Header
Home>Entertainment  

 

 

 

 

Bollywood Stars with Their Mother’s

Everyone says that, the back of every successful person has the hand of a Woman. This woman connects with any relation that Mother, Sister, Daughter and Wife. She can do anything for the success of his Father, Brother, Son and Husband. The famous and successful artists of Bollywood gives the whole credit of own career in the Indian film industry to his Mother. John Abraham, Ranbir Kapoor, Karishma Kapoor and Kareena Kapoor, Esha Deol, Abhishek Bachan, Anushka Sharma, Kajol, Salman Khan, Shahrukh Khan, Sushmita Sen, Ashwariya Rai and Sonakshi Sinha, they all gives the credit to their Mothers for the success in the Indian Bollywood film industry. They all say that, their Mothers are the best Mothers in all over the whole World. Their Mothers support and Love on every step of their life’s.

Bollywood Stars Ki Maa

Bollywood Star Mothers Photo

Kehte hai ke har kamiyab insaan ke peeche kisi aurat ka hath hota hai. Yeh aurat kisi bhi rishte ke hawale se ho sakti hai. Wo maa, behan, beti aur biwi ke roop mein apne piyaron ki kamiyabi ke liye sab kuch kar sakti hai. Aurat ka sab se khobsurat aur anokha ropp maa ka hota hai. Jo har tarah ki lalach aur gharz se paak hota hai. Aik maa apni aulad ki kamiyabi aur achchai ke liye amal se le kar duaa tak har zariya apnati hai. Bollywood ke maqbool aur kamiyab stars apni kamiyabiyon ka tamam tar credit apni maa ko dete hain.

John Abraham : Bollywood key eh charming aur handsome star, go ke wo maqboliyat hasil nahi kar paae, jo number 1 stars ko milti hai. Lekin inho ne chand achi films mein kaam kiya aur apne liye Bollywood mein jagah banai. John apni maa se bohat pyar karte hain aur in ke qareebi dost inhe mama’s boy kehte hain. In ka kehna hai ke aaj wo jo kuch bhi hai apni maa ki badaulat hain. John kehte hain ke meri maa ne mujhe zindagi ki qadar us ki aehmiyat, logon se pyar karna sikhaya. Meri maa ne mere har shauq mein meri hausla afzaai ki, khuwa wo sports ka shauq ho ya phir modeling ka ya phir acting ka. John Abraham ka kehna hai ke heavy super bike ka shuaq mere deegar tamam mashaghil par havi raha hai aur meri maa mujhe har new model ki bike zaror dilati thin. Yeh sach hai ke mere pore career mein meri tamam tar kamiyabiyon ki zimmedar sirf meri maa hain.

Ranbir Kapoor : Har aik ka yeh kehna hai ke Ranbir Kapoor mama’s boy hain aur wo khus is baat ko barhe fakhar se tasleem bhi karte hain. Ranbir ke mutabiq in ki zindagi ke har har lamhe ki khabar sirf in ki maa ke paas hoti hai. Wo kehte hain ke main apni maa ke bagher kuch bhi nahi. Mere har faisle mein khuwa wo career ke hawale se ho ya phir zaati zindagi ka. Meri maa mere har faisle mein shamil hoti hain. Aur haqiqat to yehi hai ke Netu Singh Ranbir Kapoor ke har muaamle mein shamil rehti hain. Khuwa muaamla kisi ladki ke sath date ka he kyon na ho. Industry mein Ranbir ki awwaleen chahat Deepika Padukon se in ka break up isi wajah se hua ke Netu ko Deepika zaati taur par pasand nahi thi aur sirf maa ke kehne par Ranbir ne Deepika se apna tallow torh diya. Ranbir ko Netu ki har tarah se support hasil hai. Isi liye wo apne har amal ke liye sirf apni maa ko jawab dena pasand karte hain.

Karishma Kapoor and Kareena Kapoor : In dono ko Bollywood ki mega stars banane mein sirf or sirf in ki Maa Babita ka hath hai, kyon ke in ke walid Randhir Kapoor nahi chahte the ke in ki betiyan films mein kaam karen, lekin sif apni betiyon ko industry mein lane ki khatir Babita ne Randhir se alehdgi ikhteyar kar li thi aur apni tamam tar tawajja apni betiyon par markooz kar li. Babita apni dono stars betiyon ke har har muaamle mein shamil rahi hain. In ke liye films ka intekhab ho ya phir kaprhon ka intekhab. Babita ne har muaamle mein apne hath mein rakha sab kuch. Khas taur par Karishma ke career mein wo har lamha in ke sath hoti thin. Yahan tak ke industry mein in ke khilaf batein hone lagi aur log yeh sargoshiyan karne lag eke Babita apni stars betiyon ko sirf apna paband bana kar rakhna chahti hain. Lekin haqiqat to yeh hai ke agar aaj Karishma aur Kareena barhi stars hain to sirf apni maa ki wajah se hain. Jis ne har lamha apni betiyon ki khatir jaddojehad mein guzara.

Esha Deol : Hema Malini Indian film industry ki kamiyab tareen actress hain. Lekin Esha Deol ki badqismati ke wo apni maa jaisi kamiyab aur maqboliyat hasil na kar saki. Halan ke Hema Malini ne in ke ache career ke liye har mumkin koshish ki. Lekin wo Esha ko is paae ki actress na bana saki, jo wo khud thin. Esha apni maa o apna ideal qarar deti hain. Esha Deol ka kehna hai ke Papa ke hote hue bhi jis tarah meri maa ne zindagi ke har muaamle mein hamari rahein hamwar ki, main un ehsasaat ko alfaaz mein beyan nahi kar sakti.

