Header
Home>  

 

 

 

 

Showbiz ki Dunya

Only those people can estimably the speed of time, which revaluates and understands the importance of time. Those people who does not grow with the time, so they get back in epoch of life. After the year of 2013, everything made a part of past life. The whole World celebrated and welcome to the new sunrise of New Year of 2014. So here we are talking about the up and down of the World of showbiz, like Lollywood, Bollywood and Hollywood. We are informing you the artists who passed away from showbiz, who lived life very successfully, who created new entertainment, who lived happily married life, who welcomed to the new member in the Family. In this page you can see the information about the up and down of the World of Showbiz.

Showbiz Ki Dunya Ke Utaar Charhao


Waqt ki raftaar ka andaza sirf wohi log laga sakte hain jo waqt ki qadar karte hain aur is ki aehmiyat ko samajhte hain. Jo log waqt ke sath nahi chalte hain wo zindagi ki daur mein bohat peeche reh jate hain. Saal 2013 ikhtetam ho gaya. Sab kuch itni tezi se Past ka hissa bana hai ke sab kuch kal ki baat lagti hai. Guzishta baras ke istaqbal ke liye Dunya bhar mein taqareeb ka ineqad kiya gaya. Khusosi program raat bhar chalte rahe, magar ab saal 2013 ka bhi ikhtetam ho chukka hai aur 2014 ka sooraj tuloo ho gaya hai. Agar hum guzre saal 2013 par nazar dalen to us dauran un ginat khushgawar aur na khushgawar waqeyaat ronuma hue. Mazi ke tamam barson ki tarah 2013 mein bhi logon ko bohat si khushiyan mili aur bohat se gham bhi.

Lollywood and Bollywood

Mukhtalif professions zindagi ki tarah Pakistan ki showbiz industry ke liye bhi saal 2013 mukhtalif hawalon se hamehsa yadgaar rahega. Kyun ke uis ke tama professions mein mukhtalif naqabil e faramosh waqeyat ronuma hue. Bohat se legend artists is Dunya e fanii se rukhsat ho gaey, to bohat se fankaron ke han new mehmano ki aamad hui. Kisi ne zindagi ka naya safar shuru kiya to kisi ke safar ka anjaam divorce ki soorat mein hua. Bohat se fankaron ne apne apne professions mein behtareen karkardegi ka muzahira karte Pak sir zameen ka naam diyar e gher mein roshan kiya to bohat se fanakr aala civil aezaaz ke haqdaar thehre. Saal 2013 mein Pakistan ki 7 Punjabi, 4 Urdu and 15 Pashtu films jab ke bollywood ki 49 films release hui. In mein Ishq Khuda, Bhola Ishtehari, No Tension, Super Girl, Libas, Sharabi, 4 Urdu, Main Hon Shahid Afridi, Chambeli, Zinda Bhaag, aur Waar shamil hain. Main Hon Shahid Afridi aur Chambeli, Zinda Bhaag aur Waar ke box office par ache response ne Pakistani film Industry ki bahali ki umeeden peyda ho gai. Khas taur par Waar jo Bilal Lashari ki direction mein banne wali ben ul aqwami meyar ki film thi. Is film ne mul bhar ke cinemas mein record business kiya. 15 Pashtu films mein Love Story, Meenakor, Munafiq, Sarkar, Zama Armaan, Lofer, Bangi Laliya, Shart, Qurbani, Ziddi Pakhtun, Akhri Goliye, Body Guard, Pakhawre Badmash, Sher Khan aur Mast Malang shamil hain. In ke ilawa 49 Indian films jin mein Table 21, Matru ki Bijli Ka Man Dola, race 2, special 26, ABCD anybody can dance, Jayanta Bhai ki Love Story, murder 3, Zila Ghaziyabad, I, Me aur Mai, Bloody ishq, sahib Biwi aur gangster return, 3G, Jolly LLB, Aatma, himmat wala, chashm e baddor, commando, aik thi dayyan, aashiqi 2, shootout at wadala, go goa gone, Aurangzeb, yeh jawani ha dewani, yamla pagla dewana 2, fuqrey, ranjhana, shortcut romeo, ghan chakkar, lootera, police giri, ramaiyya vastawaiya, bajate raho, Chennai Express, once upon a time in Mumbai again, madaras cafe, satyagarh, zanjeer, shudh desi romance, john day, phata poster nikla hero, besharam, boss, krissh 3, gori tere pyar mein, singh sahib the great, raamleela, dhoom 3 auir 2 Indian Punjabi films Jutt and Juliet 2 aur Paa ji in problem bhi pehli martaba Pakistani cinemas ki zeenat bani.

