Meriduniya11 Header
Home>Entertainment

 

 

 

 

Reema Khan

Reema Khan was born on October 27, 1971 in Lahore. She is a Pakistani lollywood film actress, director and producer. Reema is very glamorous and charming. She started her career from the film “Bulandi ” by Director Javed Fazil in 1990. In this film, she worked as a supporting role. She worked in commercials also. She received Lux Style Award for the Best Film “ Koi Tujh Sa Kahan ” and best actress and best director in 2006. Reema Khan married with S.Tariq Shahab on November 16, 2011 in Virginia America. S.Tariq Shahab is a Cardiologist Surgeon in America. Reema came to Pakistan for Valima ceremony. Her Valima was held on 26 May 2012 in Pearl Continental Hotel Lahore. In this page, you will find information about the Pakistani actress Reema Khan In Roman Urd

Reema Khan In Urdu

Reema Khan weding Photo

Reema apne shohar Dr.Tariq Shahab ke humrah America rawana hogayein airport par media se gussftago mein Reema ne kaha Meera meri dost hi nahi wo meri colleague bhi hai. Who America mein bin bolaye aagaye aur lahore walima mein khun nahi aie. Reema ne kaha ke Meera biyan bazi na kare to usay bhi acha jiwan sathi mil sakta hai. Aak sawal ke jawab mein Reema ne kaha wo ab adakari nahi direction aur production par tawaja dein gi.

Reema ka Walima

Lollywood super star Reema Apne Shohar ke saath hotel pohnchi to wo ghunghat nikale huye then. 9:20 minute par Reema taqreeb hall mein Dr.Tariq Shahab ke sath dakhil huyein. Reema ne maroof designer Shehryar Yaseen ka taiyar karda off white or golden rang ka jora zaib tan rakha tha jab ke Dr.Tariq Shahab ne Italy se import karda siyah rang ka soot pehan rakha tha.

Pakistan film industry ki safyai awal ki adakara Reema khan nay film industry per kayi saloon raaj kiya, ab shadi shuda ho gaye hain. Ghar waloon ki pasand say America mein November16, 2011 mein dil ke Doctor Tariq Shahab se shadi ki aur 6 mah baad 26 May 2012 Ko dawat walima ki taqreeb apnay azeez o eqarib, dostoon aur media kay lia Lahore mein munaqad ki. Dawat e walima ke card saisi, samaji aur showbiz shashiyat mein taqseem kiya gaye.Card par Reema Khan ne apna naam nahi likhwaya balke card par Mr and Mrs Dr Tariq Shahab darj tha.

Reema Khan ke walima ki taqreeb mein do so say zayed mehmano ko madu kiya gaya tha in mein say bohat say nahi aaye. Halaan kay Reema Khan nay inko bakayed dawati card deya thay. Hall ko bari khubsorti say sajaya gaya tha. Taqreeb Muqarrara waqt say derh ghanta takheer say shuroh hoye aur Reema hotel 9 baje pohnchi. Reema ko hall mein khufiya rastay say laya gaya. Reema khan jab Mazay ki baat ye thi kay red carpet bhi tha lakin Reema Khan ko red carpet tak nahi laya gaya balkay hotel intazamia nay security kay bayes Reema aur Dr Tariq Shahab ko hotel kay khufiya rastay say hall mein pohnchaya. Sara media coverage kay lia hall kay baher intazaar ki soli pay latka raha . Media say ye aankh machuli ka silsila Reema Khan ki film ki shutting mein bhi hota raha. Aaj bhi aisa mehsoos horaha tha kay shutting hi horahi hail akin ye film ki shutting nahi thi balkay ye Reema kay zindagi kay wo yaad gaar lamhaat thay jin ko cameray ki aankh mehfooz kar rahi thi.

Hidayatkaar Masood butt nay Reema ko mubarak bad di aur kaha kay Allah Ta’ala Reema ko khush rakhay.Reema ko Mubarakbad di aur kaha kay Allah Ta’ala Reema ko khush rakhay. Reema ne sab say ziyada meri filmon mein kaam kiya, bara acha kiya unsay nay shadi karli.Har aurat ka khuwab hota hai iska bhi ghar bas jaye. Masood butt nay kaha kay Reema ki industry ko zrurat hai. Agar wo actress kay tor par kaam nahi karna nahi chahti to na Karen lekin inhen direction mein apne qadam jamae rakhnay chaiyen. Ye waqt ki zrurat hai. Reema aik talented Director hai.

Filmsaaz Jamshed Zafar valime mein shirkat kar kay bohat khush nazar arahay thay, Unka kehna tha kay hamein khushi hai kay Reema ka ghar basa hai. Mere Reema kay sath kabhi giley shikway nahi thay behr haal ye poda hamara lagaya hua hai. Hamara Reema kay sath ta’aluq family friend jesa raha hai. Bari khushi hui hai Allah Ta’ala uska ghar hamesha abaad rakhay. Reema nay apni behno kay lia bari qurbani dein hain. Allah Ta’ala nay iski qurbani ka acha sila deya hai.Dr.Umar Adil nay kaha hai kay kisi ka bhi ghar bass jaye mein hamesha khush hota hoon. Hamay to beinteha khushi hai, Allah karay inka ghar khushion kay sath basa rahay.

