Header
Home>Entertainment

 

 

 

 

Sonakshi Sinha and Katrina Kaif

Sonakshi Sinha was born on 2nd June 1987 in Mumbai. She is 25 years old. Sonakshi Sinha started her career in the Movie “ Dabbang ” with Salman khan. Sonakshi Sinha’s film “ Dabbang ” and “ Rowdy Rathore ” had earned the business of 100 crore. Now her new film “ Son Of Sardar ” had been released, so let see what will happen.

Sonakshi Sinha and Katrina Kaif Photo

Katrina Kaif was born on 16th july 1984 in Hong Kong. She is 28 years old. Katrina Kaif is a film actress and model in bollywood film industry. Katrina Kaif’s film “ Zindagi na Milegi Dobara ” and “ Ek Tha Tiger ” had earned the business of 100 crore.

Now her new film “ Jab Tak Hai Jaan ” had been released, so let see what will happen. In this page you will read Bollywood actress Sonakshi Sinha and Katrina Kaif entertainment news in Urdu and Roman Hindi.

 

Who Is The No.1 Actress In Bollywood ?

Sonakshi Sinha and Katrina Kaif

Bollywood Entertainment News In Hindi

Diwali ke mauqe par zabardast hangama ho raha hai. Aray bhai app preshan na hoon. ye hangama horaha hai bollywood ki do haseenao ke darmiyan. Aik taraf chikni chameli Katrina Kaif ki film“ Jab Tak Hai Jaan ” aur dosri taraf Bihari Haseena Sonakshi Sinha ki film “ Son of Sardar ”. Is martaba maghrabi beauty aur mashriqi husn mein ho raha hai muqabla. Kehna wale keh rahe hain ke yeh muqabla asal mein Katrina aur Sonakshi ka hai. Kyun ke in dono ki filmen alag alag to croron ka business karti hain. Lekin aesa pehli baar hua hai ke dono heroins ki filmen aamne samne lagi hui hain. Yeh bhi kaha ja raha hai ke in dono mein jis ki film ziyada kamiyab ho gi, wo bollywood box office ki No.1 Heroin ka title le jayein gi.

“ Son Of Sardar ” aur “ Jab tak hai jaan ” ko mujooda saal ki 2 barhi filmen kaha ja raha hai. Jahan aik taraf “ Jab Tak Hain Jaan ” mein Yash Raj ne 8 saal bad bataur Director samne aae the aur yeh film un ki zindagi ki aakhri film sabit hui. Dosri taraf “ Son Of Sardar ” mein Ajay Devgan ne apna sab kuch Daao par laga diya hai. Ajay Devgan ne is film par 80 crore ka sarmaya lagaya hai. Ajay ka kehna hai ke mujhe pata hai ke awam kiya chahti hai, to is liye inho ne is film ko full entertainment banaya hai.

Dabangg Girl Sonakshi Sinha

Ab is film ki actress Sonakshi Sinha ke bare mein aik baat app ko batate chalein. Bharti media ke hawaley se kaha ja raha hai ke film ke director Ashwani Dhir ne Ajay Devgan ke maqabil heroin ke kirdar ke liye Sonakshi se pehle Kajol ko select kiya tha, magar gharelo masroofiyat ki wajah se Kajol ne maazrat kar li. Lekin sath sath film ki heroin ke liye Sonakshi Sinha ka naam tajveez kar diya. Tahum is film se mutalliq logon ka kehna hai ke in khabron mein koi sadaqat nahi. “ Son Of Sardar ” ki heroin ka kirdar Sonakshi ko he samne rakh kar takhleeq kiya gaya tha aur wo he director ka pehla intekhab thin. Sonakshi Sinhai ne jaise he role suna, forun film mein kaam karne ki hami bhar li. Is liye Kajol ka inkar aur Sonakshi ke intekhab ki baten sirf or sirf afwahen hain. Bharti Punjab ke riwayati pusmanzar mein film “ Son Of Sardar ” romantic hone ke sath sath Drama touch bhi hai. Yeh Bharat ki ilaqai zuban “ Tilgo ” mein banne wali aik blockbuster film ka hindi remake hai.

