Header
Home>

 

 

 

 

 

Salman Khan

Salman Khan was born on 27th December 1965 in India. He is 47 years old. Salman Khan is working in Indian Bollywood film Industry as a super hit Hero. Salman Khan is a fighter Hero. Salman Khan is very talented and dashing personality. Now he is also known as Dabbang hero. Salman is a very romantic personality also. Salman Khan received many more awards in his career for different categories. He is also nominated for many awards in different categories. Salman Khan received the Big Star Entertainment Award in 2010, 2011 and 2012. Salman Khan received best anchor Indian Television award in 2008 and 2009 for the Quiz show 10 Ka Dum. In 2011 he received Indian Global film and TV honors for best Host on the Big Boss. In 2002 Salman Khan received most sensational actor Bollywood award for the film Chori Chori Chupke Chupke. In this page you can see the information about Salman Khan Biography In Urdu and In Hindi.

Salman Khan Biography In Urdu

Salman Khan Photo

Salman Khan 27th December 1965 mein Indore India mein Salim Khan ke ghar paida huye. Jo film industry se bataur actor aur screen writer wabasta hain. Salman Khan ka pora naam Abdul Rashid Salim Salman Khan hai. Salman Khan ki dosri Maa Helen bhi film industry se wabasta rahin. Isi tarha in ke dono Bhai Arbaaz Khan aur Sohail Khan bhi Bollywood mein apni fankarana salahiyaten manwa chuke hain.

Salman Khan Filmy Career

Salman Khan ke filmy career par nazar dorhaeyn to success ka aik taweel silsila nazar ata hai. Salman Khan ne 1988 mein film Biwi Ho To Aesi se apne filmy career ka aaghaz kiya. Magar inhe shohrat film Maine Pyar Kiya se hasil hui. Jis mein Salman Khan ne leading role adaa kiya tha. Is par Salman ko film fare award best male debut se nawaza gaya. Is film ka mutaddid zabano mein tarjuma hua. Is ke bad 1990 mein Baghi film mein cast kiya gaya, jis ne box office par kamiyabi hasil hui. 1991 mein Salman Khan ko 3 mazeed films Pathar Ke Phool, Sanam Bewafaa aur Qurban mein kaam karne ka mauqa mila. Teeno films kamiyabi se humkinar hui. Isi saal Salman Khan ki hit films Saajan release hui. Jis ne box office par kamiyabi ke jhandey garh diye.

Magar next 2 saal yani 1992 aur 1993 Salman Khan ke liye kuch ziyada kamiyabiyan le kar na aaey aur in saalon mein release hone wali films nakaami se do chaar hui. Tab Salman Khan ko film Hum Aap Ke Hain Kaun ne sahara diya aur is film ne 3 film fare award aur National Award hasil kiya. Is film ne 135 crore ka business kiya aur sabqa tamam record torh diye. 1995 mein Salman Khan ne film Karab Arjun mein Shahrukh Khan ke sath leading role kiye, yeh is saal ki dosri barhi film thi. 1996 mein Musical film Khamoshi release hui, jise khatir khuwa kamiyabi na mil saki, is ke bad Salman Khan ne 2 films mein kaam kiya jo kuch ziyada pasand na ki gai. Is ke bad Pyar Kiya To Darna Kya release hui. Jis ne phir aik martaba film industry par Salman Khan ki dhaak bitha di. Kuch Kuch Hota Hai ne bhi kamiyabiyon ke jhandey garh diye aur Salman Khan ko dosri martaba film fare award se nawaza gaya. 1999 mein Hum Sath Sath Hain, Biwi No.1, aur Hum Dil De Chuke Sanam manzar e aam par aai. In teeno filmon ne bhi khob business kiya.

2000 mein Har Dil Jo Pyar Karega aur Chori Chori Chupke Chupke release hui. Is ke bad Tere Naam manzar e aam par aai, jis mein Salman Khan ki acting aur style ko bohat pasand kiya gaya. 2007 mein Salam e Ishq aur Partners release hui. Yeh films bhi awaam mein kafi maqbool hui. Is ke bad 3 films ko khatir khuwa maqboliyat na mil saki. Phir Salman Khan ne 2009 mein TV show 10 Ka Dum shuru kiya, jis ne maqboliyat ke record qaiym kiye. Yeh saal Salman Khan ke liye barhi success laya. Film Wanted ne Salman Khan ke liye batuar fighting hero kamiyabiyon ke naey darwazey khol diye. Phir film Veer aur Dabbang release hui. Dabbang ne pehle haftey mein 80 crore kamae aur Bollywood ke sabqa tamam record torh diye. Is ke bad 2011 mein film Ready aur Bodyguard release hui. Dono films ne khob business kiya. Ek Tha Tiger manzar e aam par aai, jis ne 300 crore ka business kiya.

