Header
Home>  

 

 

 

 

Charlie Chaplin

Charlie Chaplin was born on 16th April 1889 in London. His real name was Sir Charles Spencer. Charlie’s Mother name was Henna and Father was Charles Chaplin Senior. His Mother was a famous actress of theater. Charlie had an elder Brother named Sydney. He started his career with Hamilton the Head of Black More Theatrical Agency. At the age of 12 Charlie worked in a drama “ Sherlock Homes ” as a page boy. It was a tour of forty weeks and Charlie took 2 pounds per week for his work. Charlie’s recognize in all over the whole World, because of his dressing, baggy pants, bamboo cane, bowler hat, over size shoes and moustaches of Hitler style. In 1908 he joined Fres Karno Pantomime Trope Company. After that Charlie joined the Essaay Company in 1914. He worked in fourteen films with this Company. Charlie’s first film was “ Make A Living ”. He had been a very famous person in whole World till 1918. In 1919 he based united artist distribution Company. Charlie got marriage with four times. He has eight children’s. Charlie received Oscar award in 1929 and then again he won the special Oscar award in 1972 for the film “ Lime Light ”. Charlie died on 25th December 1977 in Switzerland. In this page you can see the information about the great Hollywood artist Charlie Chaplin.

Charlie Chaplin Hollywood Star

Kaha jata hai ke hansana duniya ka mushkil tareen kaam hai. Kisi ko rulaya to bohat aasani se ja sakta hai, lekin dosron ke chehron par muskurahatein bikherna aik waqt talb kaam hai. Fun ki duniya mein mazah hamesha se aik dilchasp lekin mushkil maidan raha hai. Mazah likhna ya mazahiya acting karna har aik ke bas ki bat nahi. Yeh khudadad salahiyat hoti hai jo kisi ka muqaddar banti hai. Mazahiya films ka aaghaz usi daur mein hua jab cellulite films banna shuru hui aur khamosh films ke daur mein jab abhi sooti asraat ki technology ka door door tak kuch pata na tha. Tab Hollywood mein kae naamwar aur kamiyab comedians ne apne fun ka loha manwaya, kyun ke mukalme ke sath comedy perform karna alag bat hai, lekin awaz ke bagher sirf apni jismani harkat o saknaat aur chehre ke tassurat ke zariye comedy karna aur wo bhi is paae ki ke aik zamana is ka garweeda ho jae, nihayat mushkil kaaam hai. Is maidan mein apne qisam ka aik he actor guzra, jis ka naam Charlie Chaplin hai.

Charlie Chaplin duniyae film ki sab se barhi industry Hollywood ka wo star tha, jis ne apne daur mein apni har film mein infaradiyat ko qaiym rakhne ke liye mukhtalif tajurbat kiye aur in mein wo kamiyab bhi rahe. Wo aik actor, filmsaz, mausiqar, film editor, writer, producer aur screen writer the. Inho ne apni pori zindagi acting karne aur films banane mein guzari. Inhe apne fun se ishq tha. Yehi wajah hai ke itna waqt guzar jane ke bad bhi artists inhe jante hain. In ki copy karte hain, in ke har har andaaz ko apnate hain aur aisa karne mein fakhar mehsoos karte hain. Apne ikhteyar karda kirdar The Tramp ke zariye Charlie pori duniya mein icon ban gae. Inhe duniyae film ki tareekh mein aik aeham aur qabil qadar shakhsiyat mana jata hai. In ka career taqriban 75 saal par mushtamil hai. Charlie Chaplin ki maqboliyat mein in ki classic kirdari Tramp ka sab se ziyada akhal hai. The Tramp mein in ka zahiri hulliya ail Land mark ki hesiyat rakhta hai. Baggy Pents, Bambo Cane, Bowler hat, over size shoes aur hitler style ki moustaches ne in ki asal shakhsiyat ko gum kar diya aur aaj tak Charlie duniya bhar mein isi hulliye se pehchane jate hain.