Saal 2013 filmy halqon mein is hawale se bhi hamesha yaad rakha jaega ke is saal bohat se nae logon ne industry mein qadam rakha, jin mein producer, director aur fankaar bhi shamil hain. Jin ki na sirf films super hit rahin, bal ke in films ki kamiyabi ne mazeed logon ke liye bhi raaste khol diye. Dosri janib mulk ke mukhtalif shehron mein jaded technology se araasta new cinemas bhi banna shuru ho gaey. Ben ul aqwami meyar ki chand films ne to Pakistan film industry ko tawana kar diya. In films ki kamiyabi ke bad na sirf corporate sector ne films mein 50 crore ki sarmayakari ki bal ke in ke ilawa bhi 20 se zaiyd logon ki films zer e takmeel hain, jo aaiynda baras cinemas mein numaiysh ke liye pesh ki jaengi aur in mein TV ke naamwar fankar aur director apni salahiyaton ke johar dikhaenge. Is ke ilawa Lollywood ki riwayati film saazi nihayat sust rahi, lekin beyan baziyon mein inho ne aik martaba phir sab ko peeche chor diya. Kisi ne import qawaneen ke tehat Pakistan mein numaiysh ke liye pesh ki jane wali films ko zimmedar thehraya to kisi ne jaded technology ki adam dastiyabi ka sahara le liya magar amli taur par inho ne kuch na karne ki jo qasam barson qabal utha rakhi thi, us par qaiym rahe.

Hukomat Punjab ne film sensor board ko fa’al karte hue past ki maroof actress Zeba Begum ko chair person banane ke sath sath board ke 5 membrane ka aelaan bhi kiya, jab ke is ke sath sath film industry ki bahali ke liye aeham logon par mushtamil aik committee bhi tashkeel di. Committee mein shamil arakeen ne mutaddid bar meetings bhi ki, lekin hamesha ki tarah koi masbat hal saamne nahi aa saka. Albatta saal ka ikhtetam cinema industry aur shaiyqeen ke liye koi achi khabar le kar nahi aaya, kyun ke November mein Indian films ki Pakistan mein gher qanooni numaiysh ke khilaf high court mein report daiyr ki gai, jis par adalat ne hokum imtenai jari karte hue faisla sunaya ke smuggle shuda films ki numaiysh ki ijazat nahi di jaegi. Is par markazi film sensor board ke chairman ne adlat mein hone wali sarzanish se bachne ke liye jahan import qawaneen ke tehat aane wali films ko sensor certificate jari karna band kar diye, wahin aik Pakistani film ko bhi sensor certificate jari na kiya. Dosri taraf is faisle ke bad film aur cinema industry mein kashmakash barh gai. Laila, Sana, Madiha Shah aru Nirma samet mutaddid fankaron ki saal bhar mein aik bhi film release nahi hui. Mazkora actresses ne private channels par pesh kiye jane wale Morning shows mein Entries kar ke apna career mehfooz kiye rakha. Actress Nargis, Deedar aur Hina Shaheen ne showbiz se mukammal taur par kinara kasha ikhteyar kar li, jab ke deedar ki shadi bhi usi saal hui. Actress Jugun Kazim ne dosri shadi kar li. Hamesha mutanaza news zeenat banne wali actress Veena Malik ne America aur Dubai mein mukhtalif business karne wale crorepati Asad Bashir se Dubai mein nikkah kar liya. Is baar khushi ki baat yeh hai ke apne nikkah ki tasaveer aur is hawale se khabar bhi Veena Malik ne khud he media ko farahum ki hai, jis ke bad aik bat to tey hai ke wo is ki tardeed nahi kar sakengi. Super model Mehreen Syed, Sofia Khan, Hina Tareen, Ali Safina, samet deegar ne azdawaji zindagi mein qadam rakh diya.

