Header
Home>Entertainment  

 

 

 

Malika Pukhraj

Malika Pukhraj was born on 17th October 1912 in the Village of Jammu Kashmir, at Hamirpur Sidhar. She was a popular and very talented folk and ghazal singer of pakistan. Malika Pukhraj died on 4th February 2004 in Lahore. In this page you can find the information about the “ Queen ” Malika Pukhraj Biography In Urdu.

Malika Pukhraj Biography

Malika Pukhraj Photo

Mauseeqi ki duniya mein naam peyda karne wali singer Malika Pukhraj 17 October 1912 mein Jammu Kashmir ke aik Village Hamirpur Sidhar mein peyda hui. Aankhen kholte he Malika Pukhraj ne apne ird gird mauseeqi ka mahaul dekha. Gharane ke riwaj ke mutabiq unhe 3 baras ki umar mein he muaseeqi ki tarbiyat ke liye Ustaad Ali Bakhsh Qasooria jo Ustaad Barhe Ghulam Ali Khan ke walid the, in ke hawaley kar diye gaya. 5 baras ki umar mein Malika Pukhraj ne raqs aur mauseeqi ki taleem hasil karne ke liye Dehli ka rukh kiya. Jahan marhooma ne apne waqt ke mane hue Fankaron Ustaad Momin Khan, Ustaad Maula Bakhsh Talondi aur Ustaad Aashiq Ali Khan se narat bhao ki tarbiyat hasil ki. 9 baras ki umar mein unho ne Maharaja Hari Singh ki Tajposhi mein shirkat ki aur wahan gana gaya. In ke fun ki shohrat pehle he darbar mein pohanch chuki thi.

Malika Pukhraj ki gaeyki ka bunyadi asloob ghazal ko mukhtalif raag ragniyon mein pesh karne ka khas andaz tha. Wo alfaz ki adaeygi aur talaffuz par bohat zor diya karti thi. Lod geeton ke hawaley se bhi in ki munfarid pehchan thi. Unho ne gulokari ke sath sath filmsazi bhi ki aur 4 films “ 4 din 1947, Daak Bangla 1947, Kajal 1948, aur Shami 1950 bataur filmsaaz banai. Bataur actress bhi aik film “ Civil Marriage ” mein kaam kiya magar phir adhora chor diya tha. Malika Pukhraj ne 2 films Azaadi Watan 1946, aur Shami 1950 ke gane bhi gaey. Film Shami mein in ke hamrah Master Inayat Hussain Marheem Composer the. Jab ke aik gane mein gulookar Inayat Hussain Bhatti marhoom bhi hamrah the. Marhooma ne Radio Pakistan aur bad azz PTV Lahore se bhi yadgar gane gaey. Malika Pukhraj ko 1982 mein tamgha e Husn karkardgi se nawaza gaya. Is ke ilawa unho ne Nigar Award, Graduate Award aur deegar bohat se Award bhi hasil kiye.

 

 

 

Copy Right 2012-2013 www.Meriduniya11.com