Header
Home>Entertainment  

 

 

 

Suraiya

The legend singer and actress of Indian film industry Suraiya was born on 15th June 1929 in Gujranwala. She started her career in 1937 as achild artist in the film “socha.” Suraiya sung her first song for the film “shardha” at the age of thirteen. She has sung and acted in many famous films as Umar Khayam, parwana, dillgai, bari behan, anmol ghari, dard, dastan and many other. In this page, you will read Suraiya Biography In Roman Hindi.

Suraiya Biography

15 June 1929 - 31 January 2004

Suraiya Indian Actress Photo

Adakari aur golokari ke shube mein bharat ki legend fankara Suraiya ne apne dor mein behad shorat aur maqboliyat hasil ki. Wo 1940 aur 1950 ki dehai mein bator singer saf e awal ki golokaraon mein shamil rahein. 15 June 1929 ko Gujranwala mein peda hone wali suraiya ne 1937 mein bator child artist film “socha” mein adakari se fanni safar ka aghaz kiya. Bahrat ke marof villain zahor ne un ki rehnumai aur filmon mein mutarif karane mein aham kirdar ada kiya. Suraiya school ki chtoiyon mein aksar un ke sath film ki shooting dekhne jati thein, marof hidayatkar Nano bahi wakil ne unhen Mumtaz Mehal ka kirdar offer kiya, unhon ne is film mein Mumtaz Mehal (junior) ka kirdar ada kiya, suraiya ne All India radio se bachon ke programon mein bohat ziyadah shirkat ki. Mosikar Azam Nushad ne jab un ki awaz suni to unhon ne film mein gane ki peshkash ki us waqat un ki umar 13 saal thi, unhon ne film “shardha” mein apni zindagi ka phela geet record karaya, jo 1942 mein numaish ke leye pesh ki gai, golokara ke tor suraiya ko film anmol ghari, dard, dillagi aur dastan ke geeton se zabardast shorat mili in filmon ke sab hi geet super hit howe.

Nishad ne un ke leye 50 se zaid geet likhwaye aur un ki mosiki tarteb de, Suraiya ne golokar o adakar Sehgal ke sath film umar Khayam aur prwana mein adakari ka muzahira kiya, un ki teen super hit filmon piyar ki jeet, bari behan aur dillgai ki shandar kamyabi ke bad un ka shumar sab se ziyadah mawza lene wali adakaraon mein hone laga. Wo adakari ke shobe mein shorat ki bulandi par pohanch gaein. 1950 se un ka down fall shuru howa un ki mutadid filmein folp hoein lekin unhon ne himat na hari aur mehnat karti rahein jis ke bad unhon ne aik bar phir filmon mein jagah banali, un ka shandar comeback howa, film Waris aur Mirza Ghalib se aik bar phir wo fan ki bulandiyon par pohanch gaein, Suraiya ne Dev Aannd ke sathbhi bohat si filmon mein kaam kiya.

Un mein Widhiya, jannat, sher, afsar, neli, do sitare aur sanam qabil e zikar hain, un ki akhiri film 1963 mein release hone wali film Rustam Sohrab thi, Dev Aannd ke sath filmon ke doran un ka affair mashhor howa, Dev Aannd Suraiya se shadi ke khuwahishmand the lekin un ki nani ne rishte se sirf is leye inkar kar deya ke aik musalman larki ki shadi kisi hindu se nahi ho sakti. Is ke bad surriya ne shadi nahi ki, Suraiya ko is doran malka e taranum ka ezaz deya gaya lekin bad mein un se ye ezaz wapis le kar Noor Jahan ko de diya gaya. Gulokari aur adakari ke shobe mein jo dor Suraiya ne gizara wo bohat yadgar aur behtareen raha. 31 January 2004 ko Suraiya ka Inteqal ho gaya.

 

 

 

Copy Right 2012-2015 www.Meriduniya11.com