Charlie Chaplin Biography

Charlie Chaplin ka pora naam Sir Charles Spencer tha. Charlie 16 April 1889 ko London mein paida hue. In ki maa ka naam Henna aur baap ka naam Charles Chaplin senior tha. Charlie 1 saal ke the to in ke parents mein alehdgi ho gai. Kasrat sharab noshi ki wajah se in ki maa ne shohar se qataa talluq kar liya tha. Isi liye Charlie ki yaddhasht mein in ke baap ke hawale se koi yaad nahi thi. In ki maa theater ki maqbool actress thi aur wo apne kaam ka acha muaawza liya karti thi.isi liye bachpan ka sarhe teen saal tak daur nihayat khush gawar aur sehal andaaz mein basar hua. Charlie se 4 saal barha aik bhai Sydney tha, jo bad azaa Charlie Chaplin ka manager bana. Charlie Chaplin ko apne bhai aur maa se bohat mohabbat thi. Maa ke kaam par jane ke bad Sydney he the, jo nanhe Charlie ki dekh bhal kiya karte the. Charlie bachpan he se bohat hassas the. Wo gharelo kaam kaaj mein apne bhai ka hath bataya karte the. Nasazi tabiyuat ki bina par jab in ki maa ne theater par kaam karna chor diya. Tab zindagi in ke liye aazmaiysh ban gai. 3 saal ki umer mein he Charlie ne takaleef aur masaib ka samna karna shuru kar diya tha. Bachapan ke is intehai conspiracy ke daur mein aik waqt bhi tha, jab Charlie ki maa ko apne dono beton ke sath kuch arsaa Lembith ke aik mohtaj khane mein guzarna parha aur jab in ki maa ne ghar bethe silaai karhai ka kaam shuru kiya to wo aik intehai pasmanda ilaqe mein 12 ft lambe aur 12 ft chore kamre mein bataur kirayadar zindagi basar karne lagi. Bachpan ki takaleef aur mushkil;aat Charlie ki jhalak Charlie ki pori zindagi mein kahin na kahin nazar aati rahi. Is ki zindagi musalsal bohrano mein guzri. Bohat kam umer mein wo aise sharab khano ke samne ghanton khare rehte jahan us daur ke maroof artists aur producers aate the. Fun se dilchaspi Charlie ko virsey mein mili thi. Isi liye tassawur mein Charlie khud ko un fankaron ki jagah mehsoos karte the.

5 saal ki umer mein pehli bar Charlie ne stage ka samna kiya. Yeh wo waqt tha, jab is ki maa aakhri bar theater par perform kar rahi thi. Lekin performance ke dauran he in ki tabiyat kharab hona shuru ho gai. Tab Charlie apni maa ke sath the aur stage ke back side par maujood the. Us waqt stage manager ne Charlie se un ki maa ki jagah perform karne ko kaha. Us waqt Charlie ne Orchestra ki dhun par aik famous geet jack Jones song gana shuru kiya. To logon ne Charlie ki bharpor hausla afzaai ki aur yahan se in ke fanni daur ka aaghaz hua. Isi stage par kae famous artists jis mein in ki maa bhi shamil thi, us ki parody ki. Charlie ke is act ke theater mein maujood audience par gehre asraat murattab hue. Wo stage par Charlie ki pehli aur un ki maa Henna ki aakhri performance thi. Is achi performance par bhi Charlie ke din na badle aur pait ki bhook mitane ke liye Charlie ne har tarah ke kaam kiye. Lekin dil mein sirf artist banne ki lagan thi. Wo har roze kaam se farigh ho jane ke bad apna libas pehante, shoes polish karte aur sham ko black more theatrical agency ke chakka kat’te rehte. Charlie ne is agency ke itne chakker lagae ke in ka wahid khobsurat libas is qabil bhi na araha ke wo yahan mazeed chakker laga saken.

