Header
Home>Entertainment

 

 

 

 

 

Nadia Khan

Nadia Khan was born on 22 May, 1979. She is a very talented and intelligent Woman. In past, she worked in dramas. Then she hosted the morning show from Geo TV. This show was very popular. She is sincere and caring Woman. After two years now she is hosting the nadia Khan show from Geo TV. This show is very different from the other show. She is kind-hearted. In this page you will read information about Pakistani Tv host Nadia Khan in Urdu and Roman.

Geo Host Nadia Khan

Nadia Khan Photo

Iss duniya mein jo log dil se qarib ho un ke liye faasle koi hesiyat nahi rakhte. Nadia Khan ka shumar bhi aesi he shakhsiyat mein hota hai. Maazi mein Geo TV se in ka morning show be-had popular raha aur is show ke khatam ho jane ke bad bhi woh nazreen ke dilon mein maujood rahi. Ab woh do saal ke waqfe ke bad ek bar phir Nadia Khan Show mein nazar aa rahi hai. Ye show mukhtalif samaji masaeyl se mutalliq hai. Nadia Khan chon ke awam-ul-naas mein be-had maqbool hai aur un ki kahe hui baat nazreen bil-khusoos naujawano aur khwateen ke liye khusoosi aehmiyat rakhti hai. Is waja se us show ki afadiyat aur bhi barh jati hai. Pakistan ki awaam is show ke zariye na sirf apne masaeyl ko ek barhe platefarm par discuss hota dekh sakte hai,bal ke Nadia ki guftugo aur muskurahaten unhe ghamon se larhne ka hausla bhi deti hai. Shok-o-chanchal aur zihanat-o-khobsoorti ka imtezaaj maroof mezbaan Nadia Khan is se pehle Geo TV morning show ki mezbani mein apna loha manwa chuki hai aur ab evening show ki raunaq barhane aik bar phir chote parde par nazar aa rahi hai.

Nadia Khan Show Dubai

Nadia Khan pehle Dubai mein Rehaish pazeer thi, aur Dubai he se Morning Show Host kar rahi thi. magar ab woh apni waldah ki wafat ke bad Islamabad mein rehaish pazeer hai. Nadia ki sabse barhi khoobi ye hai ke woh apne mad-e-maqabil sanjeeda se sanjeeda ko hansne aur kam go ko bolne par majboor kar deti hai.unho ne maazi mein morning show ki mezbani ke dauran Pakistan he nahi balke Dunya bhar ki aeham shakhsiyat ko apne show mein madoou kiya tha. un mein Bollywood ke beshtar stars ke ilawa Bartania se gulokaar Sami Yousuf aur Micheal Jackson ke bhai German Jackson ki guftugo ko nazreen ne be-had pasand kiya.

Ab Nadia Khan Show mein woh ek bar phir nae andaaz mein nazar aa rahi hai. 1st episode mein actress Nadia Jamil, Director Sarmad Khoosat, singer Khawar Javed, actress Resham, Dr.Umar Adil, Shahida Mini ko madoou kia gaya. Khawar Javed ne Nadia Khan Show ka title song bhi gaya hai,jo unho ne is program mein nazreen ke lye pesh kiya. Pehle show mein Nadia ne apne mehmano ke samne program ke format par guftugo ki aur gher hazri ke daurn apni masrofiyaat aur tajarbat se bhi aagah kiya. Nadia Khan Show ne apne pehle show se he nazreen ki tawajja apni janib mabzool karwa li hai aur woh is Episode mein sabiq sadar Parvez Musharraf ki do tok guftugo se bohat mehfooz hue. Unho ne mukhtalif mushkil sawalat ke jawab apne makhsoos andaaz mein diye.in par tabsara karne ke liye penal mein actress Laila aur maroof Sahafi Sohail Waraich maujood the.

