Header
Home>Entertainment  

 

 

 

 

Resham

Resham was born on 22 October 1972 in Faisalabad. She is 41 years old. Resham is a Pakistani film, television and theater actress. She started her career from the film of Syed Noor “Jeeva” in 1995. Resham also worked in the TV Dramas. Now after 8 years she came back in the Lollywood film industry. She is performing in the new Pakistani film “Sawah Rangi”, it is based on real story. Resham worked in this film with Ayub Khosa, Naveed Akbar and Waseem Manzoor. She received an award from the film “Sangam” for best performance. In this page, you can see the information about the Pakistani actress Resham.

Resham Lollywood Actress

Versatile actress Resham ne kaha hai ke film aur cinemas ki behtari bahali ke liye kawishen jari rahengi. Jaded cinemas ki tamer ke bad ab achi aur meyari films shaiyqeen ki tawajja ka markaz bani hui hain. Guzishta baras Pakistani films ka score past ke muqabley mein bohat acha raha hai aur future mein is tarah ke behtareen projects jab cinemas ki zeenat banege to is ke masbat nataiyj saamne aaenge. 8 years ke waqfey ke bad film mein acting ke johar dikha rahi hon. Meri nae aane wali film “ Sawah Rangi ” hai, jis mein Pakistani films ke dobara rujhan ko barhane ke mission ko saamne rakhte hue aeham role adaa kiya hai.

Sachi kahani par banne wali film mein jahan muaashrey ke aeham tareen issue ko ujagar kiya gaya hai, wahin music, picturization and direction bhi film beenao ko khob entertain karegi. In khayalat ka izhaar Resham ne guzishta roze apne interview mein kiya. Resham ne kaha ke film ki cast mein mere ilawa senior actor Ayub Khoosa, Naveed Akbar aur Waseem Manzoor shamil hain. Jab ke is ke musannif aur hidayatkar Fida Hussain hain. Film ki tamam tar aksbandi Mianwali ki mukhtalif locations par ki gai hai aur is film ko March ke wusat mein numaiysh ke liye pesh kiya jane ki tawaqqa hai. Resham ne kaha ke film ki picturization ke bad Australia mein post production ka amal jari hai. Hamari team ki yeh awwaleen koshish hai ke is film ke zariye jahan logon tak aik masbat peygham pohnche, wahin un maujooda daur ki mayoos tareen zindagi guzarne walon ke chehron par muskurahat bhi aa sake.

Film ki kahani nasha karne walon ke gird ghomti hai. Wo log jo nasha karte hue apni zindagi ko tabah karte he nahi, magar un ke is feyl se in ki family ko kis tarah ki aziyat bardasht karna parhti hai aur un ko kin kin marahil se guzarna parhta hai. Yeh sab is film mein pesh kiya gaya hai. Aik sawal ke jawab mein Resham ne bataya ke main ne film industry se doori sirf aur sirf wahan banne wali gher meyari films ki wajah se kit hi. Lekin 8 saal ke taweel arsey ke bad mujhe jab “ Sawah rangi ” ka script sunaya gaya to main ne aik lamha bhi waste kiye bagher film sign kar li. Is mein acting ka bohat margin tha aur main ne koshish bhi ki hai ke jab yeh film cinemas mein numaiysh ke liye pesh ki jaey to log is mein dikhai jane wali haqiqat ke rangon se mehfooz ho saken. Yeh hamare muaashre ki kahani hai aur hum log yeh baat bakhobi jante hain ke jo log nasha karte hain, un ki zindagiyan kis tarha se guzarti hain. Log un se nafrat karte hain aur un ko haqarat ki nigah se dekhte hain. Nasha karne wale aik taraf to jaraiym karne par majboor ho jate hain aur dosri janib un ki families ko bhi logon ki tanqeed ka saamna karna parhta hai. Yeh hamare muaashre ka almiya hai.

Lekin yeh haqiqat bhi hai. Isi liye film mein jahan logon ko aik masbat aur mazboot pegham milega, wahin hum ko entertain karne ke liye music bhi tayyar kar rahe hain. Is film ka aik promotional song “ soja ” hai. Jis ko singer Sami Khan ne gaya tha. Pakistani channels ke music chart par pehle no.par raha. Resham ne kaha ke hamaro koshish hai ke hum aik ben ul aqwami meyar ki film market mein numaiysh ke liye pesh Karen. Us waqt jis tarha se logon ne guzishta baras release hone wali kuch Pakistani films ko zabardast response dia hai. Is tarah humen umeed hai ke log hamari film ko bhi dekhenge aur pasand karenge. Is hawale se main pori qaum ko yeh bhi pegham dena chahongi. Humen apne logon ki hausla afzaai karni chahiye. Hum lod wasaiyl ki be panah pabandi ke bawajood behtareen kaam kar rahe hain. Is liye jab tak log cinemas mein pohanch kar Pakistani films nahi dekhenge, us waqt tak bahali ka amal nahi shuru ho sakega. Bilshuba hamare padhosi mulk ki film industry bohat aage ja chuki hai. Magar hum bhi kisi se kam nahi hain aur is film ke zariye hum is baat ko sabit bhi kar denge. Behtareen film banane ke liye sirf sarmaya ki he nahi, bal ke dimagh ki bhi Zarorat hoti hai. Film ke director Fida Hussain bohat si salahiyaton se malamaal hai. In ki kahani achi aur makalmey bhi bohat jandaar hain. Is liye hamari pori team is film ki kamiyabi ke liye bohat pur umeed hain. Meri duaa hai ke Pakistan mein is tarah ki films ziyada se ziyada banne lage, jo film industry ki bahali ke sath logon mein shaoor ujagar bhi kar saken. Jab tak yeh amal shuru nahi ho ga. Us waqt tak muaashrey mein sudhar lana na mumkin nahi ho sakega.


 

 

Juhi Chawla

Parineenit Chopra

Karishma Kapoor

Malaika Arora

Reema Khan

Abida Parveen

Shahrukh VS Ajay

Ajay Devgan

Vidya Balan

Amitab Bachchan

 

Copy Right 2012-2015 www.Meriduniya11.com