Pakistan ke super star Ali Zafar bollywood mein chaey rahe. Aik taraf to in ki acting ko zabardast response milato dosri janib in ke music concerts mein bhi naujawano ki kaseer tadaad shareek hoti rahi. Yehi wajah hai ke British magazine ki aik survey report ke dauran bollywood ke 2 saal se fateh actor Hrithik Roshan ke muqabley Ali Zafar ko ziyada vote mile aur inhe 2013 ka pur kashish tareen actress hone ka aezaaz bhi mila. Pakistani actress Sara Lauren ki Indian film mein best acting ke bad bollywood ke darwaze in ke liye khul gaey. Ab wo mazeed 3 films mein acting ke johar dikhane ke sath Pakistan mein bhi aik film mein acting karne ke liye jald he Karachi pohnchengi. Isi tarah Umaima Malik ki pehli bollywood fim ki aksbandi mukammal ho chuki hai, lekin in ke sathi actor Sanjay Dutt ke jail jane ki wajah se film ki releasing mein kuch takheer ki gai hai. Pakistani singer Rahat Fateh Ali Khan aur Atif Aslam ka bollywood films mein raaj qaiym raha. Dono singers ke songs bollywood mein films mein saal bhar sunai dete hain aur is ki wajah se bollywood ke mutaddid play back singers aur mausiqaron ne propaganda bhi kiya, lekin in ki maqboliyat mein koi kami nahi aai. Pakistani actress Meera ne apni waldah ke naam par hospital banane ka aelaan karte hue funds raising mohim ka aaghaz kar diya. In ka kehna tha ke hospital ki tameer tak kisi film mein kaam na karne ka aelaan bhi kar diya. Marakash se talluq rakhne wali Haseena Waim Ammar Dhamini ne Pakistani film industry mein qadam rakha aur mustaqbil mein mazeed 2 films mein kaam karne ka muaaehda bhi kar liya.

Nahid Akhter ki singing ke profession mein wapsi mehaz aelaan sabit hui kyun ke 2 taqribaat mein shirkat ke bad wo phir manzar e aam se ghayab ho gai. Singer Rahat Fateh Ali Khanki dancer Falak se shadi ki khabar ben ul aqwami media mein chaai rahi, tahum inho ne is ki bharpor andaaz mein tardeed kar di. Atif Aslam ne past ki qareebi dost Sara Bharwana se shadi kar li. Sara Chaudhry, Babrik Shah aur Ahsan Khan ke ghar bete aur Naseebo Laal ke ghar beti peyda hui. Kanwal ne siyasat mein aane ke baiys showbiz se mukammal kinara kashi ikhteyar kar li. Dosri taraf Bharat ke maroof fankar saal bhar mukhtalif events mein shirkat ke liye Pakistan aate rahe. In mein actor Nasiruddin Shah, Shatrughan Sinha, Neha Dhopia, Kailash Kher, Raza Murad, Ratna Phatak Shah, Mikka Singh, Sukhbeer Singh, Juhi Chawla, Nandita Daas, Surekha Bhardwaj, Vishal Bhardwaj, Hans Raj Hans, Gurmeet Singh Ghokhi, RB Singh, aur Gulzar shamil hain. Jinho ne mukhtalif programs aur taqribat mein shirkat ki. In maroof fankaron ka Bharat wapsi par yehi kehna tha ke yahan se yaadgar lamhaat le kar wapis ja rahe hain. Lekin Bharat ki taraf se control line ki khilaf warzi se dono mumalik ke darmiyan kasheedgi peyda hone par mutadid fankaron ko India jane se rok diya gaya. Jab ke Bharat mein Madiha Gohar, Javed Bashir, Naseem Vicky aur Ali muzaffar samet deegar ko blackmail kiya gaya. Ben ul aqwami shohrat yafta singer Adnan Sami Khan ko bhi is hawale se khasi pareshani ka saamna raha. Adalat ki taraf se in ke khilaf saamne aane wale faislon par Dunya bhar mein tanqeed bhi ki gai, lekin Indian Government ne koi notice na liya. Mukhtalif fankaron ko aala sarkari aezazaat se nawaza gaya, jin mein Khalid Abbas Dar, Bahar Begum, Syed Noor aur Shahida Mini bhi shamil hain.

