Header
Home>Entertainment  

 

 

 

Showbiz 2014

The people who work hard and work with well intention get success. 2014 is started and people are very hopeful for this year. People from showbiz have expressed their view and aims for the New Year. Singer Shahidah Mini has said that she take every new day as New Year I always try to work with my heart and try to make proud my country with my work. I am a proud Pakistani. We are facing the problems of load shading, terrorism, unemployment and dearness. However, I believe that these problems will solve very soon.

Mahnoor Baloch has said that showbiz industry always catches the people attention and our drama is not only popular in the country but it is popular in many countries. Film actors Meera, Noor, Bahar Begam, Saima, Mummar Rana, Mustafa Qurashi, Shan film director Syed Noor has express their good wishes for New Year and wish for a successful year for our country.In this page, you will read Pakistani Showbiz news in Urdu and Roman Urdu.

Pakistani Showbiz News In Urdu

2014 Showbiz Ki Tarqi Ka Saal Hoga

Zindagi mein kamyabiyan unhi logon ko milti hain jo is ke leye shab o roz mehnat aur neek niyati se kaam karte hain. Shurat aur bulandiyon tak pohanchne wale agar azeem logon ki zindagiyon ke bare mein agar baat ki jaye to pata chalta hai ke un logon ko kamyabi wirse mein nahi mili. Aik baat to te hai ke kamyabiyan hasil karne wale log jab neek niyati se kisi bhi kaam ko shuru karte hain.to wo aik na aik din apni manzil ko pa hi lete hain. Wese to zindagi ke mukhtalif shubon mein is tarah ki bohat si misalein mujood hain aur wohi kamyab log nujawan nasal ke ideal bhi ban jate hain. Isi tarah showbiz ki chamak damak jahan logon ki tawajah ka markaz banti hai wahein umdah kaam karne wale fankar nujawanon ke ideal ban jate hain. Aik taraf to log in ko apna ideal banate howae un ke naqsh e qadam par chalte hain jab ke mehman fankar nit naye tajurbat karne aur logon ko entertain karne ki dhun mein kuch naya karte rehte hain jo sab ke leye faidah mand sabit hota hai.

2014 ka suraj tulu ho gaya. Is hawale se zindagi ke mukhtalif shubon se taluq rakhne walon ki tarah showbiz se wabasta aham shakhsiyat bhi pur azam dekhai deti hain. Naye saal mein kamyabiyan hasil karne aur sabz hilali parcham ko duniya ke kone kone tak pohanchane ka job era fankar baradri ne uthaya hai wo qabil e tehseen hai. Is hawale se mulk ke maroof fankaron aur golokaron ne apni ray ka izhar kiya hai.sadarti awarda yafta golokara shahidah mini kehti hain ke meri zindagi mein aane wala har naya din naye saal ki manind hota hai. Meri koshish hoti hai ke main apne shube mein kuch esa kaam karon jis se Pak watan ka naam roshan ho aur hmara soft image bhi duniya tak ohanch sake. Pak sar zamin bila shuba bohat se masail se do char hai,lekin is ke bawajod mujhe Pakistani hone par fakhar hai. Aaj humare mulk ko dehshat gardi, berozgari, mehangai aur load shaeding samet degar masail ka samna hai, lekin ye masail aik na aik din hal ho jayein ge. Main samajhti hunk e benul aqwami taqatein humare mulk ke bepanah basalahiyat afrad se khuaf zadah hainaur isi leye wo mafad parast nahi chahate ke humara mulk tarqi karye aur humare masail mein kami aaye lekin 2014 ka saal Pakistan ki taraqi ka saal hai. Showbiz ki ronakein bhi bahal ho jayein gi.mulk ke kone kone mein saqafati programs ka silsila jari rahe ga balke duniya bhar mein Pakistan ka soft image pohanche ga.

Mahnoor baloch ne kaha hai ke showbiz industry hameshah se hi logon ki tawaja ka markaz rehti hai. Humare han T.V drama to mulk hi nahi balke parosi mulk samet duniya kr degar mumalik mein apni aik munfarid pehchan rakhta hai, jab ke music, fashion ke shube mein kisi se kam nahi hain, lekin film industry guzishta aik dehai se buhran ka shikar thi.guzishta baras aik naya trand film industry mein dekhne ko mila jis ko film benon ne bohat saraha.bharti filmon ke muqable mein Pakistani filmon ko acha response mila. Isi leye main naye saal se bohat pur umeed hun ke humare mulk mein banne wale jaded cinema gharon mein filhal to bharti filmonk wajah se ronakein hain lekin is naye saal mein yahan se bharti filmon ka naam o nishan tak khatam ho jaye ga. Humare pas bohat basalahiyat writer, director aur taknik kar hain, jo benul aqwami mayar ki film banana ki bhar pur salahiyat rakhte hai.is leye naya saal Pakistani film aur cinema ki taraqi ka saal hai.

Actor Moammar Rana ne kaha ke meri pehchan film industry se hai aur meri dharkan film industryke sath dharakti hai. Bepanah masail ke bawajod humare han achi filmein banti rahi hain aur mujhe umeed hai ke naya saal Pakistan film industry hi nahi balke Pakistan mein showbiz industry ki bahali ka saal ho ga. Aik taraf to mayari filmein bane gi to dosri janib music concertska bhi inneqad ho ga. Jo mujodah halat mein bohat zarori hai. Mujhe naye saal se bohat si tawaqaat hain aur in ko pora karne ke leye hum din raat mehnat bhi karein ge.

