Header
Fruits Vegetables

 

 

 

 

Papaya(Papita)

Papaya (papita) was born on Tropical America and it is a desi fruit of America. But now it cultivate in different places in the whole World. Papaya tree is like an umbrella shape. It is known as Papiyo in Gujrati language. Papaya tree does not have branches in its stem. It has yellowish and orange color, and black round seeds in it. We can save the Papaya in freezer as cubes and puree form. Papaya has more vitamin A, E and calcium and enzyme pippin. It is very useful for digestion and constipation. In this page, you can see papaya benefits in urdu (papita ke faide in Urdu, Papita ke fayde in Hindi) Papaya In Urdu.

Papaya In Urdu (Papita In Urdu)

Papaya Image

Yun to papaya ki real jaey paidaiysh Tropical America hai aur yeh wahan ka desi fruit hai, lekin yeh duniya ke deegar khitton mein bhi bakasrat peyda hota hai. Barhi nashpati ki saakht se mushaba is fruit ka size pakne ke bad taqriban 8 inch lamba ho jata hai.

Papaya carica papaya ko gujrati zuban mein papiyo kehte hain. Is ka darakht 4 se 5 gaz ooncha hota hai. Stem par branches nahi hoti. Choti par castor ke patton se milte jhulte patte lage hote hain. Jis se tree umbrella shape mein ho jata hai. Patton ke niche stem par fruit lagte hain. Jo mango se le kar melon ke barabar hote hain. Papaya kacha hone ki halat mein oper se sabz aur andar se white hota hai. Aur is mein white white ratobat hoti hai. Lekin jab yeh pak jata hai to is ki rangat zard ho jati hai. Andar se gooda bhi zard ho jata hai aur ratobat bhi kam ho jati hai.

Baaz iqsaam ke papayas ki rangat fruit ke pak jane ke bad yellowish ya naranji color ki ho jati hai.
Papaya chote qad ke jhari daar, tarhiyan khajoor ke tree se mushabaha tree mein branches ke bajae stem mein harey bharey guchchon ki soorat mein is tarah ugta hai ke is ka rukh zameen ki janib hota hai. Papaya ka plant nar aur madda ki alehda alehda khusosiyat rakhne ke sath sath baaz auqat kassiya zar aur baqcha gul ( Harmaphrodite ) ki khusosiyat rakhne wale bhi hote hain.

Gher tabai taur par is fruit ka taste melon se milta julta hota hai. Pakne ke bad is ki rangat peeley ya naranji rang ki ho jati hai. Aam taur par papaya ka gooda peele color ka hota hai. Jis ka darmiyani hissa chote chote gol seeds se bhara hota hai. Papaya ka weight osatan 2 kg tak hota hai.

Agarcha papaya waste America ka maqami phal hai. Lekin is ki kaasht barh I tezi ke sath garam aab o hawa rakhne wale mumalik mein phelti ja rahi hai. Papaya ke seeds sab se pehle watee America se Nepal, East India company ke tawassut se 1626 mein bheje gaey.

Types of Papaya :Solo nasal ke papayas chote size ke hote hain. Lekin bohat si maqami iqsaam ke papayas ke seeds muntakhib kar ke in se apni marzi ke pasandeeda fruits hasil karne ke liye unhe khasey maqool aur mukhtalif tareeqon ke zariye kasrat se kaasht kiya ja raha hai. Paharhi papaya carica Candamarceniss motey, dabeez aur natra sheeda patton wala sakht aur chota fruit hota hai. Jis ka kinara mota, bhadda aur lamba hota hai. Is ke patton mein se apple ke jaisi khushbo aati hai. Paharhi papaya ko kham halat mein khane se yeh bohat teyzabi noiyat ka sabit hota hai. Lekin paka kar ya jam bana kar khane se is ka taste umdah ho jata hai.

Papita (Papaya) ka gooda bohat khobsurat gehre surkhi maiyl naranji color ka hota hai. Jis ke darmiyan mein siyahi maiyl bhore color ke seeds ba afraat maujood hote hain. In seeds ko bataur khuraak bhi istemal kiya jata hai. Papaya ken arm, raseeley aur meethe goodey ka taste peach aur melon ki taste se milta julta mehsoos hota hai.