In ki lagan sachi thi. Aik sin is company ke karta dharta Hamilton ne Charlie ki mustaqil mizaji ko dekhte hue inhe aik drama “ Sherlock Homes ” mein page boy yahi kam umer mulazim ladke ka role diya. Yeh 40 weeks ka tour tha aur is ke liye 2 pound aur 10 shelling per week muaawza milne laga. Us waqt Charlie ki umer sirf 12 saal thi. Us se pehle wo aik dance group mein bhi kuch arsey ke liye kaam kar chukka tha.

Maa ki wafaat Charlie ki zindagi ka sab se barha sadma tha. Pori zindagi inhe afsoos raha ke kamiyabi aur urooj ke daur mein in ki maa sath nahi in ke. 1908 mein 19 saal ki umer mein inho ne Fred Karno Pantomime Trope company join ki, jo inhe America le gai. Jahan inhe film producer Mack Sennett ne aik muaahede ke tehat sign kiya. Is muaahede ki rou se Charlie ko har hafte 150 dollar milne lage. Is ke bad 1914 mein Charlie ne Essaany company join ki, jo inhe har week 250 dollar deti thi. Yehi wo waqt tha, jab inho ne apne bhai Sydney ko apna business manager banaya. Is company ke sath Charlie ne 14 films ki. Charlie ki pehli film “ Make A Living ” thi. 1915 mein Charlie ne apna The Tramp wala kirdar takhleeq kiya. Jis ne in ke liye kamiyabi ke darwaze khol diye aur in ke maddahon ki tadad din ba din barhti chali gai. 3 saal ke bad Charlie ne is company ko kher bad keh diya aur mutual company se wabista ho gaya. Jo inhe aik saal ke 670,000 dollars ada karti thi. Is company ke sath inho ne 1916 mein One AM, The Rank, The Vagabond aur Easy Street mein kaam kiya. Apne career ke aaghaz se inho ne apni films direct karna shuru kar di thi. 1918 tak wo duniya ki jani mani shakhsiyat ban chuke the. 1919 mein inho ne aik distribution company artist ki buniyad rakhi.

Charlie ko perfectionist keh kar pukara jata tha. Wo bohat bareek bain aur zaheen the. Films mein kiye jane wale tajurbat ke sath in ke junoon se har koi aagah tha. Kisi bhi scene ko karne ke liye wo kae bar retakes den eke bad final shot ok karte the. Wo producer ke muaamlat mein bohat dakhal andazi karte aur aksar auqat un ki farmaiysh par cast se le kar kisi bhi amle ko tabdeel kar diya jata tha. In ki had se ziyada dakhal andazi bohat se logon ko nagawar guzarti, lekin Charlie us waqt ke badshah the. Tamam tar ghatiyon ke bawajood in ki qismat ka sitara urooj par tha.

1920 ka ashra Charlie ki zindagi ka sunehra daur tha. Is daur mein in ki kae yadgaar films The Kids 1921 mein, The Pilgrim 1923 mein, A Woman In Paris 1923 mein, The Gold Rush 1925 aur The Circus 1928 mein bani. Aakhri ki 3 films Charlie ki apni company united artist ke tehat release ki gai. 1930 se 1931 tak wo films mein masroof rahe. Usi saal banne wali film The City Lights ne tijarti bunyadon par zabardast kamiyabi hasil ki. Is film ke music ne Charlie ki kamiyabi ko ziyada mustehkim kar diya. 1936 mein The Modern Times mein Charlie ne apne famous zamana kirdari Tramp ke bagher kaam kiya. 1940 mein banne wali film The Great Director mein Charlie ne Hitler ko tanz o mazah ka nishana banaya aur is film ke zariye in par sakht nukta cheeni ki gai. Is film ki wajah se Charlie ko sakht tanqeed ka samna karna parha. Yeh Charlie ki pehli bolti film thi. Aik American ladki ke sath talluqat ki bina par inhe America mein sakht tanazaat ka samna karna patha. Isi tamam baton se ghabra kar America ko kher bad keh diya aur Switzerland mein sakonat ikhteyar kar li. Bad mein in ki aane wali films mein Monsieur 1947 mein, Verdoox, Lime Light 1952 mein A King In New York 1957 ein aur Accounts From Hong Kong 1967 shamil hai.