Singer Qurratulain Baloch accident mein shaded zakhmi hone par meydan se out ho gai. Is saal wafaat pane wale afraad mein director Ali Abbas Jutt, actress Aasiya, Theater ke writer aur director Iftekhar Haider, Naghma Nigar Riyaz ur Rehman Saghar, Nasheela, Khawar Abbas, Shamil Khan ke walid aur past ke actor Jahangir Khan jinho ne malika tarannum Noor Jahan ke sath “ Chun Wey ” mein kaam kiya. Actress Anjuman ke shohar Mobeen Malik ko Eid ul Fitr ke din qatal kar diya gaya. In ke ilawa singer Zubaida Khanum aur Reshma ki maut ka sadma bhi showbiz industry ko bardasht karna parha. PTV ki maqbool tareen drama series “ Andhera Ujala ” se shohrat hasil karne wale actor Abid Butt bhi inteqal kar gaey. Jo guzishta 20 saalon se tableeghi jamaat se4 wabista the. Is ke ilawa director Shehzada Rafeeq ki film “ Mohabbatan Sachiyan ” se shohrat hasil karne wali model Maria Khan kam umri mein he inteqal kar gai. Bilal Qureshi aur Uroosa Qureshi se mangni jabke Babar Khan aur Sana Khan, Sanam Baloch aur Abdullah Farhat, Hina Tareen aur Ali Safina, Rija Ali aur Mohammed Irfan ki shadi bhi is saal ki aeham khabar thi.

Saal 2013 mein showbiz ki bohat si azeem fankar hum se juda ho gaey. Saal rawan ke Maah January ki 19 tareekh ko maroof play back singer Mehnaz ka inteqal ho gaya. Filmy singer Zubaida Khanum kisi tarruf ki mohtaj nahi. Inho ne 78 baras ki umer mein 19 October ko wafaat pai. Singer hone ke sath sath inho ne kae films mein acting ke hunar bhi aazmae. Teesra barha naam fok Singer Reshma ka hai, jinho ne apni gaiyki ke zariye Pakistan aur Bharat samet pori Dunya mein apna aik munfarid maqam banaya tha. Yeh azeem singer 3 November ko 66 saal ki umer mein taweel alalat ke bad Lahore mein inteqal kar gai. Hukomat ne in ki fani khidmat par sitara imtiaz se bhi nawaza tha. Naghma nigar aur sahafi Riyaz ur Rehman Saghar ki filmy Dunya aur geet nigari ke in ki khidmat ko faramosh nahi kiya ja sakta. Wo 1 June ko 72 saal ki umer mein inteqal kar gaey. PTV ke shohra Aafaq show Kasauti ke mezban Quresh Pur 15 August ko 81 baras ki umer mein humen chor kar chale gaey. Punjabi films ki maroof actress Aasiya 9 March 2013 ko Canada mein inteqal kar gai. Wo umer ki 65 baharen dekh chuki thin. Izhaar Kazmi radio, Tv aur stage ke maroof actor air broadcaster the. Wo 30 March 2013 ko is jahan fanii se rukhsat hue. Manzoor Niazi ka inteqal 9th April ko hua. Wo Naat Qawali aur soofiyana kalam songs mein malka rakhte the. Pakistan ke ibtedai dino mein Quaid e Azam Mohammed Ali Jinnah ne in ko Bulbul Dakan ka khitab diya tha. Inteqal ke waqt in ki umer 93 saal thi. Safiya Rani radio, TV aur stage par acting ka aik maroof naam tha. Wo rawan saal 25 April ko is Dunya se rukhsat hui. Radio, Tv, Film aur stage ke comedian Nasheela isi saal 23 June ko Dunya se rukhsat ho gaey. 3 August ko maroof saakar Hassan Shaheed Mirza, 1 September ko actor Manzoor Magsi, 13 September ko filmy hero Anwar Hussain, 23 September ko actor Jahangir Khan aur 28 November ko adakar Abid Butt ka inteqal hua.

Bollywood ke maroof stars Salman Khan, Shahrukh Khan, aur Aamir Khan ke ilawa Ranbir Kapoor, Katrina Kaif aur Deepika Padukone, guzishta barson ki tarah chaaey rahe. Mazkora fankaron ki release hone wali films ne record business karte hue bohat se awards apne naam kiye. Saal bhar mein Salman Khan aur Shahrukh Khan ki films ke zabardast business records ko Aamir Khan ki film ne torhte hue pehle 2 dino mein Bharat ki tareekh ka sab se ziyada business karne ka record apne naam kiya, jab ke Ranbir Kapoor aur Deepika Padukone ki films ko bhi zabardast response mila.

