Header
Home>Entertainment

 

 

 

 

 

Huma Qureshi

Huma Qureshi was born on 28th July in Dehli, India. She is 27 years old. Huma Qureshi is an Indian film actress. She is the sister of model and actor Saqib Saleem. Huma started her debut in the film Gangs of Wasseypur for supporting role in 2012 and then same year she worked in comedy film "Luv Shuv Tey Chicken Khurrana". In 2013 she worked in "Ek Thi Dayyan". Now she works in the new film "Dedh Ishqiya", it will be release on 13 December. In this page you will find the information about the bollywood actress Huma Qureshi Film Dedh Ishqiya in Hindi.

Huma Qureshi In Dedh Ishqiya

Huma Qureshi Photo

Bollywood actress Huma Qureshi ne nae film “ Dedh Ishqiya ” mein Konkona Ranawat ki jagah le li hai. “Dedh Ishqiya” film mein actress Madhori Dixit bhi aeham kirdar nibha rahi hain. Film release ke liye tayyar hai. “Dedh Ishqiya” film ki tahseer mohim ka bhi aaghaz ho chuka hai. Yeh film Ishqiya ka Sequel hai aur guzishta se pewasta saal he is ke sequel banana ka aelan kiya gaya tha, tahum aik saal tak to fil ki pehli cast ke aeham kirdaron ka chunao he amal mein laya gaya magar in mein Konkona Ranawat ko deegar filmy masrofiyat ke sabab film “Dedh Ishqiya” se alag hona parha, jis par Huma Qureshi ne Konkona Ranawat ki jagah le li.

Konkona Ranawat ka kehna hai ke wo apni deegar masrofiyat ko tark nahi kar sakti thin, jab ke film ke sequel ke aelan ke baad se arsaa tak film ki shooting iltewa ka shikar rahi. Producer Raman aur Director Abhishek Chobey ne film ki shurowat ke liye Konkona Ranawat ki jagah nae actress ka intekhaab kiya. Jis mein unho ne Huma Qureshi ko is aeham kirdar ke liye mauzoo jana aur film mein kaam karne ki peshkash kar di. Huma Qureshi ne film mein apne aeham kirdar ko dekhte hue kaam karne ki haami bhar li. Director Abhishek Chobey ka kehna hai ke actress Huma Qureshi ke career ke liye yeh film aeham morh sabit ho gi. Unho ne kaha ke film ki pori team ka intekhab intehai aeham kaam tha aur is mein humen 100 % kamiyabi mili hai. Konkona Ranawat ki jagah Huma Qureshi ka intekhab behtreen hai aur humen in ki salahiyaton par mukammal aitemad hai.

Huma Qureshi qabal az bhi apni performance se shaiyqeen ki tawajja hasil karne mein kamiyab rahi hain aur is aane wali film mein in ki performance bhi yadgaar ho gi. Unho ne kaha ke team ke sabhi seniors ki bhi yehi raaey hai aur actress ke barey mein achi tawaquaat wabasta ki ja sakti thi. Unho ne kaha ke bollywood mein apne qadam jamane ke liye Huma ko performance ke izhaar ka bhi saleeqa ata hai. Huma Qureshi ki kae khobiyon mein mazeed nikhar peyda ho ga aur in ki aane wali films mein in ki performance ke bhi charche honge. Idher Actress Huma Qureshi ne kaha hai ke aane wali film mein apne kirdar se mutmaiyn hon. Is film mein routine se hat kar kirdar nibhaya hai aur is baar bhi maine apni mehnat aur shauq se perform kiya hai. Khud par bharosa hai is liye shaiyqeen ki janib se mujhe ache response ki tawaqqa ki ja sakti hai.

Film Gangs Of Wasseypur, Luv Shuv Tey Chicken Khurrana aur Aik Thi Dayyan mein apni khobsurti aur acting ke liye shey surkhiyon mein aane wali actress Huma Qureshi ko films mein bold scene filmane mein koi aiteraaz nahi. In ka kehna hai ke film ki demand ke mutabiq har tarha ka kirdar nibhana he asal fankar ki khobi ko samne lata hai. Unho ne kaha aik achi film ke liye mujhe yeh manzoor hai. Lekin mehaz sansani pheylane ke liye main jism ki numaiysh nahi karongi. Agar film ko sirf jism ki numaiysh ke zariye farokht kiya jaega. To wo mujhe kisi taur qabool nahi ho ga. In ke mutabiq wo kahani ki maang ke mutabiq numaiysh karne se parhez nahi karegi. Director Abhishek Chobey is comedy thriller film mein Arshad Warsi, Nasir Uddin Shah aur Vijay Raaz bhi shaiyqeen ki tawajja hasil karne ke liye apni behtreen salahiyaton ka izhaar karte nazar aaenge. Producer Raman ki film screen play writer director Vishal Bhardwaj, Abhishek Chobey aur Bharti films ke mayanaaz naghma nigar Gulzar ne likhe hain. Hindi aur Urdu zabano mein yeh film rawa’n saal December ki 13 date ko Cinemas ki zeenat banai jaegi. Wazeha rahe ke is se pehle film Ishqiya bhi kamiyabi ke jhandey garh chuki hai, jis mein markazi kirdar actress Vidya Balan ne adda kiya tha.

 

 

 

More Links

 

Copy Right 2012-2013 www.Meriduniya11.com