Header
Home>Entertainment  

 

 

 

 

 

 

Dev Annad

Dev Annad was born on 26 September 1923 in Punjab. His father Kishori mil Annad was a famous lawyer. In 1943, Dev Annad came to Bombay to become an actor. Dev Annad ruled on Indian film industry for 60 years. His first film was “hum aik hain” released in 1946. Dev Annad was not only actor but he was a scriptwriter, producer and director too. His famous films are "Taxi Driver", Nirala, Kala Pani, guide, jaal, hum naujawan, tere mere sapne, asli naqli, no do giarah, panghat, solva saal, amardeep, hum dono, maya, house number 44, sharabi, hare rama hare karishna and many others. Dev Annad was a very hard working person. Dev Annad was died on 3 December 2011. In this page, you will read Dev Annad Biography, Dev Annad History In Roman Hindi.

Dev Annad History In Roman Hindi

Dev Annad Photo

Ye19 July 1943 ki baat hai ke frontier mail ke dabe se aik khubru nojawan Bombay ke central railway station par utra, is ke khubsurat bari bari annkhon mein hazar khuab saje the. Wo na sirf film industry mein dakhil hona chahata tha balke is par cha jane ki khuwahish bhi rakhta tha. Go us waqat us ki jeab mein sirf 30 rupe the. Ye nojawan koi aur nahi, bad ke dor mein Indian film industry ke ufaq par 6 dehaiyon tak musalsal jagmagane wala rukhshandah sitara Dev Annad tha.

Dharam Dev Annad 26 September 1923 ko Punjab ke zele gordaspur ki tehsil shakar gar (jo ab zeal Narowal mein shamil hai) mein peda howe, un ke walid Kishori mil Annad naami girami wakil the. Ghar wale Dev Annad ko “ICS” officer banana chahate the, yehi wajah hai ke unhon ne government college Lahore se angrezi mein owners kia lekin sarkari afsar banne ke leye nahi balke actor banne ke leye. Dev Annad boaht zahen the magar un ka rujhan filmon ki taraf tha. Is ki bari wajah banne the adakar Ashok Kumar. Howa kuch yun tha ke aik martaba Dev Annad ke shehar mein adakar Ashok Kumar film “bandhan” ke primer show ki takrib mein aye howe the. Dev Annad ne jab wahan Ashok Kumar ke madahon ka hujom dekha th usi waqat fasla kar leya ke wo bhi hero banne ge. Jab unhon ne is khuwahish ka izhar apne walid ke samne kia to unhon ne zara bhi mukhalfat na ki aur foran hi ijazat de di.

Dev Annad ke bare bhai Bombay mein teacher howa karte the, 1940 ki dehai ke awail mein wo un ke pas chale gaye. Dev Annad boaht sharmile the aur ye baat un ke hero banne ke shoq mein rukawat sabit ho rahi thi. Beharhaal unhon ne “Persian dairy” naami restaurant mein baqaidgi se jana shuru kar deya, jahan Bombay ke tamam artist aya karte the. Aik roz Dev Annad isi restaurant mein bethe chai ki chuskiyan le rahe the ke kisi ne bataya ke hidayatkar PL Santoshi ko aik naye hero ki zarorat hai. Bas phir kia thga Dev Annad agli subah hi un ke daftar ja pohanche. PL Sntoshi ne un ka number le liya aur jald rabta karne ka wadah kia. Aik mah bad phone aya ke screen test ke leye ajao. Jab Dev Annad pohanche to ye dekh kar un ki khushi kafor ho gai ke 50 ke lag bhag umeedwar wahan phele se mujod the. Beharhaal apni bari ka intezar karne lage, un ka shoq rang laya aur wo screen test mein pass ho gaye, Santoshi ne unhen apni film ke leye hero mutakhib kar leya tha. Dev Annad se 5 saal ka contract leya gaya aur un ki tankhuwa 500 rupe mahwar muqarar hoi. Un ki pheli film “hum aik hain” 1946 mein release hoi. Esi film ki shooting ke doran Dev Annad ki mulaqat adakar Guru Dat se hoi aur donon mein esi dosti hoi ke jo Guru Dat ki moat tak barqarar rahi. Usi zamane mein Dev Annad aur Guru Dat ne ye ehad kia ke un mein se job hi phele kamyabi ki manzil par pohanche ga, wo dosre ka hath tham kar use bhi kamyab hone mein madad kare ga.

