Header
Home  

 

 

 

 

 

 

 

 

Pashto Film History

Pashto is a language of Pakhtun peoples. Pashto mostly speaks in Afghanistan and in western and northwestern of Pakistan. It is known as a National language of Afghanistan. However, here we are talking about Pashto film industry. Pashto films started before the separation of Pakistan and India. Pashto film industry was made the first film “Laila Majno” in 1938 and it was completed in 1941. Pashto also created the stage, theatre and radio. In 1963, Pashto released the feature film “Palwasha”. In Past, the people loved so much to watch Pashto movies in cinemas, but now the Pashto film has fallen down too much. In this page, you can see the information about Pashto Film History.

Pashto Film History

Pushto Film Aur Pushto Film Industry

Pashto film image

Film na sirf aik mousir taqatwar nashriyati aur iblaghi zariya hai, bal ke aeham business aur sarmaya kamane ka bhi aik acha waseela hai. Film mehaz zehni ayashi, waqti musarrat aur zindagi ki talkh haqeeqaton aur zehni thakawat se kuch dair ke liye farar hone ka raasta nahi bal ke aik ba maqsad aur sehatmand tafreeh ke sath sath muaasharti, tehzibi aur taleem o tarbiyat ka bhi aik mousir tareen zariya hai. Aaj pori duniya mein jis tez raftari ke sath media war chal rahi hai aur beshtar mumalik ke bashindey jis lisani o tehzebi inteshar, muashi bechaini aur nafsiyati uljhano ka shikar nazar aate hain. In halaat mein drama aur film waghera qaumon ki muasharti aur saqafti zindagi ki asli pehchan aur shanakht ko roshnaas karwane mein aik aeham kirdar adaa kar sakta hai. Ab jahan tak Pashto filmon ka talluq hai aur is ki artistic iqdar o asraat se ba khabar aur aagahi ki baat hai. To afsoos se kehna parhta hai ke pakhtono ne aaj tak is zariye aur shobey ko muaasharti aur tehzebi maqsadiyat kise nahi. Yehi wajah hai ke muaashi nuqta nazar se to Pashto film aur Pashto film industry ne khob success ki hai.

Lekin tehzebi, ikhlaqi aur nazaryati bunyadon par pakhtono ki zindagi mein wo inqelab aur changing nahi la saki jo is ki zarorat tareekhi nuqta nazar se Pashto film ki baqaiyda ibtedaa taqseem Hind se taqriban 8 saal qabal 1938 mein hui thi. Pehli Pashto “ Laila Majno ” 1941 mein complete hui taqseem Hind ke bad aik lambe arsey tak Pashto films ka fuqdan raha, albatta is dauran logon mein Pashto stage, theatre aur radio ke dramas dekhne aur sunne ka riwaj aam tha. 1963 mein Pashto zuban ki aik dastawezi film “ Palwasha ” banai gai, jo aik feature film thi aur use Pashto zuban ke maroof poet, adeeb aur novel nigar marhoom Sadi Rasool Rasa ne Sarhad hukoomat ke tawwun se banaya tha jis par unhe Pride of performance se bhi nawaza gaya tha. 1968 mein “ Gul Sanga ” naam ki aik film ke director ke ghaban aur dhokey ki wajah se yeh koshish kargar sabit na ho saki. Isi dauran 1968 ke lagbhag dosri Pashto film “Yak Yousuf aur Sher Bano” Lahore ke ever-new studio mein banana ka aaghaz hua. Jis ka iftetah maroof comedian actor Rangeela ne kiya tha. Is film ke director Jameel Ahmed Khan the jo Mumtaz Ali Khan ke ustaad the.

1971-se 1980 tak ka zamana is hawaley se yadgaar daur yaad kiya jata hai. Ke is dauran jitni bhi films banai gai hain. In mein pakhtuno ki muaasharti zindagi, saqafat aur riwayat ki bharpor akasi ki gai, lekin 1981 ke bad banne wali Pashto films apni is riwayat ki patri se niche utar kar kuch ajeeb qisam ke dangerous raaston par chal parhi. Aaj kal aise aise naam rakhe jate hain. Jinhe parhte waqt sanjeeda pakhtun ke mou se pata nahi kya kya niklata hai. Is zaman mein hum is haqeeqat se bhi inkaar nahi kar sakte ke Pashto films jis ajnabi mahaul mein banti hain. Wahan Pashto film ka banna khud aik sansani khez khabar hai. Jin studios mein Pashto films ki shooting hoti hai. Aik aam Pashto film 10 lakh se 20 lakh rupees ki lagat se tayyar ki jati hai. Itne kam sarmaey se jo film mehaz paisa kamane ki khatir banegi, to zahir hai us film ka muaashi aur saqafti meyar ghattiya he hoga. Is ke ilawa aaj ziyada tar Pashto films ke musannifeen, filmsaaz, directors, actors, mausiqar aur distributers na to khud pakhtun hain aur na he pakhtuno ki riwayaat o iqdaar se waqif hain, bal key eh sab Kiraey ke Gorilla hai.

Purani Film Malala Yousafzai Exersice Tips

 

 

More Links

Retirement Ki Tayari

Husn e Akhlaq

Hakeem Saeed

Importance of Water

Jahez Ki Lanat

Nikah In Islam

Aurat Par Tashadud

Aurat Ki Kamzori

 

Copy Right 2012-2015 www.Meriduniya11.com Contact Us