Film “ Son Of Sardar ” ki sikhni heroin Sonakshi Sinha asal mein Bihari hain, Bollywood star Shatrughan Sinha ke ghar 2nd June 1987 ko janam lene wali yeh Bihari haseena filmon mein aane se pehle Fashion designer thin. Qaraiyn to itna jante hain ke Sonakshi ki pehli film “ Dabbang ” hai. Jis mein inho ne aate he dhoom macha di thi. Lekin bohat kam logon ko is baat ka ilm hoga ke inho ne 2005 mein release hone wali film “ Mera Dil Le Kar Dekho ” ke sare malbosaat ki designing ki thi. Is ke ilawa Bharat ke saf awal ke Fashion week mein in ki location mutarrif huyi. 2008 mein Sonakshi khud bhi bataur model ramp par cat walk karne lagi.

Kehte hain ke din palat’te waqt nahi lagta. Aik baar aik shadi mein Sonakshi duniya se be khabar raqs mein masroof thin. Jahan Salman Khan ki in par nazar parhi. Salman ko apni nae film ke liye naey chehre ki talaash thi, bas phir kya tha. Jab Salman ne Sonakshi ko dance karte hue dekha to in ki maloomat karwai. Phir Sonakshi ke walid se rabta kiya aur un se film mein kaam ki ijazat mangi. Jis ke bad film shuru hui aur 2010 mein jab yeh film release hui. To sab ne Sonakshi Sinha ko Dabangg Girl ka khitab de diya. In ki pehli he film blockbuster sabit hui. Kafi arsey bad logon mein kisi heroin ke dialogue maqbool hue. Sonakshi ka yeh dialogue “ Thappar se Darr nahi lagta Sahab, Pyar se lagta hai ”. aaj bhi nau jawanon mein super hit hai. Is film se Sonakshi ko kae awards mile. Jis mein Bollywood ka sab se mutabbar aezaaz Filmfare Award bhi shamil hai. Sonakshi ka kehna hai ke unho ne apni pehli film “ Dabbang ” ki shooting shuru hone se pehle 2 saal tak apne weight ko kam karne ke liye bohat jatan kiye. Sonakshi ka kehna hai ke Salman Khan ne unhe bataya tha ke unhe Gaaon ki ladki ka kirdar karna hai. Jis ke liye itni moti ladki nahi chalegi. Bas phir subha shaam Exercise shuru kar di.

Sonakshi ke mutabiq unho ne film ke liye pore 30 kg weight loss kiya. Us ke bad un ke azeez-o-aqarib ne bhi film ki release ke bad unhe jab film mein dekha to yaqeen nahi kiya ke yeh wohi moti aur bhaddi si ladki hai. Pehli film ke release ke taqreeban do saal tak Sonakshi ki phir koi aur film release nahi hui. Lekin har jagah is Dabbang Girl ka charcha hota raha. Phir is Bihari Haseena ne dosri film mein he sabit kar diya ke bila shuba in mein wo salahiyaten hain ke wo kisi bhi film ko superhit aur blockbuster bana sakti hain. Prabhudeva ki direction mein banne wali film “ Rowdy Rathore ” mein Akshay Kumar aur Sonakshi Sinha ne dekhne walon ke dil jeet liye. Is film ka business bhi shandar raha aur “ Dabangg ” ke bad yeh film bhi 100 crore club mein enter ho gai. Sonakshi ke jis tarha pehli film ke songs hit hue the, bilkul isi tarha “ Rowdy Rathore ” ke songs bhi hit ho gae. Film “ Dabbang ” se filmi career shuru karne wali Sonakshi Sinha ka kehna hai ke ab tak un ke paas sirf sarhiyon wale kirdaron ki peshkash hui hai. Wo samajhti hain ke kisi bhi adakara ke liye sab he tarha ke kirdar karna zaroori hota hai.

