Header
Home>  

 

 

 

 

Fawad Khan

Fawad Khan was born on 29 November 1981 in Lahore. He is a Pakistani actor, Model and Singer. Fawad Khan passed the A Level from Lahore Grammer School. He learned Guitar and Drum at the age of 20. Fawad Khan interested in Media Business since childhood. He worked in the Drama Jutt and Bond at the age of 19 in 2000. Fawad Afzal Khan made his acting debut from the film Khuda Ke Liye in 2007, directed by Shoaib Mansoor. Fawad Khan married (Fawad Khan Shadi) with Sadaf Khan in 12 November 2005 and he has one Son Ayyan Khan, who born on 2008. He performed in the drama serial Dastaan in 2010. Fawad Khan won the Pakistan Media Award for best actor drama serial Dastaan. He performed in the popular Music Series Coke Studio season 3. Same year he launched his album “ Shor Macha ”. Fawad Khan won the Lux Style Award for best actor “Khuda Ke Liye” and “Hum Safar”. He received the Tarang Housefull Award for best on Screen Couple film Armaan with Amina Sheikh. In this page, you can see the information about Fawad Khan Biography In Urdu.

Fawad Khan Early Life

Fawad Afzal Khan Photo

Fawad Afzal Khan 29 November 1981 ko Lahore ke aik Muslim gharane mein peyda hua. Fawad Khan ne apni zindagi ki ibtedai ayyam Yunan, Saudi Arabia aur British mein guzare. 12 years ki umer mein wo Lahore wapis aa gaya. Fawad ne Lahore Grammer School se A Level kiya aur pehli bar School ke he aik Drama mein inhe perform karne ka mauqa mila. Is drama ki direction Fawadke apne dost Minal Butt ne di thi. In ki shandar performance se mutassir ho kar TV director Anjum Shehzad ne in ki hausla afzaai ki aur advice diya ke wo TV Dramas mein qismat aazmai karen. Fawad ne 20 saal ki umer mein he Guitar aur Drum bajana seekh liya tha. 12 November 2005 ko Fawad Khan ki Shadi Sadaf Khan se hui. Fawad Khan ka beta Ayyan Khan hai, jo 2008 mein peyda hua. Fawad family mein in dino Lahore mein muqeem the.

Career

Fawad Khan ko bachpan he se Media business se he dilchaspi thi aur yeh baqaiyda planning ke sath is field mein aae. 19 saal ki umer mein he Fawad ko Jutt and Bond mein aik role play karne ka mauqa mila. Is show ke deegar artists mein in ka dosr aur Band Member Ahmed Ali Butt bhi shamil the. Yeh drama 2000 mein pesh kiya gaya. 2007 mein Fawad ne Shoaib Mansoor ki film Khuda Ke Liye se apna acting debut kiya. Yeh role pehle Ali Zafar ko offer kiya gaya tha. Lekin masroof schedule ki wajah se unho ne inkaar kar diya tha. Yeh film Pakistani industry ke liye aik sang e meel ki hesiyat rakhti hai aur is ki badaulat Fawad Khan bhi nazreen, Media aur naqadon ki nazar mein aa gaya. Fawad Khan as a model kae commercials mein bhi hissa le chuke hain. Jin mein Olpers, Pepsi aur Mobilink Jazz waghera qabil e zikar hain. Fawad ne designer Muneeb Nawaz ke liye ramp par walk bhi ki hai. Is ke bad inho ne Levis Pakistan aur designer Ammar Bilal ke liye bhi modeling ki.

2010 mein Fawad Khan ka band Entity Paradigm aik bar phir muttahid ho gaya. Jo 2007 mein toot gaya tha. Is band ne popular Television music series coke studio ke season 3 mein perform kiya. Isi saal ke aakhir mein band ne apna album Shor Macha release kiya, jis ka title track bohat popular hua. Is album ki launching ke mauqe par Fawad Khan ne kaha ke is track mein logon ko peygham diya gaya hai ke wo shikwa shikayat karne ke bajae amal karen, kyun ke yehi kamiyabi ka raaz hai. Isi saal Fawad Khan ne Hum TV se dikhae jane wale project Dastaan mein Hassan ka role play kiya. Is serial ke barey mein Fawad Khan ka kehna tha key eh aisa drama serial tha ke mana karna mumkin he nahi tha. Fawad Khan ka aik aur hit drama serial Hum Safar hai, jo Farhat Ishtiaq ke novel se makhuz tha. 2013 mein Fawad Khan ke credit par 2 aur drama Ashk aur blockbuster Zindagi Gulzar Hai maujood hai. Hum TV ki sarbarah Sultana Siddiqui ne bazaat khud is ki direction dene ki zimmedari qabol kar li. Wazeh rah eke Sultana Siddiqui Past mein PTV se kae kamiyab aur yadgaar drama produce kar chuki hain. Albatta Hum TV ki masrofiyat ke sabab inho ne kafi arsey se kisi drama ki direction nahi di thi. Lekin is serial ka script parhne ke bad wo is ki hidayat dene par tayyar ho gai. Zindagi Gulzar Hai mein Fawad Khan ke bil maqabil Model actress Sanam Saeed ne lead role play kiya hai aur dono ki screen chemistry bohat achi rahi. Is tarha Fawad Khan ne sabit kar diya ke wo kisi bhi talented actress ke sath pair banana ki salahiyat rakhte hain.

Fawad Khan Filmography

Fawad Khan ke filmy safar ki dastaan yahin khatam nahi ho jati, jaisa ke bataya ja chuka hai. Ke Fawad Khan ne 2007 mein Shoaib Mansoor ki film Khuda Ke Liye se apne filmy career ka aaghaz kiya aur is saal yani 2013 mein Fawad ne 1966 mein banne wali Waheed Murad ki Platinum Jubilee film Armaan ke remake mein aaj ki top star aur model Amina Sheikh ke bilmaqabil markazi role ada kiya, jab ke original film mein yeh dono role Zeba aur Waheed Murad ne ada kiye the. Fawad Khan aur Waheed Murad ka mawazna to nahi kiya ja sakta lekin yeh bhi haqiqat hai ke is type ki films ke liye Fawad Khan he best choice hai. Is film par inhe Tarang House full award for best on screen Couple with Amina Sheikh diya gaya.

Television Drama and Telefilm

Fawad khan ne ab tak jin TV serials aur telefilms mein kaam kiya hai. In ki detail kuch yun hai. Jutt and Bond, Satrangi, Dastaan, Akbari Asghari, Kuch Pyar Ka Pagalpan, Hum Safar, Ashk aur Zindagi Gulzar Hai. Jab ke Fawad Khan 2 telefilms mein Aaj Kuch Na Hua aur Behad mein bhi kaam kar chukka hai.

Awards

Fawad Khan ko apne career mein ab tak jo award mile hain un ki detail zeyl mein darj hai.
Lux Style Award for best actor Khuda Ke Liye. Tarand Housefull Award best on screen couple, Film Armaan ( Amina Sheikh ke sath). Lux Style Award for best actor, Hum Safar.

More Links

 

 

 

 

Copy Right 2012-2014 www.Meriduniya11.com Contact Us