Header
Home>Entertainment

 

 

 

 

 

Malaika Arora

Malaika Arora( born on 23 August 1973) She is an bollywood actress and also a model and dancer. Malaika performance many stage dance show. Malaika Arora is Indian top Item girl. Malaika Arora is a wife of Arbaaz Khan and she has a son Arhaan Khan.Malaika Arora started her career from Modeling. Malaika looks very gorgeous. She started work on big screen from film “ Dil Se. Here we are establishing Malaika Arora news and gossip in Urdu and Roman Hindi.

Malaika Arora News In Urdu

Malika Arora Photo

Salman khan ke chote bhai Arbaaz Khan ki wife Malaika Arora Khan ko bollywood ki sab se mehngi aur sab se ziyada kamiyab Item Girl ke taur par jana jata hai. Sex appeal aur glamour ke muqabley mein asal mein Malaika ka koi jawab nahi hai. Sanjay Dutt ke sath film “ EMI ” mein pehli baar Malaika Arora Khan ne thora barha role ada kiya tha. Lekin wo is mein rang jamane mein nakaam rahi. Malaika Arora Khan ne kabhi bhi filmon mein heroin banne ki koshish nahi ki. Wo sirf Item kar ke he kafi khush hain.

Malaika ko dekh kar koi keh nahi sakta ke wo aik 9 saal ke bete Arhaan Khan ki Mother hain. Malaika ki qad-o-qamat aur naaz adaaon mein jinsi husun ka aehsaas dikhai deta hai. Home production ki film “ Dabbang ” mein “ Munni ” ke taur par Malaika ko kafi shohrat mili. Malaika Arora Khan ne apne career ki shuruwaat Modelling se ki thi. Us dauran inho ne apne kafi maddah banae. Barhe pardey par in ki shuruwaat film “ Dil Se ” se hui thi. Is ke bad film “ Om Shanti Om ” aur “ Welcome ” jaisi qareeb 1 darjan filmon mein unho ne yadgaar Item kiye.

Apni Luck ke liye Malaika khas pehchan rakhti hain. Malaika Arora Khan ne apne figure ko kafi heyran kun tareeqey se chust durust rakha hai. In ki figure itni shandaar hai ke dekhne wale bar bar dekhna chahte hain. Malaika ke khayal bhi kafi khobsurat hain. In ka kehna hai ke khobsurat dikhne ke liye dil ka khobsurat hona bhi zaroori hai. Agar aap khush rahenge to aap ka jism bhi khobsurat rahega aur lagta hai ke in ki kamiyabi ka yehi formula hai. Bollywood mein apni position ko le kar Malaika Arora Khan pori tarha mutmaiyn hain. Unho ne industry ki is soch ko torha hai ke Model kabhi achi actress nahi ho sakti. Sajid Khan ki direct ki hui film “ HouseFull 2 ” mein aik be had pharakte Item ke sath he Malaika Arora Khan ke hisse mein is baar kuch jazbati scene bhi aae hain.

Malaika ne superstar Salman Khan ke bhai Arbaaz Khan se shadi karli. Shahrukh aur in ke jaet Salman Khan ke mabain tanazaat ke bayis bol chal bandh hogaye. Salman khan ki taraqi ka safar bhi jari raha. Yahan tak ke woh Indian box office ke sab se super star qarar paye. Qabil e zikar baat ye hai ke Salman ne Malaika aur in ke shohar Arbaaz Khan ki Production ki thi. issi film yani “Dabangg” mein Malaika ne apne jaet ke humrah woh item song kiya jo aaj bachchay bachchay ki zabaan par hai yani munni badnam hui!

Dabangg Dance of Malaika Arora

Malaika kay “Munni badnam hui” jo shohrat naseeb hui, iss ko pesh nazar rakhtay hoye bay ikhtayar ye misra zaban pa aajata hai kay “badnaam agar hoon gay to kia naam na hoga!” naam kay alawa sab say bari haqiqat ye hai kay “Munni badnam hoye to Malaika par dolat ki barish hui” khun kay “Dabangg” nay record business kia. Iss ganay mein Malaika ki performance aur in ka intahaye mutnasib sarapa dakh kar qutyan ye nahi lagta kay woh aik 8 saala batay ki maa hain aur iss maa apni umar 38 saal mein qadam rakh chuki hain haqiqat ya hai kay Malaika ko apnay kisi khubi, khubsorti ya khus nasibi ki khatir koye khas tak o do nahi karti jab kay inki sathi adakarayein filmoon mein roll hasil karnay aur apna size kum kar nay ki jado jehad mein lagi rehti hain. Malaika iss kisim ki koshishon say bay nayaiz hain.

