Header
Home>  

 

 

 

 

Paul Walker

Paul Walker was born on 12th September 1973 in Glendale,California,United State. He was an American Hollywood actor, model and philanthropist. Paul walker’s Father was a successful boxer, he received the golden gloves championship twice his career. His Mother was a fashion model that is why he connected with showbiz from childhood. Paul walker has four siblings, two brothers and two sisters. He married with her girlfriend Rebecca and has a daughter named Meadow Rain Walker. His ancestry was mostly English, Irish and German. He was raised in Sunland Community of Los Angeles.

Paul Waker Photo

Paul walker was received his early education from Village Christian School in San Fernando Valley. He was studied in several colleges of Southern California. His favorite subject was marine Biology. Paul was worked first time in a commercial and then in 1985 he was worked in the several TV serial, such as “ Highway To Heaven ”, “ Who’s the Boss??? ”, “ The Young and the Restless ” and “ Touched By An Angel ”. In 1985 same year, he was worked in the famous company commercial “Showbiz Pizza”. Then paul walker’s started his filmy career in 1986 from comedy and horror film “Monster in the Closet”. Then he participated in the TV game show “I am telling” with his Sister, Ashley and won the second position. In 1993, he worked in the drama serial “The Young and the Restless” with the co-star Heather Tom and nominated for the Outstanding lead Actor and Actress for the Youth Film award.

Paul walker was worked in these different films Meet the Deedless in 1998, Pleasantville in 1998, Varsity Blues and She’s All that in 1999, The Skulls in 2000. In 2001 was started a new period of success for Paul Walker, when he was started the work in “Fast & Furious” with Vin Diesel. After the great success made a new part, “2 Fast 2 Furious” and then made four parts more. Paul walker had been shooting the “Fast & Furious 7” at the time of his death, But unfortunately he could not completed the “Fast & Furious 7”. He died on 30 November 2013 in a car crash with his friend Roger Rodas in Valencia, California, United State. In this page, you will read Hollywood actor Paul Waker, Paul Waker Biography In Urdu and Roman Hindi.

Paul Walker Biography

Hollywood hero paul walker ne jab film “ Fast & Furious ” sign ki to un ke weham o gumaan mein bhi nahi tha ke is fim ki badaulat duniya bahr ke film shaiyqeen paul walker ko janne lagenge. Go is se qabal wo bohat si films aur Tv serials mein kaam kar chuke the aur showbiz ki duniya wale in ke talent se waqif ho chuke the, magar pore aalam mein in ke naam ka danka isi film ne bajaya. Jab inho ne tez raftari se car chalane ke johar dikhae to sab he dang reh gaey. Is film mein in ke mad e maqabil famous Hollywood action hero Vin Diesel the, yun 2 tez rafter heroes ka sath hua to fast & furious jaisa shahkar tayyar hua, jise duniya bhar ke film shaiyqeen ne pasand kiya.

Paul Walker 12 September 1973 ko aik fashion model Cheryl aur maroof boxer Paul William Walker Three ke han America ki riyasat California ke shehar Glendale mein peyda hue. Walker ke walid apne daur ke barhe kamiyab boxer the. Wo 2 martaba golden gloves champion bane. Hollywood hero walker nasli aitebar se Irish, English aur German the, kyun ke in ke parents aur relatives ka talluq inhe ilaqon se hai. Walker ke aabao ajdaad mein in ke walid ke ilawa bhi aik maroof boxer Irish Bill Walker guzre hain. Isi tarah in ke aik buzurg 1960 ki dihaai mein ford cars banane wali factory ke aeham auhdedaron mein shamil the. Walker 5 behan bhaiyon mein sab se barhe the. Wo Los Angeles ki aik aabadi Sunland community mein pale barhe. Inho ne San Fernando Valley mein Village Christian School se taleem hasil ki. Is ke bad inho ne Southern California ke kae colleges se istefada kia. In ka favorite subject Marine Biology tha. Is liye inho ne isi subject mein takhassus kia.

