Welcome to Meriduniya11

 

Fruits Vegetables  

 

 

 

 

Lychee

Lychee is a very tasty and delicious fruit. It is cold and juicy in nature. Lychee is very useful in summer season. It is cultivated in China since ancient times. Lychee is a best fruit of South China. The peoples of South China say that, Lychee is a King of Fruit. Lychee is cultivating in Pakistan, Burma, Australia, California and South America also. It has 19.8 % seeds, 78.1 % pulp, 1.32 % citric acid, 1.3 proteins, and 14.12 % total sugar, 9.9 % inside pod, 80.8 % moisture, 1.6 % oil, 1.0 % ester, and 6.9 & hydrogen sugar. In this page, you can see the information about Lychee.

Lychee Fruit

Lychee aik khush zaiqa phal (fruit) ha, jis ke tibbi asraat hairat angez hain. ALLAH TA’ALA ne is phal (fruit) ko khas sheren aur khush zaiqa banaya hai. Sakht se sakht gamri mein Lychee khane se thandak ka ehsaas hota hai. China mein is ki kaasht zamana e qadeem se ki ja rahi hai. Lychee junobi china ke behtareen phal (fruit) hai. Wahan ke log ise fruits ka King kehte hain aur yeh tohfa wahin se barre sagher Pak o Hind mein aaya. Pakistan ke ilawa Burma, Philippine, jazair arab ul hind, Australia, California, south America, aur dosre garam martoob areas mein is ki kaasht ki jati hai.

Lychee ka pauda garam martoob aur neem garam khitton mein phalta pholta hai. Garmi ki khushk aab o hawa aur sari ki kehar nae paudon ke liye khas taur par nuqsan dey hai. Sardi mein paudon ko pale se bachaya jata hai. Aur garam mausam mein pani se patton par chirkao kiya jata hai, ta ke garmi ki tamazat se paude jhulasne na paae. Lychee ka darakht (tree) darmiyane qad ka hota hai. Patte khushnuma hote hain. Darakht (tree) ke stem par khobsurat si chatri bana lete hain. Darakht (tree) ki oonchai 25 se 40 ft tak hoti hai. Balai hissa gol hota hai aur chamkele sabz patte 3, 4 inch lambe hote hain.

Is ke phool zardi maiyl white chote gher numayan hote hain. Shaakh ke siron par guchche ki shakal mein nikalte hain. Guchcha 1 ft tak lamba hota hai. Is mein 2, 3 phalon se le kar 20 tak phal hote hain. Is phal mein vitamin G aur vitamin B khasi miqdar mein paae jate hain. Lekin phosphorus ki nisbat chona aur faulad bohat kam hote hain. Phal ki umdagi ka inehar aab o hawa par hota hai.

Lychee ki afzaiysh tamam duniya mein Air Layering se ki jati hai. China aur Hawaii mein Inarching ke tariqe bhi istemal kiye jate hain. Seeds se bhi paude nikal sakte hain. Magar wo sahi nahi rehte. Is liye gutti ka tariqa istemal kiya jata hai. Yeh tariqa sab se pehle Florida mein aazmaaya gaya tha. Yeh desi tariqe ki taraqqi yafta shakal hai. Desi tariqe mein chaal ke utre hue hissa par khas mitti ki teh ya kaai ya taat ke tukre lappet diye jate hain. Ya phir is ki aik oonchi shaakh par pani wala bartan baadh dete hain. Is bartan ke pained mein soorakh kar ke aik rassi daal di jati hai. Jis ke zariye pani is jagah qatra qatra tapakta rehta hai. Jaded tariqa yani gutti mein pukhta nisf inch moti shaakh muntakhib kar ke patte ke qareeb jahan aankh hoti hai. Wahan nisf se aik inch chilka utar kar muththi bhar namdar Sphagnum Moss se dhaanp kar polithane ya alkalthine ki parat lappet di jati hai. Is parat ke dono sire baanh diye jate hain. Jis ki wajah se is jagah pani chirakne ki zarorat nahi rehti. Daab se 2, 3 inch niche shaakh ko 2, 3 waqfon mein kaat diya jata hai. 4, 5 months mein bohat si roots nikal aati hain. Is waqt daab ko kaat kar partein utar kar gamlon mein aehtiyat se laga diya jata hai, ta ke roots totne na paae. Gamle martoob jagah darakhton ke saae mein rakhe jate hain aur in ko numm rakha jata hai. Yeh amal 2 mausamon mein kiya jata hai. February, March mein ya July, August mein. Lychee ko ibtedai taur par pale se bachana chahiye.

Lychee ke Darakhton (trees) par chappar daal den aur stems par khushk ghaas, sarkande ya taat ke tukre baandh den. Paale se bachane ke liye jantar ke zariye saya karna bhi mufeed hai. Lychee ki aabpashi January se le kar July ta aehtiyat se karni chahiye. Ta ke paude khushk na ho aur phool phal umdagi se nashonuma paae. Lychee ka darakht (tree) baqaidgi se phal deta hai. Phal waqfon se torah jata hai. Dair tak mehfooz rakhne ke liye patte aur tehni kati jati hain. Yeh phal 3 months tak store mein rakha ja sakta hai. Aik darakht (tree) ki paidawar ziyada se ziyada mauzoo halaat mein 20 mun tak hoti hai. Is ke phal se pickle aur murabba banaya jata hai. Is ka phal khushk bhi kiya jata hai. China mein khushk phal shauq se khate hain.

Tibbi lihaz se Lychee ka mizaj sard o tar badarja doam hota hai. Yeh intehai mufarrah phal hai. Piyas ko taskeen deta hai. Maqwi qalb hai. Lambe miyawi bukharon mein is ke istemal se faida hota hai. Khawas aladwiya mein likha hai, k jazeera numa Malaya ke dehat mein hydro cell ki bemari mein takham Lychee pees kar laip karne se faida hota hai. Ise thori miqdar mein khana chahiye. Qadre saqeel hoti hai.

ALLAH TA’ALA ne har phal mein koi na koi khasiyat rakhi hai. Shaded garmi mein Lychee ke chand daney khane se dil o dimagh mein farhat mehsoos hoti hai aur piyas ki shiddat khatam ho jati hai. Lychee ki thandak deegar phalon se munfarid hai. Mou mein rakhte he khushgawar ehsaas hota hai. Jism o jaan mein khunki aati hai. Garmi ke mausam mein yeh qudrat ka anmol tohfa hai.

Lychee mein seeds 19.8 %, gooda 78.1 %, citric acid 1.32 %, protein, 1.3 %, qabil istemal sugar 7.3 %, kul sugar 14.12 %, baironi khol 9.9 %, moisture 80.8 %, oil 1.6 %, raakh 1.0 %, hydrogen sugar 6.9 %...

 

 

 

Copy Right 2012-2014 www.Meriduniya11.com