Dabbang 2, 2012 mein relese hui jis ne 250 crore ka business kiya. Salman Khan ne acting aur TV show anchor ke ilawa bataur model bhi kaam kiya aur mutaddid companies ke brand ambassador rahe. Salman Khan ko falahi kamon mein bhi bohat dilchaspi hai, ghareebon ki madad ke liye inho ne aik NGO Being Human Foundation ki bunyad rakhi. Yeh NGO on line shirts aur deegar masnoaat farokht karti hai. Jis ki aamdani ka aik barha hissa gharibon ke liye qaiym kiye gaey fund mein jata hai. Salman Khan ki zindagi hungamon se pur hai. Maujoda Mumbai accident case to in ke khilaf chal he raha hai. Is ke ilawa 1998 mein in par Black Hiran ka shikar karne ka bhi charcha darj hua tha. Wo Jodhpur mein film ki shooting ke liye gaey the tab in par yeh ilzam laga aur tan he se case zeyr e samaat hai. Is saal court ne actor Saif Ali Khan, Tabu, Sonali Bandre aur Neelam par bhi Hiran ke shikar mein Muaawnat fard e jurm lagane ka hukum diya hai. Isi tarha Salman Khan par mukhtalif mawaqon par Hungama aarai ke ilzamaat bhi lage tab wo un se bach nikle. Magar is martaba adalat ne in par gher iradi qatal ki jo dafaa lagai hai, usse bach nikalna mushkil dikhai de raha hai.

Salman Khan Awards :

* 2007 mein Rajeev Gandhi award hasil kiya.

* 2012 mein in ki bachon ke liye banai gai film Chiller Party ko National fil awards se nawaza gaya.

* 1990 mein film Maine Pyar Kiya ke liye best male actor film fare award diya gaya, isi tarha 1999 mein film Kuch Kuch Hota Hai ke liye best supporting actor film fare award se nawaza gaya. 1990, 1996, 1997, 1999, 2000, 2004, 2006, 2011, 2012 aur 2013 mein film fare award ki mukhtalif categories ke liye namzad kiya gaya.

* 2011 mein Dabbang film ke liye best actor screen award se nawaza gaya. Isi tarha 2013 mein film Ek Tha Tiger aur Dabbang 2 ke liye best actor screen award diya gaya, jab ke 1995, 1999, 2000, 2003, 2004, 2009, 2010, 2011, 2012 aur 2013 mein inhe screen awards ke liye namzad kiya gaya.

*2010 mein iifa award se nawaza gaya, jab ke 2000, 2004, 2005, 2008, 2010, 2011 aur 2012 mein iifa award ke liye namzad kiya gaya.

* 2013 mein film Dabbang 2 ke liye best male actor zee award se nawaza gaya, isi saal Ek Tha Tiger aur Dabbang 2 ke liye best use of media zee award diya gaya.

* 2008 mein film Partners mein Govinda ke sath best jorhi spra film and Television producers guild award hasil kiya. 2011 mein Dabbang ke liye best actor leading role spra award hasil kiya.

* 2012 mein Ek Tha Tiger ke liye favourite movie actor people’s choice award India se nawaza gaya, isi tarha favourite action movie ka award bhi hasil kiya.

* 2011 aur 2012 mein stardust award hasil kiya, jab ke 25 martaba is award ke liye namzad kiye gaey.

* 2002 mein Chori Chori Chupke Chupke ke liye most sensational actor Bollywood movie award hasil kiya.
* 2011 mein Big Boss ke liye best host the global Indian film and TV honors hasil kiya.

* 2009 mein quiz show 10 Ka Dum ke liye best anchor Indian Television academy award se nawaza gaya.

* 2008 aur 2009 mein quiz show 10 Ka Dum ke liye best anchor Indian Television awards hasil kiye.

* 2010, 2011 aur 2012 mein big star entertainment award hasil kiya.