Saal 2013 mein jahan jorhe bane wahin kahin aik dosre se Judah bhi ho gaey. Jin mein actor Noor ki teesre shohar Aun Chaudhry se alehdgi ho gai. Singer Annie Khalid ke shohar Malik Naveed Aewan ne alehdgi ke bad in par croron rupey ka samaan chori ka parcha darj kara diya. Jis ke bad wo manzar e aam se ghayab ho chuki hain. Actress Laila ki maujodgi mein in ke bhai Umer par shopping mall se chori karne ka scandal khabron ki zeenat bana. Bad azaa muaamla rafa dafa ho gaya. Actress Sila Hussain apne shohar Aslam se divorce le kar alehda ho gai. Singer Naseebo Laal ke han beti aur Nooran Laal ke han beta hua hai. Veena Malik ka Sofia Mirza ke shohar Umer farooq ke sath shadi ka scandal media ki tawajja ka markaz bana raha. Singer Shamsa Kanwal ki 10 baras ke bad showbiz mein wapsi hui. Maroof fok singer Shaukat Ali ko Punjab institute of Language Art and Culture ki taraf se Pride of Punjab se nawaza gaya. Fast bowler Mohammad Asif ne bharti film India mein Lahore mein kaam karne ka muaaeheda kar liya. Is film ke liye pehli martaba bollywood se talluq rakhne wale director, film maker aur naghma nigar par mushtamil 3 rukni team Lahore aai, jinho ne yahan naujawan fankaron ke audition liye. Isi dauran Mohammed Asif ka bhiintekhab kiya gaya tha. Is mauqey par Mohammed Asif ka kehna tha ke wo acting ke profession mein bhi behtareen fankarana salahiyaton ka muzahira karenge. Actor Shaan ka bollywood director Mahesh Bhatt ke sath film Earth ka remake banane ke liye bharti writer Shagufta Rafeeqi ko Pakistan bulaya tha, magar muaamlat tey na hue aur wo wapis chali gai. Pakistani singer Misha Shafi ki bataur actress “ Relect funda Mentalist ” ben ul aqwami satah par release hui. Is ke ilawa Bharti film “ Bhaag Malikha Bhaag ” aur Pakistani film “ Waar ” mein bhi jalwagar hui.

Hollywood Box-office

Hollywood mein rawan saal barhe budget ki films ke liye kuch acha sabit nahi hua hai aur lambe chorhe kharche wali films box-office par oosat business kar paey, lekin kam budget films ne zabardast business kiya aur film trade ko mushkilaat ka shikar hone se bacha lia. 50 million dollars ke kam budget se banai gai Anchor Man 2, The Legend Continue, ne box office par rush le kar aik taraf to studio malikaan mein khushi ki lehar daura di. To dosri janib, yeh umeed bhi peyda kar di hai ke saal 2013 bhi pichle saal ki tarah choti budget ki films ke liye khush qismat o darakhshan hai. Saal 2013 ki shuruwaat Hollywood ki films ke liye kuch ziyada zordaar nahi thi. Iron man 3 aur Despicable me too, jaisi films ka business America aur Canada mein pichle saal ke muqabley mein 0.3 % kam raha. Lekin August se release hone wali films The Butler aur Captain Philips, jsisi films ne box office ki mandi ko 55 million dollars kama kar tezi mein badal dala. In dono films ki tickets ki sell 100 million dollars fee film se ziyada rahi. Bad mein numaiysh ke liye pesh ki jane wali The RD millers, aur Jai Cast presents, Bad grandpa, ne bhi box office par record kamai ka silsila jari rakha. Theater Chain AMC entertainment ke chief executive Lopes ke mutabiq Gravity maqami theaters mein sirf 50 se 70 million dollars he kama paai, halan ke yeh aik achi film thi. Sandra Bilkok aur George Cloni stars gravity ki promotion aur publicity dekhte hue pesh goi ki ja rahi thi ke film America aur Canada mein 253 million dollars ka business karegi. Taqriban 100 million dollars ki lagat se bani film ka saal ki sab se ziyada kamai karne wali films mein number 6 raha. Big budget action films maslan Fast & Furious aur Star Track into Darkness, maqami theaters meinkamai ke hawale se top of the list rahen. Dono films majmooi taur par 160 million dollars ki lagat se tayyar ki gai thi. Saal ki kamiyab tareen films par nazar dali jaey to Time Warner ko film critics aur audience ne khala aur be wazni ke mushkil subject ko achi tarah pesh karne ki wajah se pasand kia aur filmy shaiyqeen ne mehange ticket khareed kar aai. Max aur 3D mein film dekhi. The Butler ki shandar kamiyabi mein barha hath opera o nafri ki maqboliyat ka raha, jab ke Captain Philips mein Tom Henks ki jandaar acting ne na sirf box office par jadoo dikhaya, bal ke film ko Oscar Awards jeetne ke liye mazboot position mein la khara kia. British news khabar rasa’a idarey, writer’s se baat cheet mein trade tajziyakaron ka kehna hai ke chote aur barhe budget ke mile jhule rujhan se banai gai films ne Hollywood ko iak new boost diya aur un films ki majmooi kamai ne pichle saal ka 10.8 billion dollars ka record torh dala. 100 million dollars se kuch he ziyada budget ki film “ Wolf of Wall Street ” ne sirf acha business he nahi kiya, bal ke Leonardo DiCaprio ko Oscar ki daur mein shamil bhi kia gaya.