Walker ki Mother chonke fashion model thin, is liye showbiz ki duniya se in ka talluq bachpan mein he qaiym ho gaya. Dosri taraf walid hi chonke sports ke hawale se kafi namwar the, is liye inhe aage barhne mein aasani rahi. Paul walker ne sab se pehle aik commercial mein kaam kia. Jo bachon se mutalliqa tha. Is ke bad inhe aise deegar mawaqey bhi muyassar hue, is ki wajah in ki apni waldah ke sath showbiz ki duniya mein aana jana tha. Tahum inho ne apni taleem ki taraf bhi bharpor tawajja rakhi. Pehli martaba inhe 1985 mein TV serial mein kaam karne ka mauqa mila. Is ke bad yeh silsila chal nikla aur inho ne Tv ki famous serials Highway To heaven, Who’s the boss??? , the young and restless aur touched by an angel mein mukhtalif roles adaa kiye. 1985 mein he inhe aik maroof company ka commercial showbiz pizza ke liye bhi kaam karne ka mauqa mila, yani sirf 12 saal ki umer mein wo child star ke taur par apni pehchan bana chuke the.

Walker ka filmy career 1986 mein comedy horror film Monster in the Closet se shuru hua. Is mein inho ne bent ka role ass alia. Phir walker aur in ki sister Ashley ne aik Tv game show I Am Telling mein hiss alia, jis mein inho ne dosri position hasil ki. 1993 mein aik drama The Young and The restless mein kaam kia, isi drama mein kamiyab acting karne par walker aur in ki sathi actress Heather Tom ko youth film award ke liye outstanding lead actor ki category ke liye namzad kia gaya.

1998 mein paul walker ne comedy film Meet the Deedless mein kaam kia jo bohat pasand kia gaya aur in ke liye mazeed films mein kaam karne ka raasta khul gaya aur inho ne 1998 mein he Pleasantville mein kaam kia. 1999 mein Varsity Blues, 1999 mein She’s all that aur 2000 mein The Skulls mein acting ke johar dikhaey.

2001 se paul walker ke liye kamiyabiyon ka naya daur shuru hua, jab inhe fast & furious mein kaam karne ka mauqa mila. Is ke bad is ka dosra part 2 fast 2 furious release hua. Is part ne bhi kamiyabiyon ke jhande garhe. Isi dauran in ki aik film Joy Ride bhi release hui. 2003 mein time line aur 2005 mein In to the Blues mein leading role adaa kiye. Yeh films bhi viewers ko kafi pasand aai. Phir 2006 mein Flags of Our Fathers mein supporting role adaa kiya. Is ke bad walker 2006 mein release hone wali crime thriller film Running scared aur Walt Disney ki film At blue mein jalwagar hue. At Blue kafi pasand ki gai aur is ne pehle hafte mein 20 million dollars ka business kiya. Film director Wenn ka kehna hai ke running scared ki production ke dauran is ne dekha ke paul walker apne role ke liye bharpor koshish karta tha. Hatta ke jaise walker ko bataya jata tha to wo us se bhi behtar role adaa karne ki koshish karta tha. Wo apne kaam se bohat mohabbat karta tha.

2008 mein in ki DVD film The Lazarus Project release hui. Is ke bad fast & furious ke teesre hisse ki production mein masroof ho gaey, jo 2009 mein release hui. Phir jurm o saza par mabni film Taker release hui jo kafi pasand ki gai. Is ke bad fast & furious ke 2 mazeed hisse release hue, jinho ne maqboliyat ke record qaiym kiye. Inho ne Hours aur Burk Mansion mein bhi kaam kiya jo abhi release nahi ki gai.
Paul walker ab Santa Barbara mein rehaiysh pazeer the. In ki aik girl friend Rebecca hai, jis se in ki aik beti hai jo 13 saal tak apni Maa ke pas Hawaii mein rehaiysh pazeer rahi. Phir 2011 mein California mein apne walid paul walker ke paas chali aai. Walker ki koshish hoti thi ke in ki beti films ki shootings ke dauran in ke sath rahe.