Adakara Meera ne kaha ke khuwab unhi logon ke pore hote hain jo khuwab dekhte hain. 2014 mein hum log agar apne khuwabon ko haqiqat mein badalna chahate hain to humein is ke leye neek niyati ke sath din raat kaam karna ho ga. Main chahati hun ke is saal apne falahi hospital ki tamir ka aghaz karon aura b to meri tamam tar tawajah isi neek kaam par markoz hai. Jahan tak baat showbiz ki hai to achi aur miyari filmon ka aghaz ho chukka hai aur naye saal mein is tarah ke mutadid projects jab cinema gharon ki zenat banne gay to Pakistan film aur cinema industry ko acha response mile ga. Jis ke leye main dua go bhi hun.

Actor Humayun Saeed ne kaha ke showbiz ka shuba duniya ka wahid shuba hai jis ki wajah se log entertain hote hain. Behpanah masail mein ghere log jab koi acha geet sunte hain ya film aur drama dekhte hain to un ke udas cheron par muskorahat ajati hai. Naye saal meinbhi humari koshish ho gi ke apne dramon aur filmon ke zarye logon mein khushyan batne ka silsila jari rakhein.

Adakar Shaan ne kaha ke Pakistan film industry ne jaded duniya mein qadam rakh deya hai. Wasail ki intehai kami ke bawajod nujawanon ne ab film industry ki bag dor sanbhal li hai. Is leye mujhe Pakistan film industry ka mustaqbil bohat roshan dekhai deta hai. Khas tor par naya saal humare leye bohat si kamyabiyan le kar aaye ga. Is silsile mein mujhe naye saal se bohat tawaqaat hain. Kal tak jo log Pakistan film industry ko bura bhala kehte the ab wo log is mein kaam karne par fakhar bhi mehsos karein ge.

Adakara Ayesha Khan ne kaha hai ke 2014 mein apne shube mein guzishta barson se bhi behtar kaam karne ka azam rakha hai. Mera mana hai ke zindagi ka har naya din aik naya sabaq le kar aata haiaur jo log is se sekhte hain wohi mustaqbil ko roshan banate hain. Is leye meri dua hai ke naya saal humare leye bohat si kamyabiyan le kar aaye aur humara Pak watan jin masil se do char hai, in ka hameshah ke leye khatma ho jaye.

Adakara Noor ne kaha ke main ne film industry mein apni nai innings ka aghz kar deya hai.jis ke leye main ne bohat mehnat ki hai aur mujhe umeed hai ke is ken aye saal mein behtar nataij aayein ge. Meri do filmein numaish ke leye pesh ki gaein gi aur is ke elawa bhi bohat si mayari filmein cinema gharon ki zenat bannein gi. Is leye mujhe umeed hai ke aane wal a naya saal Pakistan film, theater, TV, music aur fashion industry ki taraqi ka saal ho ga. Is saal hum jahan bohat si kamyabiyan hasil karein ge wahein Pakistan ka soft image duniya bhar mein muraif karwana bhi humara mission ho ga.

Actor Mustufa Qureshi ne kaha ke humein mazi mein hone wali ghaltiyon se sekhna ho ga. Hum ne jo ghaltiyan phele ki hain ab un ko dhuhrane ke bajae humein apne apasi ikhtalafat ko bhula kar showbiz industry aur mulk ki taraqi mein apna kirdar ada karna ho ga. Hum log phele hi apne ikhtalafat ki wajah se peche reh gaye hain. Is leye humein naye ssal ke aghaz par ye azam karna ho ga ke hum Pakistan ko aik kamyab mulk banaein ge. Mujhe Pakistani hone par hamesha h fakhar rahe ga lekin ab hum is ko aik esa misali mulk bannaein ge jis par duniya wale bhi rashk kar sakein. Is leye main to bohat pur azam hun aur chahata hun ke tamam Pakistani isi josh o jazbe ke sath agar kaam karein ge to ye baat haqiqat banne mein kuch ziyadah waqat nahi lage ga.

Adakar Bahar Begam ne kaha ke mein ne apni tamam umar film industry ke leye waqf kar di hai. Main ne char dehaiyon se zaid arsa ke dpran Pakistan film industry mein bohat se utar charhao dekhe. Sunhere dor ki baat karein ya buhran ki. Lekin sabit qadmi ke sath apne kaam ke sath jure rahe. Main ne neek niyati ke sath apna kaam kiya aur kar rahi hun.aaj agar bora waqat hai to kaal acha waqat bhi aaye ga. Humein kisi bhi lamhe mayos nahi hona chahaye. Is leye main nujawanon ko bhi ye hi pegham don gi ke wo mayos hone ke bajaye behtar kaam karein.

Director Syed Noor aur adajara Saima ne kaha ke 2014 pakistan film industry ki taraqi ka saal hai. Hum ne hamesha koshish ki hai ke apne kaam ke zarye apne shube ka hi nahi balke mulk ka naam roshan karein. Kam wasail ke bawajod acha kaam kar rahe hainaur humein umeed hai ken aye saal mein hukumat bhi humare shube ki behtari aur bahali par tawajah de gi. Agar esa howa to hum yaqeen se keh sakte hain ke hum duniya ko bata den g eke hum zindah qoum hain aur hum sirf aur sirf piyar aur mohabat ke safer hain. Shar pasand anasir jitni chahein koshish kar len lekin wo Pak watan ko badnaam nahi kar sakte. Naye saal ki aamad par pori qoum ko mutahid ho kar aik taraf to apne behtareen kaa se mulki taraqi mein apna kirdar ada karne ka wadah karna ho ga aur is ke sath dehshat gardi aur load shadingjese masail ke khatme mein bhi hukumat ka sath denaho ga. Jab hum sab aik sath ho gaein ge to masail khud bakhud kam ho jaein ge. Humari dua hai ke Allah Pak humare mulk ko taraqi de aur is ko aman ka gehwara bana de.

 

 

More Links

 

Copy Right 2012-2015 www.Meriduniya11.com