Header
Fruits Vegetables  

 

 

 

 

Melon (Kharbooza)

Melon is a fruits of summer season. It is cold and juicy in nature. Please do not take melon early in the Morning and hungry condition also, because it can harmful for us. Melon is one of watery fruits. It has protein, carbohydrates, calcium, phosphorus, iron, copper, vitamin A, vitamin B 1 and B 2 and Vitamin C. In this page you can see the information and benefits about Melon (Kharbooza Ke Fawaid) In Urdu and Roman Hindi.

Melon Banner

Melon Benefits In Urdu (Kharbooza Ke Fawaid)

Melon Benefits

Qudrat ne fruits mein jo taste taseer aur khuwas paida kiye hain wo ghiza ka kaam bhi dete hain. Aur medicine ka bhi, yehi wajah hai ke duniya mein kahin bhi koi qaum aesi nahi jis ki ghiza mein fruits na ho.

Insane sehat ke tahaffuz aur us ki baqaa ke liye qudrat ki taraf se is baat ka bhi intezam kiya gaya hai ke phal jis mausam mein hote hain, us ki zarorton aur taqazon ko pora karne ki in mein qudrati taur par salahiyat maujood hoti hai, maslan mausam e garma mein shiddat garmi se ya garam ashiya ke istemal se urine jalan se aane lagta hai. Acidity paida ho jati hai. Jis se urine ki rangat bhi surkh ho jati hai.

Kharbooza (Melon) mein mausami taqazon ko pora karne ke liye qudrati taur par aise chemical ajzaa aur namkiyat maujood hain, jis se kidney, uterus, aur intestine ke fasid maddey urine aur potty ke zariye kharij ho jate hain, agar garmi ya kisi aur wajah se urine red ya jalan se aa raha ho, melon ka istemal hairat angez fawaid pohnchata hai. Jo log mausam e garma ki is naimat khudawandi ka istemal karte hain, in ko urine khul kar aata hai. Sweating hoti hai aur urine ke raaste kidney, uterus ki garmi aur zehrile maddey kharij ho jate hain. Melon mausam e garma ka famous lazeez aur bakasrat khaya jane wala phal hai jo aise ajzaa se bharpor hai jo ke ghiza ko mutawazin qarar dene ke liye zarori hain. Kaam o dehan ki lazzat ke ilawa apne ghizai tibbi fawaid ke aitebar se bhi umdah tareen phal hai. Vitamin se bharpor quwwat bakhsh aur thos ghizaeyat ka hamil hai. Chemical tajziye se is mein mundarja zail wafer miqdar mein paae gae hain. Protein, carbohydrates, calcium, phosphorus, iron, copper, vitamin A, vitamin B1 and B2 and Vitamin C.

Tibbi nuqta nigah se is ka mizaaj garam tar hai. Bu Ali Sina ke nazdik kharbooza ki taseer sard tar hai. Tahum jamhoor atbaa is ke garam tar hone ki tasdeeq karte hain. Paka hua kharboza, khush zaiqa, taskeen bakhsh aur jism ki nashonuma karne wala phal hai. Yeh ghizaeyat ke aitebar se to mufeed hai. Tahum tibbi nuqta nigah se bhi is ke beshumar fawaid hain. Kharbooza (Melon) tabiyat ko tarawat aur farhat bakhshta hai. Dil o dimagh ko taqwiyat deta hai aura am jismani kamzori ke liye mufeed hai. Quwwat bah barhata hai aur badan ko mota karta hai. Hepatitis, istasqa, pathri aur qabz ko door karta hai. Sudda ko kholta hai aur urine aawar hai aur paseena lata hai. Kidney, uterus ke amraaz ke liye akseer hai. Sozaak mein mufeed hai aur kharboza waram dimaghi aur nazlaat ko rafaa karta hai. Is ke peel ka laip chaiyyon ko mitata hai.

Sardi ya baraf se aankh mein roam paida ho jae to Kharbooza (Melon) ke chilke aur lemon ki dhooni se nafa karta hai. Deedon ke nazdeek kharboza madarbol, quwwat o taqat dene wala aur pait ko saaf karne wala hai. Kharboza khilane se bachon ke phore phunsiyan door hoti hain.

Experts ka kehna hai ke kharboza chon ke pani wala phal hai, is liye is ka mizaj pani ke qareeb tareen sard hona qanoon fitrat ke mutabiq hai. Baaz atbaa kehte hain ke kharboza ziyada sheren ho to is mein garmi hoti hai aur jo kam sheren ho to wo sard hota hai. Agar tursh ho to bohat sard, pheeka ho to kam sard aur kacha ho to kheere ke mizaaj ka hai. Sheikh ul raees ise dosre darje ke awwal mein sard aur dosre darje ke aakhir mein tar qarar dete hain.

Kharbooza (Melon) neharmou nahi khana chahiye. Neharmou khane se maide ke ajzaa se mila rehta hai. Matli aur qey lata hai aur maide ke mou ko kamzor karta hai.

Bhook ki halat mein bhi nahi khana chahiye, kyun ke maide ki quwwat aur kharbooze ki garmi ki wajah se maide mein fasaad aa jata hai.

Khana khane ke forun bad kharbooza khaya jae to yeh khane ko jald fam maida se niche utar dega aur fum maide ko kamzor kar dega. Khana khane se pehle khaya jae to khane ko fum maide se niche utarne se rokta hai.

Ziyada miqdar mein khane se jo kuch maide mein ho, ise daston ki raah nikaal deta hai aur maide aur aanton ko kamzore karta hai.

Kaseef ghizaon maslan cheese, milk, khameeri roti waghera ke sath khane se sudda paida karta hai aur kidney ko ezaa deta hai.

Kharbooza jab tak digets na ho jae us waqt tak sona nahi chahiye.

Kharbooza khane ke bad dair tak pani nahi peena chahiye, kyun ke is se bad hazmi hatta ke haize ki shikayat bhi ho sakti hai.

 

 

Copy Right 2012-2014 www.Meriduniya11.com