Off screen bhi in ki bohat maqboliyat thi. Wo apni har film ki heroin ke sath ishq larhate the. Inho ne 4 shadiyan ki aur in ki charon biwiyan bohat kam umer thin. In ki pehli shadi 1918 mein Mildred Harris ke sath hui, jin ki umer sirf 16 saal aur jab ke Charlie umer 29 saal thi. Yeh shadi 2 saal tak rahi. Is ke bad inho ne dosri shadi 16 saal ki ladki Lita Grey se ki. Lita ko Charlie ne apni film The Gold Rush mein cast kiya tha. Yeh shadi 1927 mein khatam ho gai. 1936 mein Charlie ne 28 saal ki actress Paulette Goddard se shadi ki. Us waqt Charlie ki umer 47 saal thi. 6 saal bad Charlie ne is se bhi alehdgi ikhteyar kar li aur phir 1943 mein aik play writer ki 18 saal ki beti Oonao Neil se ki. Us waqt Charlie 54 saal ke ho chuke the. Oona ke sath Charlie ki zindagi bohat khush gawar guzri aur in ke 8 bache hue.

Charlie Chaplin Biography In Hindi:

Charlie Chaplin us daur ke wo wahid actor the, jin ki 6 July 1925 ke time magazine ne top page par photo shaey kit hi.
Pore film career mein sirf aik bar 1929 mein charlie ko Oscar ka aezazi award diya gaya tha. Yeh Oscar award ki pehli tareeb thi. 1972 mein aik bar phir fiml lime light ke liye special Oscar award diya gaya tha. Yeh film charlie ne 21 saal qabal banai thi. Usi saal yeh charlie ka America aik taweel arsey ke bad aakhri daura tha.

1930 mein motion pictures ke tehat inho ne 2 films ki, jis ki direction, story aur acting sab Charlie ki thi. In dono films mein koi dialogues nahi the.

Charlie ne 4 shadiyan ki aur in ki tamam biwiyan in se intehai kam umer thin.

Aik actress John Barry ke sath in ke khufiya talluqat the. Is actress ka dawa tha ke Charlie is ki najaiz beti ka baap hai. Jab ke Charlie ne hamesha is bat se inkaar kiya. Is tanaze ki wajah se charlie ko adalti karwai ka bhi samna karna parha aur adalat ke hukom se aik lambe arsey tak is actress ki beti ka kahrcha uthate rahe.

Charlie ka aik novel Foot Lights 66 saal ke bad shaey hua. Is novel ko David Robinson ne murattab kiya tha. 1952 mein banne wali charlie ki film lime lights bhi isi novel par mabni thi. Italy ke shehar Bolivia mein Charlie Chaplin Arkives mein is novel ki ibtedai hisse mile the. Chaplin arkives mein aik lakh se zaiyd dastavez maujood hain.

Charlie ki beti Geraldine Chaplin ne 1992 mein Hollywood mein Charlie Chaplin ki zindagi par banne wali film mein charlie ki maa Henna ka kirdar kiya tha.

Charlie Chaplin ki wafaat 25 December 1977 ko Switzerland mein hui. In ki maut ke 3 months ke bad charlie ki dead body chori ho gait hi, choron ne body ke auz aik khateer raqam ka mutalba kiya tha, lekin police ki karwai se in ki dead body ko baziyab karwa liya gaya tha aur phir inhe dosri jagah 6 ft gehri qabar mein dafnaya gaya tha.

More Links

 

 

 

 

Copy Right 2012-2015 www.Meriduniya11.com Contact Us