Malaika Arora kehti hain filmon mein mujhay kabhi bohat dil chuspi nahi rahi albata ganay aur dance picturice karana mujhay bohot achchah lagta hai. issi liye woh apni hareef adakarayon ki manind side rolls character roll kay pechay nahi bhagti. iss kay bajaye woh apni 16 mein say 12 filmo mein “special song appearance” per hi bohot khus hain. Aur ayenda kay lia bhi issi silsilay ko jari rakhnay ki khuhismand hain. lakin jab kabhi bhi woh arsay kay lia screen say gayeb hoti hain tab woh apnay ghar ko saja sawanr nay aur zabardast qisim kay khanay bananay mein masroof rehti hain.

Aap ko ye jaan kar hairat ho gi unhoon nay London kay Culinary School say khana pakanay ka cores bhi kia hai. Item songs main iss qader nazakat kay sath apnay jalway bekhirnay wali Malaika kay baray main kise ko guman bhi nahi ho ga kay who thai food aur pastry banay ki mahir hain. Woh khod bhi sahatbaksh khana khany ki shoqeen hain. segret noshi nahi karteen aur surkh gosht say parhez karti hain layqin ghir kay dosrey afrad ko woh gosht khanay say nahe rokten khunkay woh sub iss kay shoqeen hain. Albatta “ cheese” khanay main woh koi harag nahi samghteen.

Malaika ka khayal hai kay shadi shuda honay say kisi aurat ki kashish ya maqboliat main koi kami nahi ajati. Bohot see purkashish treen aur maqbool treen khawateen shadi shuda aur bachoon wali hain. Na janey khun hamaray mulk mein ye tasawar kar lia gaya hai kay aurat kay liye iss ki har aheliyat ka mayar iss ki ghair shadi shuda aur kamsin honay say mashroot hai.

Malaika kay bayaan kay mutabiq, Jis waqt unhoon nay "Chal Chaiyya Chaiyya" kia, iss waqt woh apni kam umri kay bayis har kaam ko aik khal samajhti thein lakin dance bahar haal kisi na kisi tour in ki zindagi ka hissa tha. Lehaza Malaika apnay shayeqeen ko apni iss lajawab salahiyat kay chotay chotay muzahroon say gahay ba gahay nawazti rehti hain khun kay woh kam aur acha kaam karnay ki qayel hain.Pichlay saal ka gana tha aur in ka agla gana 2012 mein manzar aam aya. Malaika nay hastay howay kaha kay nazareen ko intazar bhi karwana chahiye khun kay app jatna intazaar karwayein gi in ka shoq itna hi barhay ga.Malaika say jab ye sawal kiya gaya kay woh ab katni performance ka muzahara karchuki hain tab inhain sahi tadad to yaad nahi ayi lakin guzray dinoon ko yaad kartay hoye Malaika nay bataya kay mujhay yaad hai kay “Chayaan Chayaan” kay baad mera pehla show Dubai mein howa tha, iss waqt pora Areena, gunjayish say dugnay logoon say bhara huwa tha aur log bilkul dewanay horahay thay kay mein dobara perform karoon.

Malaika kay besumar parstar hain aur inn mein say khuch dewangi ki hud tak inhain chatay hain lehaza aisay "crazy fans" inn kay lia ghar mamuli ya anokhi baat nahi inn mein say khuch har subha inn hain phool bhajhtay hain, khuch inn kay liye nazmain likhtay hain, khuch har dam inn ki galyoon kay pharay lagatay hain kay shaid inn ki jhalak dekhye day jaye. Aur khuch aisay bhi hain jo apnay khoon mein qalam debow kar inn hain khat likhtay hain.

Malaika Arora ko khana pakanay kay alawa music sunna bhi bohot pasand hai. Mashhoor logoon ki biography shoq say parti hain aur mystery say bharpoor kitabain bhi inn hain bohot pasand hai. Inn ka aik aur shoq jaan kar app ko hairat hogi kay woh adventure ki bhi bohot shoqeen hain. woh aik martaba nahi balkay do martaba Shark machliyoon kay darmiyaan paraki say lutf andoze hochuki hain. Ye karnama unhoon nay sahat kay doraan anjaam dia tha. Mustaqbil kay liye unka mansoba aik restaurant khulnay ka hai. aur inn ka ye restaurant sahil samundar par neelay paniyoon kay saath hoga. Lakin jabtak inn ka ye khuwab tabeer paye woh Mumbai mein hi aik restaurant par itafa karain gi.

 

 

 

 

 

 

Copy Right 2012-2013 www.Meriduniya11.com