Hollywood

• Angilina Julie films mein kitne he khatarnk stunt karti dikhai kyun na den. Haqeeqi zindagi mein bohat naram dil hain aur imdadi o falahi kamon mein sab se aage rehti hain. Angilina ki inhe falahi sargarmiyon ke aiteraf mein inhe aezazi Oscar award se nawaza gaya hai. Hollywood mein hone wali Governers award ki shandar aur chakachond taqreeb mein Dunya bhar ke muhajireen aur insaniyat ke liye khidmaat anjaam dene par Hollywood ki suer heroin 38 baras ki Angilina Julie ko award diya gaya. Is mauqey par inho ne bataur director apni pehli film “ In the Land of Blood and Honey ” ki Bosnia aur Sarbia se talluq rakhne wali cast se tarruf bhi karwaya. Angilina aqwam e muttehda ke high commission barae refugees ki safeer hain aur 40 se ziyada field missions mukammal kar chuki hain. In mein haal he mein Sham mein khana jangi se mutasireen ki imdaad ka mission bhi shamil hai.

• Shor sharabey, mauj aur masti se bharpor ranga rang, Mtv awards meyla “ Queen of pop ” Miley Cyrus ne apni jandaar performance se apna naam kiya.

• Country pop music ki naamwar singer, Taylor Soft ne American music awards ka aala tareen tamgha jeet liya.

• Wenzovilla ki Gabrila Asler ne Haseena kaiynaat “ Miss Universe ” ka muqabla jeet liya hai. 25 sala Gabrila ko rose ke darul hukomat Mosco mein hone wali aik pur waqar taqreeb mein Miss Universe ka taaj pehnaya gaya. Wo profession ke aitebar se Wenzovilla ke aik Tv channel par announcer hain. Inhe muqabley mein shareek 86 haseenao mein se muntakhib kiya gaya.

• Bharti nasaad American citizen Neena ne Miss America ka khitab apne naam kar liya hai. American estates se talluq rakhne wali 53 haseenaey in ke muqabley mein thi. Lekin Neena ne in sab ko piche chor diya aur miss America ka taaj apne sir par saja liya. Neena yeh title jeetne wali pehli Indian nasad hain.

• British singer Edley ko shahi aezaaz se nawazte hue in ki gara’n qadar khidmaat ko shandaar alfaz mein khiraj e tehseen bhi pesh kiya.

• Hollywood ki maroof film series “ Fast & Furious ” ke markazi actor Paul Walker car hadsey mein halaak ho gaye. In ki halakat se Dunya bhar mein in ke paristaar afsurdah dikhai diye. In ki death ko Hollywood ke liye aik bohat barha nuqsan qarar diya gaya tha.

• Oscar award yafta fankara June 14 ko American City California mein 15 December 2013 ko 96 saal ki umer mein inteqal kar gai.

• Britian Actress, Peter Otool 81 baras ki umer mein 14 December 2013 ko inteqal kar gaey.

More Links

 

 

 

 

Copy Right 2012-2014 www.Meriduniya11.com Contact Us