Header
Home>  

 

 

 

 

Mahira Khan

Mahira Khan was born on 21 December 1982 in Karachi. She is 30 years old. Her full name is Mahira Hafeez Khan. Mahira Khan is working as a Pakistani actress and VJ. She started her career at the age of 16 in the satellite TV channel MTV Pakistan and Aag Tv as a VJ. Mahira Khan started her debut career the film “Bol” with Atif Aslam, Umaima Malik and Iman Ali in 2011, directed by Shoaib Mansoor. She is a very talented and great performer. Now Mahira recognize herself because of the Drama serial Hum Safar, Niyat and Shehr e Zaat. She passed the O level Examination from the Foundation Public School and then she admitted in the University of Southern California. Mahira Khan married with Ali Askari, she met him in Los Angeles. She has one son named Azlaan. Mahira Khan received Pakistan Media Award for best actress drama serial Hum Safar in 2012. She won the Lux Style Award for best actress drama serial Hum Safar in 2013. Mahira Khan won the Hum Award for best actress drama serial Shehar e Zaat in 2013. In this page, you can see the information about Mahira Khan personal Life.

Mahira Khan Personal Life

Mahira Khan Photo

Mahira Khan ka pora naam Mahira hafeez Khan hai. Mahira Khan 21 December 1982 ko Karachi mein peyda hui. In ka shumar Pakistan ki maroof VJ aur actress ke taur par hota hai. Mahira satellite TV channel MTV Pakistan aur Aag TV channel par bataur VJ host kaam kar chuki hai. Mahira ne Shoaib Mansoor ki film BOL se apne filmy career ka aaghaz kiya. Is film mein in ki performance ko nazreen aur naqadon ne behad saraha. Is ke ilawa Mahira TV serials Hum Safar, Niyat aur Shehar e Zaat ke hawale se pehchani jati hai. Mahira Khan ne Foundation Public School se O level pass kiya aur phir Mahira ke dil mein America jane ki khuwahish angrai lene lagi, in ka khayal tha ke Karachi se nikal kar he wo Zindagi mein koi barha kaam kar sakti hain. Chunache Mahira ne University of Southern California mein admission le liya. Dauran e taleem mukhtalif kaam kiye. Mahira ki parwarish joint family system mein hui thi. Dada Dadi bhi in ke sath raha karte the, jab ke Phuppi ka ghar baraber mein tha. Is bhare pure mahaul ko chor kar America mein waqt guzarna bohat mushkil ho raha tha. Lekin Mahira pur azam thin ke wo kuch ban kar dikhaengi. In dino ko yaad karte hue wo kehti hain. Yeh wazahat karna mushkil hai ke main America mein qeyam karne ke barey mein kyun ba zid thi. Shayad mujhe aage barhne aur apni salahiyaton ke izhaar ke liye waqt darkar tha. Los Angeles mein in ki mulaqat Ali Askari se hui jo bad mein Mahira ke Husband ban gae.

Is se pehle Mahira ne kabhi actress ya VJ banne ke barey mein nahi socha tha. Bal ke wo Los Angeles mein sanjeedgi se taleem hasil kar rahi thin. Vacations mein Ali Askari ke hamrah Pakistan aa gai aur Marketing mein internship ki khatir apna naam Indus TV mein registered karwa liya. Magar Mahira ki shart yeh thi ke vacations khatam hote he wo wapis America chali jaengi. Is barey mein apne tassurat beyan karte hue Mahira ne kaha ke mujhe is kaam mein maza aane laga. Is se pehle maine aisa kuch nahi kiya tha, is lihaz se yeh mere liye aik dilchasp tajurba tha. Inhe dino Ali Askari ne Mahira ko propose kiya aur main ne apne parents ki mukhalfat ke bawajod Ali se shadi kar li. Mehreen Jabbar ne inhe aik drama Malal mein kaam karne ki offer ki, jis ki shooting Newyork mein hona thi. America jane se aik hafte qabal Mahira ke pregnant hone ka inkeshaf hua, jis ki wajah se inhe yeh show chorna parh gaya. Phir betey ki peydaiysh ke 2 months bad film BOL mein kaam kiya.

Mahira Khan Career

Mahira Khan ne 16 saal ki umer mein VJ ke taur par apna career shuru kiya. Mahira ne MTV Pakistan ke show most wanted mein week mein 3 din hosting ki. Jab ke Aag TV ke show week and with Mahira mein bhi jalwagar hoti rahi. Mahira Khan ne 2008 mein Shoaib Mansoor ke sath Lux Style Award ki hosting ki, jab ke 2013 ke Hum awards mein Mahira Khan Meekal Zulfiqar ke sath host thi.

Mahira Khan Filmography

Ta haal Mahira ke credit par aik he film BOL hai, jis mein in ke sath Atif Aslam, Umaima Malik aur Iman Ali waghera ne bhi kaam kiya tha. Is film ko meyari kahani aur best direction ki wajah se bohat pasand kiya gaya aur naqadon ne Mahira Khan ki karkardegi ko sarahte hue kaha ke Mahira Khan ne bohat achi tarha film mein apne aap ko pesh kiya hai. Maloom hua hai ke is film ki release ke bad Bollywood ke kuch producers ne Mahira se rabta karne ki koshish ki, lekin Mahira Khan ne Indian films mein kaam karne mein koi dilchaspi zahir nahi ki.

Mahira Khan TV Drama

Mahira Khan ka pehla TV Drama Niyat ARY Digital se telecast kiya gaya. Is mein Humayun Saeed, Ahsan Khan and Deepti Gupta ne bhi aeham role ada kiye the. Phir use Hum TV ki super hit serial Hum Safar mein Fawwad Khan ke bil maqabil lead role play karne ka mauqa mila. Is serial ne kamiyabi aur maqboliyat ka new record qaiym kiya aur is ke sath he Mahira Khan ki shohrat bhi duniya ke kone kone tak phel gai hai. Pori duniya mein jahan kahin Urdu dramas ke shaiyqeen maujood hain. Hum Safar mein Mahira Khan ke role ko be had saraha aur dekhte he dekhte wo Television ki maqbool tareen actress ban gai hain. Mahira ne aik aur drama serial Shehar e Zaat mein Mohib Mirza aur Meekal Zulfiqar ke sath kaam kiya. Yeh drama Hum TV se telecast kiya gaya. Is serial mein Mahira ne Falak ka role play kiya aur is ki badaulat Mahira Khan ka shumar Television ki best actresses mein hone laga. Yeh serial 2 saal tak chalta raha aur nazreen ki bharpor tawajja hasil karne mein kamiyab raha. Aik survey ke mutabiq is serial ki sab se barhi attraction Mahira Khan thi jis ki wajah se log is drama ki har episode baqaiydgi se dekha karte the. ARY Digital se Mahira Khan ka aik aur drama Main Mansho be had pasand kiya gaya. Jis mein Mahira Khan ne Sarmad Khoosat, Imraan Abbas aur Saba Qamar ke sath kaam kiya hai.

Mahira Khan Awards

Mahira Khan se apne mukhtasir career mein jo awards hasil kiye hain, un ki detail kuch yun hai.
Pakistan Media Award 2012, Best actress, Hum Safar. Lux Style Award 2013, Best actress, Hum Safar.
Hum Award 2013, Best actress, Shehar e Zaat.

More Links

 

 

 

 

Copy Right 2012-2015 www.Meriduniya11.com Contact Us