This is Meriduniya11 Header
Home>Entertainment  

 

 

 

Surkshetra

Surkshetra is a Music Reality Show between Pakistan and India. It is very different music show from the other shows, because of Marking, it gives 0 or 10 mark only. Both countries has 6 contestants. Pakistani team Captain is Atif Aslam and Indian team Captian is Himesh Reshammiya. The Bollywood famous actress Ayesha Takia is the host of Surkshetra. Abida Parveen from Pakistan, Rona Laila from Bangladesh and Asha Bhosle from India are the Judges of Surkshetra. In this page you will find Sur Kshetra news In Urdu and Roman Hindi.

Sur Kshetra News

Surkshetra judges and star Photo

Pakistan aur India parhosi mulk hone ke sath sath kae mahazon par aik dosre ke hareef bhi hain. Siasi muamlaat mein to mahaz aarai ki kefiyat itni shadeed rahi ke dono mulkon ke darmiyan barhi jangen bhi ho chuki hain. Lekin ab yeh aehsaas qaumi hota ja raha hai. Ke jang kisi masle ka hal nahi, bal ke aman ki asha le kar he dosti ka safar aage barh sakta hai. Siyasi mahaz se hat kar agar dekhe to mulkon ke darmiyan Cricker ek aisa issue hai, jis ke dauran jazbaat pore urooj par hote hain.

Pakistan aur India ke darmiyan khele gae Cricket match hamesha kante daar sabit hue hain. Aur dono mulkon ki croron awaam ne in matches mein bharpoor dilchaspi ka izhar kiya hai. Ab music ke meydan mein bhi dono mulk aamne samne hain aur music reality show Sur kshetra mein naamwar singers Atif Aslam aur Himesh Reshammiya ki qiyadat mein dono taraf ke participants ki teams is muqabley ko jeetne ke liye zor-o-shor se mehnat kar rahe hain. Mauseeqi ke is safar ka 8th September se aaghaz hua tha. Aur beyk waqt Pakistan aur India ke TV channels yani Geo, Aag, Sahara One aur Colors par dikhaya ja raha hai. Is show ke barey mein mazeed tafsilaat hum ap ke samne pesh karne ja rahe hain. Surkshetra ya Sur ki bazi mauseeqo ka sab se barha muqabla hai, jis mein pehli bar Pakistan aur India ke Gulokar aamne samne hain.

Television ki tareekh ka yeh munfarid music reality show bohat he dilchasp hai. Bharti team ki sarbarahi Music Director aur Singer Himesh Reshammiya kar rahe hain. Jab ke Pakistan ki team ki sarbarah naamwar singer aur actor Atif Aslam hain. Judges mein Asha Bhosle, Abida Parveen aur Rona Laila shamil hain. Hosting ke liye bollywood ki actress Ayesha Takia ko muntakhib kiya gaya hai. Jo shadi ke bad filmon se kinara kashi ikhteyar kar chuki hain. Lekin is show ke liye Ayesha khushi khushi tayyar hui hain. Muqabley mein hissa lene wale contestant ka intekhab audition ke bad kiya gaya aur phir finally Pakistan se 6 contestant aur India se bhi 6 contestant ko is muqabley mein shirkat ki dawat di gai. Jin ke naam yeh hain.

Sur Kshetra Pakistan

Ameer Ali, Sara raza Khan, Nabeel Shaukat Ali, Mulazim Hussain, Nadeem Abbas aur Imran Ali.

Sur Kshetra India

Dil Jaan, Indrani Bhatacharji, Amanji Turekha, Yash Raj Kapil, Badhadtiya Mukherjee aur Shehzad Ali.

Staff Format : Singing Talent Show

Writer : Manoj Mustansar.

Director and Creative Director : Gajendra Singh.

Host : Ayesha Takia.

Duration of Program : 1 Hour 30 Minutes.`

Sur Kshetra Music Show

Dosre music reality shows ke muqabley mein Sur kshetra qadre mukhtalif aur munfarid hai. Aam taur par dosre shows mein fankaron ko un ki performance ke aitebaar se 1 se le kar 10 tak number diye jate hain aur ziyada tar fankar 6 ya is se ziyada number hasil karne mein kamiyab ho jate hain. Lekin Surkshetra mein aisa koi system nahi hai, yeh aik aisa imtehaan hai, jis mein ap paas hote hain ya fail. Bech ka koi rasta nahi hai. Contestant ko un ki performance par 10 number milenge ya zero.

Yeh surat-e-haal judges ke liye bhi kafi pareshan kun sabit hui. Is par tabsara karte hue aik judge aur legend singer Asha Bhosle ne kaha. Is show ka concept bilkul munfarid hai aur paas ya fail ki bunyaad par develop kiya gaya hai. Hamare liye faisla karna bohat mushkil ho jata hai. Kyun ke sab he singers behtreen singing ka muzahira kar rahe hain. 0 se 10 ke darmiyan koi number na hone ki wajah se judges, audience aur un ke sarparaston ko barhi mushkil pesh aa rahi hai. Lekin unho ne muzbat jazbe ke sath is challenge ko qubool kiya hai.

Ache music reality shows mein hissa lene wale music director aur singer Himesh Reshammiya ka kehna hai ke is concept ki wajah se yeh safar dosron se mukhtalif ho gaya hai. Himesh ne show ki launching ke mauqe par kaha ke is ki wajah se singing ka level bohat oper tak chala jaega. Jo singer acha perform karega use 10 number milenge aur kamzor performance ka muzahira karne walon ko 0 milega. Himesh ne kaha ke mere khayal mein yeh music reality show ki aik behtreen shakal hai.

Bangladesh se talluq rakhne wali mashoor singer Rona Laila ka kehna tha ke is tareeqeqar ki wajah se unhe bhi shurka ki performance ko judge karne mein waqt darkar ho raha hai. Kyun ke mujhe tawazun barqarar rakhna hai. Asha Bhosle ka talluq India se aur Abida Parveen ka talluq Pakistan se hai, jab ke main gher janibdaar hoon aur is ki wajah se mujhe mushkil ho rahi hai. Is marking scheme ki wajah se yeh kaam aasaan nahi. Abida Parveen ne bhi kamobesh isi khayal ka izhaar kiya, un ka kehna tha ke yeh tareeqa shurka ke liye aik challange ki hesiyat rakhta hai.

Sur Kshetra Episode

Sur Kshetra show mein ab tak ki jitni bhi episodes on ear ho chuki hain/. Un se andaza lagaya ja sakta hai ke kis tarha ka talent samne aa raha hai. Pakistani aur Indian contestants apne Captains ke sath is challenge ka muqabla karne ke liye pur azam nazar aate hain. Is show mein marking ka jo tareeq-e-kar ikhteyar kiya gaya hai, us mein sirf 0 ya 10 numbers ki gunjaiysh hai. Contestants mar jao ya mar do ki bunyad par sar dhar ki bazi laga rahe hain aur sab ke sab behtreen performance de rahe hain.

 

More Links
Copy Right 2012-2014 www.Meriduniya11.com