Moammar Rana apni ahliya kay sath dawat walima mein shareek hoye. Moammar Rana nay apni dost kay lia kaha kay taqreeb mein aakar bohat khushi hoye bohat acha laga. Mein yahi chata tha kay Reema ka ghar bus jaye’ Ma’asha Allah Reema ka ghar bus gaya. Isay acha khawand milgaya. Mein janta hoon Reema bohat achi tarah sari cheezon ko handel karegi. Woh bari saliqa mand sabit hogi. Meri taraf say Dr.Tariq Shahab ko bhi bohat bohat mubarrak ho. Film “Love Mein Ghum” Reema ki direction mein bani aur mein nay unkay sath kaam kia. Ab Reema Dr.Sahab ki “Love mein gumm”hogaye hai aur Allah Ta’ala unki zindagi khushion say bhar dey. Moammar Rana nay kaha mujeh andaza hai kay khud to filmo mein kaam nahi karain gi, albatta wo direction zaroor deingi.

Adakara Sahiba nay kaha bohat khush hoon, bohat acha lagraha hai. Kafi arsay baad wo waqt aya kay Reema nay meri shadi mein sirkat ki, aaj mein uskay shadi mein shareek hoon, bohat maza aya, sari industry aye hai.hamari duwayein hai wo jatni film industry mein kamyaab rahi unki shadi bhi itni hi kamyab ho. Jaan Rambo nay kaha kay Reema nay shadi America mein ki aur dostoon aur piyaroon kay lia walima Pakistan mein khas kar Lahore mein. Aaj walimay mein sirkat kar kat bohat acha laga. Meri Reema aur Dr.Sahab kay lia dua hai kay wo hamesha khus rahain. Aaj walima dekh kar mujhay laga kay Reema nay shadi karnay mein takheer nahi ki balkay sahi waqt per shadi ki hai. Wasay bhi kehtay hain jorday asman par bantay hain.

Senior Shobiz Sahafi Aashiq Chudry nay kaha kay Reema nay apnay dostoon, rishtaydaroon aur media kay lia Lahore mein function kia hai. Reema nay apnay career ka aaghaaz Lahore say kia tha aur isnay Lahore ko ye moqa dia kay uskay khushi mein shareek hoon. Wasi Shah nay kaha kay Reema hamari Colleague hai ,iskay liya hamari bari neik tamannayen aur duain hain. Allal Ta’ala unko zindagi ka naya safar mubarak karay, unkay liya kamyabi aur amraniya lay aay. Wasi Shah nay dua di kay Reema “Doodh-o-nahao or "poot-o-pallo”. Wasi Shah ki ehliya nay kaha kay bohat khushi hoyi kay Reema bohat pyari lag rahi hain, hamari duain unkay sath hain.

Farooq Hassan nay kaha kay walime min shirkat kar kay bohat khushi hui aur acha bhi laga. Mashah Allah Reema nay film industry per Raj kia hai,sab say achi baat ye hai kay tabiyat ki bohat achi hai. Mukhlis aur achi dost hain. Farooq Hasan nay kaha kay wo bhi bohat jald shadi karnay walay hain. Reema ki chuti bahan Sonia bohat khush nazar aarahi thien. Reema ka manager Dastagir bhi bohat active dekhayi derahey thay. Gulokar Waris Baig nay bhi Reema aur Dr.Tariq Shahab ko mubarak bad di aur kaha kay Allah Ta’ala Unko khush rakhay aur inhein adwaj e zindagi mein bohat kamyabi yaan milain .

Taqreeb mein Mushtafa Qureshi, Bahar Begum ,Zeba Begum, Sahiba Rambo, Moammar Rana , Mrs. Moammar Rana , Shafqat Rana, Masood Butt , aur inki ehlia , Jamshad Zafar aur unki family, Sajjad Ghul, Papoo Shamrat, Sheba Butt, Dress designer Aeni, Aisha Sana, Qusim yaar Tuwana, Dr Umar Adil, Dr Tabinda, Humaira Channa, Musarrat Misba, Aashiq Chaudhry, Irshad Bi Anjum, Waris Baig, Khawaja Saad Rafique, Gazala Saad Rafique, Imran Goraya, Thair Sarwar Mir, Mohsin Jafar, Reema Khan kay Aziz o Aqarib aur doshto nay shirkat ki logoon ka kehna tha kay film industry kay bohat say loge taqreeb mein nahi aye halan kay in ko card bhegwaya gaye thay. Agar sab loge aajatay aur Reema ki khushi mein shareeq hojatay to acha hota.

Adakara Reema Khan nay media say mukhtasar guftagu kartay howay kaha kay wo bohat khush hain aur anay walay mehmaan aur khas kar media ki sukarghuzar hain. Is moqay par Dr. Tariq Shahab nay kaha kay Reema nay aaj tak jo khuch kia hai acha kia hai aur umeed hai wo agay bhi jo kuch karain gi acha hi karain gi, mughay inpar pora etamad hai aur inn mein bari salahiatain hain. Muslim League kay rehnoma Mian Hamza Shahbaz aur Pakistan People Party kay General Secretary Jahangir Badar apni apni sayasi masrofiyat kay bayes Reema Khan ki dawat e walima mein sirkat nahi karsakey.Unhoonay apni nack tamanayoon kay sath unkay lia guldastay bhajay. Mian Hamza Shahbaz ki janib say Imrna Goraya nay guldasta pash kia. Mehmano ki tawaza kay lia one dish ka ehtamam kia gaya tha, jismay biryani, korma aur metay mein poding samil thi, jabkay das bajay raat ki pabandi ka bhi khas kayal rakhtay howay hotel intazamia nay moqarra waqt pay hall ki tamam lights band karwadi thi.


 

 

More Links

 

Copy Right 2012-2013 www.Meriduniya11.com