Salman Khan And Sanjay Dutt In Jail

Bollywood industry mein awam ke maqbool tareen fighting heroes ke sitare gardish mein dikhai dete hain. Pehle Sanjay Dutt ko jail ki yatra karni parhi aur bil aakhir inhe 5 saal ke liye paband salasal kar diya gaya. Ab Sanjay Dutt ke bad Salman Khan jail ki silakhon ke peeche jate dikhai dete hain. Kyun ke in ke khilaf 2002 mein qaiym kiye gaey accident ke muqaddamey mein gher iradi qatal ki dafaa ke tehat fard e jurm aaiyd kar di gai hai. Jis ke tehat inhe 10 saal ki saza ho sakti hai. Mumbai ki adalat ne awaam ke mehboob actor Salman Khan ke khilaf fard e jurm in ki gher maujodgi mein aaiyd ki. Jab ke Salman Khan shuru he se apne oper lagae gaey tamam ilzamaat se inkaar karte aae hain. Salman Khan par jab 2002 ko aik land cruiser car Mumbai ke Bandra Ilaqey mein aik bakery ke bahar waqey foot path par soey hue logon par charh gait hi. Is hadsey mein aik shakhs halaak aur 4 zakhmi hue the. Land cruiser chalae jane ka mubaiyyana taur par ilzaam Salman Khan par laga tha. Tab is muqaddamey mein laparwahi se garhi chalae jane ki dafaat lagai gai thin. Jis ke tehat ziyada se ziyada saza 2 saal thi. Itne saal ke bad Bharti adalat ko pata nahi achanak kahan se yaad aa gaya hai ke Salman Khan ke khilaf yeh ilzaam gher iradi qatal ke zamrey mein ata hai.

Actor Sanjay Dutt ke case par nazar dorhai jaye, to wahan bhi bohat si khamiyan nazar aati hain. Sanjay Dutt ke khilaf muqaddama tab qaiym kiya gaya tha. Jab 1993 mein Mumbai mein Bomb Blast kiye gaya tha. Jis mein 257 afraad halaak aur 713 zakhmi ho gaey the. Sanjay Dutt ka in Bomb Blast se koi talluq nahi tha. Magar jab in ke pas bagher license ka aik Pistol aur Bandooq baraamad hui, jis ki sakht gher mulki thi. To is ka talluq Mumbai Blast se mila diya gaya. Yun in par arsaa hayat tang kar diya gaya aur wo Mumbai Blast ke dehshat gardon ke sath talluq ke shube mein 18 Month tak jail band rahe, jab in par kuch bhi sabit na kiya ja saka to inhe rihaa kar diya gaya. Magar in ke khilaf gher qanooni weapons ka case chalta raha aur bil aakhir 20 saal ke bad adalat ne in ke khilaf faisla suna diya. Ab inhe mazeed 3.5 years saza katni parhegi. Bohat se tajziya nagaron ka shuru se yeh mauqiff raha hai ke Sanjay Dutt ko is case mein phansa diya gaya tha. Mumbai mein zeyr zameen kaam karne wale Don Mafia ne har shobey mein sazishon ka jaal bana hua hai aur Don Mafia ke talluqat sarkari machinery mein bhi door tak hain. Yun wo apni marzi ke mutabiq halaat mein tabdeeli karta rehta hai.

Yeh bhi kaha jata hai ke Sanjay Dutt ko yeh sab is liye bhugatna parha ke wo aik Musalman Maa actress Nargis ke betey hain. Jinho ne in ki tarbiyat Bataur Musalman ki. Yun Sanjay Dutt Maa ki taraf se Musalman aur Baap ki taraf se Hindu culture ke numaiyndey ban gaey. Magar in ka musalmano ke liye naram gosha rakhna bhi inteha pasand Hindoun ko aik aankh na bhaya. Sanjay Dutt ka yeh bhi Kehna hai ke unhe shiddat pasand tanzeemon ki taraf se jaan se marne ki dhamkiyan bhi milti rehti hain. Ab to Bharti supreme court ne bhi Sanjay Dutt ki nazarsani ki request mustarad kar di hai. Le de kar aakhri rasta riyasati Governer ki taraf se muafi ka bacha hai. Dekhen ab wo Sanjay Dutt ke sath kya sulook karte hain.


 

 

Copy Right 2012-2015 www.Meriduniya11.com