Sonkshi Sinha ne kaha mujhe lagta hai. Apne har kirdar aur har photo shoot mein alag dikhna zaroori hota hai. Mere director mujhe sirf sarhiyon wale kirdar he de rahe hain. Acha hai main magzines mein shaey hone wali tasaveer mein to kuch alag kapre pehan rahi hoon. Is bihari haseena ko Bollywood film “ Once Upon A Time In Mumbai ” ke sequel mein cast kar liya gaya. Is film ke markazi kirdar ke liye pehle Kareena Kapoor ko cast kiya gaya tha, magar Kareena ne mana kar diya. Chunache producer Ekta Kapoor ki nazar-e-intekhab thehri, Dabbang Girl Sonakshi Sinha jo is film mein under world don ka kirdar ada karne wale Akshay Kumar ke Mad-e-Muqabil nazar aaengi. Film ke deegar cast mein actor Imran Khan bhi shamil hain. Yeh film next year August mein release ki ja rahi hai. Producer Tigmanshu Dhulia ne bhi unhe apni aane wali film “ Milan T” ke liye sign kar liya hai. Is film mein in ke hero Imran Khan honge. Film ki sab se aeham baat yeh hai ke ise Ekta Kapoor banaengi. Jab ke is ke sath he in ki aik aur film “ Lutera ” actor Ranveer Singh ke sath aa rahi hain. Yani ab Sonakshi ko bhi andaza ho gaya hai ke unhe log mukhtalif hero ke sath dekhna chahte hain. Sonakshi ke paristaron ki tada bila shuba croron tak pohanch gai hai. Lekin wo khud Bharti team ke batsman Sachin Tendulkar ki is qadar dewani hain, ke har waqt un ki kamiyabi ke liye dua go rehti hain.

Chikni Chameli Katrina Kaif

Ab baat karte hain Chikni Chameli Katrina Kaif ki. Jin ki film “ Jab tak hai jaan ” ki promotion dehli mein shuru hui thi. Jahan Katrina ke sath sath Shahrukh Khan aur Anushka Sharma bhi aik sath meydan mein utre hain. Kyun ke yeh teeno he film mein markazi kirdar kar rahe hain. Shahrukh Khan ka kehna hai ke “ Jab tak hai jaan ” shaiyqeen ko umeedon se barh kar pasand aaegi. Film mein Shahrukh Khan pehli martaba Khobsurat Katrina Kaif ke sath mad-e-maqabil hain. Jab ke Anushka Sharma ke sath Shahrukh ki yeh dosri film hogi. Is se pehle yeh dono “ Rab ne bana di Jorhi ” mein sath kaam kar chuke hain. “ Jab tak hai jaan ” ke barey mein Katrina Kaif ka kehna hai ke Yash Raj ji ke sath kaam karne ka khuwabtha jo film mein adakari ke johar dekha ke pora ho gaya

. Yash Chopra apne inteqal se pehle is film ki making taqreeban pori kar chuke the. Lekin woh film ke baaz manazir aur ek song Switzerland mein shoot karne wale the. Lekin achanak unhe Dengue Fever ho gaya aur 21st October 2012 ko Mumbai ke aik Pvt. Hospital mein Inteqal ho gaya. Jis par Katrina Kaif ka kehna tha ke “ Mujhe yaad hai ke barson pehle apni aik dost ke sath Yash Chopra ki aik film ke premier par gai thi. Tab mein bar bar Yash Chopra ke samne aane ki koshish kar rahi thi, ta ke un ki nazae mujh par parhe. Meri ek dost ne mujh se pocha tha ke kya tum kabhi Yash Chopra ki film mein kaam karna chahogi, to main ne kaha, kyun nahi ”.