Abhishek Bachan : Abhishek Bachchan apni maa Jaya Bachan ko duniya ki behtareen maa qarar dete hain. Abhishek ka kehna hai ke aaj agar mere andar achai hai aur main aik acha insaan hon to is ka tamam credit mein apni maa ko deta hon, ke jis ne mujhe zindagi ki qadar aur achai burai ke barey mein sikhaya. Meri kamiyab azdawaji zindagi ki kamiyabi ka sehra meri maa ko jata hai. Ke jin ki badaulat main khushgawar zindagi basar kar raha hon.

Anushka Sharma : Anushka Sharma ne apne career ka aaghaz Yash Raj ki film Rab Ne Bana Di Jorhi se kiya. Koi nahi janta ke is ke peeche Anushka ki maa ki yeh khuwahish thi ke in ki beti ki debut film Yash Raj ke sath ho aur is ke liye inho ne Yash Chopra ko qaiyl kiya. Isi liye Anushka Sharma apni maa ki behad shukar guzar hai ke inhe zabardast start mila.

Kajol : Kajol ka talluq aise filmy gharane se hain jis ne Indian film industry ki tareekh mein aeham kirdar ada kiya. Kajol famous aur kamiyab Marathi aur hindi actress Tanuja ki beti hain. Jab ke Past ki actress Nautan ki bhanji aur Shobhna Samrat ki nawasi hain. Kajol apni maa ki bohat barhi fan hain. Kajol ka kehna hai ke meri maa na sirf aik bohat achi actress hain, bal ke aik behtareen biwi aur misali maa bhi hain. Ghar kis tarah basaya jata hai aur zindagi khas taur se azdawaji zindagi aur is mein aane wale nasheb o faraz se kaise samna kartehain. Yeh sab maine apni maa se seekha. Aaj main apne bachon ko bhi wo sab kuch batati aur sikhati hon jo meri maa ne mujhe bataya aur sikhaya hamesha.

Salman Khan : Bollywood ke muscles man Salman Khan duniya mein sirf apne maa ki har baat mante hain. Siwae shadi karne ki baat ke. Salman ka kehna hai ke meri maa meri zindagi ki sab se piyari aur qeemti shakhsiyat hai. 40 saal se ziyada ka hone ke bawajood Salman abhi tak apni waldah mohtarma ke sath rehte hain aur in ke siwa ghar mein kisi aur ke hath ka pakka hua khana nahi khate. Baqaul Salman Khan ke meri maa duniya ki no.1 chef hain. Salman ka kehna hai ke main shadi bhi usi ladki se karonga jo meri maa ki tarah hogi. Yani mukammal taur par ghar aur shohar par tawajja dene wali.

Shahrukh Khan : Bollywood ke badshah khan apni marhoma maa se bohat mutasir hain aur wo unhe fighter lady kehte hain. Kyun ke Shahrukh Khan aur in ki behan bohat chote the, jab in ke walid ka inteqal ho gaya tha. Tab Shahrukh ki maa ne tan tanha na sirf apne transport ka business sambhala, bal ke dono bachon ki parwarish bhi ki. Shahrukh ka kehna hai ke main ne aaj tak apni maa se ziyada mazboot aurat nahi dekhi.

Sushmita Sen : Aam taur par Sushmita ko aik azaad khayal, intehai pur aitemad aur bold aurat ke taur par jana jata hai. Lekin wo aesi hargiz na hoti agar in ki maa ki mukammal support hasil na hoti. Sushmita ke modeling ke daur mein har har lamha in ki maa ne in ki hausla afzaai ki. Yahan tak ke jab Ashwariya Rai jab miss Universe muqable ke liye hot aur favorite samjhi ja rahi thin. Tab Sushmita ki maa ne apni beti ki mukammal dil joi ki aur in ki hausla afzaai karti rahin. Jis ki badaulat Sushmita miss universe ka title hasil kar paai thin.

Ashwariya Rai : Ashwariya Rai ka kehna hai ke aaj in ki muqaddar mein jitni kamiyabiyan hain wo sab in ki maa ki badaulat hain. Wo kehti hain ke meri maan ne zindagi ke har qadam par mera sath diya. Main jab kabhi dukhi ya pareshan hui to unho ne he mujhe sambhala. Mai kiya bataon ke wo mere liye kya hain ??? main apni maa ke bagher kuch bhi nahi hon. Aaj jab mai khud aik beti ki maa hon to meri yeh he khuwahish hai ke main apni beti ke liye waisi he maa sabit hon, jaise meri maa mere liye hain.

Sonakshi Sinha : Sonakshi ka kehna hai ke meri maa meri sab se barhi naqad hain. Wo mere kaam par masbat tanqeed karti hain. Jis se mujhe bohat kuch seekhne ko milta hai. Mai apni maa ki har raaey aur mashware ko bohat sanjeeda leti hon. Kyun ke mai janti hon ke meri maa wo wahid insaan hai jo mere liye har tarah se acha he chahti hai.

 

 

 

 

Copy Right 2012-2014 www.Meriduniya11.com