Khareedna Aur Mehfooz Rakhna : Papita (Papaya) khareedte waqt hamesha ziyada peela fruit muntakhib Karen aur is ki lateef khushbo soongh kar is ke lazeez hone ka andaza Karen. Papita (Papaya) mamoli sa dabao parhne se bohat jaldi pichak jata hai. Lehaza kabhi bhi kharab phate hue murjhaey hue peel wala papita (papaya) mat khareden.

Agar papaya paka hua ho ya ras daar mehsoos na ho to dhanthal ke paas ke hisse ko check Karen. Agar peel peeley color ka na ho to is ka matlab hai papaya paka hua nahi hai.

Pake hue rasdaar papaya ko forum kha lena chahiye aur pori tarha na pakne wale papaya ko naram aur peela ho jane tak room temperature pe rakh kar is ke pak jane ke bad khana chahiye kyun ke kacha papaya khane se amoman pait mein dard ho sakta hai. Papaya ke goodey ke cubes ya puree ko freeze kar ke mehfooz rakha ja sakta hai.

Papita ke Faide In Urdu, In Hindi

Papaya Benefits In Urdu, Hindi

Papita ( Papaya) vitamin A, E aur calcium se malamaal hone ke sath sath aik chemical khameer enzyme pippin se bhi bharpor hota hai. Yeh chemical enzyme ghiza mein maujood protein ko tehleel kar ke ise digest karne mein madad deta hai. Is ke ilawa yeh khameer gosht ko naram aur bazaiyqa banane ke liye bhi istemal kiya jata hai. Papita (Papaya) ki 100 gram miqdar 45 kg calories ki tawanai farahum karti hai.

Papita (Papaya) aik fruit ki tarha khaya jata hai. Yeh jism ko ghizaeyat deta aur is ki parwarish karta hai. Hazim hai aur qabz door karta hai. Meyda, liver aur tilli ke liye nihayat mufeed hai. Is mein vitamin E paya jata hai. Yeh gosht ko galata hai, kache papaya ke chote chote piece cut kar ke ise chaoon mein kae dino tak rakh kar sukha lene ke bad pees kar powder bana kar rakh liya jata hai. Jise gosht galane ke liye mamoli si miqdar mein istemal kiya jata hai. Kache papaya se nikalne wali doodhiya ratobat bhi aala darjey ki hazim hai. Is ko peel off karne se jo ratobat nikle us ko aik motey kaprhe par lagati rahen. Khushk hone ke bad kaprhe par white safoof reh jaega, ise aehtiyat se nikaal kar rakh len. Yeh safoof thori si sugar mila kar khana khan eke bad khaey. Khana khob hazam ho ga aur bhook bhi lagegi.

Papita Khane Ke Fayde

1. Qabz rafaa karne ke liye paka huwa papita khana Faydemand hain.

2. Kacha papaya boil kar ke khane se purane dast thek ho jate hain.

3. Khana hazam na hone par ( papaya) papita khana mufeed hai.

4. Papita (Papaya) ke 10 seeds pani mein pees kar ¼ cup pani mila kar peene se pait ke keerhe mar jate hain.

5. Papita (Papaya) pait saaf karta hai, liver ko taqat deta hai. Chote bache jin ki liver kharab rehta hai, unhe papaya khilana chaiye.

6. Blood piles mein papaya khana mufeed hai. Papaya acha, paka hua aur sakht hona chahiye. Is bemari ke khatme ke liye kache( papaya) papita ki sabzi bana kar khana bhi mufeed sabit hota hai.

7. Barhi hui tilli ko qudrati size mein wapis lane ke liye aksar hukmaa daily papaya khan eke nuskha tajveez karte hain. Is silsile mein yeh bohat faiydemand sabit hua hai. Is maqsad ke liye paka hua papaya bhi khate hain aur kache papaya ke turkey cut kar ke vinegar mein daal diye jaey. Aur 8 – 10 din ke bad aik do pieces daily khaeyn.

8. Pake huwe papita (papaya) ka gooda pees kar face par lagane se skin mulaiym ho kar nikhar jati hai.

 

 

 

Karela Benefits

Tomato Benefits

Mango ( Aam)

Chakotra Fruit

Palak-Spinach

Lehsun

Potato Benefits

Onion Ke Faide

Jamun Ke Faide

 

Copy Right 2012-2013 www.Meriduniya11.com