Pheli film se Dev Annad ko koi khas kamyabi aur shohrat to na mili. Tahum un mein etemad bala ka agaya. Phir train mein safar ke doran itefaqan un ki mulaqat hidayatkar Shahid Latif se ho gai, jo foran hi dosti ki had tak ja pohanchi. Jab safar khatam howa to Shahid Latif unhen apni film “zidi” ka hero muntakhib kar chuke the. Is film ki kahani Shahid Latif ki ihliya aur mumtaz musanifa Asmat Chughtai ne likhi thi. 1948 mein release hone wali ye film Dev Annad ke filmi career ka aham mor sabit hoi aur isi ne unhen shohrat bakhshi. Isi saal un ki do aur filmein “hum bhi insan hain” aur “wediya” bhi release hoiein magar flop ho gaein. Wediya mein Dev Annad ki heroin Surriya thein, film benon ne is jori ko pasand kia. Unhon ne kai filmon mein aik sath kaam kia. Jin mein se “shair” bohat kamyab hoi. Is doran Surriya ka lagao balke jhukao Dev Annad ke sath barh gaya, akhbarat mein un ka scandal shurat pane laga, tahum Surriya ki nani ki janib se mukhalfat ki wajah se un ki shadi na ho saki aur Surriya ne to phir tamam umar shadi hi na ki.

Dev Annad ne filmi duniya mein us waat qadam rakha, jab Indian film industry mein Ashok Kumar, Raj Kappor, Delip Kumar aur Balraj Sahni ka tota bolta tha, ese deo qamad adakaron ki mujodgi mein apna muqam banana aur phir ese tawil arse tak qaim rakhna koi asan kaam na tha magar khubru Dev Annad ki seharangez muskurahat aur dilfareb maghribi andaz ki adakari ne filmbenon ke dil moh leye. Dev Annad ne riwayati hero ship se hat kar apna aik mufarid andaz mutarif karaya, wo apne dork e stylish adakar sabit howe. Aik khelandre aur shokh o shang hero ke tor parunhon ne khud ko manwaya.

Kamyabi pane ke bad Dev Annad ne apne dost Guru Dat se kiya howa wadahfaramosh na kiya, chunacha unhon ne Guru Dat ko aage barhane ke leye apni zati film “bazi” shuru ki, jo super hit sabit hoi. Is film ne jahan Guru Dat, S.D Barman, Sahir ludhyanwi aur Geeta Bali ko uroj bakhsha wahen Dev Annad ko bhi bator adakar fan ki bulandiyon par pohancha deya, is film mein Dev Annad ne Kalpana Kartik ko aik aham role ke leye chuna tha, jo is mein behad kamyab rahein. Yahen se un dononka love affair shuru howa, jis ke nateje mein Kalpana Kartik bila akhir Dev Annad ki bewi banni. 1956 mein hidayatkar Guru Dat ne apni zati film “CID” banayi aur is mein Dev Annad ke muqabil Wahidah Rehman ko mutarif karaya. Dev Annad ki mutadid filmein madh musiqi aur kanon mein ras gholne wale nagmat ki badolat kamyab hoein. Taham un ka filmi safar kamyabiyon ke sath sath nakamiyon se bhi ebarat raha. Jahan un ki filmein patita, taxi deriver, nirala, kala pani, guide, jaal, hum nojawan, tere mere sapne, asli naqli, no do giarah, panghat, solwahan saal, amardeep, hum donon, maya, house number 44, sharabi, hare rama hare karishna behad kamyab rahein. Wahan 100 karor, ishq ishq ishq, des pardes aur kai degar filmein bori tarah flop hoein. Dev Annad ne adakar ke elawa script writer, producer aur director ke tor par bhi apni salahiyaton ka loha manwaya.

Dev Annad ki jori sab se ziyadah Geeta Bali, Wahidah Rehman, Madhubala, Nutan aur kalpana Kartik ke sath pasand ki gai. Unhonne kai fankaron ko filmon mein mutarif karaya, jin mein se baz ne bohat naam kamaya. Zahida, Zeenat Aman, Tena Manim, Zarina, Tabu, Richa Sharma aur Jeki shorof. In sab hi ko film industry mein lane wale Dev Annad the. Unhon ne film annad aur annad mein apne bete Sunil Annad ko bhi mutarif karaya magar ese kamyabi nasib na hoi. September 2007 mein Dev Annad ki sawanah hayat “Romancing with life” shaya hoi, jise khasi pazirai mili. Dev Annad 6 dehaiyon se ziyadah arse se filmi duniya se munsalik rahe. Un ka inteqal 3, December 2011 mein howa.


 

More Links

 

Copy Right 2012-2014 www.Meriduniya11.com