) mein mubtila the. Haldi ka yeh faa’al juzo khoon(blood) ke jamao ki raftaar baaz auqat sust kar deta hai. Is liye mahireen yeh sifarish karte hain ke agar patient ko kisi qisam ki Surgery karwani ho to wo Surgery se 2 week pehle Haldi ka istemaal rok den. Jin logon ke Pitte mein Pathri hai, wo log bhi ise istemal karne se gurez karen.

Duniya bhar ke khano ka zaiyqa barhane ke liye turmeric ko aeham masala samjha jata hai. Europe tak ne is haqeeqat ko maan liya hai, ke is masale ki aik afadiyat is ka antioxidant hona bhi hai. Haliya tehqeeq mein ise cancer se bachao aur ilaaj ke liye bhi muassir samjha gaya hai. Chemotherapy ke dauran turmeric ka istemal ki advice di jane lagi hai. Tibbi maherin ke mutabiq Chemotherapy se mazahim cancer ke khuliye tabah hone lagte hain, wahin agar haldi ghiza mein shamil ho to ilaaj jald aur muassir tareen hota chala jata hai. Turmeric mein maujood ajzaa cancer ke khatme ke liye aeham kirdar ada karte hain aur jis mein kisi bhi jagah Tumor banne mein mazahamat karte hain. Baaz auqat cancer ke patients ke jism mein kuch rasoliyan hoti hain jo chemotherapy se khatam hoti hain, tahum turmeric ka istemal is ke khatme ki bharpor salahiyat rakhta hai aur marz ki afzaiysh rokne mein aeham kirdar ada karta hai. Is se na sirf cancer ka muassir ilaaj samne ata hai bal ke is marz ke dobara lautne ka khatra bhi nahi hota.

Haldi (Turmeric) ko zamana qadeem se bones mazboot karne, zakham ko septic hone se bachane, waram door karne, jild ki rangat nikharne aur antiseptic ke taur par istemal karte aae hain. Haldi (Turmeric) ko jhar paldi bhi kaha jata hai. Jo barresagher Pak o Hind ke hakeemon ke roz marra istemal ki chez hai aur mufeed tareen medicines mein se aik hai. Is ka plant Himalaya Mountain mein Nepal ke maghrabi hisse mein afraat se paya jata hai. Yeh kae iqsaam ki hoti hai aur rangat mein bhi thora bohat farq paya jata hai. Mountain areas ke bashindey turmeric ko Chitra daar Hald, Kashmal, Samlo, Aalodaaz aur Charchar waghera pukarte hain. Shehri bazaron mein tarashi aur pisi hui haldi aati hai. Lekin asal mein makhsoos jhari ke stem aur root ki wood ko chota chota kaat kar lohe ki barhi karahi mein daal kar pani dala jata hai aur niche dheemi si aag jalai jati hai aur jab tak woods se tamam rang na nikal aae aur wo white color kin a ho jae tab tak aanch di jati hai. Pani ko josh den eke bad jab yeh lae ki tarha garha ho jata hai tab ise patton par daal kar khushk kiya jata hai. Darasal turmeric ki jo shakal hum tak pohanchti hai, wo inhe marahil ko tey kar ke is shakal mein dhalti hai. Pichle zamano mein sten aur jhariyan hawan daston mein koot kar haldi ki simple shakal o wazaa ki jati thi, ab bhi sil batton par ise peesa jata hai.

Yeh hamare khano ka bunyadi aur aeham masala to hai, lekin behtreen gharelo dawai bhi hai. Barhi borhiyan janti thin ke chutki bhar haldi sadhe pani ya doodh ki aik piyali mein ghol kar pilane se meyde, jigar, aankhon, bawaseer, malaria aur dosre bukharon ke ilawa phore phunsiyon aur waram ko door kiya ja sakta hai. Goya yeh shifai khusosiyat ki hamil jarhi boti hai. Jis ki chaal naram aur konplon par zard rang ke ghane roeyn hote hain, is ke patte bezwi shakal ke 4 se 8 inch tak lambe au roper se saaf aur mulaiym hote hain.

Aam khayal yeh hai ke haldi ki taseer garam hai aur yeh khoon mein hiddat peyda karti hai. Darasal yeh aik aisa antioxidant hai jo germs ka khatma karne ke liye khoon mein inteshar peyda karti hai. Aur tibbi nuqta nigah se yeh khasiyat mufeed kahi jati hai. Yeh ghatiya ke marz tak ko shifa deti hai. Sakht bukhar ko utar deti hai aur meyde ko naram karti hai. Is ki tibbi taseer sard aur khushk mani jati hai. English mein turmeric ka tibbi naam Coscinium Fenestratom hai. Jise khano ke ilawa bhi khane mein faiyda he hai nuqsan koi nahi. Darasal dawa karhwi bhi hoti hai aura chi bhi nahi lagti lekin jab yaqeen ho ke ise istemal karne se aram aur rahat milegi to karhwa ghoont bharna he parhta hai.

 

More Links

 

 

Copy Right 2012-2013 www.Meriduniya11.com