Nadia Khan With Veena Malik

2nd episode mein Nadia Khan ne Veena Malik ko madoou kiya tha. Parvez Musharraf ki tarha Nadia Khan ki Veena Malik se ye khusoosi mulaqat bhi Dubai mein hui thi,ye jazbat aur inkeshafat se bharpoor program tha jis mein Veena se mutalliq bohat se haqaiq par se parda uthaya gaya tha. Is show mein nazreen ne Veena ki baten bhi suni aur mukhtalif issues par unka muaqif bhi jana. Studio mein maujood mukhtalif shakhsiyat ne Veena ki baton ke hawale se apni raey ka izhaar kiya,is penal mein Veena ki grooming mein aeham kirdar ada karne aur unhe screen par lane wale Khawar Riaz Veena ke sathi mukarram kaleem aur adakaar Babrik Shah shamil the. Babrik ne apne aur Veena ke talluqat ke hawale se kuch inkeshafat bhi kiye.

Veena Malik ne apne makhsoos bold andaaz mein guftugo ki aur har sawal ka wazeh jawab diya. Veena khud par ki gai tanqeed bardasht na kar saki aur program chor kar chali gai. Mezban Nadia Khan ne unhe manane ki bohat koshish bhi ki,kyun ke Nadia Khan apne har Mehman ke sath acha bartao rakhne ki pori koshish karti hai,ke Nadia ki kisi bhi baat se koi mehman naraz na ho aur dauran-e-program comfortable aur easy feel karen. Nadia Khan straight forward hai,woh seedhi or simple baat karna janti hai,jo ke achi baat hai aur logo ko unka andaaz pasand bhi ata hai. Bohat he aur mohabbat karne wali khatoon hai,sab ke sath bohat pyar se pesh ati hai.barho se tameez aur aahistagi ke sath guftugo karti hai. Ta ke kisi barhe ko unki kisi baat se taklif na pohanche. Nadia Khan ka ek andaaz bachpana bhi hai,jise dekh ke bache to bache barhe bhi bohat lutf andooz hote hai. Jese maazi ke Morning Show ke program mein unka ek last segment bohat acha hota tha,jo sab ko bohot pasand tha, HAPPY TO YOU. Jis mein sab mil kar enjoy karte the.Is show mein Senior sahafi Aashiq chowhdri, Photographer, Producer, Director Bunty aur mahir nafsiyat Dr.Sadaf ne Judges ki hesiyat se shirkat ki. Show ke format ke mutabiq mehman ko awaam ki janib se record shuda peghamat sunae jate hai aur un sawalon ka jawab hasil kiya jata hai.

Nadia Khan Night Show

Ab Nadia Khan Show Subha ke bajae (night ) Raat mein pesh kiya ja raha hai. Program ka waqt he nahi balke format bhi yaksar tabdeel kar diya gaya hai. Ye aik bilkul mukhtalif Show hai aur Nadia Khan jesi takhleeqi salahiyaton ki hamil shakhsiyat se ase he mukhtalif aur dilchasp show ki tawaqqa ki ja rahi thi. Ye show apk liye nae nae ache topics lata rahega,khwan woh kisi bhi hawale se ho,ap apni raey se bhi aagah kar sakte hai,program ke format ke hawale se ya ap kuch aur naya dekhna aur sunna chahte hai to ap bata sakte hai,ye progarm bachon ke liye bhi bohat acha hai aur Waaldain ko chahiye ke woh apne bachon ko un ke hawale jo program ho woh dikhae ta ke bache kuch acha seekh sake. Deeni aur Dunyawi baton par ghor kar sake, Ache bure ki sahi ghalat ki pehchan kar sake aur khud ko durust kar sake. Basically ye program hai he un baton par Roshni dalne ke liye,jin baton ko logo ne bohat piche chor diya hai aur woh isi waja se din-ba-din apna aur apne sath sath dosron ka bhi nuqsan kar rahe hai. Jo baten,cheezen bohat zaroori hai hamare liye. Unko dekhiye,samjhiye,janiye or apna aj aur kal sanwariye. Jis tarha ap Nadia Khan ko pasand karte hai,usi tarha in ke Show ko bhi pasand karen. Umeed hai ke apne dilchasp format aur Nadia Khan ki zehanat-o-shokhi ke sabab ye show bohat kamiyab rahega aur is ki shauhrat-o-maqbooliyat mein din-ba-din izafa hota jaega.

 

 

More Links
 
 

 

Copy Right 2012-2014 www.Meriduniya11.com