Katrina Kaif ne mazeed kaha ke un ka Yash Chopra ke sath kaam karne ka khuwab to pora ho gaya, lekin Yash Chopra is film ki release se pehle he sab ko Alvidah keh gae. Katrina Kaif ka kehna tha ke yash Chopra apni filmon mein Switzerland ja kar Heroin ko Shefoon ki white sarhi mein aik song zaroor shoot karte the. Wo “ Jab tak hai jaan ” mein bhi aik aesa he song shoot karne wale the aur main is song ko shoot karne ke liye bohat excited thi. Lekin aesa ho na saka. Is mauqe par Shahrukh Khan ka kehna tha ke mujhe lagta hai Yash Chopra aaj bhi mere sath hain. Phir Anushka Sharma ka yeh kehna tha ke agar koi bhi actress Tash Chopra ki film kar le, to samajh len ke us ka CV perfect ho jata hai. Aur mujhe fakhar hai ke main ne Yash Raj se he apne filmi career ka aaghaz kiya. “ Jab tak hai jaan ” 13th November ko release hui hai aur us se aik din pehle Mumbai mein is film ka shandar premier hua hai. Yeh premier Yash Chopra ki yaad mein kiya gaya tha. Is ka ineqaad Yash Chopra ki Biwi Pamela Chopra ne kiya tha. Un ke kehna tha ke is film ka itna shandar premier un ke husband ke liye behtreen khiraj-e-aqeedat hai.
2003 mein film “ Boom ” se career shuru karne wali Katrina Kaif pehli he film mein nakaam rahin. In ki shanakht 2 saal bad film “ Sarkar ” se bani. Jab ke film “ Partner ” se sahi maeyno mein inhe shanakht mili, jo ke 2007 mein release hui thi. Sonakshi Sinha ki tarha Katrina Kaif ko apni pehchan ke karane ke liye mehnat ke sath sath intezar karna parha. In superhit filmon mein Welcome, Race, Sing Is King, Newyork, Ajab Prem Ki Ghazab Kahani, Rajneeti, Zindagi Na Milegi Dobara, Mere Brother Ki Dulhan aur Ek tha Tiger shamil hain. Jab ke Katrina ki Item songs ki list mein Agneepath film ka Chikni Chameli, Bodyguard, Tees Maar Khan film ka Sheela ki Jawani jaise superhit hain. Sonakshi ne bhi Katrina ke naqsh-o-qadam par chalte hue film “ Oh My GOD ” mein Go Go Go Govinda ka Item song kiya hai. Yani Item songs ke muamley mein dono heroins ka muaqqif hai ke item girl banne mein koi harj nahi hai. Katrina Kaif ki box office par maqboliyat dekhte hue, distributers ne inhe 4th Khan qarar de diya hai. Katrina ka kehna hai ke yeh in ke liye aezaaz ki baat hai.

Katrina Kaif ka kehna hai ke Shahrukh Khan, Salman Khan aur Aamir Khan do ashron se croron dilon par hukoomat kar rahe hain. Bohat kam log yeh haqiqat shayad jante hon ke Katrina Kaif British citizen hain aur work visa par bollywood mein kaam kar rahi hain. Wo Bharti qanooon ke tehat pore Bharat mein kahin bhi jaiydaad nahi khareed sakti, jab ke shayad logon ko yeh ilm bhi na ho ke Katrina ka Audio Album bhi aa chuka hai. Unho ne kuch arsey qabal bachon ki nazmon ko apni awaaz mein gaya tha. Jab ke new bollywood movie “ Dhoom 3 ” mein Singer A.R.Rehman ki dhun par song pesh karengi. Bharti Media ke mutabiq Yash Raj films ke banner taley banne wali film “ Dhoom 3 ” mein adakara Katrina Kaif apni awaaz ka jadu jagaengi. Is naghme ke shayar Gulzar hain. Media ke mutabiq Katrina Kaif hamesha se he singing ki khuwahishmand thin. Lekin is khuwahish ke izhaar wo kabhi khul kar na kar sakin. Jis tarha Sonakshi ki do filmen “ Dabangg ” aur “ Rowdy Rathore ” 100 crore club mein dakhil hain. Isi tarha Katrina Kaif ki bhi do filmen “ Zindagi Na Milegi Dobara ” aur “ Ek Tha Tiger ” 100 crore club mein dakhil hain.

 

 

 

 

More Links

 

Copy Right 2012-2014 www.Meriduniya11.com