Films ke sath sath paul walker ka asal shauq Marine Biology tha. Isi liye wo 2006 mein The Blue Fish foundation ka hisa ban gaey. Isi tarah inho ne apne shauq ko pora karne ke liye National geographic Channel ki aik series Expedition Great White mein acting ki jo bad mein nae Title Shark Man ke naam se 2010 mein release hui. Wo Mexico ke sahil par 11 din tak aik team ka hissa bane rahe. Jinho ne 11 barhi white sharks pakrhi aur un par research ke liye tag lagaey. Is research ka maqsad shark ki samander ke mukhtalif hisson ki taraf hijrat aur afzaiysh nasal ka jaiyza lena tha. Is research ka daurania 5 saal tha aur is mein satellite network ko istemal kiya gaya tha.

Paul walker jahan films aur marine biology ka shauq rakhte the, wahin inhe falahi kamon se bhi bohat dilchaspi thi aur yehi aik ache insaan ki khobi hai. March 2010 mein jab Chilly mein 8.8 shiddat ka earthquake aaya aur kafi tabahi hui to walker mutasireen ki madad ke liye wahan pohanch gaey aur jahan tak paul walker se mumkin ho saka inho ne madad ki. Isi tarah Haiti mein earthquake se mutasir hone walon ki madad ke liye banai gai aik tanzeem Reach out Worldwide ke sath wahan pohanche. Is ke ilawa California mein kaam karne wali falahi tanzeemon se bhi tawwunm karte rehte the.

Jaisa ke paul walker fast & furious mein bataur car race hero ke famous hue. Magar yeh haqiqat hai ke wo sirf film ke hero he nahi the, bal ke carrace ka bohat shauq rakhte the, isi liye inho ne red line carracing series mein hissa liya aur AE par farming team ke sath the. In ki car coverage out worldwide, antez, Brembo breakers, walk, OS giken aur hankook ne sponsor kiya.

30 November 2013 ko in ki red sports car ko us waqt hadsa pesh aaya, jab paul walker Roger Rodas ke sath reach out worldwide ke charity show mein shirkat ke bad wapsi ke liye rawana hue. Hadsey ke waqt Roger Car chala rahe the. Jab ke paul walker sath bethe hue the. Red sports car ne bijli ke pole se takrate he aag pakarh li, jis se dono ki mauqa par he maut waqey ho gai. Tahum police abhi tak is tehqeeq mein lagi hui hai ke kya hadsa road par car race lagane ki wajah se pesh aaya aur agar aisa hai to dosri car kahan gai. Tahum medical report se is bat ki tasdeeq ho gai hai,ke dono ki maut hadsey mein chote lagne ki wajah se hui. Roger Rodas aur paul walker ki dosti ki ibteda race meeting mein hui thi, is ke bad Roger, Paul walker ke financial advisor ban gaey aur is ke tamam business ke muaamlaat ko dekhne lage. Showbiz ki duniya ke super stars aur walker ke doston ne paul walker ki maut ko showbiz ki duniya ke liye aik bohat barha nuqsan qarar diya hai. Isi tarah Universal Pictures ki taraf se jari kiye gaey beyan mein kaha gaya hai ke paul walker ka studio ke sab se mehboob aur muazziz afraad mein shumar hota hai. Yeh idarey ke liye na qabil e talafi nuqsan hai.

Awards and Nominations :

• 1993 mein outstanding lead actor category mein The Youth in Film awards ke liye nominated hue.

• 2000 mein exciting new face category mein Young Hollywood awards ke liye nominated hue.

• 2001 mein break through male performance category mein Hollywood break through award jeeta.

• 2001 mein new style maker category mein Young Hollywood award jeeta.

• 2002 mein best on screen team category mein MTV movie award jeeta.

• 2003 mein choice movie chemistry category mein Teen choice award jeeta.

• 2009 aur 2011 mein teen choice award ke liye nominated hue.

More Links

 

 

 

 

Copy Right 2012-2015 www.Meriduniya11.com Contact Us